Harivaṃśa (critical edition) 14

मार्कण्डेय उवाच आसन् पूर्वयुगे तात भरद्वाजात्मजा द्विजाः । योगधर्मम् अनुप्राप्य भ्रष्टा दुश्चरितेन वै

mārkaṇḍeya uvāca āsan pūrvayuge tāta bharadvājātmajā dvijāḥ / yogadharmam anuprāpya bhraṣṭā duścaritena vai

Sanskrit only: no published translation is held for this verse.

अपभ्रंशम् अनुप्राप्ता योगधर्मापचारिणः । महतस् तमसः पारे मानसस्य विसंज्ञिताः

apabhraṃśam anuprāptā yogadharmāpacāriṇaḥ / mahatas tamasaḥ pāre mānasasya visaṃjñitāḥ

Sanskrit only: no published translation is held for this verse.

तम् एवार्थम् अनुध्यान्तो नष्टम् अप्स्व् इव मोहिताः । अप्राप्य योगं ते सर्वे संयुक्ताः कालधर्मणा

tam evārtham anudhyānto naṣṭam apsv iva mohitāḥ / aprāpya yogaṃ te sarve saṃyuktāḥ kāladharmaṇā

Sanskrit only: no published translation is held for this verse.

ततस् ते योगविभ्रष्टा देवेषु सुचिरोषिताः । जाताः कौशिकदायादाः कुरुक्षेत्रे नरर्षभ

tatas te yogavibhraṣṭā deveṣu suciroṣitāḥ / jātāḥ kauśikadāyādāḥ kurukṣetre nararṣabha

Sanskrit only: no published translation is held for this verse.

हिंसया विचरिष्यन्तो धर्मं पितृकृतेन वै । ततस् ते पुनर् आजातिं भ्रष्टाः प्राप्स्यन्ति कुत्सितां

hiṃsayā vicariṣyanto dharmaṃ pitṛkṛtena vai / tatas te punar ājātiṃ bhraṣṭāḥ prāpsyanti kutsitāṃ

Sanskrit only: no published translation is held for this verse.

तेषां पितृप्रसादेन पूर्वजातिकृतेन च । स्मृतिर् उत्पत्स्यते प्राप्य तां तां जातिं जुगुप्सिताम्

teṣāṃ pitṛprasādena pūrvajātikṛtena ca / smṛtir utpatsyate prāpya tāṃ tāṃ jātiṃ jugupsitām

Sanskrit only: no published translation is held for this verse.

ते धर्मचारिणो नित्यं भविष्यन्ति समाहिताः । ब्राह्मण्यं प्रतिलप्स्यन्ति ततो भूयः स्वकर्मणा

te dharmacāriṇo nityaṃ bhaviṣyanti samāhitāḥ / brāhmaṇyaṃ pratilapsyanti tato bhūyaḥ svakarmaṇā

Sanskrit only: no published translation is held for this verse.

ततश् च योगं प्राप्स्यन्ति पूर्वजातिकृतं पुनः । भूयः सिद्धिम् अनुप्राप्ताः स्थानं प्राप्स्यन्ति शाश्वतम्

tataś ca yogaṃ prāpsyanti pūrvajātikṛtaṃ punaḥ / bhūyaḥ siddhim anuprāptāḥ sthānaṃ prāpsyanti śāśvatam

Sanskrit only: no published translation is held for this verse.

एवं धर्मे च ते बुद्धिर् भविष्यति पुनः पुनः । योगधर्मे च निरतः प्राप्स्यसे सिद्धिम् उत्तमाम्

evaṃ dharme ca te buddhir bhaviṣyati punaḥ punaḥ / yogadharme ca nirataḥ prāpsyase siddhim uttamām

Sanskrit only: no published translation is held for this verse.

योगधर्माद् धि धर्मज्ञ न धर्मो ऽस्ति विशेषवान् । वरिष्ठं सर्वधर्माणां तं समाचर भार्गव

yogadharmād dhi dharmajña na dharmo 'sti viśeṣavān / variṣṭhaṃ sarvadharmāṇāṃ taṃ samācara bhārgava

Sanskrit only: no published translation is held for this verse.

कालस्य परिणामेन लघ्वाहारो जितेन्द्रियः । तत्परः प्रयतः श्राद्धी योगधर्मम् अवाप्स्यसि । इत्य् उक्त्वा भगवान् देवस् तत्रैवान्तरधीयत

kālasya pariṇāmena laghvāhāro jitendriyaḥ / tatparaḥ prayataḥ śrāddhī yogadharmam avāpsyasi / ity uktvā bhagavān devas tatraivāntaradhīyata

Sanskrit only: no published translation is held for this verse.

अष्टादशानां वर्षाणाम् एकाहम् इति मे मतिः । उपासतश् च देवेशं वर्षाण्य् अष्टादशैव मे

aṣṭādaśānāṃ varṣāṇām ekāham iti me matiḥ / upāsataś ca deveśaṃ varṣāṇy aṣṭādaśaiva me

Sanskrit only: no published translation is held for this verse.

प्रसादात् तस्य देवस्य न ग्लानिर् अभवत् तदा । न क्षुत्पिपासे कालं वा जानामि स्म तदानघ । पश्चाच् छिष्यसकाशात् तु कालः संविदितो मम

prasādāt tasya devasya na glānir abhavat tadā / na kṣutpipāse kālaṃ vā jānāmi sma tadānagha / paścāc chiṣyasakāśāt tu kālaḥ saṃvidito mama

Sanskrit only: no published translation is held for this verse.