Library·Harivaṃśa (critical edition)·15
मार्कण्डेय उवाच तस्मिन्न् अन्तर्हिते देवे वचनात् तस्य वै विभो । चक्षुर् दिव्यं सविज्ञानं प्रादुर् आसीन् ममानघ
mārkaṇḍeya uvāca tasminn antarhite deve vacanāt tasya vai vibho / cakṣur divyaṃ savijñānaṃ prādur āsīn mamānagha
Sanskrit only: no published translation is held for this verse.
ततो ऽहं तान् अपश्यं वै ब्राह्मणान् कौशिकात्मजान् । आपगेय कुरुक्षेत्रे यान् उवाच विभुर् मम
tato 'haṃ tān apaśyaṃ vai brāhmaṇān kauśikātmajān / āpageya kurukṣetre yān uvāca vibhur mama
Sanskrit only: no published translation is held for this verse.
ब्रह्मदत्तो ऽभवद् राजा यस् तेषां सप्तमो द्विजः । पितृवर्तीति विख्यातो नाम्ना शीलेन कर्मणा
brahmadatto 'bhavad rājā yas teṣāṃ saptamo dvijaḥ / pitṛvartīti vikhyāto nāmnā śīlena karmaṇā
Sanskrit only: no published translation is held for this verse.
शुकस्य कन्या कृत्वी तं जनयाम् आस पार्थिवम् । अणुहात् पार्थिवश्रेष्ठात् काम्पिल्ये नगरोत्तमे
śukasya kanyā kṛtvī taṃ janayām āsa pārthivam / aṇuhāt pārthivaśreṣṭhāt kāmpilye nagarottame
Sanskrit only: no published translation is held for this verse.
युधिष्ठिर उवाच अणुहः कस्य वै पुत्रः कस्मिन् काले बभूव ह । राजा धर्मभृतां श्रेष्ठो यस्य पुत्रो महायशाः
yudhiṣṭhira uvāca aṇuhaḥ kasya vai putraḥ kasmin kāle babhūva ha / rājā dharmabhṛtāṃ śreṣṭho yasya putro mahāyaśāḥ
Sanskrit only: no published translation is held for this verse.
ब्रह्मदत्तो नरपतिः किंवीर्यश् च बभूव ह । कथं च सप्तमस् तेषां संबभूव नराधिपः
brahmadatto narapatiḥ kiṃvīryaś ca babhūva ha / kathaṃ ca saptamas teṣāṃ saṃbabhūva narādhipaḥ
Sanskrit only: no published translation is held for this verse.
न ह्य् अल्पवीर्याय शुको भगवांल् लोकपूजितः । कन्यां प्रदद्याद् योगात्मा कृत्वीं कीर्तिमतीं प्रभुः
na hy alpavīryāya śuko bhagavāṃl lokapūjitaḥ / kanyāṃ pradadyād yogātmā kṛtvīṃ kīrtimatīṃ prabhuḥ
Sanskrit only: no published translation is held for this verse.
एतद् इच्छाम्य् अहं श्रोतुं विस्तरेण महाद्युते । ब्रह्मदत्तस्य चरितं तद् भवान् वक्तुम् अर्हति
etad icchāmy ahaṃ śrotuṃ vistareṇa mahādyute / brahmadattasya caritaṃ tad bhavān vaktum arhati
Sanskrit only: no published translation is held for this verse.
यथा च वर्तमानास् ते संसारेषु द्विजातयः । मार्कण्डेयेन कथितास् तद् भवान् प्रब्रवीतु मे
yathā ca vartamānās te saṃsāreṣu dvijātayaḥ / mārkaṇḍeyena kathitās tad bhavān prabravītu me
Sanskrit only: no published translation is held for this verse.
भीष्म उवाच प्रतीपस्य स राजर्षे तुल्यकालो नराधिपः । पितामहस्य मे राजन् बभूवेति मया श्रुतम्
bhīṣma uvāca pratīpasya sa rājarṣe tulyakālo narādhipaḥ / pitāmahasya me rājan babhūveti mayā śrutam
Sanskrit only: no published translation is held for this verse.
ब्रह्मदत्तो महाराजो योगी राजर्षिसत्तमः । रुतज्ञः सर्वभूतानां सर्वभूतहिते रतः
brahmadatto mahārājo yogī rājarṣisattamaḥ / rutajñaḥ sarvabhūtānāṃ sarvabhūtahite rataḥ
Sanskrit only: no published translation is held for this verse.
सखा हि गालवो यस्य योगाचार्यो महायशाः । शिक्षां उत्पाद्य तपसा क्रमो येन प्रवर्तितः । कण्डरीकश् च योगात्मा तस्यैव सचिवो ऽभवत्
sakhā hi gālavo yasya yogācāryo mahāyaśāḥ / śikṣāṃ utpādya tapasā kramo yena pravartitaḥ / kaṇḍarīkaś ca yogātmā tasyaiva sacivo 'bhavat
Sanskrit only: no published translation is held for this verse.
जात्यन्तरेषु सर्वेषु सहायाः सर्व एव ते । सप्तजातिषु सप्तैव बभूवुर् अमितौजसः । यथोवाच महातेजा मार्कण्डेयो महातपाः
jātyantareṣu sarveṣu sahāyāḥ sarva eva te / saptajātiṣu saptaiva babhūvur amitaujasaḥ / yathovāca mahātejā mārkaṇḍeyo mahātapāḥ
Sanskrit only: no published translation is held for this verse.
तस्य वंशम् अहं राजन् कीर्तयिष्यामि तच् छृणु । ब्रह्मदत्तस्य पौराणं पौरवस्य महात्मनः
tasya vaṃśam ahaṃ rājan kīrtayiṣyāmi tac chṛṇu / brahmadattasya paurāṇaṃ pauravasya mahātmanaḥ
Sanskrit only: no published translation is held for this verse.
बृहद्धर्मेति विख्यातो राजा परमधार्मिकः
bṛhaddharmeti vikhyāto rājā paramadhārmikaḥ
Sanskrit only: no published translation is held for this verse.
सत्यजित् तस्य तनयो विश्वजित् तस्य चात्मजः । पुत्रो विश्वजितश् चापि सेनजित् पृथिवीपतिः
satyajit tasya tanayo viśvajit tasya cātmajaḥ / putro viśvajitaś cāpi senajit pṛthivīpatiḥ
Sanskrit only: no published translation is held for this verse.
पुत्राः सेनजितश् चासंश् चत्वारो लोकसंमताः । रुचिरः श्वेतकाश्यश् च महिम्नारस् तथैव च । वत्सश् चावन्तको राजा यस्यैते परि वत्सकाः
putrāḥ senajitaś cāsaṃś catvāro lokasaṃmatāḥ / ruciraḥ śvetakāśyaś ca mahimnāras tathaiva ca / vatsaś cāvantako rājā yasyaite pari vatsakāḥ
Sanskrit only: no published translation is held for this verse.
रुचिरस्य तु दायादः पृथुषेणो महायशाः । पृथुषेणस्य पारस् तु पारान् नीपो ऽथ जज्ञिवान्
rucirasya tu dāyādaḥ pṛthuṣeṇo mahāyaśāḥ / pṛthuṣeṇasya pāras tu pārān nīpo 'tha jajñivān
Sanskrit only: no published translation is held for this verse.
नीपस्यैकशतं तात पुत्राणाम् अमितौजसाम् । महारथानां राजेन्द्र शूराणां बाहुशालिनाम् । नीपा इति समाख्याता राजानः सर्व एव ते
nīpasyaikaśataṃ tāta putrāṇām amitaujasām / mahārathānāṃ rājendra śūrāṇāṃ bāhuśālinām / nīpā iti samākhyātā rājānaḥ sarva eva te
Sanskrit only: no published translation is held for this verse.
तेषां वंशकरो राजा नीपानां कीर्तिवर्धनः । काम्पिल्ये समरो नाम स चेष्टसमरो ऽभवत्
teṣāṃ vaṃśakaro rājā nīpānāṃ kīrtivardhanaḥ / kāmpilye samaro nāma sa ceṣṭasamaro 'bhavat
Sanskrit only: no published translation is held for this verse.
समरस्य पुरः पारः सदश्व इति ते त्रयः । पुत्राः परमधर्मज्ञाः पारपुत्रः पृथुर् बभौ
samarasya puraḥ pāraḥ sadaśva iti te trayaḥ / putrāḥ paramadharmajñāḥ pāraputraḥ pṛthur babhau
Sanskrit only: no published translation is held for this verse.
पृथोस् तु सुकृतो नाम सुकृतेनेह कर्मणा । जज्ञे सर्वगुणोपेतो विभ्राजस् तस्य चात्मजः
pṛthos tu sukṛto nāma sukṛteneha karmaṇā / jajñe sarvaguṇopeto vibhrājas tasya cātmajaḥ
Sanskrit only: no published translation is held for this verse.
विभ्राजस्य तु पुत्रो ऽभूद् अणुहो नाम पार्थिवः । बभौ शुकस्य जामाता कृत्वीभर्ता महायशाः
vibhrājasya tu putro 'bhūd aṇuho nāma pārthivaḥ / babhau śukasya jāmātā kṛtvībhartā mahāyaśāḥ
Sanskrit only: no published translation is held for this verse.
पुत्रो ऽणुहस्य राजर्षिर् ब्रह्मदत्तो ऽभवत् प्रभुः । योगात्मा तस्य तनयो विष्वक्सेनः परंतपः
putro 'ṇuhasya rājarṣir brahmadatto 'bhavat prabhuḥ / yogātmā tasya tanayo viṣvaksenaḥ paraṃtapaḥ
Sanskrit only: no published translation is held for this verse.
विभ्राजः पुनर् आजातः सुकृतेनेह कर्मणा । ब्रह्मदत्तस्य तनयो विष्वक्सेन इति श्रुतः
vibhrājaḥ punar ājātaḥ sukṛteneha karmaṇā / brahmadattasya tanayo viṣvaksena iti śrutaḥ
Sanskrit only: no published translation is held for this verse.
विष्वक्सेनस्य पुत्रो ऽभूद् दण्डसेनो महीपतिः । भल्लाटश् च कुमारो ऽभूद् राधेयेन हतः पुरा
viṣvaksenasya putro 'bhūd daṇḍaseno mahīpatiḥ / bhallāṭaś ca kumāro 'bhūd rādheyena hataḥ purā
Sanskrit only: no published translation is held for this verse.
दण्डसेनात्मजः शूरो महात्मा कुलवर्धनः । भल्लाटपुत्रो दुर्बुद्धिर् अभवज् जनमेजयः
daṇḍasenātmajaḥ śūro mahātmā kulavardhanaḥ / bhallāṭaputro durbuddhir abhavaj janamejayaḥ
Sanskrit only: no published translation is held for this verse.
स तेषाम् अभवद् राजा नीपानाम् अन्तकृन् नृपः । उग्रायुधेन यस्यार्थे सर्वे नीपा विनाशिताः
sa teṣām abhavad rājā nīpānām antakṛn nṛpaḥ / ugrāyudhena yasyārthe sarve nīpā vināśitāḥ
Sanskrit only: no published translation is held for this verse.
उग्रायुधः स चोत्सिक्तो मया विनिहतो युधि । दर्पान्वितो दर्परुचिः सततं चानये रतः
ugrāyudhaḥ sa cotsikto mayā vinihato yudhi / darpānvito darparuciḥ satataṃ cānaye rataḥ
Sanskrit only: no published translation is held for this verse.
युधिष्ठिर उवाच उग्रायुधः कस्य सुतः कस्मिन् वंशे ऽथ जज्ञिवान् । किमर्थं चैव भवता निहतस् तद् ब्रवीहि मे
yudhiṣṭhira uvāca ugrāyudhaḥ kasya sutaḥ kasmin vaṃśe 'tha jajñivān / kimarthaṃ caiva bhavatā nihatas tad bravīhi me
Sanskrit only: no published translation is held for this verse.
भीष्म उवाच अजमीढस्य दायादो विद्वान् राजा यवीनरः । धृतिमांस् तस्य पुत्रस् तु तस्य सत्यधृतिः सुतः
bhīṣma uvāca ajamīḍhasya dāyādo vidvān rājā yavīnaraḥ / dhṛtimāṃs tasya putras tu tasya satyadhṛtiḥ sutaḥ
Sanskrit only: no published translation is held for this verse.
जज्ञे सत्यधृतेः पुत्रो दृढनेमिः प्रतापवान् । दृढनेमिसुतश् चापि सुधर्मा नाम पार्थिवः
jajñe satyadhṛteḥ putro dṛḍhanemiḥ pratāpavān / dṛḍhanemisutaś cāpi sudharmā nāma pārthivaḥ
Sanskrit only: no published translation is held for this verse.
आसीत् सुधर्मणः पुत्रः सार्वभौमः प्रजेश्वरः । सार्वभौम इति ख्यातः पृथिव्यां एकराट् तदा
āsīt sudharmaṇaḥ putraḥ sārvabhaumaḥ prajeśvaraḥ / sārvabhauma iti khyātaḥ pṛthivyāṃ ekarāṭ tadā
Sanskrit only: no published translation is held for this verse.
जज्ञे संनतिमान् राजा संनतिर् नाम वीर्यवान्
jajñe saṃnatimān rājā saṃnatir nāma vīryavān
Sanskrit only: no published translation is held for this verse.
बभूव येन विक्रम्य पृषतस्य पितामहः । नीपो नाम महाराज पाञ्चालाधिपतिर् हतः
babhūva yena vikramya pṛṣatasya pitāmahaḥ / nīpo nāma mahārāja pāñcālādhipatir hataḥ
Sanskrit only: no published translation is held for this verse.
स चाप्य् उग्रायुधस् तात दुर्बुद्धिर् वैरकृत् सदा । प्रदीप्तचक्रो बलवान् नीपान्तकरणो ऽभवत्
sa cāpy ugrāyudhas tāta durbuddhir vairakṛt sadā / pradīptacakro balavān nīpāntakaraṇo 'bhavat
Sanskrit only: no published translation is held for this verse.
स दर्पपूर्णो हत्वाजौ नीपान् अन्यांश् च पार्थिवान् । पितर्य् उपरते मह्यं श्रावयाम् आस किल्बिषम्
sa darpapūrṇo hatvājau nīpān anyāṃś ca pārthivān / pitary uparate mahyaṃ śrāvayām āsa kilbiṣam
Sanskrit only: no published translation is held for this verse.
माम् अमात्यैः परिवृतं शयानं धरणीतले । उग्रायुधस्य राजेन्द्र दूतो ऽभ्येत्य वयो ऽब्रवीत्
mām amātyaiḥ parivṛtaṃ śayānaṃ dharaṇītale / ugrāyudhasya rājendra dūto 'bhyetya vayo 'bravīt
Sanskrit only: no published translation is held for this verse.
अद्य त्वं जननीं भीष्म गन्धकालीं यशस्विनीं । स्त्रीरत्नं मम भार्यार्थे प्रयच्छ कुरुपुंगव
adya tvaṃ jananīṃ bhīṣma gandhakālīṃ yaśasvinīṃ / strīratnaṃ mama bhāryārthe prayaccha kurupuṃgava
Sanskrit only: no published translation is held for this verse.
एवं राज्यं च ते स्फीतं बलानि च न संशयः । त्वया राज्ये च ते स्थितिम् । *ह्व् १५।४०अ*२९३:१ ।* चतुरङ्गयुतान्य् अद्य । *ह्व् १५।४०अ*२९३:२ ।* प्रदास्यामि यथाकामम् अहं वै रत्नभाग् भुवि
evaṃ rājyaṃ ca te sphītaṃ balāni ca na saṃśayaḥ / tvayā rājye ca te sthitim | *HV 15.40a*293:1 |* caturaṅgayutāny adya | *HV 15.40a*293:2 |* pradāsyāmi yathākāmam ahaṃ vai ratnabhāg bhuvi
Sanskrit only: no published translation is held for this verse.
राष्ट्रस्येच्छसि चेत् स्वस्ति प्राणानां वा कुलस्य वा । शासने मम तिष्ठस्व न हि ते शान्तिर् अन्यथा
rāṣṭrasyecchasi cet svasti prāṇānāṃ vā kulasya vā / śāsane mama tiṣṭhasva na hi te śāntir anyathā
Sanskrit only: no published translation is held for this verse.
अधः प्रस्तारशयने शयानस् तेन चोदितः । दूतान्तरितम् एतद् वै वाक्यम् अग्निशिखोपमम्
adhaḥ prastāraśayane śayānas tena coditaḥ / dūtāntaritam etad vai vākyam agniśikhopamam
Sanskrit only: no published translation is held for this verse.
ततो ऽहं तस्य दुर्बुद्धेर् विज्ञाय मतम् अच्युत । आज्ञप्तवान् वै संग्रामे सेनाध्यक्षांश् च सर्वशः
tato 'haṃ tasya durbuddher vijñāya matam acyuta / ājñaptavān vai saṃgrāme senādhyakṣāṃś ca sarvaśaḥ
Sanskrit only: no published translation is held for this verse.
मम प्रज्वलितं चक्रं निशाम्यैतत् सुदुर्जयम् । शत्रवो विद्रवन्त्य् आजौ दर्शनाद् एव भारत
mama prajvalitaṃ cakraṃ niśāmyaitat sudurjayam / śatravo vidravanty ājau darśanād eva bhārata
Sanskrit only: no published translation is held for this verse.
विचित्रवीर्यं बालं च मदपाश्रयम् एव च । दृष्ट्वा क्रोधपरीतात्मा युद्धायैव मनो दधे
vicitravīryaṃ bālaṃ ca madapāśrayam eva ca / dṛṣṭvā krodhaparītātmā yuddhāyaiva mano dadhe
Sanskrit only: no published translation is held for this verse.
निगृहीतस् तदाहं तु सचिवैर् मन्त्रकोविदैः । ऋत्विग्भिर् देवकल्पैश् च सुहृद्भिर् नरपुंगव
nigṛhītas tadāhaṃ tu sacivair mantrakovidaiḥ / ṛtvigbhir devakalpaiś ca suhṛdbhir narapuṃgava
Sanskrit only: no published translation is held for this verse.
स्निग्धैश् च शास्त्रविद्भिश् च संयुगस्य निवर्तने । कारणं श्रावितश् चास्मि युक्तरूपं तदानघ
snigdhaiś ca śāstravidbhiś ca saṃyugasya nivartane / kāraṇaṃ śrāvitaś cāsmi yuktarūpaṃ tadānagha
Sanskrit only: no published translation is held for this verse.
मन्त्रिण ऊचुः प्रवृत्तचक्रः पापो ऽसौ त्वं चाशौचगतः प्रभो । न चैष प्रथमः कल्पो युद्धं नाम कदाचन
mantriṇa ūcuḥ pravṛttacakraḥ pāpo 'sau tvaṃ cāśaucagataḥ prabho / na caiṣa prathamaḥ kalpo yuddhaṃ nāma kadācana
Sanskrit only: no published translation is held for this verse.
ते वयं साम पूर्वं वै दानं भेदं तथैव च । प्रयोक्ष्यामस् ततः शुद्धो दैवतान्य् अभिवाद्य च
te vayaṃ sāma pūrvaṃ vai dānaṃ bhedaṃ tathaiva ca / prayokṣyāmas tataḥ śuddho daivatāny abhivādya ca
Sanskrit only: no published translation is held for this verse.
कृतस्वस्त्ययनो विप्रैर् हुत्वाग्नीन् वाच्य च द्विजान् । ब्राह्मणैर् अभ्यनुज्ञातः प्रयास्यसि जयाय वै
kṛtasvastyayano viprair hutvāgnīn vācya ca dvijān / brāhmaṇair abhyanujñātaḥ prayāsyasi jayāya vai
Sanskrit only: no published translation is held for this verse.
अस्त्राणि न प्रयोज्यानि न प्रवेश्यश् च संगरः । आशौचे वर्तमानेन वृद्धानाम् इति शासनम्
astrāṇi na prayojyāni na praveśyaś ca saṃgaraḥ / āśauce vartamānena vṛddhānām iti śāsanam
Sanskrit only: no published translation is held for this verse.
सामदानादिभिः पूर्वम् अपि भेदेन वा ततः । तं हनिष्यसि विक्रम्य शम्बरं मघवान् इव
sāmadānādibhiḥ pūrvam api bhedena vā tataḥ / taṃ haniṣyasi vikramya śambaraṃ maghavān iva
Sanskrit only: no published translation is held for this verse.
प्राज्ञानां वचनं काले वृद्धानां च विशेषतः । श्रोतव्यम् इति तच् छ्रुत्वा निवृत्तो ऽस्मि नराधिप
prājñānāṃ vacanaṃ kāle vṛddhānāṃ ca viśeṣataḥ / śrotavyam iti tac chrutvā nivṛtto 'smi narādhipa
Sanskrit only: no published translation is held for this verse.
ततस् तैः स क्रमः सर्वः प्रयुक्तः शास्त्रकोविदैः । तस्मिन् काले कुरुश्रेष्ठ कर्म चारब्धम् उत्तमम्
tatas taiḥ sa kramaḥ sarvaḥ prayuktaḥ śāstrakovidaiḥ / tasmin kāle kuruśreṣṭha karma cārabdham uttamam
Sanskrit only: no published translation is held for this verse.
स सामादिभिर् अप्य् आदाव् उपायैः शास्त्रचिन्तकैः । अनुनीयमानो दुर्बुद्धिर् अनुनेतुं न शक्यते
sa sāmādibhir apy ādāv upāyaiḥ śāstracintakaiḥ / anunīyamāno durbuddhir anunetuṃ na śakyate
Sanskrit only: no published translation is held for this verse.
प्रवृत्तं तस्य तच् चक्रम् अधर्मनिरतस्य वै । परदाराभिलाषेण सद्यस् तात निवर्तितम्
pravṛttaṃ tasya tac cakram adharmaniratasya vai / paradārābhilāṣeṇa sadyas tāta nivartitam
Sanskrit only: no published translation is held for this verse.
न त्व् अहं तस्य जाने वै निवृत्तं चक्रम् उत्तमम् । हतं स्वकर्मणा तत् तु पूर्वं सद्भिश् च निन्दितम्
na tv ahaṃ tasya jāne vai nivṛttaṃ cakram uttamam / hataṃ svakarmaṇā tat tu pūrvaṃ sadbhiś ca ninditam
Sanskrit only: no published translation is held for this verse.
कृतशौचः शरावापी रथी निष्क्रम्य वै पुरात् । कृतस्वस्त्ययनो विप्रैः प्रायोधयम् अहं रिपुम्
kṛtaśaucaḥ śarāvāpī rathī niṣkramya vai purāt / kṛtasvastyayano vipraiḥ prāyodhayam ahaṃ ripum
Sanskrit only: no published translation is held for this verse.
ततः संसर्गम् आगम्य बलेनास्त्रबलेन च । त्र्यहम् उन्मत्तवद् युद्धं देवासुरम् इवाभवत्
tataḥ saṃsargam āgamya balenāstrabalena ca / tryaham unmattavad yuddhaṃ devāsuram ivābhavat
Sanskrit only: no published translation is held for this verse.
स मयास्त्रप्रतापेन निर्दग्धो रणमूर्धनि । पपाताभिमुखः शूरस् त्यक्त्वा प्राणान् अरिंदम
sa mayāstrapratāpena nirdagdho raṇamūrdhani / papātābhimukhaḥ śūras tyaktvā prāṇān ariṃdama
Sanskrit only: no published translation is held for this verse.
एतस्मिन्न् अन्तरे तात काम्पिल्यात् पृषतो ऽभ्ययात् । हते नीपेश्वरे चैव हते चोग्रायुधे नृपे
etasminn antare tāta kāmpilyāt pṛṣato 'bhyayāt / hate nīpeśvare caiva hate cogrāyudhe nṛpe
Sanskrit only: no published translation is held for this verse.
आहिच्छत्रं स्वकं राज्यं पित्र्यं प्राप्य महाद्युतिः । द्रुपदस्य पिता राजन् ममैवानुमते तदा
āhicchatraṃ svakaṃ rājyaṃ pitryaṃ prāpya mahādyutiḥ / drupadasya pitā rājan mamaivānumate tadā
Sanskrit only: no published translation is held for this verse.
ततो ऽर्जुनेन तरसा निर्जित्य द्रुपदं रणे । अहिच्छत्रं सकाम्पिल्यं द्रोणायाथापवर्जितम्
tato 'rjunena tarasā nirjitya drupadaṃ raṇe / ahicchatraṃ sakāmpilyaṃ droṇāyāthāpavarjitam
Sanskrit only: no published translation is held for this verse.
प्रतिगृह्य ततो द्रोण उभयं जयतां वरः । काम्पिल्यं द्रुपदायैव प्रायच्छद् विदितं तव
pratigṛhya tato droṇa ubhayaṃ jayatāṃ varaḥ / kāmpilyaṃ drupadāyaiva prāyacchad viditaṃ tava
Sanskrit only: no published translation is held for this verse.
एष ते द्रुपदस्यादौ ब्रह्मदत्तस्य चैव ह । वंशः कार्त्स्न्येन वै प्रोक्तो वीरस्योग्रायुधस्य च
eṣa te drupadasyādau brahmadattasya caiva ha / vaṃśaḥ kārtsnyena vai prokto vīrasyogrāyudhasya ca
Sanskrit only: no published translation is held for this verse.
अतस् ते वर्तयिष्ये ऽहम् इतिहासं पुरातनम् । गीतं सनत्कुमारेण मार्कण्डेयाय पृच्छते
atas te vartayiṣye 'ham itihāsaṃ purātanam / gītaṃ sanatkumāreṇa mārkaṇḍeyāya pṛcchate
Sanskrit only: no published translation is held for this verse.
श्राद्धस्य फलम् उद्दिश्य नियतं सुकृतस्य च । तन्निबोध महाराज सप्तजातिषु भारत
śrāddhasya phalam uddiśya niyataṃ sukṛtasya ca / tannibodha mahārāja saptajātiṣu bhārata
Sanskrit only: no published translation is held for this verse.
सगालवस्य चरितं कण्डरीकस्य चैव ह । ब्रह्मदत्ततृतीयानां योगिनां ब्रह्मचारिणाम्
sagālavasya caritaṃ kaṇḍarīkasya caiva ha / brahmadattatṛtīyānāṃ yogināṃ brahmacāriṇām
Sanskrit only: no published translation is held for this verse.