Harivaṃśa (critical edition) 17

मार्कण्डेय उवाच ततस् तं चक्रवाकौ द्वाव् ऊचतुः सहचारिणौ । आवां ते सचिवौ स्यावस् तव प्रियहितैषिणौ

mārkaṇḍeya uvāca tatas taṃ cakravākau dvāv ūcatuḥ sahacāriṇau / āvāṃ te sacivau syāvas tava priyahitaiṣiṇau

Sanskrit only: no published translation is held for this verse.

तथेत्य् उक्त्वा च तस्यासीत् तदा योगात्मनो मतिः । एवं ते समयं चक्रुः सुवाक्तं प्रत्यभाषत

tathety uktvā ca tasyāsīt tadā yogātmano matiḥ / evaṃ te samayaṃ cakruḥ suvāktaṃ pratyabhāṣata

Sanskrit only: no published translation is held for this verse.

यस्मात् कामप्रधानस् त्वं योगधर्मम् अपास्य वै । अवरं वरं प्रार्थयसे तस्माद् वाक्यं निबोध मे

yasmāt kāmapradhānas tvaṃ yogadharmam apāsya vai / avaraṃ varaṃ prārthayase tasmād vākyaṃ nibodha me

Sanskrit only: no published translation is held for this verse.

राजा त्वं भविता तात काम्पिल्ये नगरोत्तमे । भविष्यतः सखायौ च द्वाव् इमौ सचिवौ तव

rājā tvaṃ bhavitā tāta kāmpilye nagarottame / bhaviṣyataḥ sakhāyau ca dvāv imau sacivau tava

Sanskrit only: no published translation is held for this verse.

शप्त्वा तान् अभिभाष्याथ चत्वारश् चक्रुर् अण्डजाः । तांस् त्रीन् अभीप्सतो राज्यं व्यभिचारप्रधर्षितान्

śaptvā tān abhibhāṣyātha catvāraś cakrur aṇḍajāḥ / tāṃs trīn abhīpsato rājyaṃ vyabhicārapradharṣitān

Sanskrit only: no published translation is held for this verse.

शप्ताः खगास् त्रयस् ते तु योगभ्रष्टा विचेतसः । तान् अयाचन्त चतुरस् त्रयस् ते सहचारिणः

śaptāḥ khagās trayas te tu yogabhraṣṭā vicetasaḥ / tān ayācanta caturas trayas te sahacāriṇaḥ

Sanskrit only: no published translation is held for this verse.

तेषां प्रसादं चक्रुस् ते अथैतान् सुमनाब्रवीत् । सर्वेषाम् एव वचनात् प्रसादानुगतं तदा

teṣāṃ prasādaṃ cakrus te athaitān sumanābravīt / sarveṣām eva vacanāt prasādānugataṃ tadā

Sanskrit only: no published translation is held for this verse.

अन्तवान् भविता शापो युष्माकं नात्र संशयः । इतश् च्युताश् च मानुष्यं प्राप्य योगम् अवाप्स्यथ

antavān bhavitā śāpo yuṣmākaṃ nātra saṃśayaḥ / itaś cyutāś ca mānuṣyaṃ prāpya yogam avāpsyatha

Sanskrit only: no published translation is held for this verse.

सर्वसत्त्वरुतज्ञश् च स्वतन्त्रो ऽयं भविष्यति । पितृप्रसादो ह्य् अस्माभिर् अस्य प्राप्तः कृतेन वै

sarvasattvarutajñaś ca svatantro 'yaṃ bhaviṣyati / pitṛprasādo hy asmābhir asya prāptaḥ kṛtena vai

Sanskrit only: no published translation is held for this verse.

गां प्रोक्षयित्वा धर्मेण पितृभ्य उपकल्पताम् । अस्माकं ज्ञानसंयोगः सर्वेषां योगसाधनः

gāṃ prokṣayitvā dharmeṇa pitṛbhya upakalpatām / asmākaṃ jñānasaṃyogaḥ sarveṣāṃ yogasādhanaḥ

Sanskrit only: no published translation is held for this verse.

इदं च वाक्यसंदर्भ+ +श्लोकम् एकम् उदाहृतम् । पुरुषान्तरितं श्रुत्वा ततो योगम् अवाप्स्यथ

idaṃ ca vākyasaṃdarbha+ +ślokam ekam udāhṛtam / puruṣāntaritaṃ śrutvā tato yogam avāpsyatha

Sanskrit only: no published translation is held for this verse.