Harivaṃśa (critical edition) 25

वैशंपायन उवाच पौरवी रोहिणी नाम बाह्लिकस्यात्मजा नृप । ज्येष्ठा पत्नी महाराज दयितानकदुन्दुभेः

vaiśaṃpāyana uvāca pauravī rohiṇī nāma bāhlikasyātmajā nṛpa / jyeṣṭhā patnī mahārāja dayitānakadundubheḥ

Sanskrit only: no published translation is held for this verse.

लेभे ज्येष्ठं सुतं रामं शारणं शठम् एव च । दुर्दमं दमनं श्वभ्रं पिण्डारककुशीनरौ

lebhe jyeṣṭhaṃ sutaṃ rāmaṃ śāraṇaṃ śaṭham eva ca / durdamaṃ damanaṃ śvabhraṃ piṇḍārakakuśīnarau

Sanskrit only: no published translation is held for this verse.

चित्रां नाम कुमारीं च रोहिणीतनया नव । चित्रा सुभद्रेति पुनर् विख्याता कुरुनन्दन

citrāṃ nāma kumārīṃ ca rohiṇītanayā nava / citrā subhadreti punar vikhyātā kurunandana

Sanskrit only: no published translation is held for this verse.

रामाच् च निशठो जज्ञे रेवत्यां दयितः सुतः

rāmāc ca niśaṭho jajñe revatyāṃ dayitaḥ sutaḥ

Sanskrit only: no published translation is held for this verse.

सुभद्रायां रथी पार्थाद् अभिमन्युर् अजायत । अक्रूरात् काशिकन्यायां सत्यकेतुर् अजायत

subhadrāyāṃ rathī pārthād abhimanyur ajāyata / akrūrāt kāśikanyāyāṃ satyaketur ajāyata

Sanskrit only: no published translation is held for this verse.

वसुदेवस्य भार्यासु महाभागासु सप्तसु । ये पुत्रा जज्ञिरे शूरा नमतस् तान् निबोधत

vasudevasya bhāryāsu mahābhāgāsu saptasu / ye putrā jajñire śūrā namatas tān nibodhata

Sanskrit only: no published translation is held for this verse.

वृकदेवः सुनामायां गदश् चास्याः सुताव् उभौ । अगावहं महात्मानं वृकदेवी व्यजायत

vṛkadevaḥ sunāmāyāṃ gadaś cāsyāḥ sutāv ubhau / agāvahaṃ mahātmānaṃ vṛkadevī vyajāyata

Sanskrit only: no published translation is held for this verse.

कन्या त्रिगर्तराजस्य भर्ता वै शिशिरायणः । जिज्ञासां पौरुषे चक्रे न चस्कन्दे ऽथ पौरुषम्

kanyā trigartarājasya bhartā vai śiśirāyaṇaḥ / jijñāsāṃ pauruṣe cakre na caskande 'tha pauruṣam

Sanskrit only: no published translation is held for this verse.

कृष्णायससमप्रख्यो वर्षे द्वादशमे तदा । मिथ्याभिशप्तो गार्ग्यस् तु मन्युनाभिसमीरितः । घोषकन्याम् उपादाय मैथुनायोपचक्रमे

kṛṣṇāyasasamaprakhyo varṣe dvādaśame tadā / mithyābhiśapto gārgyas tu manyunābhisamīritaḥ / ghoṣakanyām upādāya maithunāyopacakrame

Sanskrit only: no published translation is held for this verse.

गोपाली त्व् अप्सरास् तस्य गोपस्त्रीवेषधारिणी । धारयाम् आस गार्ग्यस्य गर्भं दुर्धरम् अच्युतम्

gopālī tv apsarās tasya gopastrīveṣadhāriṇī / dhārayām āsa gārgyasya garbhaṃ durdharam acyutam

Sanskrit only: no published translation is held for this verse.

मानुष्यां गर्ग्यभार्यायां नियोगाच् छूलपाणिनः । स कालयवनो नाम जज्ञे राजा महाबलः । वृषपूर्वार्धकायास् तम् अवहन् वाजिनो रणे

mānuṣyāṃ gargyabhāryāyāṃ niyogāc chūlapāṇinaḥ / sa kālayavano nāma jajñe rājā mahābalaḥ / vṛṣapūrvārdhakāyās tam avahan vājino raṇe

Sanskrit only: no published translation is held for this verse.

अपुत्रस्य स राज्ञस् तु ववृधे ऽन्तःपुरे शिशुः । यवनस्य महाराज स कालयवनो ऽभवत्

aputrasya sa rājñas tu vavṛdhe 'ntaḥpure śiśuḥ / yavanasya mahārāja sa kālayavano 'bhavat

Sanskrit only: no published translation is held for this verse.

स युद्धकामो नृपतिः पर्यपृच्छद् द्विजोत्तमान् । वृष्ण्यन्धककुलं तस्य नारदो ऽकथयद् विभुः

sa yuddhakāmo nṛpatiḥ paryapṛcchad dvijottamān / vṛṣṇyandhakakulaṃ tasya nārado 'kathayad vibhuḥ

Sanskrit only: no published translation is held for this verse.

अक्षौहिण्या तु सैन्यस्य मथुराम् अभ्ययात् तदा । दूतं च प्रेषयाम् आस वृष्ण्यन्धकनिवेशने

akṣauhiṇyā tu sainyasya mathurām abhyayāt tadā / dūtaṃ ca preṣayām āsa vṛṣṇyandhakaniveśane

Sanskrit only: no published translation is held for this verse.

ततो वृष्ण्यन्धकाः कृष्णं पुरस्कृत्य महामतिम् । समेता मन्त्रयाम् आसुर् जरासंधभयेन च

tato vṛṣṇyandhakāḥ kṛṣṇaṃ puraskṛtya mahāmatim / sametā mantrayām āsur jarāsaṃdhabhayena ca

Sanskrit only: no published translation is held for this verse.

विहाय मथुरां रम्यां मानयन्तः पिनाकिनम् । कुशस्थलीं द्वारवतीं निवेशयितुम् ईप्सवः

vihāya mathurāṃ ramyāṃ mānayantaḥ pinākinam / kuśasthalīṃ dvāravatīṃ niveśayitum īpsavaḥ

Sanskrit only: no published translation is held for this verse.

इति कृष्णस्य जन्मेदं यः शुचिर् नियतेन्द्रियः । पर्वसु श्रावयेद् विद्वान् निरृणः स सुखी भवेत्

iti kṛṣṇasya janmedaṃ yaḥ śucir niyatendriyaḥ / parvasu śrāvayed vidvān nirṛṇaḥ sa sukhī bhavet

Sanskrit only: no published translation is held for this verse.