Harivaṃśa (critical edition) 26

वैशंपायन उवाच क्रोष्टोर् एवाभवत् पुत्रो वृजिनीवान् महायशाः । वार्जिनीवतम् इच्छन्ति स्वाहिं स्वाहाकृतां वरम्

vaiśaṃpāyana uvāca kroṣṭor evābhavat putro vṛjinīvān mahāyaśāḥ / vārjinīvatam icchanti svāhiṃ svāhākṛtāṃ varam

Sanskrit only: no published translation is held for this verse.

स्वाहिपुत्रो ऽभवद् राजा रुषद्गुर् वदतां वरः । महाक्रतुभिर् ईजे यो विविधैर् आप्तदक्षिणैः

svāhiputro 'bhavad rājā ruṣadgur vadatāṃ varaḥ / mahākratubhir īje yo vividhair āptadakṣiṇaiḥ

Sanskrit only: no published translation is held for this verse.

शतप्रसूतिम् इच्छन् वै रुषद्गुः सो ऽग्र्यम् आत्मजम् । चित्रैश् चित्ररथस् तस्य पुत्रः कर्मभिर् अन्वितः

śataprasūtim icchan vai ruṣadguḥ so 'gryam ātmajam / citraiś citrarathas tasya putraḥ karmabhir anvitaḥ

Sanskrit only: no published translation is held for this verse.

आसीच् चैत्ररथिर् वीरो यज्वा विपुलदक्षिणः । शशबिन्दुः परं वृत्तं राजर्षीणाम् अनुष्ठितः

āsīc caitrarathir vīro yajvā vipuladakṣiṇaḥ / śaśabinduḥ paraṃ vṛttaṃ rājarṣīṇām anuṣṭhitaḥ

Sanskrit only: no published translation is held for this verse.

पृथुश्रवाः पृथुयशा राजासीच् छाशबिन्दुजः । शंसन्ति च पुराणज्ञाः पार्थश्रवसम् अन्तरम्

pṛthuśravāḥ pṛthuyaśā rājāsīc chāśabindujaḥ / śaṃsanti ca purāṇajñāḥ pārthaśravasam antaram

Sanskrit only: no published translation is held for this verse.

अन्तरस्य सुयज्ञस् तु सुयज्ञतनयो ऽभवत् । उषतो यज्ञम् अखिलं स्वधर्मम् उषतां वरः

antarasya suyajñas tu suyajñatanayo 'bhavat / uṣato yajñam akhilaṃ svadharmam uṣatāṃ varaḥ

Sanskrit only: no published translation is held for this verse.

शिनेयुर् अभवत् पुत्र उषतः शत्रुतापनः । मरुत्तस् तस्य तनयो राजर्षिर् अभवन् नृपः

śineyur abhavat putra uṣataḥ śatrutāpanaḥ / maruttas tasya tanayo rājarṣir abhavan nṛpaḥ

Sanskrit only: no published translation is held for this verse.

मरुत्तो ऽलभत ज्येष्ठं सुतं कम्बलबर्हिषम् । चचार परमं धर्मम् अमर्षात् प्रेत्यभाववित्

marutto 'labhata jyeṣṭhaṃ sutaṃ kambalabarhiṣam / cacāra paramaṃ dharmam amarṣāt pretyabhāvavit

Sanskrit only: no published translation is held for this verse.

शतप्रसूतिम् इच्छन् वै सुतं कम्बलबर्हिषः । बभूव रुक्मकवचः शतप्रसवतः सुतः

śataprasūtim icchan vai sutaṃ kambalabarhiṣaḥ / babhūva rukmakavacaḥ śataprasavataḥ sutaḥ

Sanskrit only: no published translation is held for this verse.

निहत्य रुक्मकवचः शतं कवचिनां रणे । धन्विनां निशितैर् बाणैर् अवाप श्रियम् उत्तमाम्

nihatya rukmakavacaḥ śataṃ kavacināṃ raṇe / dhanvināṃ niśitair bāṇair avāpa śriyam uttamām

Sanskrit only: no published translation is held for this verse.

जज्ञे च रुक्मकवचात् पराजित् परवीरहा । जज्ञिरे पञ्च पुत्रास् तु महावीर्याः पराजिताः । रुक्मेषुः पृथुरुक्मश् च ज्यामघः पालितो हरिः

jajñe ca rukmakavacāt parājit paravīrahā / jajñire pañca putrās tu mahāvīryāḥ parājitāḥ / rukmeṣuḥ pṛthurukmaś ca jyāmaghaḥ pālito hariḥ

Sanskrit only: no published translation is held for this verse.

पालितं च हरिं चैव विदेहेभ्यः पिता ददौ । रुक्मेषुर् अभवद् राजा पृथुरुक्मश् च संश्रितः । ताभ्यां प्रव्राजितो राज्याज् ज्यामघो ऽवसद् आश्रमे

pālitaṃ ca hariṃ caiva videhebhyaḥ pitā dadau / rukmeṣur abhavad rājā pṛthurukmaś ca saṃśritaḥ / tābhyāṃ pravrājito rājyāj jyāmagho 'vasad āśrame

Sanskrit only: no published translation is held for this verse.

प्रशान्तः स वनस्थस् तु ब्राह्मणेनावबोधितः । जगाम रथम् आस्थाय देशम् अन्यं ध्वजी रथी

praśāntaḥ sa vanasthas tu brāhmaṇenāvabodhitaḥ / jagāma ratham āsthāya deśam anyaṃ dhvajī rathī

Sanskrit only: no published translation is held for this verse.

नर्मदाकूलम् एकाकी नर्मदां मृत्तिकावतीम् । ऋक्षवन्तं गिरिं जित्वा शुक्तिमत्याम् उवास सः

narmadākūlam ekākī narmadāṃ mṛttikāvatīm / ṛkṣavantaṃ giriṃ jitvā śuktimatyām uvāsa saḥ

Sanskrit only: no published translation is held for this verse.

ज्यामघस्याभवद् भार्या चैत्रा परिणता सती । अपुत्रो ऽपि च राजा स नान्यां भार्याम् अविन्दत

jyāmaghasyābhavad bhāryā caitrā pariṇatā satī / aputro 'pi ca rājā sa nānyāṃ bhāryām avindata

Sanskrit only: no published translation is held for this verse.

भार्याम् उवाच संत्रासात् स्नुषेति स नरेश्वरः

bhāryām uvāca saṃtrāsāt snuṣeti sa nareśvaraḥ

Sanskrit only: no published translation is held for this verse.

यस् ते जनिष्यते पुत्रस् तस्य भार्येति जातभीः

yas te janiṣyate putras tasya bhāryeti jātabhīḥ

Sanskrit only: no published translation is held for this verse.

उग्रेण तपसा तस्याः कन्यायाः सा व्यजायत । पुत्र्यां विदर्भं सुभागा चैत्रा परिणता सती

ugreṇa tapasā tasyāḥ kanyāyāḥ sā vyajāyata / putryāṃ vidarbhaṃ subhāgā caitrā pariṇatā satī

Sanskrit only: no published translation is held for this verse.

राजपुत्र्यां तु विद्वांसौ स्नुषायां क्रथकैशिकौ । पश्चाद् विदर्भो ऽजनयच् छूरौ रणविशारदौ

rājaputryāṃ tu vidvāṃsau snuṣāyāṃ krathakaiśikau / paścād vidarbho 'janayac chūrau raṇaviśāradau

Sanskrit only: no published translation is held for this verse.

भीमो विदर्भस्य सुतः कुन्तिस् तस्यात्मजो ऽभवत् । कुन्तेर् धृष्टः सुतो जज्ञे रणधृष्टः प्रतापवान्

bhīmo vidarbhasya sutaḥ kuntis tasyātmajo 'bhavat / kunter dhṛṣṭaḥ suto jajñe raṇadhṛṣṭaḥ pratāpavān

Sanskrit only: no published translation is held for this verse.

धृष्टस्य जज्ञिरे शूरास् त्रयः परमधार्मिकाः । आवन्तश् च दशार्हश् च बली विष्णुहरश् च यः

dhṛṣṭasya jajñire śūrās trayaḥ paramadhārmikāḥ / āvantaś ca daśārhaś ca balī viṣṇuharaś ca yaḥ

Sanskrit only: no published translation is held for this verse.

दशार्हस्य सुतो व्योमा विद्वाञ् जीमूत उच्यते । जीमूतपुत्रो वृकतिस् तस्य भीमरथः सुतः

daśārhasya suto vyomā vidvāñ jīmūta ucyate / jīmūtaputro vṛkatis tasya bhīmarathaḥ sutaḥ

Sanskrit only: no published translation is held for this verse.

अथ भीमरथस्यासीत् पुत्रो नवरथस् तथा । तस्य चासीद् दशरथः शकुनिस् तस्य चात्मजः

atha bhīmarathasyāsīt putro navarathas tathā / tasya cāsīd daśarathaḥ śakunis tasya cātmajaḥ

Sanskrit only: no published translation is held for this verse.

तस्मात् करम्भः कारम्भिर् देवरातो ऽभवन् नृपः । देवक्षत्रो ऽभवत् तस्य दैवक्षत्रिर् महात्मनः

tasmāt karambhaḥ kārambhir devarāto 'bhavan nṛpaḥ / devakṣatro 'bhavat tasya daivakṣatrir mahātmanaḥ

Sanskrit only: no published translation is held for this verse.

देवगर्भसमो जज्ञे देवक्षत्रस्य नन्दनः । मधूनां वंशकृद् राजा मधुर् मधुरवाग् अपि

devagarbhasamo jajñe devakṣatrasya nandanaḥ / madhūnāṃ vaṃśakṛd rājā madhur madhuravāg api

Sanskrit only: no published translation is held for this verse.

मधोर् जज्ञे तु वैदर्भ्यां पुरुत्वान् पुरुषोत्तमः । पुत्रो मरुवसस् तथा । *ह्व् २६।२६अ*४२७:१ ।* आसीन् मरुवसः पुत्रः । *ह्व् २६।२६अ*४२७:२ ।* माता जज्ञे ऽथ वैदर्भ्यां भद्रवत्यां कुरूद्वह

madhor jajñe tu vaidarbhyāṃ purutvān puruṣottamaḥ / putro maruvasas tathā | *HV 26.26a*427:1 |* āsīn maruvasaḥ putraḥ | *HV 26.26a*427:2 |* mātā jajñe 'tha vaidarbhyāṃ bhadravatyāṃ kurūdvaha

Sanskrit only: no published translation is held for this verse.

एक्ष्वाकी चाभवद् भार्या मातुस् तस्याम् अजायत । सर्वसत्त्वगुणोपेतः सात्वतां कीर्तिवर्धनः

ekṣvākī cābhavad bhāryā mātus tasyām ajāyata / sarvasattvaguṇopetaḥ sātvatāṃ kīrtivardhanaḥ

Sanskrit only: no published translation is held for this verse.

इमां विसृष्टिं विज्ञाय ज्यामघस्य महात्मनः । युज्यते परया प्रीत्या प्रजावांश् च भवत्य् उत

imāṃ visṛṣṭiṃ vijñāya jyāmaghasya mahātmanaḥ / yujyate parayā prītyā prajāvāṃś ca bhavaty uta

Sanskrit only: no published translation is held for this verse.