Harivaṃśa (critical edition) 27

वैशंपायन उवाच सत्वतः सत्त्वसंपन्नान् कौसल्या सुषुवे सुतान् । भजिनं भजमानं च दिव्यं देवावृधं नृपम्

vaiśaṃpāyana uvāca satvataḥ sattvasaṃpannān kausalyā suṣuve sutān / bhajinaṃ bhajamānaṃ ca divyaṃ devāvṛdhaṃ nṛpam

Sanskrit only: no published translation is held for this verse.

अन्धकं च महाबाहुं वृष्णिं च यदुनन्दनम् । तेषां विसर्गाश् चत्वारो विस्तरेणेह ताङ् शृणु

andhakaṃ ca mahābāhuṃ vṛṣṇiṃ ca yadunandanam / teṣāṃ visargāś catvāro vistareṇeha tāṅ śṛṇu

Sanskrit only: no published translation is held for this verse.

भजमानस्य सृञ्जय्यौ बाह्यका चोपबाह्यका । आस्तां भार्ये तयोस् तस्माज् जज्ञिरे बहवः सुताः

bhajamānasya sṛñjayyau bāhyakā copabāhyakā / āstāṃ bhārye tayos tasmāj jajñire bahavaḥ sutāḥ

Sanskrit only: no published translation is held for this verse.

निमिश् च क्रमणश् चैव विष्णुः शूरः पुरंजयः । एते बाह्यकसृञ्जय्यां भजमानाद् विजज्ञिरे

nimiś ca kramaṇaś caiva viṣṇuḥ śūraḥ puraṃjayaḥ / ete bāhyakasṛñjayyāṃ bhajamānād vijajñire

Sanskrit only: no published translation is held for this verse.

आयुताजित् सहस्राजिच् छताजिच् चाथ दासकः । उपबाह्यकसृञ्जय्यां भजमानाद् विजज्ञिरे

āyutājit sahasrājic chatājic cātha dāsakaḥ / upabāhyakasṛñjayyāṃ bhajamānād vijajñire

Sanskrit only: no published translation is held for this verse.

यज्वा देवावृधो राजा चचार विपुलं तपः । पुत्रः सर्वगुणोपेतो मम स्याद् इति निश्चितः

yajvā devāvṛdho rājā cacāra vipulaṃ tapaḥ / putraḥ sarvaguṇopeto mama syād iti niścitaḥ

Sanskrit only: no published translation is held for this verse.

संयुज्यात्मानम् एवं स पर्णाशाया जलं स्पृशन् । सदोपस्पृशतस् तस्य चकार प्रियम् आपगा

saṃyujyātmānam evaṃ sa parṇāśāyā jalaṃ spṛśan / sadopaspṛśatas tasya cakāra priyam āpagā

Sanskrit only: no published translation is held for this verse.

चिन्तयाभिपरीता सा जगामैकविनिश्चयम् । कल्याणत्वान् नरपतेस् तस्य सा निम्नगोत्तमा

cintayābhiparītā sā jagāmaikaviniścayam / kalyāṇatvān narapates tasya sā nimnagottamā

Sanskrit only: no published translation is held for this verse.

जायेत् तस्मात् स्वयं हन्त भवाम्य् अस्य सहव्रता

jāyet tasmāt svayaṃ hanta bhavāmy asya sahavratā

Sanskrit only: no published translation is held for this verse.

अथ भूत्वा कुमारी सा बिभ्रती परमं वपुः । वरयाम् आस नृपतिं ताम् इयेष च स प्रभुः

atha bhūtvā kumārī sā bibhratī paramaṃ vapuḥ / varayām āsa nṛpatiṃ tām iyeṣa ca sa prabhuḥ

Sanskrit only: no published translation is held for this verse.

अथ सा दशमे मासि सुषुवे सरितां वरा । पुत्रं सर्वगुणोपेतं बभ्रुं देवावृधान् नृपात्

atha sā daśame māsi suṣuve saritāṃ varā / putraṃ sarvaguṇopetaṃ babhruṃ devāvṛdhān nṛpāt

Sanskrit only: no published translation is held for this verse.

अनुवंशे पुराणज्ञा गायन्तीति परिश्रुतम् । गुणान् देवावृधस्याथ कीर्तयन्तो महात्मनः

anuvaṃśe purāṇajñā gāyantīti pariśrutam / guṇān devāvṛdhasyātha kīrtayanto mahātmanaḥ

Sanskrit only: no published translation is held for this verse.

यथैवाग्रे श्रुतं दूराद् अपश्याम तथान्तिकात् । बभ्रुः श्रेष्ठो मनुष्याणां देवैर् देवावृधः समः

yathaivāgre śrutaṃ dūrād apaśyāma tathāntikāt / babhruḥ śreṣṭho manuṣyāṇāṃ devair devāvṛdhaḥ samaḥ

Sanskrit only: no published translation is held for this verse.

षष्टिश् च षट् च पुरुषाः सहस्राणि च सप्त च । एते ऽमृतत्वं संप्राप्ता बभ्रोर् दैवावृधाद् इति

ṣaṣṭiś ca ṣaṭ ca puruṣāḥ sahasrāṇi ca sapta ca / ete 'mṛtatvaṃ saṃprāptā babhror daivāvṛdhād iti

Sanskrit only: no published translation is held for this verse.

तस्यान्ववायः सुमहान् भोजा ये मार्तिकावताः

tasyānvavāyaḥ sumahān bhojā ye mārtikāvatāḥ

Sanskrit only: no published translation is held for this verse.

अन्धकात् काश्यदुहिता चतुरो ऽलभतात्मजान् । कुकुरं भजमानं च शमिं कम्बलबर्हिषम्

andhakāt kāśyaduhitā caturo 'labhatātmajān / kukuraṃ bhajamānaṃ ca śamiṃ kambalabarhiṣam

Sanskrit only: no published translation is held for this verse.

कुकुरस्य सुतो धृष्णुर् धृष्णोस् तु तनयस् तथा । कपोतरोमा तस्याथ तैत्तिरिस् तनयो ऽभवत् । जज्ञे पुनर् वसुस् तस्माद् अभिजित् तु पुनर् वसोः

kukurasya suto dhṛṣṇur dhṛṣṇos tu tanayas tathā / kapotaromā tasyātha taittiris tanayo 'bhavat / jajñe punar vasus tasmād abhijit tu punar vasoḥ

Sanskrit only: no published translation is held for this verse.

तस्य वै पुत्रमिथुनं बभूवाभिजितः किल । आहुकश् चाहुकी चैव ख्यातौ ख्यातिमतां वरौ

tasya vai putramithunaṃ babhūvābhijitaḥ kila / āhukaś cāhukī caiva khyātau khyātimatāṃ varau

Sanskrit only: no published translation is held for this verse.

इमाश् चोदाहरन्त्य् अत्र गाथाः प्रति तम् आहुकम्

imāś codāharanty atra gāthāḥ prati tam āhukam

Sanskrit only: no published translation is held for this verse.

श्वेतेन परिवारेण किशोरप्रतिमो महान् । अशीतिचर्मणा युक्तो नाहुकः प्रथमं व्रजेत्

śvetena parivāreṇa kiśorapratimo mahān / aśīticarmaṇā yukto nāhukaḥ prathamaṃ vrajet

Sanskrit only: no published translation is held for this verse.

नापुत्रवान् नाशतदो नासहस्रशतायुधः । नाशुद्धकर्मा नायज्वा यो भोजम् अभितो व्रजेत्

nāputravān nāśatado nāsahasraśatāyudhaḥ / nāśuddhakarmā nāyajvā yo bhojam abhito vrajet

Sanskrit only: no published translation is held for this verse.

रूप्यकाञ्चनकक्ष्याणां सहस्राणि दशापि च

rūpyakāñcanakakṣyāṇāṃ sahasrāṇi daśāpi ca

Sanskrit only: no published translation is held for this verse.

तावन्त्य् एव सहस्राणि उत्तरस्यां तथा दिशि । आ भूमिपालान् भोजान् स्वान् अतिष्ठन् किंकिणीकिनः

tāvanty eva sahasrāṇi uttarasyāṃ tathā diśi / ā bhūmipālān bhojān svān atiṣṭhan kiṃkiṇīkinaḥ

Sanskrit only: no published translation is held for this verse.

आहुकीं चाप्य् अवन्तिभ्यः स्वसारं ददुर् अन्धकाः

āhukīṃ cāpy avantibhyaḥ svasāraṃ dadur andhakāḥ

Sanskrit only: no published translation is held for this verse.

आहुकस्य तु काश्यायां द्वौ पुत्रौ संबभूवतुः । देवकश् चोग्रसेनश् च देवगर्भसमाव् उभौ

āhukasya tu kāśyāyāṃ dvau putrau saṃbabhūvatuḥ / devakaś cograsenaś ca devagarbhasamāv ubhau

Sanskrit only: no published translation is held for this verse.

देवकस्याभवन् पुत्राश् चत्वारस् त्रिदशोपमाः । देववान् उपदेवश् च सुदेवो देवरक्षितः । कुमार्यः सप्त चाप्यासन् वसुदेवाय ता ददौ

devakasyābhavan putrāś catvāras tridaśopamāḥ / devavān upadevaś ca sudevo devarakṣitaḥ / kumāryaḥ sapta cāpyāsan vasudevāya tā dadau

Sanskrit only: no published translation is held for this verse.

देवकी शान्तिदेवा च सुदेवा देवरक्षिता । वृकदेव्य् उपदेवी च सुनाम्नी चैव सप्तमी

devakī śāntidevā ca sudevā devarakṣitā / vṛkadevy upadevī ca sunāmnī caiva saptamī

Sanskrit only: no published translation is held for this verse.

नवोग्रसेनस्य सुतास् तेषां कंसस् तु पूर्वजः । न्यग्रोधश् च सुनामा च कङ्कुशङ्कुसुभूमयः । राष्ट्रपालो ऽथ सुतनुर् अनाधृष्टिश् च पुष्टिमान्

navograsenasya sutās teṣāṃ kaṃsas tu pūrvajaḥ / nyagrodhaś ca sunāmā ca kaṅkuśaṅkusubhūmayaḥ / rāṣṭrapālo 'tha sutanur anādhṛṣṭiś ca puṣṭimān

Sanskrit only: no published translation is held for this verse.

एषां स्वसारः पञ्चासन् कंसा कंसवती तथा । सुतनू राष्ट्रपाली च कङ्का चैव वराङ्गना

eṣāṃ svasāraḥ pañcāsan kaṃsā kaṃsavatī tathā / sutanū rāṣṭrapālī ca kaṅkā caiva varāṅganā

Sanskrit only: no published translation is held for this verse.

उग्रसेनः सहापत्यो व्याख्यातः कुकुरोद्भवः

ugrasenaḥ sahāpatyo vyākhyātaḥ kukurodbhavaḥ

Sanskrit only: no published translation is held for this verse.

कुकुराणाम् इमं वंशं धारयन्न् अमितौजसाम् । आत्मनो विपुलं वंशं प्रजावान् आप्नुते नरः

kukurāṇām imaṃ vaṃśaṃ dhārayann amitaujasām / ātmano vipulaṃ vaṃśaṃ prajāvān āpnute naraḥ

Sanskrit only: no published translation is held for this verse.