Library·Harivaṃśa (critical edition)·35
वैशंपायन उवाच ताभ्यां बलाभ्यां संजज्ञे तुमुलो विग्रहस् तदा । सुराणाम् असुराणां च परस्परजयैषिणाम्
vaiśaṃpāyana uvāca tābhyāṃ balābhyāṃ saṃjajñe tumulo vigrahas tadā / surāṇām asurāṇāṃ ca parasparajayaiṣiṇām
Sanskrit only: no published translation is held for this verse.
दानवा दैवतैः सार्धं नानाप्रहरणोद्यताः । समीयुर् युध्यमाना वै पर्वता इव पर्वतैः
dānavā daivataiḥ sārdhaṃ nānāpraharaṇodyatāḥ / samīyur yudhyamānā vai parvatā iva parvataiḥ
Sanskrit only: no published translation is held for this verse.
तत्सुरासुरसंयुक्तं युद्धम् अत्यद्भुतं बभौ । धर्माधर्मसमायुक्तं दर्पेण विनयेन च
tatsurāsurasaṃyuktaṃ yuddham atyadbhutaṃ babhau / dharmādharmasamāyuktaṃ darpeṇa vinayena ca
Sanskrit only: no published translation is held for this verse.
ततो रथैः प्रज्वलितैर् वाहनैश् च प्रचोदितैः । उत्पतद्भिश् च गगनं सासिहस्तैः समन्ततः
tato rathaiḥ prajvalitair vāhanaiś ca pracoditaiḥ / utpatadbhiś ca gaganaṃ sāsihastaiḥ samantataḥ
Sanskrit only: no published translation is held for this verse.
क्षिप्यमाणैश् च मुसलैः संप्रेष्यद्भिश् च सायकैः । चापैर् विस्फार्यमाणैश् च पात्यमानैश् च मुद्गरैः
kṣipyamāṇaiś ca musalaiḥ saṃpreṣyadbhiś ca sāyakaiḥ / cāpair visphāryamāṇaiś ca pātyamānaiś ca mudgaraiḥ
Sanskrit only: no published translation is held for this verse.
तद् युद्धम् अभवद् घोरं देवदानवसंकुलम् । जगतस् त्रासजननं युगसंवर्तकोपमम्
tad yuddham abhavad ghoraṃ devadānavasaṃkulam / jagatas trāsajananaṃ yugasaṃvartakopamam
Sanskrit only: no published translation is held for this verse.
स्वहस्तमुक्तैः परिघैः क्षिप्रमुक्तैश् च पर्वतैः । दानवाः समरे जघ्नुर् देवान् इन्द्रपुरोगमान्
svahastamuktaiḥ parighaiḥ kṣipramuktaiś ca parvataiḥ / dānavāḥ samare jaghnur devān indrapurogamān
Sanskrit only: no published translation is held for this verse.
ते वध्यमाना बलिभिर् दानवैर् जितकाशिभिः । विषण्णमनसो देवा जग्मुर् आर्तिं महामृधे
te vadhyamānā balibhir dānavair jitakāśibhiḥ / viṣaṇṇamanaso devā jagmur ārtiṃ mahāmṛdhe
Sanskrit only: no published translation is held for this verse.
ते ऽस्त्रजालैः प्रमथिताः परिघैर् भिन्नमस्तकाः । भिन्नोरस्का दितिसुतैर् वेमू रक्तं व्रणैर् बहु
te 'strajālaiḥ pramathitāḥ parighair bhinnamastakāḥ / bhinnoraskā ditisutair vemū raktaṃ vraṇair bahu
Sanskrit only: no published translation is held for this verse.
संदिताः पाशजालैश् च निर्यत्नाश् च शरैः कृताः । प्रविष्टा दानवीं मायां न शेकुस् ते विचेष्टितुम्
saṃditāḥ pāśajālaiś ca niryatnāś ca śaraiḥ kṛtāḥ / praviṣṭā dānavīṃ māyāṃ na śekus te viceṣṭitum
Sanskrit only: no published translation is held for this verse.
तत्स्तम्भितम् इवाभाति निष्प्राणसदृशाकृति । बलं सुराणाम् असुरैर् निष्प्रयत्नायुधं कृतम्
tatstambhitam ivābhāti niṣprāṇasadṛśākṛti / balaṃ surāṇām asurair niṣprayatnāyudhaṃ kṛtam
Sanskrit only: no published translation is held for this verse.
मायापाशान्विकर्षंश् च छिन्दन् वज्रेण ताञ् शरान् । शक्रो दैत्यबलं घोरं विवेश बहुलोचनः
māyāpāśānvikarṣaṃś ca chindan vajreṇa tāñ śarān / śakro daityabalaṃ ghoraṃ viveśa bahulocanaḥ
Sanskrit only: no published translation is held for this verse.
स दैत्यान् प्रमुखे हत्वा तद्दानवबलं महत् । तामसेनास्त्रजालेन तमोभूतम् अथाकरोत्
sa daityān pramukhe hatvā taddānavabalaṃ mahat / tāmasenāstrajālena tamobhūtam athākarot
Sanskrit only: no published translation is held for this verse.
ते ऽन्योन्यं नावबुध्यन्त देवान् वा वाहनानि वा । घोरेण तमसाविष्टाः पुरुहूतस्य तेजसा
te 'nyonyaṃ nāvabudhyanta devān vā vāhanāni vā / ghoreṇa tamasāviṣṭāḥ puruhūtasya tejasā
Sanskrit only: no published translation is held for this verse.
मायापाशैर् विमुक्तास् तु यत्नवन्तः सुरोत्तमाः । वपूंषि दैत्यसंघानां तमोभूतान्य् अपातयन्
māyāpāśair vimuktās tu yatnavantaḥ surottamāḥ / vapūṃṣi daityasaṃghānāṃ tamobhūtāny apātayan
Sanskrit only: no published translation is held for this verse.
अपध्वस्ता विसंज्ञाश् च तमसा नीलवर्चसः । पेतुस् ते दानवगणाश् छिन्नपक्षा इवाचलाः
apadhvastā visaṃjñāś ca tamasā nīlavarcasaḥ / petus te dānavagaṇāś chinnapakṣā ivācalāḥ
Sanskrit only: no published translation is held for this verse.
तद्घनीभूतदैत्येन्द्रम् अन्धकारम् इवार्णवम् । दानवं देवसदनं तमोभूतम् इवाबभौ
tadghanībhūtadaityendram andhakāram ivārṇavam / dānavaṃ devasadanaṃ tamobhūtam ivābabhau
Sanskrit only: no published translation is held for this verse.
तदासृजन्महामायां मयस् तां तामसीं दहन् । युगान्तोद्द्योतजननीं सृष्टाम् और्वेण वह्निना
tadāsṛjanmahāmāyāṃ mayas tāṃ tāmasīṃ dahan / yugāntoddyotajananīṃ sṛṣṭām aurveṇa vahninā
Sanskrit only: no published translation is held for this verse.
सा ददाह तमः सर्वं माया मयविकल्पिता । दैत्याश् चादित्यवपुषः सद्य उत्तस्थुर् आहवे
sā dadāha tamaḥ sarvaṃ māyā mayavikalpitā / daityāś cādityavapuṣaḥ sadya uttasthur āhave
Sanskrit only: no published translation is held for this verse.
मायाम् और्वीं समासाद्य दह्यमाना दिवौकसः । भेजिरे चन्द्रविषयं शीतांशुसलिलह्रदम्
māyām aurvīṃ samāsādya dahyamānā divaukasaḥ / bhejire candraviṣayaṃ śītāṃśusalilahradam
Sanskrit only: no published translation is held for this verse.
ते दह्यमाना और्वेण तेजसा भ्रष्टतेजसः । शशंसुर् वज्रिणे देवाः संतप्ताः शरणैषिणः
te dahyamānā aurveṇa tejasā bhraṣṭatejasaḥ / śaśaṃsur vajriṇe devāḥ saṃtaptāḥ śaraṇaiṣiṇaḥ
Sanskrit only: no published translation is held for this verse.
संतप्ते मायया सैन्ये दह्यमाने च दानवैः । चोदितो देवराजेन वरुणो वाक्यम् अब्रवीत्
saṃtapte māyayā sainye dahyamāne ca dānavaiḥ / codito devarājena varuṇo vākyam abravīt
Sanskrit only: no published translation is held for this verse.
पुरा ब्रह्मर्षिजः शक्र तपस् तेपे सुदारुणम् । और्वः पूर्वं स तेजस्वी सदृशो ब्रह्मणो गुणैः
purā brahmarṣijaḥ śakra tapas tepe sudāruṇam / aurvaḥ pūrvaṃ sa tejasvī sadṛśo brahmaṇo guṇaiḥ
Sanskrit only: no published translation is held for this verse.
तं तपन्तम् इवादित्यं तपसा जगद् अव्ययम् । उपतस्थुर् मुनिगणा देवा देवर्षिभिः सह
taṃ tapantam ivādityaṃ tapasā jagad avyayam / upatasthur munigaṇā devā devarṣibhiḥ saha
Sanskrit only: no published translation is held for this verse.
हिरण्यकशिपुश् चैव दानवो दावनेश्वरः । ऋषिं विज्ञापयाम् आस पुरा परमतेजसम्
hiraṇyakaśipuś caiva dānavo dāvaneśvaraḥ / ṛṣiṃ vijñāpayām āsa purā paramatejasam
Sanskrit only: no published translation is held for this verse.
तम् ऊचुर् ब्रह्मॠषयो वचनं धर्मसंहितम् । ऋषिवंशेषु भगवञ्श् छिन्नमूलम् इदं कुलम्
tam ūcur brahmaṝṣayo vacanaṃ dharmasaṃhitam / ṛṣivaṃśeṣu bhagavañś chinnamūlam idaṃ kulam
Sanskrit only: no published translation is held for this verse.
एकस् त्वम् अनपत्यश् च गोत्रापत्यं न वर्तते । कौमारं व्रतम् आस्थाय क्लेशम् एवानुवर्तसे
ekas tvam anapatyaś ca gotrāpatyaṃ na vartate / kaumāraṃ vratam āsthāya kleśam evānuvartase
Sanskrit only: no published translation is held for this verse.
बहूनि विप्र गोत्राणि मुनीनां भावितात्मनाम् । एकदेहानि तिष्ठन्ति विविक्तानि विना प्रजाः
bahūni vipra gotrāṇi munīnāṃ bhāvitātmanām / ekadehāni tiṣṭhanti viviktāni vinā prajāḥ
Sanskrit only: no published translation is held for this verse.
धरत्सूत्सन्नभूतेषु तेषु ते नास्ति कारणम् । भवांस् तु तपसा श्रेष्ठः प्रजापतिसमद्युतिः
dharatsūtsannabhūteṣu teṣu te nāsti kāraṇam / bhavāṃs tu tapasā śreṣṭhaḥ prajāpatisamadyutiḥ
Sanskrit only: no published translation is held for this verse.
तत्प्रवर्तस्व वंशाय वर्धयात्मानम् आत्मना । आदधत् स्वोर्जितं तेजो द्वितीयां कुरु वै तनुम्
tatpravartasva vaṃśāya vardhayātmānam ātmanā / ādadhat svorjitaṃ tejo dvitīyāṃ kuru vai tanum
Sanskrit only: no published translation is held for this verse.
स एवम् उक्तो मुनिभिर् मुनिर् मनसि ताडितः । जगर्हे तान् ऋषिगणान् वचनं चेदम् अब्रवीत्
sa evam ukto munibhir munir manasi tāḍitaḥ / jagarhe tān ṛṣigaṇān vacanaṃ cedam abravīt
Sanskrit only: no published translation is held for this verse.
यथायं शाश्वतो धर्मो मुनीनां विहितः पुरा । आर्षं वै सेवतां कर्म वन्यमूलफलाशिनः
yathāyaṃ śāśvato dharmo munīnāṃ vihitaḥ purā / ārṣaṃ vai sevatāṃ karma vanyamūlaphalāśinaḥ
Sanskrit only: no published translation is held for this verse.
ब्रह्मयोनौ प्रसूतस्य ब्राह्मणस्यात्मवर्तिनः । ब्रह्मचर्यं सुचरितं ब्रह्माणम् अपि चालयेत्
brahmayonau prasūtasya brāhmaṇasyātmavartinaḥ / brahmacaryaṃ sucaritaṃ brahmāṇam api cālayet
Sanskrit only: no published translation is held for this verse.
द्विजानां वृत्तयस् तिस्रो ये गृहाश्रमवासिनः । अस्माकं तु वनं वृत्तिर् वन्याश्रमनिवासिनाम्
dvijānāṃ vṛttayas tisro ye gṛhāśramavāsinaḥ / asmākaṃ tu vanaṃ vṛttir vanyāśramanivāsinām
Sanskrit only: no published translation is held for this verse.
अब्भक्षा वायुभक्षाश् च दन्तोलूखलिनस् तथा । अश्मकुट्टा दशतपाः पञ्चसप्ततपाश् च ये
abbhakṣā vāyubhakṣāś ca dantolūkhalinas tathā / aśmakuṭṭā daśatapāḥ pañcasaptatapāś ca ye
Sanskrit only: no published translation is held for this verse.
एते तपसि तिष्ठन्तो व्रतैर् अपि सुदुष्चरैः । ब्रह्मचर्यं पुरस्कृत्य प्रार्थयन्ति परां गतिम्
ete tapasi tiṣṭhanto vratair api suduṣcaraiḥ / brahmacaryaṃ puraskṛtya prārthayanti parāṃ gatim
Sanskrit only: no published translation is held for this verse.
ब्रह्मचर्याद् ब्राह्मणस्य ब्राह्मणत्वं विधीयते । एवम् आहुः परे लोके ब्रह्मचर्यविदो जनाः
brahmacaryād brāhmaṇasya brāhmaṇatvaṃ vidhīyate / evam āhuḥ pare loke brahmacaryavido janāḥ
Sanskrit only: no published translation is held for this verse.
ब्रह्मचर्ये स्थितं धैर्यं ब्रह्मचर्ये स्थितं तपः । ये स्थिता ब्रह्मचर्येण ब्राह्मणा दिवि ते स्थिताः
brahmacarye sthitaṃ dhairyaṃ brahmacarye sthitaṃ tapaḥ / ye sthitā brahmacaryeṇa brāhmaṇā divi te sthitāḥ
Sanskrit only: no published translation is held for this verse.
नास्ति योगं विना सिद्धिर् नास्ति सिद्धिं विना यशः । नास्ति लोके यशोमूलं ब्रह्मचर्यात् परं तपः
nāsti yogaṃ vinā siddhir nāsti siddhiṃ vinā yaśaḥ / nāsti loke yaśomūlaṃ brahmacaryāt paraṃ tapaḥ
Sanskrit only: no published translation is held for this verse.
यो निगृह्येन्द्रियग्रामं भूतग्रामं च पञ्चकम् । ब्रह्मचर्यं समाधत्ते किम् अतः परमं तपः
yo nigṛhyendriyagrāmaṃ bhūtagrāmaṃ ca pañcakam / brahmacaryaṃ samādhatte kim ataḥ paramaṃ tapaḥ
Sanskrit only: no published translation is held for this verse.
अयोगे केशधरणम् असंकल्पे व्रतक्रिया । ब्रह्मचर्यं च चर्या च त्रयं स्याद् दम्भसंज्ञितम्
ayoge keśadharaṇam asaṃkalpe vratakriyā / brahmacaryaṃ ca caryā ca trayaṃ syād dambhasaṃjñitam
Sanskrit only: no published translation is held for this verse.
क्व दाराः क्व च संयोगः क्व च भावविपर्ययः । यद् इयं ब्रह्मणा सृष्टा मनसा मानसी प्रजा
kva dārāḥ kva ca saṃyogaḥ kva ca bhāvaviparyayaḥ / yad iyaṃ brahmaṇā sṛṣṭā manasā mānasī prajā
Sanskrit only: no published translation is held for this verse.
प्राणिनो दधति के रतिं ततो । *ह्व् ३५।४३*५०६:८ ।* योषितां वपुषि निर्घृणे ऽशुचौ । *ह्व् ३५।४३*५०६:९ ।* ब्रह्मचर्यम् अपरं सुनिश्चिताः । *ह्व् ३५।४३*५०६:१० ।* कुर्महे यद् अभिकाङ्क्षितं हृदि । *ह्व् ३५।४३*५०६:११ ।* सृजध्वं मानसान् पुत्रान् प्राजापत्येन कर्मणा
prāṇino dadhati ke ratiṃ tato | *HV 35.43*506:8 |* yoṣitāṃ vapuṣi nirghṛṇe 'śucau | *HV 35.43*506:9 |* brahmacaryam aparaṃ suniścitāḥ | *HV 35.43*506:10 |* kurmahe yad abhikāṅkṣitaṃ hṛdi | *HV 35.43*506:11 |* sṛjadhvaṃ mānasān putrān prājāpatyena karmaṇā
Sanskrit only: no published translation is held for this verse.
मनसा निर्मिता योनिर् आधातव्या तपस्विना । न दारयोगं बीजं वा व्रतमुक्तं तपस्विनाम्
manasā nirmitā yonir ādhātavyā tapasvinā / na dārayogaṃ bījaṃ vā vratamuktaṃ tapasvinām
Sanskrit only: no published translation is held for this verse.
यद् इदं लुप्तधर्मार्थं युष्माभिर् इह निर्भयैः । व्याहृतं सद्भिर् अत्यर्थम् असद्भिर् इव मे मतम्
yad idaṃ luptadharmārthaṃ yuṣmābhir iha nirbhayaiḥ / vyāhṛtaṃ sadbhir atyartham asadbhir iva me matam
Sanskrit only: no published translation is held for this verse.
वपुर् दीप्तान्तरात्मानम् एष कृत्वा मनोमयम् । दारयोगं विना स्रक्ष्ये पुत्रम् आत्मतनूरुहम्
vapur dīptāntarātmānam eṣa kṛtvā manomayam / dārayogaṃ vinā srakṣye putram ātmatanūruham
Sanskrit only: no published translation is held for this verse.
एवम् आत्मानम् आत्मा मे द्वितीयं जनयिष्यति । वन्येनानेन विधिना दिधक्षन्तम् इव प्रजाः
evam ātmānam ātmā me dvitīyaṃ janayiṣyati / vanyenānena vidhinā didhakṣantam iva prajāḥ
Sanskrit only: no published translation is held for this verse.
ऊर्वस् तु तपसाविष्टो निवेश्योरुं हुताशने । ममन्थैकेन दर्भेण सुतस्य प्रभवारणिम्
ūrvas tu tapasāviṣṭo niveśyoruṃ hutāśane / mamanthaikena darbheṇa sutasya prabhavāraṇim
Sanskrit only: no published translation is held for this verse.
तस्योरुं सहसा भित्त्वा ज्वालामाली निरिन्धनः । जगतो दहनाकाङ्क्षी पुत्रो ऽग्निः समपद्यत
tasyoruṃ sahasā bhittvā jvālāmālī nirindhanaḥ / jagato dahanākāṅkṣī putro 'gniḥ samapadyata
Sanskrit only: no published translation is held for this verse.
ऊर्वस्योरुं विनिर्मिद्य और्वो नामान्तको ऽनलः । दिधक्षन्न् इव लोकांस् त्रीञ् जज्ञे परमकोपनः
ūrvasyoruṃ vinirmidya aurvo nāmāntako 'nalaḥ / didhakṣann iva lokāṃs trīñ jajñe paramakopanaḥ
Sanskrit only: no published translation is held for this verse.
उत्पन्नमात्रश् चोवाच पितरं दीप्तया गिरा । क्षुधा मे बाधते तात जगद् धक्ष्ये त्यजस्व माम्
utpannamātraś covāca pitaraṃ dīptayā girā / kṣudhā me bādhate tāta jagad dhakṣye tyajasva mām
Sanskrit only: no published translation is held for this verse.
त्रिदिवारोहिभिर् ज्वालैर् जृम्भमाणो दिशो दश । निर्दहन् सर्वभूतानि ववृधे सो ऽन्तको ऽनलः
tridivārohibhir jvālair jṛmbhamāṇo diśo daśa / nirdahan sarvabhūtāni vavṛdhe so 'ntako 'nalaḥ
Sanskrit only: no published translation is held for this verse.
तम् उवाच ततो ब्रह्मा । *ह्व् ३५।५३अ*५०७:५ ।* पुत्रेदं धार्यतां तेजो लोकानां क्रियतां दया
tam uvāca tato brahmā | *HV 35.53a*507:5 |* putredaṃ dhāryatāṃ tejo lokānāṃ kriyatāṃ dayā
Sanskrit only: no published translation is held for this verse.
अस्यापत्यस्य ते विप्र करिष्ये साह्यम् उत्तमम् । वासं चास्य प्रदास्यामि प्राशनं चामृतोपमम् । तथ्यम् एतन् मम वचः शृणु त्वं वदतां वर
asyāpatyasya te vipra kariṣye sāhyam uttamam / vāsaṃ cāsya pradāsyāmi prāśanaṃ cāmṛtopamam / tathyam etan mama vacaḥ śṛṇu tvaṃ vadatāṃ vara
Sanskrit only: no published translation is held for this verse.
ऊर्व उवाच धन्यो ऽस्म्य् अनुगृहीतो ऽस्मि यन् मे ऽद्य भगवाञ् शिशोः । मतिम् एतां ददातीह परमानुग्रहाय वै
ūrva uvāca dhanyo 'smy anugṛhīto 'smi yan me 'dya bhagavāñ śiśoḥ / matim etāṃ dadātīha paramānugrahāya vai
Sanskrit only: no published translation is held for this verse.
प्रभातकाले संप्राप्ते काङ्क्षितव्ये समागमे । भगवंस् तर्पितः पुत्रः कैर् हव्यैः प्राप्स्यते सुखम्
prabhātakāle saṃprāpte kāṅkṣitavye samāgame / bhagavaṃs tarpitaḥ putraḥ kair havyaiḥ prāpsyate sukham
Sanskrit only: no published translation is held for this verse.
कुत्र वास्य निवासः स्याद् भोजनं च किमात्मकम् । विधास्यति भवान् अस्य वीर्यतुल्यं महौजसः
kutra vāsya nivāsaḥ syād bhojanaṃ ca kimātmakam / vidhāsyati bhavān asya vīryatulyaṃ mahaujasaḥ
Sanskrit only: no published translation is held for this verse.
ब्रह्मोवाच वडवामुखे ऽस्य वसतिः समुद्रे वै भविष्यति । मम योनिर् जलं विप्र तच् च मे तोयपं मुखम्
brahmovāca vaḍavāmukhe 'sya vasatiḥ samudre vai bhaviṣyati / mama yonir jalaṃ vipra tac ca me toyapaṃ mukham
Sanskrit only: no published translation is held for this verse.
तत्राहम् आसे निरतः पिबन् वारिमयं हवैः । तद्धविस् तव पुत्रस्य विसृजाम्य् आलयं च तत्
tatrāham āse nirataḥ piban vārimayaṃ havaiḥ / taddhavis tava putrasya visṛjāmy ālayaṃ ca tat
Sanskrit only: no published translation is held for this verse.
ततो युगान्ते भूतानाम् एष चाहं च सुव्रत । सहितौ विचरिष्यावो निष्प्राणनकराव् इह
tato yugānte bhūtānām eṣa cāhaṃ ca suvrata / sahitau vicariṣyāvo niṣprāṇanakarāv iha
Sanskrit only: no published translation is held for this verse.
एषो ऽग्निर् अन्तकालस्य सलिलाशी मया कृतः । दहनः सर्वभूतानां सदेवासुररक्षसाम्
eṣo 'gnir antakālasya salilāśī mayā kṛtaḥ / dahanaḥ sarvabhūtānāṃ sadevāsurarakṣasām
Sanskrit only: no published translation is held for this verse.
एवम् अस्त्व् इति सो ऽप्य् अग्निः संवृतज्वालमण्डलः । प्रविवेशार्णवमुखं निक्षिप्य पितरि प्रभाम्
evam astv iti so 'py agniḥ saṃvṛtajvālamaṇḍalaḥ / praviveśārṇavamukhaṃ nikṣipya pitari prabhām
Sanskrit only: no published translation is held for this verse.
प्रतियातस् ततो ब्रह्मा ते च सर्वे महर्षयः । और्वस्याग्नेः प्रभावज्ञाः स्वां स्वां गतिम् उपाश्रिताः
pratiyātas tato brahmā te ca sarve maharṣayaḥ / aurvasyāgneḥ prabhāvajñāḥ svāṃ svāṃ gatim upāśritāḥ
Sanskrit only: no published translation is held for this verse.
हिरण्यकशिपुर् दृष्ट्वा तद् अद्भुतम् अपूजयत् । और्वं प्रणतसर्वाङ्गो वाक्यं चेदम् उवाच ह
hiraṇyakaśipur dṛṣṭvā tad adbhutam apūjayat / aurvaṃ praṇatasarvāṅgo vākyaṃ cedam uvāca ha
Sanskrit only: no published translation is held for this verse.
भगवन्न् अद्भुतम् इदं निर्वृत्तं लोकसाक्षिकम् । तपसा ते मुनिश्रेष्ठ परितुष्टः पितामहः
bhagavann adbhutam idaṃ nirvṛttaṃ lokasākṣikam / tapasā te muniśreṣṭha parituṣṭaḥ pitāmahaḥ
Sanskrit only: no published translation is held for this verse.
अहं तु तव पुत्रस्य तव चैव महाव्रत । भृत्य इत्य् अवगन्तव्यः श्लाघ्यो ऽस्मि यदि कर्मणा
ahaṃ tu tava putrasya tava caiva mahāvrata / bhṛtya ity avagantavyaḥ ślāghyo 'smi yadi karmaṇā
Sanskrit only: no published translation is held for this verse.
तं मा पश्य समापन्नं तवैवाराधने रतम् । यत् सीदेयं मुनिश्रेष्ठ तवैव स्यात्पराजयः
taṃ mā paśya samāpannaṃ tavaivārādhane ratam / yat sīdeyaṃ muniśreṣṭha tavaiva syātparājayaḥ
Sanskrit only: no published translation is held for this verse.
ऊर्व उवाच धन्यो ऽस्म्य् अनुगृहीतो ऽस्मि यस्य ते ऽहं गुरुर् मतः । नास्ति ते तपसानेन भयम् अद्येह सुव्रत
ūrva uvāca dhanyo 'smy anugṛhīto 'smi yasya te 'haṃ gurur mataḥ / nāsti te tapasānena bhayam adyeha suvrata
Sanskrit only: no published translation is held for this verse.
इमां च मायां गृह्णीष्व मम पुत्रेण निर्मिताम् । निरिन्धनाम् अग्निमयीं दुःस्पर्शां पावकैर् अपि
imāṃ ca māyāṃ gṛhṇīṣva mama putreṇa nirmitām / nirindhanām agnimayīṃ duḥsparśāṃ pāvakair api
Sanskrit only: no published translation is held for this verse.
एषा ते स्वस्य वंशस्य वशगारिविनिग्रहे । रक्षिष्यत्य् आत्मपक्षं च परांश् च प्रदहिष्यति
eṣā te svasya vaṃśasya vaśagārivinigrahe / rakṣiṣyaty ātmapakṣaṃ ca parāṃś ca pradahiṣyati
Sanskrit only: no published translation is held for this verse.
एवम् अस्त्व् इति तां गृह्य प्रणम्य मुनिपुंगवम् । जगाम त्रिदिवं हृष्टः कृतार्थो दानवेश्वरः
evam astv iti tāṃ gṛhya praṇamya munipuṃgavam / jagāma tridivaṃ hṛṣṭaḥ kṛtārtho dānaveśvaraḥ
Sanskrit only: no published translation is held for this verse.
सैषा दुर्विषहा माया देवैर् अपि दुरासदा । और्वेण निर्मिता पूर्वं पावकेनोर्वसूनुना
saiṣā durviṣahā māyā devair api durāsadā / aurveṇa nirmitā pūrvaṃ pāvakenorvasūnunā
Sanskrit only: no published translation is held for this verse.
तस्मिंस् तु व्युत्थिते दैत्ये निर्वीयैषा न संशयः । शापो ह्य् अस्याः पुरा दत्तः सृष्टा येनैव तेजसा
tasmiṃs tu vyutthite daitye nirvīyaiṣā na saṃśayaḥ / śāpo hy asyāḥ purā dattaḥ sṛṣṭā yenaiva tejasā
Sanskrit only: no published translation is held for this verse.
मायाम् एतां हनिष्यामि त्वत्प्रसादान् न संशयः
māyām etāṃ haniṣyāmi tvatprasādān na saṃśayaḥ
Sanskrit only: no published translation is held for this verse.