Library·Harivaṃśa (critical edition)·38
वैशंपायन उवाच पञ्च तं नाभ्यवर्तन्त विपरीतेन कर्मणा । वेदो धर्मः क्षमा सत्यं श्रीश् च नारायणाश्रया
vaiśaṃpāyana uvāca pañca taṃ nābhyavartanta viparītena karmaṇā / vedo dharmaḥ kṣamā satyaṃ śrīś ca nārāyaṇāśrayā
Sanskrit only: no published translation is held for this verse.
स तेषाम् अनुपस्थानात् सक्रोधो दानवेश्वरः । वैष्णवं पदम् अन्विच्छन् ययौ नारायणान्तिकम्
sa teṣām anupasthānāt sakrodho dānaveśvaraḥ / vaiṣṇavaṃ padam anvicchan yayau nārāyaṇāntikam
Sanskrit only: no published translation is held for this verse.
स ददर्श सुपर्णस्थं शङ्खचक्रगदाधरम् । दानवानां विनाशाय भ्रामयन्तं गदां शुभाम्
sa dadarśa suparṇasthaṃ śaṅkhacakragadādharam / dānavānāṃ vināśāya bhrāmayantaṃ gadāṃ śubhām
Sanskrit only: no published translation is held for this verse.
सजलाम्भोदसदृशं विद्युत्सदृशवाससम् । स्वारूढं स्वर्णपत्राढ्यं शिखिनं काश्यपं खगम्
sajalāmbhodasadṛśaṃ vidyutsadṛśavāsasam / svārūḍhaṃ svarṇapatrāḍhyaṃ śikhinaṃ kāśyapaṃ khagam
Sanskrit only: no published translation is held for this verse.
दृष्ट्वा दैत्यविनाशाय रणे स्वस्थम् अवस्थितम् । दानवो विष्णुम् अक्षोभ्यं बभाषे क्षुब्धमानसः
dṛṣṭvā daityavināśāya raṇe svastham avasthitam / dānavo viṣṇum akṣobhyaṃ babhāṣe kṣubdhamānasaḥ
Sanskrit only: no published translation is held for this verse.
अयं स रिपुर् अस्माकं पूर्वेषां दानवर्षिणाम् । अर्णवावासिनश् चैव मधोर् वै कैटभस्य च
ayaṃ sa ripur asmākaṃ pūrveṣāṃ dānavarṣiṇām / arṇavāvāsinaś caiva madhor vai kaiṭabhasya ca
Sanskrit only: no published translation is held for this verse.
अयं स विग्रहो ऽस्माकम् अशाम्यः किल कथ्यते । येन नः संयुगेष्व् अद्य बहवो दानवा हताः
ayaṃ sa vigraho 'smākam aśāmyaḥ kila kathyate / yena naḥ saṃyugeṣv adya bahavo dānavā hatāḥ
Sanskrit only: no published translation is held for this verse.
अयं स निर्घृणो युद्धे स्त्रीबालनिरपत्रपः । येन दानवनारीणां सीमन्तोद्धरणं कृतम्
ayaṃ sa nirghṛṇo yuddhe strībālanirapatrapaḥ / yena dānavanārīṇāṃ sīmantoddharaṇaṃ kṛtam
Sanskrit only: no published translation is held for this verse.
अयं स विष्णुर् देवानां वैकुण्ठश् च दिवौकसाम् । अनन्तो भोगिनाम् अप्सु स्वयंभूश् च स्वयंभुवः
ayaṃ sa viṣṇur devānāṃ vaikuṇṭhaś ca divaukasām / ananto bhoginām apsu svayaṃbhūś ca svayaṃbhuvaḥ
Sanskrit only: no published translation is held for this verse.
अयं स नाथो देवानाम् अस्माभिर् विप्रकृष्यताम् । अस्य क्रोधं समासाद्य हिरण्यकशिपुर् हतः
ayaṃ sa nātho devānām asmābhir viprakṛṣyatām / asya krodhaṃ samāsādya hiraṇyakaśipur hataḥ
Sanskrit only: no published translation is held for this verse.
अस्य च्छायां समाश्रित्य देवा मखमुखे स्थिताः । आज्यं महर्षिभिर् दत्तम् अश्नुवन्ति त्रिधा हुतम्
asya cchāyāṃ samāśritya devā makhamukhe sthitāḥ / ājyaṃ maharṣibhir dattam aśnuvanti tridhā hutam
Sanskrit only: no published translation is held for this verse.
अयं स निधने हेतुः सर्वेषां दैतवद्विषाम् । अस्य चक्रं प्रविष्टानि कुलान्य् अस्माकम् आहवे
ayaṃ sa nidhane hetuḥ sarveṣāṃ daitavadviṣām / asya cakraṃ praviṣṭāni kulāny asmākam āhave
Sanskrit only: no published translation is held for this verse.
अयं स किल युद्धेषु सुरार्थे त्यक्तजीवितः । सवितुस् तेजसा तुल्यं चक्रं क्षिपति शत्रुषु
ayaṃ sa kila yuddheṣu surārthe tyaktajīvitaḥ / savitus tejasā tulyaṃ cakraṃ kṣipati śatruṣu
Sanskrit only: no published translation is held for this verse.
अयं स कालो दैत्यानां कालभूते मयि स्थिते । अतिक्रान्तस्य कालस्य फलं प्राप्स्यति दुर्मतिः
ayaṃ sa kālo daityānāṃ kālabhūte mayi sthite / atikrāntasya kālasya phalaṃ prāpsyati durmatiḥ
Sanskrit only: no published translation is held for this verse.
दिष्ट्येदानीं समक्षं मे विष्णुर् एष समागतः । अद्य मद्बाणनिष्पिष्टो मय्य् एव प्रणमिष्यति
diṣṭyedānīṃ samakṣaṃ me viṣṇur eṣa samāgataḥ / adya madbāṇaniṣpiṣṭo mayy eva praṇamiṣyati
Sanskrit only: no published translation is held for this verse.
यास्याम्य् अपचितिं दिष्ट्या पूर्वेषाम् अद्य संयुगे । इमं नारायणं हत्वा दानवानां भयावहम्
yāsyāmy apacitiṃ diṣṭyā pūrveṣām adya saṃyuge / imaṃ nārāyaṇaṃ hatvā dānavānāṃ bhayāvaham
Sanskrit only: no published translation is held for this verse.
क्षिप्रम् एव वधिष्यामि रणे नारायणं शैरैः । जात्यन्तरगतो ह्य् एष मृधे बाधति दानवान्
kṣipram eva vadhiṣyāmi raṇe nārāyaṇaṃ śairaiḥ / jātyantaragato hy eṣa mṛdhe bādhati dānavān
Sanskrit only: no published translation is held for this verse.
एषो ऽन्तकः पुरा भूत्वा पद्मनाभ इति स्मृतः । जघानैकार्णवे घोरे ताव् उभौ मधुकैटभौ
eṣo 'ntakaḥ purā bhūtvā padmanābha iti smṛtaḥ / jaghānaikārṇave ghore tāv ubhau madhukaiṭabhau
Sanskrit only: no published translation is held for this verse.
द्विधाभूतं वपुः कृत्वा सिंहार्धं नरसंस्थितम् । पितरं मे जघानैको हिरण्यकशिपुं पुरा
dvidhābhūtaṃ vapuḥ kṛtvā siṃhārdhaṃ narasaṃsthitam / pitaraṃ me jaghānaiko hiraṇyakaśipuṃ purā
Sanskrit only: no published translation is held for this verse.
त्रींल् लोकांश् च जहारैष क्रममाणस् त्रिभिः क्रमैः
trīṃl lokāṃś ca jahāraiṣa kramamāṇas tribhiḥ kramaiḥ
Sanskrit only: no published translation is held for this verse.
भूयस् त्व् इदानीं समरे संप्राप्ते तारकामये । मया सह समागम्य सदेवो विनशिष्यति
bhūyas tv idānīṃ samare saṃprāpte tārakāmaye / mayā saha samāgamya sadevo vinaśiṣyati
Sanskrit only: no published translation is held for this verse.
स एवम् उक्त्वा बहुधा क्षिपन् नारायणं रणे । वाग्भिर् अप्रतिरूपाभिर् युद्धम् एवाभ्यरोचयत्
sa evam uktvā bahudhā kṣipan nārāyaṇaṃ raṇe / vāgbhir apratirūpābhir yuddham evābhyarocayat
Sanskrit only: no published translation is held for this verse.
क्षिप्यमाणो ऽसुरेन्द्रेण य चुकोप गदाधरः । क्षमाबलेन मनसा सस्मितं वाक्यम् अब्रवीत्
kṣipyamāṇo 'surendreṇa ya cukopa gadādharaḥ / kṣamābalena manasā sasmitaṃ vākyam abravīt
Sanskrit only: no published translation is held for this verse.
अलं दर्पबलं दैत्य स्थिरं मत्क्रोधजं बलम् । हतस् त्वं दर्पजैर् दोषैः क्षमां यो ऽतीत्य भाषसे
alaṃ darpabalaṃ daitya sthiraṃ matkrodhajaṃ balam / hatas tvaṃ darpajair doṣaiḥ kṣamāṃ yo 'tītya bhāṣase
Sanskrit only: no published translation is held for this verse.
अधमस् त्वं मम मतो धिग् एतत् तव वाग्बलम् । न तत्र पुरुषाः सन्ति यत्र गर्जन्ति योषितः
adhamas tvaṃ mama mato dhig etat tava vāgbalam / na tatra puruṣāḥ santi yatra garjanti yoṣitaḥ
Sanskrit only: no published translation is held for this verse.
अहं त्वां दैत्य पश्यामि पूर्वेषां मार्गगामिनम् । प्रजापतिकृतं सेतुं को भित्त्वा स्वस्तिमान् व्रजेत्
ahaṃ tvāṃ daitya paśyāmi pūrveṣāṃ mārgagāminam / prajāpatikṛtaṃ setuṃ ko bhittvā svastimān vrajet
Sanskrit only: no published translation is held for this verse.
अद्य त्वां नाशयिष्यामि देवव्याघातकारिणम् । स्वेषु स्वेषु च स्थानेषु स्थापयिष्यामि देवताः
adya tvāṃ nāśayiṣyāmi devavyāghātakāriṇam / sveṣu sveṣu ca sthāneṣu sthāpayiṣyāmi devatāḥ
Sanskrit only: no published translation is held for this verse.
एवं ब्रुवति वाक्यं तु मृधे श्रीवत्सधारिणि । जहास दानवः क्रोधाद् धस्तांश् चक्रे च सायुधान्
evaṃ bruvati vākyaṃ tu mṛdhe śrīvatsadhāriṇi / jahāsa dānavaḥ krodhād dhastāṃś cakre ca sāyudhān
Sanskrit only: no published translation is held for this verse.
स बाहुशतम् उद्यम्य सर्वास्त्रग्रहणं रणे । क्रोधाद् रुधिररक्ताक्षो विष्णोर् वक्षस्य् अताडयत्
sa bāhuśatam udyamya sarvāstragrahaṇaṃ raṇe / krodhād rudhiraraktākṣo viṣṇor vakṣasy atāḍayat
Sanskrit only: no published translation is held for this verse.
दानवाश् चापि समरे मयतारपुरोगमाः । उद्यतायुधनिस्त्रिंशाः सर्वे विष्णुम् अभिद्रवन्
dānavāś cāpi samare mayatārapurogamāḥ / udyatāyudhanistriṃśāḥ sarve viṣṇum abhidravan
Sanskrit only: no published translation is held for this verse.
स ताड्यमानो ऽतिबलैर् दैत्यैः सर्वायुधोद्यतैः । न चचाल हरिर् युद्धे ऽकम्प्यमान इवाचलः
sa tāḍyamāno 'tibalair daityaiḥ sarvāyudhodyataiḥ / na cacāla harir yuddhe 'kampyamāna ivācalaḥ
Sanskrit only: no published translation is held for this verse.
संसक्तश् च सुपर्णेन कालनेमिर् महासुरः । सर्वप्राणेन महतीं गदाम् उद्यम्य बाहुभिः । मुमोच ज्वलितां घोरां संरब्धो गरुडोपरि
saṃsaktaś ca suparṇena kālanemir mahāsuraḥ / sarvaprāṇena mahatīṃ gadām udyamya bāhubhiḥ / mumoca jvalitāṃ ghorāṃ saṃrabdho garuḍopari
Sanskrit only: no published translation is held for this verse.
येन तस्य सुपर्णस्य पतिता मूर्ध्नि सा गदा
yena tasya suparṇasya patitā mūrdhni sā gadā
Sanskrit only: no published translation is held for this verse.
सुपर्णं व्यथितं दृष्ट्वा क्षतं च वपुर् आत्मनः । क्रोधात् संरक्तनयनो वैकुण्ठश् चक्रमाददे
suparṇaṃ vyathitaṃ dṛṣṭvā kṣataṃ ca vapur ātmanaḥ / krodhāt saṃraktanayano vaikuṇṭhaś cakramādade
Sanskrit only: no published translation is held for this verse.
व्यवर्धत च वेगेन सुपर्णेन समं विभुः । भुजाश् चास्य व्यवर्धन्त व्याप्नुवन्तो दिशो दश
vyavardhata ca vegena suparṇena samaṃ vibhuḥ / bhujāś cāsya vyavardhanta vyāpnuvanto diśo daśa
Sanskrit only: no published translation is held for this verse.
स दिशः प्रदिशश् चैव खं च गां चैव पूरयन् । ववृधे स पुनर् लोकान् क्रान्तुकाम इवौजसा
sa diśaḥ pradiśaś caiva khaṃ ca gāṃ caiva pūrayan / vavṛdhe sa punar lokān krāntukāma ivaujasā
Sanskrit only: no published translation is held for this verse.
तं जयाय सुरेन्द्राणां वर्धमानं नभस्तले । ऋषयः सह गन्धर्वैस् तुष्टुवुर् मधुसूदनम्
taṃ jayāya surendrāṇāṃ vardhamānaṃ nabhastale / ṛṣayaḥ saha gandharvais tuṣṭuvur madhusūdanam
Sanskrit only: no published translation is held for this verse.
स द्यां किरीटेन लिखन् साभ्रम् अम्बरम् अम्बरैः । पद्भ्याम् आक्रम्य वसुधां दिशः प्रच्छाद्य बाहुभिः
sa dyāṃ kirīṭena likhan sābhram ambaram ambaraiḥ / padbhyām ākramya vasudhāṃ diśaḥ pracchādya bāhubhiḥ
Sanskrit only: no published translation is held for this verse.
स सूर्यकरतुल्याभं सहस्रारम् अरिक्षयम् । दीप्ताग्निसदृशं घोरं दर्शनीयं सुदर्शनम्
sa sūryakaratulyābhaṃ sahasrāram arikṣayam / dīptāgnisadṛśaṃ ghoraṃ darśanīyaṃ sudarśanam
Sanskrit only: no published translation is held for this verse.
सुवर्णरेणुपर्यन्तं वज्रनाभं भयावहम् । मेदोस्थिमज्जारुधिरैः सिक्तं दानवसंभवैः
suvarṇareṇuparyantaṃ vajranābhaṃ bhayāvaham / medosthimajjārudhiraiḥ siktaṃ dānavasaṃbhavaiḥ
Sanskrit only: no published translation is held for this verse.
अद्वितीयं प्रहारेषु क्षुरपर्यन्तमण्डलम् । स्रग्दाममालाविततं कामगं कामरूपिणम्
advitīyaṃ prahāreṣu kṣuraparyantamaṇḍalam / sragdāmamālāvitataṃ kāmagaṃ kāmarūpiṇam
Sanskrit only: no published translation is held for this verse.
स्वयं स्वयंभुवा सृष्टं भयदं सर्वविद्विषाम् । महर्षिरोषैर् आविष्टं नित्यम् आहवदर्पितम्
svayaṃ svayaṃbhuvā sṛṣṭaṃ bhayadaṃ sarvavidviṣām / maharṣiroṣair āviṣṭaṃ nityam āhavadarpitam
Sanskrit only: no published translation is held for this verse.
क्षेपणाद्यस्य मुह्यन्ति लोकाः सस्थाणुजंगमाः । क्रव्यादानि च भूतानि तृप्तिं यान्ति महामृधे
kṣepaṇādyasya muhyanti lokāḥ sasthāṇujaṃgamāḥ / kravyādāni ca bhūtāni tṛptiṃ yānti mahāmṛdhe
Sanskrit only: no published translation is held for this verse.
तम् अप्रतिमकर्माणं समानं सूर्यवर्चसा । चक्रम् उद्यस्य समरे क्रोधदीप्तो गदाधरः
tam apratimakarmāṇaṃ samānaṃ sūryavarcasā / cakram udyasya samare krodhadīpto gadādharaḥ
Sanskrit only: no published translation is held for this verse.
संमुष्णन् दानवं तेजः समरे स्वेन तेजसा । चिच्छेद बाहूंश् चक्रेण श्रीधरः कालनेमिनः
saṃmuṣṇan dānavaṃ tejaḥ samare svena tejasā / ciccheda bāhūṃś cakreṇa śrīdharaḥ kālaneminaḥ
Sanskrit only: no published translation is held for this verse.
तच् च वक्त्रशतं घोरं साग्निचूर्णाट्टहासि यत् । तस्य दैत्यस्य चक्रेण प्रममाथ बलाद् धरिः
tac ca vaktraśataṃ ghoraṃ sāgnicūrṇāṭṭahāsi yat / tasya daityasya cakreṇa pramamātha balād dhariḥ
Sanskrit only: no published translation is held for this verse.
स च्छिन्नबाहुर् विशिरा न प्राकम्पत दानवः । कबन्धावस्थितः संख्ये विशाख इव पादपः
sa cchinnabāhur viśirā na prākampata dānavaḥ / kabandhāvasthitaḥ saṃkhye viśākha iva pādapaḥ
Sanskrit only: no published translation is held for this verse.
तं वितत्य महापक्षौ वायोः कृत्वा समं जवम् । उरसा पातयाम् आस गरुडः कालनेमिनम्
taṃ vitatya mahāpakṣau vāyoḥ kṛtvā samaṃ javam / urasā pātayām āsa garuḍaḥ kālaneminam
Sanskrit only: no published translation is held for this verse.
स तस्य देहो विमुखो विशाखः खात् परिभ्रमन् । निपपात दिवं त्यक्त्वा क्षोभयन् धरणीतलम्
sa tasya deho vimukho viśākhaḥ khāt paribhraman / nipapāta divaṃ tyaktvā kṣobhayan dharaṇītalam
Sanskrit only: no published translation is held for this verse.
तस्मिन् निपतिते दैत्ये देवाः सर्षिगणास् तदा । साधु साध्व् इति वैकुण्ठं समेताः प्रत्यपूजयन्
tasmin nipatite daitye devāḥ sarṣigaṇās tadā / sādhu sādhv iti vaikuṇṭhaṃ sametāḥ pratyapūjayan
Sanskrit only: no published translation is held for this verse.
अपरे ये तु दैत्या वै युद्धे दृष्टपराक्रमाः । ते सर्वे बाहुभिर् व्याप्ता न शेकुश् चलितुं रणे
apare ye tu daityā vai yuddhe dṛṣṭaparākramāḥ / te sarve bāhubhir vyāptā na śekuś calituṃ raṇe
Sanskrit only: no published translation is held for this verse.
कांश्चित् केशेषु जग्राह कांश्चित् कण्ठे न्यपीडयत् । पाटयन् कस्यचिद् वक्त्रं मध्ये कांश्चिद् अगृह्यत
kāṃścit keśeṣu jagrāha kāṃścit kaṇṭhe nyapīḍayat / pāṭayan kasyacid vaktraṃ madhye kāṃścid agṛhyata
Sanskrit only: no published translation is held for this verse.
ते गदाचक्रनिर्दग्धा गतसत्त्वा गतासवः । गगनाद् भ्रष्टसर्वाङ्गा निपेतुर् धरणीतले
te gadācakranirdagdhā gatasattvā gatāsavaḥ / gaganād bhraṣṭasarvāṅgā nipetur dharaṇītale
Sanskrit only: no published translation is held for this verse.
तेषु सर्वेषु दैत्येषु हतेषु पुरुषोत्तमः । तस्थौ शक्रप्रियं कृत्वा कृतकर्मा गदाधरः
teṣu sarveṣu daityeṣu hateṣu puruṣottamaḥ / tasthau śakrapriyaṃ kṛtvā kṛtakarmā gadādharaḥ
Sanskrit only: no published translation is held for this verse.
तस्मिन् विमर्दे निर्वृत्ते संग्रामे तारकामये । तं देशम् आजगामाशु ब्रह्मा लोकपितामहः
tasmin vimarde nirvṛtte saṃgrāme tārakāmaye / taṃ deśam ājagāmāśu brahmā lokapitāmahaḥ
Sanskrit only: no published translation is held for this verse.
सर्वैर् ब्रह्मर्षिभिः सार्धं गन्धर्वैः साप्सरोगणैः । देवदेवो हरिं देवं पूजयन् वाक्यम् अब्रवीत्
sarvair brahmarṣibhiḥ sārdhaṃ gandharvaiḥ sāpsarogaṇaiḥ / devadevo hariṃ devaṃ pūjayan vākyam abravīt
Sanskrit only: no published translation is held for this verse.
कृतं देव महत्कर्म सुराणां शल्यम् उद्धृतम् । वधेनानेन दैत्यानां वयं च परितोषिताः
kṛtaṃ deva mahatkarma surāṇāṃ śalyam uddhṛtam / vadhenānena daityānāṃ vayaṃ ca paritoṣitāḥ
Sanskrit only: no published translation is held for this verse.
यो ऽयं त्वया हतो विष्णो कालनेमिर् महासुरः । त्वम् एको ऽस्य मृधे हन्ता नान्यः कश्चन विद्यते
yo 'yaṃ tvayā hato viṣṇo kālanemir mahāsuraḥ / tvam eko 'sya mṛdhe hantā nānyaḥ kaścana vidyate
Sanskrit only: no published translation is held for this verse.
एष देवान् परिभवंल् लोकांश् च सचराचरान् । ऋषीणां कदनं कृत्वा माम् अपि प्रतिगर्जति
eṣa devān paribhavaṃl lokāṃś ca sacarācarān / ṛṣīṇāṃ kadanaṃ kṛtvā mām api pratigarjati
Sanskrit only: no published translation is held for this verse.
तद् अनेन तवोग्रेण परितुष्टो ऽस्मि कर्मणा । यद् अयं कालतुल्याभः कालनेमिर् निपातितः
tad anena tavogreṇa parituṣṭo 'smi karmaṇā / yad ayaṃ kālatulyābhaḥ kālanemir nipātitaḥ
Sanskrit only: no published translation is held for this verse.
तदागच्छस्व भद्रं ते गच्छाम दिवम् उत्तमम् । ब्रह्मर्षयस् त्वां तत्रस्थाः प्रतीक्षन्ते सदोगताः
tadāgacchasva bhadraṃ te gacchāma divam uttamam / brahmarṣayas tvāṃ tatrasthāḥ pratīkṣante sadogatāḥ
Sanskrit only: no published translation is held for this verse.
किं चाहं तव दास्यामि वरं वरभृतां वर । सुरेष्व् अपि सदैत्येषु वराणां वरदो भवान्
kiṃ cāhaṃ tava dāsyāmi varaṃ varabhṛtāṃ vara / sureṣv api sadaityeṣu varāṇāṃ varado bhavān
Sanskrit only: no published translation is held for this verse.
निर्यातयैतत् त्रैलोक्यं स्फीतं निहतकण्टकम् । अस्मिन्न् एव मृधे विष्णो शक्राय सुमहात्मने
niryātayaitat trailokyaṃ sphītaṃ nihatakaṇṭakam / asminn eva mṛdhe viṣṇo śakrāya sumahātmane
Sanskrit only: no published translation is held for this verse.
एवम् उक्तो भगवता ब्रह्मणा हरिर् ईश्वरः । देवाञ् शक्रमुखान् सर्वान् उवाच शुभया गिरा
evam ukto bhagavatā brahmaṇā harir īśvaraḥ / devāñ śakramukhān sarvān uvāca śubhayā girā
Sanskrit only: no published translation is held for this verse.
श्रूयतां त्रिदशाः सर्वे यावन्तः स्थ समागताः । श्रवणावहितैर् देवैः पुरस्कृत्य पुरंदरम्
śrūyatāṃ tridaśāḥ sarve yāvantaḥ stha samāgatāḥ / śravaṇāvahitair devaiḥ puraskṛtya puraṃdaram
Sanskrit only: no published translation is held for this verse.
अस्मिन् नः समरे सर्वे कालनेमिमुखा हताः । दानवा विक्रमोपेताः शक्राद् अपि महत्तराः
asmin naḥ samare sarve kālanemimukhā hatāḥ / dānavā vikramopetāḥ śakrād api mahattarāḥ
Sanskrit only: no published translation is held for this verse.
अस्मिन् महति संक्रन्दे द्वाव् एव तु विनिःसृतौ । वैरोचनिश् च दैत्येन्द्रः स्वर्भानुश् च महाग्रहः
asmin mahati saṃkrande dvāv eva tu viniḥsṛtau / vairocaniś ca daityendraḥ svarbhānuś ca mahāgrahaḥ
Sanskrit only: no published translation is held for this verse.
तद् इष्टां भजतां शक्रो दिशं वरुण एव च । याम्यां यमः पालयताम् उत्तरां च धनाधिपः
tad iṣṭāṃ bhajatāṃ śakro diśaṃ varuṇa eva ca / yāmyāṃ yamaḥ pālayatām uttarāṃ ca dhanādhipaḥ
Sanskrit only: no published translation is held for this verse.
ऋक्षैः सह यथायोगं कालं चरतु चन्द्रमाः । अब्दं ह्य् ऋतुमुखं सूर्यो भजताम् अयनैः सह
ṛkṣaiḥ saha yathāyogaṃ kālaṃ caratu candramāḥ / abdaṃ hy ṛtumukhaṃ sūryo bhajatām ayanaiḥ saha
Sanskrit only: no published translation is held for this verse.
आज्यभागाः प्रवर्तन्तां सदस्यैर् अभिपूजिताः । हूयन्ताम् अग्नयो विप्रैर् वेददृष्टेन कर्मणा
ājyabhāgāḥ pravartantāṃ sadasyair abhipūjitāḥ / hūyantām agnayo viprair vedadṛṣṭena karmaṇā
Sanskrit only: no published translation is held for this verse.
देवाश् च बलिहोमेन स्वाध्यायेन महर्षयः । श्राद्धेन पितरश् चैव तृप्तिं यान्तु यथासुखम्
devāś ca balihomena svādhyāyena maharṣayaḥ / śrāddhena pitaraś caiva tṛptiṃ yāntu yathāsukham
Sanskrit only: no published translation is held for this verse.
वायुश् चरतु मार्गस्थस् त्रिधा दीप्यतु पावकः । त्रयो वर्णाश् च लोकांस् त्रींस् तर्पयन्त्व् आत्मजैर् गुणैः
vāyuś caratu mārgasthas tridhā dīpyatu pāvakaḥ / trayo varṇāś ca lokāṃs trīṃs tarpayantv ātmajair guṇaiḥ
Sanskrit only: no published translation is held for this verse.
क्रतवः संप्रवर्तन्तां दीक्षणीयैर् द्विजातिभिः । दक्षिणाश् चापि वर्तन्तां यथोक्तं सर्वसत्रिणाम्
kratavaḥ saṃpravartantāṃ dīkṣaṇīyair dvijātibhiḥ / dakṣiṇāś cāpi vartantāṃ yathoktaṃ sarvasatriṇām
Sanskrit only: no published translation is held for this verse.
गाश् च सूर्यो रसान् सोमो वायुः प्राणांश् च प्राणिषु । तर्पयन्तः प्रवर्तन्तां शिवैः सौम्यैश् च कर्मभिः
gāś ca sūryo rasān somo vāyuḥ prāṇāṃś ca prāṇiṣu / tarpayantaḥ pravartantāṃ śivaiḥ saumyaiś ca karmabhiḥ
Sanskrit only: no published translation is held for this verse.
यथावद् अनुपूर्वेण महेन्द्र सलिलोद्वहाः । त्रैलोक्यमातरः सर्वाः सागरं यान्तु निम्नगाः
yathāvad anupūrveṇa mahendra salilodvahāḥ / trailokyamātaraḥ sarvāḥ sāgaraṃ yāntu nimnagāḥ
Sanskrit only: no published translation is held for this verse.
दैत्येभ्यस् त्यज्यतां भीतिः शान्तिं व्रजत देवताः । स्वस्ति वो ऽस्तु गमिष्यामि ब्रह्मलोकं सनातनम्
daityebhyas tyajyatāṃ bhītiḥ śāntiṃ vrajata devatāḥ / svasti vo 'stu gamiṣyāmi brahmalokaṃ sanātanam
Sanskrit only: no published translation is held for this verse.
स्वगृहे स्वर्गलोके वा संग्रामे वा विशेषतः । विस्रम्भो वो न गन्तव्यो नित्यं क्षुद्रा हि दानवाः
svagṛhe svargaloke vā saṃgrāme vā viśeṣataḥ / visrambho vo na gantavyo nityaṃ kṣudrā hi dānavāḥ
Sanskrit only: no published translation is held for this verse.
छिद्रेषु प्रहरन्त्य् एते न चैषां संस्थितिर् ध्रुवा । सौम्यानाम् ऋजुभावानां भवतां चार्जवा मतिः
chidreṣu praharanty ete na caiṣāṃ saṃsthitir dhruvā / saumyānām ṛjubhāvānāṃ bhavatāṃ cārjavā matiḥ
Sanskrit only: no published translation is held for this verse.
एवम् उक्त्वा सुरगणान् विष्णुः सत्यपराक्रमः । जगाम ब्रह्मणा सार्धं ब्रह्मलोकं महायशाः
evam uktvā suragaṇān viṣṇuḥ satyaparākramaḥ / jagāma brahmaṇā sārdhaṃ brahmalokaṃ mahāyaśāḥ
Sanskrit only: no published translation is held for this verse.
एतद् आश्चर्यम् अभवत् संग्रामे तारकामये । दानवानां च विष्णोश् च यन् मां त्वं परिपृच्छसि
etad āścaryam abhavat saṃgrāme tārakāmaye / dānavānāṃ ca viṣṇoś ca yan māṃ tvaṃ paripṛcchasi
Sanskrit only: no published translation is held for this verse.