Library·Harivaṃśa (critical edition)·67
वैशंपायन उवाच अक्रूरो ऽपि यथाज्ञप्तः कृष्णदर्शनलालसः । जगाम रथमुख्येन मनसस् तुल्यगामिना
vaiśaṃpāyana uvāca akrūro 'pi yathājñaptaḥ kṛṣṇadarśanalālasaḥ / jagāma rathamukhyena manasas tulyagāminā
Sanskrit only: no published translation is held for this verse.
कृष्णस्यापि निमित्तानि शुभान्य् अङ्गगतानि वै । पितृतुल्येन शंसन्ति बान्धवेन समागमम्
kṛṣṇasyāpi nimittāni śubhāny aṅgagatāni vai / pitṛtulyena śaṃsanti bāndhavena samāgamam
Sanskrit only: no published translation is held for this verse.
प्राग् एव च नरेन्द्रेण माथुरेणौग्रसेनिना । केशिनः प्रेषितो दूतो वधायोपेन्द्रकारणात्
prāg eva ca narendreṇa māthureṇaugraseninā / keśinaḥ preṣito dūto vadhāyopendrakāraṇāt
Sanskrit only: no published translation is held for this verse.
स तु दूतवचः श्रुत्वा केशी क्लेशकरो नृणाम् । वृन्दावनगतो गोपान् बाधते स्म दुरासदः
sa tu dūtavacaḥ śrutvā keśī kleśakaro nṛṇām / vṛndāvanagato gopān bādhate sma durāsadaḥ
Sanskrit only: no published translation is held for this verse.
मानुषं मांसम् अश्नानः क्रुद्धो दुष्टपराक्रमः । दुर्दान्तो वाजिदैत्यो ऽसौ करोति कदनं महत्
mānuṣaṃ māṃsam aśnānaḥ kruddho duṣṭaparākramaḥ / durdānto vājidaityo 'sau karoti kadanaṃ mahat
Sanskrit only: no published translation is held for this verse.
निघ्नन् गा वै सगोपाला गवां पिशितभोजनः । दुर्दमः कामचारी च केसरी निरवग्रहः
nighnan gā vai sagopālā gavāṃ piśitabhojanaḥ / durdamaḥ kāmacārī ca kesarī niravagrahaḥ
Sanskrit only: no published translation is held for this verse.
तदरण्यं श्मशानाभं नृणाम् अस्थिभिर् आवृतम् । यत्रास्ते स हि दुष्टात्मा केशी तुरगदानवः
tadaraṇyaṃ śmaśānābhaṃ nṛṇām asthibhir āvṛtam / yatrāste sa hi duṣṭātmā keśī turagadānavaḥ
Sanskrit only: no published translation is held for this verse.
खुरैर् दारयते भूमिम् वेगेनारुजते द्रुमान् । हेषितैः स्पर्धते वायुम् प्लुतैर् लङ्घ्यते नभः
khurair dārayate bhūmim vegenārujate drumān / heṣitaiḥ spardhate vāyum plutair laṅghyate nabhaḥ
Sanskrit only: no published translation is held for this verse.
अतिप्रवृद्धो मत्तश् च दुष्टाश्वो वनगोचरः । आकम्पितसटो रौद्रः कंसस्य चरितानुगः
atipravṛddho mattaś ca duṣṭāśvo vanagocaraḥ / ākampitasaṭo raudraḥ kaṃsasya caritānugaḥ
Sanskrit only: no published translation is held for this verse.
इरिणं तद्वनं सर्वं तेन सौदासकर्मणा । कृतं तुरगदैत्येन सर्वान् गोपाञ् जिघांसता
iriṇaṃ tadvanaṃ sarvaṃ tena saudāsakarmaṇā / kṛtaṃ turagadaityena sarvān gopāñ jighāṃsatā
Sanskrit only: no published translation is held for this verse.
तेन दुष्टप्रचारेण दूषितं तद्वनं महत् । न नृभिर् गोधनैर् वापि सेव्यते वनवृत्तिभिः
tena duṣṭapracāreṇa dūṣitaṃ tadvanaṃ mahat / na nṛbhir godhanair vāpi sevyate vanavṛttibhiḥ
Sanskrit only: no published translation is held for this verse.
निःसंपातः कृतः पन्थास् तेन तद्विषयाश्रयः । मदाच् चलितवृत्तेन नृमांसान्य् अश्नता भृशम्
niḥsaṃpātaḥ kṛtaḥ panthās tena tadviṣayāśrayaḥ / madāc calitavṛttena nṛmāṃsāny aśnatā bhṛśam
Sanskrit only: no published translation is held for this verse.
नृशब्दानुसरः क्रुद्धः स कदाचिद् दिनागमे । जगाम घोषसंवासं चोदितः कालधर्मणा
nṛśabdānusaraḥ kruddhaḥ sa kadācid dināgame / jagāma ghoṣasaṃvāsaṃ coditaḥ kāladharmaṇā
Sanskrit only: no published translation is held for this verse.
तं दृष्ट्वा दुद्रुवुर् गोपाः स्त्रियश् च शिशुभिः सह । क्रन्दमाना जगन्नाथम् कृष्णं नाथम् उपाश्रिताः
taṃ dṛṣṭvā dudruvur gopāḥ striyaś ca śiśubhiḥ saha / krandamānā jagannātham kṛṣṇaṃ nātham upāśritāḥ
Sanskrit only: no published translation is held for this verse.
तासां रुदितशब्देन गोपानां क्रन्दितेन च । दत्त्वाभयं तु कृष्णो वै केशिनं सो ऽभिदुद्रुवे
tāsāṃ ruditaśabdena gopānāṃ kranditena ca / dattvābhayaṃ tu kṛṣṇo vai keśinaṃ so 'bhidudruve
Sanskrit only: no published translation is held for this verse.
केशी चाभ्युद्यत ग्रीवः प्रकाशदशनेक्षणः । हेषमाणो जवोदग्रो गोविन्दाभिमुखो ययौ
keśī cābhyudyata grīvaḥ prakāśadaśanekṣaṇaḥ / heṣamāṇo javodagro govindābhimukho yayau
Sanskrit only: no published translation is held for this verse.
तम् आपतन्तं संप्रेक्ष्य केशिनं हयदानवम् । प्रत्युज्जगाम गोविन्दस् तोयदः शशिनं यथा
tam āpatantaṃ saṃprekṣya keśinaṃ hayadānavam / pratyujjagāma govindas toyadaḥ śaśinaṃ yathā
Sanskrit only: no published translation is held for this verse.
केशिनस् तु तम् अभ्याशे दृष्ट्वा कृष्णम् अवस्थितम् । मनुष्यबुद्धयो गोपाः कृष्णम् ऊचुर् हितौषिणः
keśinas tu tam abhyāśe dṛṣṭvā kṛṣṇam avasthitam / manuṣyabuddhayo gopāḥ kṛṣṇam ūcur hitauṣiṇaḥ
Sanskrit only: no published translation is held for this verse.
कृष्ण तात न खल्व् एष सहसा ते हयाधमः । उपसर्प्यो भवान् बालः पापश् चैष दुरासदः
kṛṣṇa tāta na khalv eṣa sahasā te hayādhamaḥ / upasarpyo bhavān bālaḥ pāpaś caiṣa durāsadaḥ
Sanskrit only: no published translation is held for this verse.
एष कंसस्य सहजः प्राणस् तात बहिश्चरः । उत्तमश् च हयेन्द्राणां दानवो ऽप्रतिमो युधि
eṣa kaṃsasya sahajaḥ prāṇas tāta bahiścaraḥ / uttamaś ca hayendrāṇāṃ dānavo 'pratimo yudhi
Sanskrit only: no published translation is held for this verse.
त्रासनः परसैन्यानां तुरगाणां महाबलः । स्वध्यः सर्वसत्त्वानां प्रथमः पापकर्मणाम्
trāsanaḥ parasainyānāṃ turagāṇāṃ mahābalaḥ / svadhyaḥ sarvasattvānāṃ prathamaḥ pāpakarmaṇām
Sanskrit only: no published translation is held for this verse.
गोपानां तद्वचः श्रुत्वा वदतां मधुसूदनः । केशिना सह युद्धाय मतिं चक्रे ऽरिसूदनः
gopānāṃ tadvacaḥ śrutvā vadatāṃ madhusūdanaḥ / keśinā saha yuddhāya matiṃ cakre 'risūdanaḥ
Sanskrit only: no published translation is held for this verse.
ततः सव्यं दक्षिणं च मण्डलानि परिभ्रमन् । पद्भ्याम् उभाभ्यां स हयः क्रोधेनारुजते द्रुमान्
tataḥ savyaṃ dakṣiṇaṃ ca maṇḍalāni paribhraman / padbhyām ubhābhyāṃ sa hayaḥ krodhenārujate drumān
Sanskrit only: no published translation is held for this verse.
मुखे लम्बसटे चास्य स्कन्धदेशे घनावृते । वलयो ऽभ्रतरंगाभाः सुस्रुवुः क्रोधजं जलम्
mukhe lambasaṭe cāsya skandhadeśe ghanāvṛte / valayo 'bhrataraṃgābhāḥ susruvuḥ krodhajaṃ jalam
Sanskrit only: no published translation is held for this verse.
स फेनं वक्त्रजं चैव ववर्ष रजसावृतम् । हिमकाले यथा व्योम्नि नीहारम् इव चन्द्रमाः
sa phenaṃ vaktrajaṃ caiva vavarṣa rajasāvṛtam / himakāle yathā vyomni nīhāram iva candramāḥ
Sanskrit only: no published translation is held for this verse.
गोविन्दम् अरविन्दाक्षं हेषितोगारशीकरैः । स फेनैर् गात्रनिर्गीर्णैः प्रोक्षयामास सर्वतः
govindam aravindākṣaṃ heṣitogāraśīkaraiḥ / sa phenair gātranirgīrṇaiḥ prokṣayāmāsa sarvataḥ
Sanskrit only: no published translation is held for this verse.
खुरोद्धरणमुक्तेन मधुरक्षोदपाण्डुना । रजसा स हयः कृष्णं चकारारुणमूर्धजम्
khuroddharaṇamuktena madhurakṣodapāṇḍunā / rajasā sa hayaḥ kṛṣṇaṃ cakārāruṇamūrdhajam
Sanskrit only: no published translation is held for this verse.
प्लुतवल्गितपादस् तु तक्षमाणो धरां खुरैः । दन्तान् निर्दशमानस् तु केशी कृष्णम् उपाद्रवत्
plutavalgitapādas tu takṣamāṇo dharāṃ khuraiḥ / dantān nirdaśamānas tu keśī kṛṣṇam upādravat
Sanskrit only: no published translation is held for this verse.
स संसक्तस् तु कृष्णेन केशी तुरगसत्तमः । पुर्वाभ्यां चरणाभ्यां वै कृष्णं वक्षस्य् अताडयत्
sa saṃsaktas tu kṛṣṇena keśī turagasattamaḥ / purvābhyāṃ caraṇābhyāṃ vai kṛṣṇaṃ vakṣasy atāḍayat
Sanskrit only: no published translation is held for this verse.
वक्त्रेण चास्य घोरेण तीक्ष्णदंष्ट्रायुधेन वै । अदशद् बाहुविवरं कृष्णस्य रुषितो हयः
vaktreṇa cāsya ghoreṇa tīkṣṇadaṃṣṭrāyudhena vai / adaśad bāhuvivaraṃ kṛṣṇasya ruṣito hayaḥ
Sanskrit only: no published translation is held for this verse.
स लम्बकेसरसटः कृष्णेन सह संगतः । रराज केशी मेघेन संसक्तः ख इवांशुमान्
sa lambakesarasaṭaḥ kṛṣṇena saha saṃgataḥ / rarāja keśī meghena saṃsaktaḥ kha ivāṃśumān
Sanskrit only: no published translation is held for this verse.
उरश् चास्योरसा हन्तुम् इयेष बलवान् हयः । वेगेन वासुदेवस्य क्रोधाद् द्विगुणविक्रमः
uraś cāsyorasā hantum iyeṣa balavān hayaḥ / vegena vāsudevasya krodhād dviguṇavikramaḥ
Sanskrit only: no published translation is held for this verse.
तस्योत्सिक्तस्य बलवान् कृष्णो ऽप्य् अमितविक्रमः । बाहुम् आभोगिनं कृत्वा मुखे क्रुद्धः समादधत्
tasyotsiktasya balavān kṛṣṇo 'py amitavikramaḥ / bāhum ābhoginaṃ kṛtvā mukhe kruddhaḥ samādadhat
Sanskrit only: no published translation is held for this verse.
दशनैर् मूलनिर्मुक्तैः सफेनं रुधिरं वमन्
daśanair mūlanirmuktaiḥ saphenaṃ rudhiraṃ vaman
Sanskrit only: no published translation is held for this verse.
विपाटिताभ्याम् ओष्ठाभ्याम् कटाभ्यां विदलीकृतः । अक्षिणी विकृते चक्रे विसृते मुक्तबन्धने
vipāṭitābhyām oṣṭhābhyām kaṭābhyāṃ vidalīkṛtaḥ / akṣiṇī vikṛte cakre visṛte muktabandhane
Sanskrit only: no published translation is held for this verse.
निरस्तहनुर् आविष्टः शोणितास्राविलेक्षणः । उत्कर्णो नष्टचेतास् तु स केशी बह्वचेष्टत
nirastahanur āviṣṭaḥ śoṇitāsrāvilekṣaṇaḥ / utkarṇo naṣṭacetās tu sa keśī bahvaceṣṭata
Sanskrit only: no published translation is held for this verse.
उत्पत्य चासकृत् पादैः सकृन्मूत्रं समुत्सृजन् । स्विन्नार्द्रलोमा श्रान्तस् तु निर्यत्नचरणो ऽभवत्
utpatya cāsakṛt pādaiḥ sakṛnmūtraṃ samutsṛjan / svinnārdralomā śrāntas tu niryatnacaraṇo 'bhavat
Sanskrit only: no published translation is held for this verse.
केशिवक्त्रविलग्नस् तु कृष्णबाहुर् अशोभत । व्याभुग्न इव घर्मान्ते चन्द्रार्धकिरणैर् घनः
keśivaktravilagnas tu kṛṣṇabāhur aśobhata / vyābhugna iva gharmānte candrārdhakiraṇair ghanaḥ
Sanskrit only: no published translation is held for this verse.
केशी च कृष्णसंसक्तः श्रान्तगात्रो व्यरोचत । प्रभातावनतश् चन्द्रः श्रान्तो मेरुम् इवाश्रितः
keśī ca kṛṣṇasaṃsaktaḥ śrāntagātro vyarocata / prabhātāvanataś candraḥ śrānto merum ivāśritaḥ
Sanskrit only: no published translation is held for this verse.
पेतुः शरदि निस्तोयाः सिताभ्रावयवा इव
petuḥ śaradi nistoyāḥ sitābhrāvayavā iva
Sanskrit only: no published translation is held for this verse.
बाहुना कृत्तदेहस्य केशिनो रूपम् आबभौ । पशोर् इव महाघोरं निहतस्य पिनाकिना
bāhunā kṛttadehasya keśino rūpam ābabhau / paśor iva mahāghoraṃ nihatasya pinākinā
Sanskrit only: no published translation is held for this verse.
द्विपादपृष्ठपुच्छार्धे स्रवणैकाक्षिनासिके । केशिनस् ते द्विधा भूते द्वे अर्धे रेजतुः क्षितौ
dvipādapṛṣṭhapucchārdhe sravaṇaikākṣināsike / keśinas te dvidhā bhūte dve ardhe rejatuḥ kṣitau
Sanskrit only: no published translation is held for this verse.
केशिदन्तक्षतश् चापि कृष्णस्य शुशुभे भुजः । वृद्धस् ताल इवारण्ये गजेन्द्रदशनाङ्कितः
keśidantakṣataś cāpi kṛṣṇasya śuśubhe bhujaḥ / vṛddhas tāla ivāraṇye gajendradaśanāṅkitaḥ
Sanskrit only: no published translation is held for this verse.
तं हत्वा केशिनं युद्धे कल्पयित्वा च भागशः । कृष्णः पद्मपलाशाक्षो हसंस् तत्रैव तस्थिवान्
taṃ hatvā keśinaṃ yuddhe kalpayitvā ca bhāgaśaḥ / kṛṣṇaḥ padmapalāśākṣo hasaṃs tatraiva tasthivān
Sanskrit only: no published translation is held for this verse.
तं हतं केशिनं दृष्ट्वा गोपा गोपस्त्रियश् च ताः । बभूवुर् मुदिताः सर्वे हतविघ्ना हतक्लमाः
taṃ hataṃ keśinaṃ dṛṣṭvā gopā gopastriyaś ca tāḥ / babhūvur muditāḥ sarve hatavighnā hataklamāḥ
Sanskrit only: no published translation is held for this verse.
दामोदरं च श्रीमन्तम् यथास्थानं यथावयः । अभ्यनन्दन् प्रियैर् वाक्यैः पूजयन्तः पुनः पुनः
dāmodaraṃ ca śrīmantam yathāsthānaṃ yathāvayaḥ / abhyanandan priyair vākyaiḥ pūjayantaḥ punaḥ punaḥ
Sanskrit only: no published translation is held for this verse.
अहो तात कृतं कर्म हतो ऽयं लोककण्टकः । दैत्यः क्षितिचरः कृष्ण हयरूपं समास्थितः
aho tāta kṛtaṃ karma hato 'yaṃ lokakaṇṭakaḥ / daityaḥ kṣiticaraḥ kṛṣṇa hayarūpaṃ samāsthitaḥ
Sanskrit only: no published translation is held for this verse.
कृतं वृन्दावनं क्षेमं सेव्यं सर्वनृपक्षिणाम् । घ्नता पापम् इमं तात केशिनं हयम् आहवे
kṛtaṃ vṛndāvanaṃ kṣemaṃ sevyaṃ sarvanṛpakṣiṇām / ghnatā pāpam imaṃ tāta keśinaṃ hayam āhave
Sanskrit only: no published translation is held for this verse.
हता नो बहवो गोपा गावो वत्साश् च वत्सलाः । नैके चान्ये जनपदा हतानेन दुरात्मना
hatā no bahavo gopā gāvo vatsāś ca vatsalāḥ / naike cānye janapadā hatānena durātmanā
Sanskrit only: no published translation is held for this verse.
एष संवर्तकं कर्तुम् उद्यतः किल पापकृत् । नृलोकं निर्नरं कृत्वा चर्तुकामो यथासुखम्
eṣa saṃvartakaṃ kartum udyataḥ kila pāpakṛt / nṛlokaṃ nirnaraṃ kṛtvā cartukāmo yathāsukham
Sanskrit only: no published translation is held for this verse.
नैतस्य प्रमुखे स्थातुं कश्चिच् छक्तो जिजीविषुः । अपि देवसमूहेषु किं पुनः पृथिवीतले
naitasya pramukhe sthātuṃ kaścic chakto jijīviṣuḥ / api devasamūheṣu kiṃ punaḥ pṛthivītale
Sanskrit only: no published translation is held for this verse.
अथाहान्तर्हितो विप्रो नारदः खगमो मुनिः । प्रीतो ऽस्मि विष्णो देवेश कृष्ण कृष्णेति चासकृत्
athāhāntarhito vipro nāradaḥ khagamo muniḥ / prīto 'smi viṣṇo deveśa kṛṣṇa kṛṣṇeti cāsakṛt
Sanskrit only: no published translation is held for this verse.
यद् इदं दुष्करं कर्म कृतं केशिजिघांसया । त्वय्य् एव केवलं युक्तम् त्रिदिवे त्र्यम्बके ऽपि वा
yad idaṃ duṣkaraṃ karma kṛtaṃ keśijighāṃsayā / tvayy eva kevalaṃ yuktam tridive tryambake 'pi vā
Sanskrit only: no published translation is held for this verse.
अहं युद्धोत्सुकस् तात तर्पितेनान्तरात्मना । इदं नरहयं युद्धम् दर्ष्टुं स्वर्गाद् इहागतः
ahaṃ yuddhotsukas tāta tarpitenāntarātmanā / idaṃ narahayaṃ yuddham darṣṭuṃ svargād ihāgataḥ
Sanskrit only: no published translation is held for this verse.
पूतनानिधनादीनि कर्माणि तव दृष्टवान् । अहं त्व् अनेन गोविन्द कर्मणा परितोषितः
pūtanānidhanādīni karmāṇi tava dṛṣṭavān / ahaṃ tv anena govinda karmaṇā paritoṣitaḥ
Sanskrit only: no published translation is held for this verse.
हयस्यास्य महेन्द्रो ऽपि बिभेति बलसूदनः । कुर्वाणस्य वपुर् घोरम् केशिनो दुष्टचेतसः
hayasyāsya mahendro 'pi bibheti balasūdanaḥ / kurvāṇasya vapur ghoram keśino duṣṭacetasaḥ
Sanskrit only: no published translation is held for this verse.
यत् त्वया पाटितो द्वैधं भुजेनायतपर्वणा । एषो ऽस्य मृत्युर् अन्ताय विहितो विश्वयोनिना
yat tvayā pāṭito dvaidhaṃ bhujenāyataparvaṇā / eṣo 'sya mṛtyur antāya vihito viśvayoninā
Sanskrit only: no published translation is held for this verse.
यस्मात् त्वया हतः केशी तस्मान् मच्छासनं शृणु । केशवो नाम नाम्ना त्वं ख्यातो लोके भविष्यसि
yasmāt tvayā hataḥ keśī tasmān macchāsanaṃ śṛṇu / keśavo nāma nāmnā tvaṃ khyāto loke bhaviṣyasi
Sanskrit only: no published translation is held for this verse.
स्वस्त्य् अस्तु भवतो लोके साधयाम्य् अहम् आशुगः । कृत्यशेषं च ते कार्यं शक्तस् त्वम् असि माचिरम्
svasty astu bhavato loke sādhayāmy aham āśugaḥ / kṛtyaśeṣaṃ ca te kāryaṃ śaktas tvam asi māciram
Sanskrit only: no published translation is held for this verse.
त्वयि कार्यान्तरगते नरा इव दिवौकसः । विडम्बयन्तः क्रीडन्ति लीलां त्वद्बलम् आश्रिताः
tvayi kāryāntaragate narā iva divaukasaḥ / viḍambayantaḥ krīḍanti līlāṃ tvadbalam āśritāḥ
Sanskrit only: no published translation is held for this verse.
अभ्याशे वर्तते कालो भारतस्याहवोदधेः । हस्तप्राप्तानि युद्धानि राज्ञां त्रिदिवगामिनाम्
abhyāśe vartate kālo bhāratasyāhavodadheḥ / hastaprāptāni yuddhāni rājñāṃ tridivagāminām
Sanskrit only: no published translation is held for this verse.
पन्थानः शोधिता व्योम्नि विमानारोहिणोर्ध्वगाः । अवकाशा विभज्यन्ते शक्रलोके महीक्षिताम्
panthānaḥ śodhitā vyomni vimānārohiṇordhvagāḥ / avakāśā vibhajyante śakraloke mahīkṣitām
Sanskrit only: no published translation is held for this verse.
उग्रसेनसुते शान्ते पदस्थे त्वयि केशव । अभितस् तन् महद्युद्धं भविष्यति महीक्षिताम्
ugrasenasute śānte padasthe tvayi keśava / abhitas tan mahadyuddhaṃ bhaviṣyati mahīkṣitām
Sanskrit only: no published translation is held for this verse.
त्वां चाप्रतिमकर्माणं संश्रयिष्यन्ति पार्थिवाः । भेदकाले नरेन्द्राणां पक्षग्राहो भविष्यसि
tvāṃ cāpratimakarmāṇaṃ saṃśrayiṣyanti pārthivāḥ / bhedakāle narendrāṇāṃ pakṣagrāho bhaviṣyasi
Sanskrit only: no published translation is held for this verse.
त्वयि राजासनस्थे हि राजश्रीं वहति प्रभो । श्रियं त्यक्ष्यन्ति राजानस् त्वत्प्रभावान् न संशयः
tvayi rājāsanasthe hi rājaśrīṃ vahati prabho / śriyaṃ tyakṣyanti rājānas tvatprabhāvān na saṃśayaḥ
Sanskrit only: no published translation is held for this verse.
एष मे कृष्ण संदेशः श्रुतिभिः ख्यातिम् एष्यसि । देवतानां दिविस्थानां जगतश् च जगत्पते
eṣa me kṛṣṇa saṃdeśaḥ śrutibhiḥ khyātim eṣyasi / devatānāṃ divisthānāṃ jagataś ca jagatpate
Sanskrit only: no published translation is held for this verse.
दृष्टं मे भवतः कर्म दृष्टश् चासि मया प्रभो । कंसे भूयः समेष्यामि शासिते साधयाम्य् अहम्
dṛṣṭaṃ me bhavataḥ karma dṛṣṭaś cāsi mayā prabho / kaṃse bhūyaḥ sameṣyāmi śāsite sādhayāmy aham
Sanskrit only: no published translation is held for this verse.
गोपान् कृष्णः समासाद्य व्रजम् एव विवेष ह
gopān kṛṣṇaḥ samāsādya vrajam eva viveṣa ha
Sanskrit only: no published translation is held for this verse.