Harivaṃśa (critical edition) 72

प्रेक्षागारं जगामाशु मञ्चानाम् अवलोककः

prekṣāgāraṃ jagāmāśu mañcānām avalokakaḥ

Sanskrit only: no published translation is held for this verse.

स दृष्ट्वा सर्वनिर्युक्तं प्रेक्षागारं नृपोत्तमः । श्रेणीनां दृढसंयुक्तैर् मञ्चवाटैर् निरन्तरम्

sa dṛṣṭvā sarvaniryuktaṃ prekṣāgāraṃ nṛpottamaḥ / śreṇīnāṃ dṛḍhasaṃyuktair mañcavāṭair nirantaram

Sanskrit only: no published translation is held for this verse.

सोत्तमागारयुक्ताभिर् वलभीभिर् विभूषितम् । कुटीभिश् च प्रवृद्धाभिर् एकस्तम्भैश् च भूषितम्

sottamāgārayuktābhir valabhībhir vibhūṣitam / kuṭībhiś ca pravṛddhābhir ekastambhaiś ca bhūṣitam

Sanskrit only: no published translation is held for this verse.

सर्वतः सारनिर्युक्तं स्वायतं सुप्रतिष्ठितम् । उदक्प्रवणसंश्लिष्टं मञ्चारोहणम् उत्तमम्

sarvataḥ sāraniryuktaṃ svāyataṃ supratiṣṭhitam / udakpravaṇasaṃśliṣṭaṃ mañcārohaṇam uttamam

Sanskrit only: no published translation is held for this verse.

नृपासनपरिक्षिप्तं संचारपथसंकुलम् । छन्नं तद् वेदिकाभिश् च मानवौघभरक्षमम्

nṛpāsanaparikṣiptaṃ saṃcārapathasaṃkulam / channaṃ tad vedikābhiś ca mānavaughabharakṣamam

Sanskrit only: no published translation is held for this verse.

स दृष्ट्वा भूषितं रङ्गम् आज्ञापयत बुद्धिमान् । श्वः सचित्राः समाल्याश् च सपताकास् तथैव च

sa dṛṣṭvā bhūṣitaṃ raṅgam ājñāpayata buddhimān / śvaḥ sacitrāḥ samālyāś ca sapatākās tathaiva ca

Sanskrit only: no published translation is held for this verse.

सुवासिता वपुष्मन्त उपनीतोत्तरच्छदाः । क्रियन्तां मञ्चवाटाश् च वलभीवीथयस् तथा

suvāsitā vapuṣmanta upanītottaracchadāḥ / kriyantāṃ mañcavāṭāś ca valabhīvīthayas tathā

Sanskrit only: no published translation is held for this verse.

अक्षवाटे करीषस्य कल्प्यन्तां राशयो ऽव्ययाः । पटास् तरणशोभाश् च बलयश् चानुरूपतः

akṣavāṭe karīṣasya kalpyantāṃ rāśayo 'vyayāḥ / paṭās taraṇaśobhāś ca balayaś cānurūpataḥ

Sanskrit only: no published translation is held for this verse.

स्थाप्यन्तां सुनिखाताश् च महाकुम्भा यथाक्रमम् । उदभारसहाः सर्वे सकाञ्चनघटोत्तराः

sthāpyantāṃ sunikhātāś ca mahākumbhā yathākramam / udabhārasahāḥ sarve sakāñcanaghaṭottarāḥ

Sanskrit only: no published translation is held for this verse.

बलयश् चोपकल्प्यन्तां कषायाश् चैव कुम्भशः । प्राश्निकाश् च निमन्त्र्यन्तां श्रेण्यश् च सपुरोगमाः

balayaś copakalpyantāṃ kaṣāyāś caiva kumbhaśaḥ / prāśnikāś ca nimantryantāṃ śreṇyaś ca sapurogamāḥ

Sanskrit only: no published translation is held for this verse.

आज्ञा च देया मल्लानां प्रेक्षकाणां तथैव च । समाजे मञ्चशोभाश् च कल्प्यन्तां सूपकल्पिताः

ājñā ca deyā mallānāṃ prekṣakāṇāṃ tathaiva ca / samāje mañcaśobhāś ca kalpyantāṃ sūpakalpitāḥ

Sanskrit only: no published translation is held for this verse.

एवम् आज्ञाप्य राजा स समाजविधिम् उत्तमम् । समाजवाटान् निष्क्रम्य विवेश स्वं निवेशनम्

evam ājñāpya rājā sa samājavidhim uttamam / samājavāṭān niṣkramya viveśa svaṃ niveśanam

Sanskrit only: no published translation is held for this verse.

आह्वानं तत्र संचक्रे तस्य मल्लद्वयस्य वै । चाणूरस्याप्रमेयस्य मुष्टिकस्य तथैव च

āhvānaṃ tatra saṃcakre tasya malladvayasya vai / cāṇūrasyāprameyasya muṣṭikasya tathaiva ca

Sanskrit only: no published translation is held for this verse.

तौ तु मल्लौ महावीर्यौ बलिनौ युद्धशालिनौ । कंसस्याज्ञां पुरस्कृत्य हृष्टौ विविशतुस् तदा

tau tu mallau mahāvīryau balinau yuddhaśālinau / kaṃsasyājñāṃ puraskṛtya hṛṣṭau viviśatus tadā

Sanskrit only: no published translation is held for this verse.

तौ समीपगतौ मल्लौ दृष्ट्वा जगति विश्रुतौ । उवाच कंसो नृपतिः सोपन्यासम् इदं वचः

tau samīpagatau mallau dṛṣṭvā jagati viśrutau / uvāca kaṃso nṛpatiḥ sopanyāsam idaṃ vacaḥ

Sanskrit only: no published translation is held for this verse.

भवन्तौ मम विख्यातौ मल्लौ वीरध्वजोचितौ । पूजितौ च यथान्यायं सत्कारार्हौ विशेषतः

bhavantau mama vikhyātau mallau vīradhvajocitau / pūjitau ca yathānyāyaṃ satkārārhau viśeṣataḥ

Sanskrit only: no published translation is held for this verse.

तन् मत्तो यदि सत्कारः स्मर्यते सुकृतानि वा । कर्तव्यं मे महत् कर्म भवद्भ्यां स्वेन तेजसा

tan matto yadi satkāraḥ smaryate sukṛtāni vā / kartavyaṃ me mahat karma bhavadbhyāṃ svena tejasā

Sanskrit only: no published translation is held for this verse.

याव् एतौ मम संवृद्धौ व्रजे गोपालकाव् उभौ । संकर्षणश् च कृष्णश् च बालाव् अपि जितश्रमौ

yāv etau mama saṃvṛddhau vraje gopālakāv ubhau / saṃkarṣaṇaś ca kṛṣṇaś ca bālāv api jitaśramau

Sanskrit only: no published translation is held for this verse.

एतौ रङ्गगतौ युद्धे युध्यमानौ वनेचरौ । निपातान् अन्तरं शीघ्रं हन्तव्यौ नात्र संशयः

etau raṅgagatau yuddhe yudhyamānau vanecarau / nipātān antaraṃ śīghraṃ hantavyau nātra saṃśayaḥ

Sanskrit only: no published translation is held for this verse.

बालाव् इमौ चपलकाव् अक्रियाव् इति सर्वथा । नावज्ञा तत्र कर्तव्या कर्तव्यो यत्न एव हि

bālāv imau capalakāv akriyāv iti sarvathā / nāvajñā tatra kartavyā kartavyo yatna eva hi

Sanskrit only: no published translation is held for this verse.

ताभ्यां युधि निरस्ताभ्यां गोपाभ्यां रङ्गसंनिधौ । आयतां च तदात्वे च श्रेयो मम भविष्यति

tābhyāṃ yudhi nirastābhyāṃ gopābhyāṃ raṅgasaṃnidhau / āyatāṃ ca tadātve ca śreyo mama bhaviṣyati

Sanskrit only: no published translation is held for this verse.

नृपतेः स्नेहसंयुक्तैर् वचोभिर् हृष्टमानसौ । ऊचतुर् युद्धसंमत्तौ मल्लौ चाणूरमुष्टिकौ

nṛpateḥ snehasaṃyuktair vacobhir hṛṣṭamānasau / ūcatur yuddhasaṃmattau mallau cāṇūramuṣṭikau

Sanskrit only: no published translation is held for this verse.

यद्य् आवयास् तौ प्रमुखे स्थास्येते गोपकिल्बिषौ । हताव् इत्य् अवगन्तव्यौ प्रेतरूपौ तपस्विनौ

yady āvayās tau pramukhe sthāsyete gopakilbiṣau / hatāv ity avagantavyau pretarūpau tapasvinau

Sanskrit only: no published translation is held for this verse.

यदि वा प्रतियोत्स्येते ताव् अरिष्टपरिप्लुतौ । आवाभ्यां रोषयुक्ताभ्यां प्रमुखस्थौ वनौकसौ

yadi vā pratiyotsyete tāv ariṣṭapariplutau / āvābhyāṃ roṣayuktābhyāṃ pramukhasthau vanaukasau

Sanskrit only: no published translation is held for this verse.

एवं वाग्विषम् उत्सृज्य ताव् उभौ मल्लपुंगवौ । अनुज्ञातौ नरेन्द्रेण स्वगृहं प्रतिजग्मतुः

evaṃ vāgviṣam utsṛjya tāv ubhau mallapuṃgavau / anujñātau narendreṇa svagṛhaṃ pratijagmatuḥ

Sanskrit only: no published translation is held for this verse.