Harivaṃśa (critical edition) 80

वैशंपायन उवाच कस्य चित् त्व् अथ कालस्य राजा राजगृहेश्वरः । शुश्राव निहतं कंसं जरासंधः प्रतापवान्

vaiśaṃpāyana uvāca kasya cit tv atha kālasya rājā rājagṛheśvaraḥ / śuśrāva nihataṃ kaṃsaṃ jarāsaṃdhaḥ pratāpavān

Sanskrit only: no published translation is held for this verse.

जिघांसुर् हि यदून् क्रुद्धः कंसस्यापचितिं चरन्

jighāṃsur hi yadūn kruddhaḥ kaṃsasyāpacitiṃ caran

Sanskrit only: no published translation is held for this verse.

जरासंधस्य कल्यान्यौ पीनश्रोणिपयोधरे । उभे कंसस्य ते भार्ये प्रादाद् बार्हद्रथो नृपः

jarāsaṃdhasya kalyānyau pīnaśroṇipayodhare / ubhe kaṃsasya te bhārye prādād bārhadratho nṛpaḥ

Sanskrit only: no published translation is held for this verse.

स ताभ्यां मुमुदे राजा बध्वा पितरम् आहुकम् । समाश्रित्य जरासंधम् अनादृत्य च यादवान् । शूरसेनेश्वरो राजा यथा ते बहुशो श्रुतः

sa tābhyāṃ mumude rājā badhvā pitaram āhukam / samāśritya jarāsaṃdham anādṛtya ca yādavān / śūraseneśvaro rājā yathā te bahuśo śrutaḥ

Sanskrit only: no published translation is held for this verse.

ज्ञातिकार्यार्थसिद्ध्यर्थम् उग्रसेनहिते स्थितः । वसुदेवो ऽभवन् नित्यं कंसो न ममृषे च तम्

jñātikāryārthasiddhyartham ugrasenahite sthitaḥ / vasudevo 'bhavan nityaṃ kaṃso na mamṛṣe ca tam

Sanskrit only: no published translation is held for this verse.

रामकृष्णौ व्यपाश्रित्य हते कंसे दुरात्मनि । उग्रसेनो ऽभवद् राजा भोजवृष्ण्यन्धकैर् वृतः

rāmakṛṣṇau vyapāśritya hate kaṃse durātmani / ugraseno 'bhavad rājā bhojavṛṣṇyandhakair vṛtaḥ

Sanskrit only: no published translation is held for this verse.

कृत्वा सर्वसमुद्योगं क्रोधाद् अभिययौ यदून्

kṛtvā sarvasamudyogaṃ krodhād abhiyayau yadūn

Sanskrit only: no published translation is held for this verse.

प्रतापावनता ये हि जरासंधस्य पार्थिवाः । मित्राणि ज्ञातयश् चैव संयुक्ताः सुहृदस् तथा

pratāpāvanatā ye hi jarāsaṃdhasya pārthivāḥ / mitrāṇi jñātayaś caiva saṃyuktāḥ suhṛdas tathā

Sanskrit only: no published translation is held for this verse.

महेष्वासा महावीर्या जरासंधप्रियैषिणः

maheṣvāsā mahāvīryā jarāsaṃdhapriyaiṣiṇaḥ

Sanskrit only: no published translation is held for this verse.

कारूषो दन्तवक्त्रश् च चेदिराजश् च वीर्यवान् । कलिङ्गाधिपतिश् चैव पौण्ड्रश् च बलिनां वरः । आह्वृतिः कौशिकश् चैव भीष्मकश् च नराधिपः

kārūṣo dantavaktraś ca cedirājaś ca vīryavān / kaliṅgādhipatiś caiva pauṇḍraś ca balināṃ varaḥ / āhvṛtiḥ kauśikaś caiva bhīṣmakaś ca narādhipaḥ

Sanskrit only: no published translation is held for this verse.

पुत्रश् च भीष्मकस्यापि रुक्मी मुख्यो धनुर्भृताम् । वासुदेवार्जुनाभ्यां यः स्पर्धते स्म सदा बले

putraś ca bhīṣmakasyāpi rukmī mukhyo dhanurbhṛtām / vāsudevārjunābhyāṃ yaḥ spardhate sma sadā bale

Sanskrit only: no published translation is held for this verse.

वेणुदारिः श्रुतर्वा च क्राथश् चैवांशुमान् अपि । अङ्गराजश् च बलवान् वङ्गानाम् अधिपस् तथा

veṇudāriḥ śrutarvā ca krāthaś caivāṃśumān api / aṅgarājaś ca balavān vaṅgānām adhipas tathā

Sanskrit only: no published translation is held for this verse.

कौसल्यः काशिराजश् च दशार्णाधिपतिस् तथा । सुह्मेश्वरश् च विक्रान्तो विदेहाधिपतिस् तथा

kausalyaḥ kāśirājaś ca daśārṇādhipatis tathā / suhmeśvaraś ca vikrānto videhādhipatis tathā

Sanskrit only: no published translation is held for this verse.

मद्रराजश् च बलवांस् त्रिगर्तानाम् अथेश्वरः । साल्वराजश् च विक्रान्तो दरदश् च महाबलः

madrarājaś ca balavāṃs trigartānām atheśvaraḥ / sālvarājaś ca vikrānto daradaś ca mahābalaḥ

Sanskrit only: no published translation is held for this verse.

यवनाधिपतिश् चैव भगदत्तश् च वीर्यवान् । सौवीरराजः शैब्यश् च पाण्ड्यश् च बलिनां वरः । गान्धारराजः सुबलो नग्नजिच् च महाबलः

yavanādhipatiś caiva bhagadattaś ca vīryavān / sauvīrarājaḥ śaibyaś ca pāṇḍyaś ca balināṃ varaḥ / gāndhārarājaḥ subalo nagnajic ca mahābalaḥ

Sanskrit only: no published translation is held for this verse.

एते चान्ये च राजानो बलवन्तो महारथाः । तम् अन्वयुर् जरासंधं विद्विषन्तो जनार्दनम्

ete cānye ca rājāno balavanto mahārathāḥ / tam anvayur jarāsaṃdhaṃ vidviṣanto janārdanam

Sanskrit only: no published translation is held for this verse.

ते शूरसेनान् आविश्य प्रभूतयवसेन्धनान् । ऊषुः संरुध्य मथुरां परिक्षिप्य बलैस् तदा

te śūrasenān āviśya prabhūtayavasendhanān / ūṣuḥ saṃrudhya mathurāṃ parikṣipya balais tadā

Sanskrit only: no published translation is held for this verse.