Library·Harivaṃśa (critical edition)·85
जनमेजय उवाच भगवञ् श्रोतुम् इच्छामि विस्तरेण महात्मनः । चरितं वासुदेवस्य यदुश्रेष्ठस्य धीमतः
janamejaya uvāca bhagavañ śrotum icchāmi vistareṇa mahātmanaḥ / caritaṃ vāsudevasya yaduśreṣṭhasya dhīmataḥ
Sanskrit only: no published translation is held for this verse.
किमर्थं च परित्यज्य मथुरां मधुसूदनः । मध्यदेशस्य ककुदं धाम लक्ष्म्याश् च केवलम्
kimarthaṃ ca parityajya mathurāṃ madhusūdanaḥ / madhyadeśasya kakudaṃ dhāma lakṣmyāś ca kevalam
Sanskrit only: no published translation is held for this verse.
शृङ्गं पृथिव्याः स्वालक्ष्यं प्रभूतधनधान्यवत् । आर्याढ्यजनभूयिष्ठम् अधिष्ठानवरोत्तमम् । अयुद्धेनैव दाशार्हस् त्यक्तवान् द्विजसत्तम
śṛṅgaṃ pṛthivyāḥ svālakṣyaṃ prabhūtadhanadhānyavat / āryāḍhyajanabhūyiṣṭham adhiṣṭhānavarottamam / ayuddhenaiva dāśārhas tyaktavān dvijasattama
Sanskrit only: no published translation is held for this verse.
स कालयवनश् चापि कृष्णे किं प्रत्यपद्यत
sa kālayavanaś cāpi kṛṣṇe kiṃ pratyapadyata
Sanskrit only: no published translation is held for this verse.
द्वारकां च समाश्रित्य वारिदुर्गां जनार्दनः । किं चकार महाबाहुर् महायोगी महामनाः
dvārakāṃ ca samāśritya vāridurgāṃ janārdanaḥ / kiṃ cakāra mahābāhur mahāyogī mahāmanāḥ
Sanskrit only: no published translation is held for this verse.
किंवीर्यः कालयवनः केन जातश् च वीर्यवान् । यम् असह्यं समालक्ष्य व्यपयातो जनार्दनः
kiṃvīryaḥ kālayavanaḥ kena jātaś ca vīryavān / yam asahyaṃ samālakṣya vyapayāto janārdanaḥ
Sanskrit only: no published translation is held for this verse.
वैशंपायन उवाच वृष्णीनाम् अन्धकानां च गुरुर् गार्ग्यो महातपाः । ब्रह्मचारी पुरा भूत्वा न स्म दारान् स विन्दति
vaiśaṃpāyana uvāca vṛṣṇīnām andhakānāṃ ca gurur gārgyo mahātapāḥ / brahmacārī purā bhūtvā na sma dārān sa vindati
Sanskrit only: no published translation is held for this verse.
स्यालो ऽभिशप्तवान् गार्ग्यम् अपुमान् इति भूपते
syālo 'bhiśaptavān gārgyam apumān iti bhūpate
Sanskrit only: no published translation is held for this verse.
सो ऽभिशप्तस् तदा राजन् नगरे त्व् अमितंजये । लिप्सुः पुत्रं ततो गत्वा तपस् तेपे सुदारुणम्
so 'bhiśaptas tadā rājan nagare tv amitaṃjaye / lipsuḥ putraṃ tato gatvā tapas tepe sudāruṇam
Sanskrit only: no published translation is held for this verse.
ततो द्वादश वर्षाणि सो ऽयश् चूर्णम् अभक्षयत् । आराधयन् महादेवम् अचिन्त्यं शूलपाणिनम्
tato dvādaśa varṣāṇi so 'yaś cūrṇam abhakṣayat / ārādhayan mahādevam acintyaṃ śūlapāṇinam
Sanskrit only: no published translation is held for this verse.
रुद्रस् तस्मै वरं प्रादात् समर्थं युधि निग्रहे । वृष्णीनाम् अन्धकानां च सर्वतेजोमयं सुतम्
rudras tasmai varaṃ prādāt samarthaṃ yudhi nigrahe / vṛṣṇīnām andhakānāṃ ca sarvatejomayaṃ sutam
Sanskrit only: no published translation is held for this verse.
ततः शुश्राव तं राजा यवनाधिपतिर् वरम् । पुत्रप्रसवजं देवाद् अपुत्रः पुत्रकामुकः
tataḥ śuśrāva taṃ rājā yavanādhipatir varam / putraprasavajaṃ devād aputraḥ putrakāmukaḥ
Sanskrit only: no published translation is held for this verse.
तम् उपानाय्य स नृपः सान्त्वयित्वा द्विजोत्तमम् । गोपमध्ये यवनराड् गोपस्त्रिषु समुत्सृजत्
tam upānāyya sa nṛpaḥ sāntvayitvā dvijottamam / gopamadhye yavanarāḍ gopastriṣu samutsṛjat
Sanskrit only: no published translation is held for this verse.
गोपाली त्व् अप्सरास् तत्र गोपस्त्रीवेषधारिणी । धारयाम् आस गार्ग्यस्य गर्भं दुर्धरम् अच्युतम्
gopālī tv apsarās tatra gopastrīveṣadhāriṇī / dhārayām āsa gārgyasya garbhaṃ durdharam acyutam
Sanskrit only: no published translation is held for this verse.
मानुष्यां गार्ग्यभार्यायां नियोगाच् छूलपाणिनः । स कालयवनो नाम जज्ञे शूरो महाबलः । अपुत्रस्याथ राज्ञस् तु ववृधे ऽन्तःपुरे शिशुः
mānuṣyāṃ gārgyabhāryāyāṃ niyogāc chūlapāṇinaḥ / sa kālayavano nāma jajñe śūro mahābalaḥ / aputrasyātha rājñas tu vavṛdhe 'ntaḥpure śiśuḥ
Sanskrit only: no published translation is held for this verse.
तस्मिन्न् उपरते राजन् स कालयवनो नृपः । युद्धाभिकामो राजा तु पर्यपृच्छद् द्विजोत्तमम् । वृष्ण्यन्धककुलं तस्य नारदो वै न्यवेदयत्
tasminn uparate rājan sa kālayavano nṛpaḥ / yuddhābhikāmo rājā tu paryapṛcchad dvijottamam / vṛṣṇyandhakakulaṃ tasya nārado vai nyavedayat
Sanskrit only: no published translation is held for this verse.
ज्ञात्वा तु वरदानं तन् नारदान् मधुसूदनः । उपप्रैक्षत तेजस्वी वर्धन्तं यवनेषु तम्
jñātvā tu varadānaṃ tan nāradān madhusūdanaḥ / upapraikṣata tejasvī vardhantaṃ yavaneṣu tam
Sanskrit only: no published translation is held for this verse.
स विवृद्धो यदा राजा यवनानां महाबलः । तत एनं नृपा म्लेच्छाः संश्रित्यानुययुस् तदा
sa vivṛddho yadā rājā yavanānāṃ mahābalaḥ / tata enaṃ nṛpā mlecchāḥ saṃśrityānuyayus tadā
Sanskrit only: no published translation is held for this verse.
शकास् तुषारा दरदाः पारदास् तङ्गणाः खशाः । पह्लवाः शतशश् चान्ये म्लेच्छा हैमवतास् तथा
śakās tuṣārā daradāḥ pāradās taṅgaṇāḥ khaśāḥ / pahlavāḥ śataśaś cānye mlecchā haimavatās tathā
Sanskrit only: no published translation is held for this verse.
स तैः परिवृतो राजा दस्युभिः शलभैर् इव । नानावेषधरैर् भीमैर् मत्रुराम् अभ्यवर्तत
sa taiḥ parivṛto rājā dasyubhiḥ śalabhair iva / nānāveṣadharair bhīmair matrurām abhyavartata
Sanskrit only: no published translation is held for this verse.
गजवाजिखरोष्ट्राणां सहस्रैर् अयुतैर् अपि । पृथिवीं कम्पयाम् आस सैन्येन महता तदा
gajavājikharoṣṭrāṇāṃ sahasrair ayutair api / pṛthivīṃ kampayām āsa sainyena mahatā tadā
Sanskrit only: no published translation is held for this verse.
रेणुना सूर्यमार्गं तु समवच्छाद्य पार्थिवः । मूत्रेण शकृता चैव सैन्येन ससृजे नदीम्
reṇunā sūryamārgaṃ tu samavacchādya pārthivaḥ / mūtreṇa śakṛtā caiva sainyena sasṛje nadīm
Sanskrit only: no published translation is held for this verse.
अश्वोष्ट्रशकृतो राशेर् निःसृतेति जनाधिप । ततो ऽश्वशकृद् इत्येव नाम नद्या बभूव ह
aśvoṣṭraśakṛto rāśer niḥsṛteti janādhipa / tato 'śvaśakṛd ityeva nāma nadyā babhūva ha
Sanskrit only: no published translation is held for this verse.
तत् सैन्यं महद् आयाद् वै श्रुत्वा वृष्ण्यन्धकाग्रणीः । वासुदेवः समानाय्य ज्ञातीन् इदम् उवाच ह
tat sainyaṃ mahad āyād vai śrutvā vṛṣṇyandhakāgraṇīḥ / vāsudevaḥ samānāyya jñātīn idam uvāca ha
Sanskrit only: no published translation is held for this verse.
इदं समुत्थितं घोरं वृष्ण्यन्धकभयं महत् । अवध्यश् चापि नः शत्रुर् वरदानात् पिनाकिनः
idaṃ samutthitaṃ ghoraṃ vṛṣṇyandhakabhayaṃ mahat / avadhyaś cāpi naḥ śatrur varadānāt pinākinaḥ
Sanskrit only: no published translation is held for this verse.
सामादयो ऽभ्युपायाश् च विहितास् तस्य सर्वशः । मत्तो मदबलाभ्यां च युद्धम् एव चिकीर्षति । एतावान् इह वासश् च कथितो नारदेन मे
sāmādayo 'bhyupāyāś ca vihitās tasya sarvaśaḥ / matto madabalābhyāṃ ca yuddham eva cikīrṣati / etāvān iha vāsaś ca kathito nāradena me
Sanskrit only: no published translation is held for this verse.
जरासंधश् च नो राजा नित्यम् एव न मृष्यते । तथान्ये पृथिवीपाला वृष्णिचक्रप्रतापिताः
jarāsaṃdhaś ca no rājā nityam eva na mṛṣyate / tathānye pṛthivīpālā vṛṣṇicakrapratāpitāḥ
Sanskrit only: no published translation is held for this verse.
केचित् कंसवधाच् चापि विरक्तास् तद्गता नृपाः । समाश्रित्य जरासंधम् अस्मान् इच्छन्ति बाधितुम्
kecit kaṃsavadhāc cāpi viraktās tadgatā nṛpāḥ / samāśritya jarāsaṃdham asmān icchanti bādhitum
Sanskrit only: no published translation is held for this verse.
अपयाने मतिं कृत्वा दूतं तस्मै ससर्ज ह
apayāne matiṃ kṛtvā dūtaṃ tasmai sasarja ha
Sanskrit only: no published translation is held for this verse.
ततः कुम्भे महासर्पं भिन्नाञ्जनचयोपमम् । घोरम् आशीविषं कृष्णं कृष्णः प्राक्षेपयत् तदा
tataḥ kumbhe mahāsarpaṃ bhinnāñjanacayopamam / ghoram āśīviṣaṃ kṛṣṇaṃ kṛṣṇaḥ prākṣepayat tadā
Sanskrit only: no published translation is held for this verse.
ततस् तं मुद्रयित्वा तु स्वेन दूतेन हारयत् । निदर्शनार्थं गोविन्दो भीषयाणश् च तं नृपम् । स दूतः कालयवनं दर्शयाम् आस तं घटम्
tatas taṃ mudrayitvā tu svena dūtena hārayat / nidarśanārthaṃ govindo bhīṣayāṇaś ca taṃ nṛpam / sa dūtaḥ kālayavanaṃ darśayām āsa taṃ ghaṭam
Sanskrit only: no published translation is held for this verse.
कालसर्पोपमः कृष्ण इत्य् उक्त्वा भरतर्षभ । तत् कालयवनो बुध्वा त्रासनं यादवैः कृतम् । पिपीलिकानां चण्डानां पूरयाम् आस तं घटम्
kālasarpopamaḥ kṛṣṇa ity uktvā bharatarṣabha / tat kālayavano budhvā trāsanaṃ yādavaiḥ kṛtam / pipīlikānāṃ caṇḍānāṃ pūrayām āsa taṃ ghaṭam
Sanskrit only: no published translation is held for this verse.
स सर्पो बहुभिस् तीक्ष्णैः सर्वतस् तैः पिपीलिकैः । भक्ष्यमाणः किलाङ्गेषु भस्मीभूतो ऽभवत् तदा
sa sarpo bahubhis tīkṣṇaiḥ sarvatas taiḥ pipīlikaiḥ / bhakṣyamāṇaḥ kilāṅgeṣu bhasmībhūto 'bhavat tadā
Sanskrit only: no published translation is held for this verse.
तं मुद्रयित्वाथ घटं तथैव यवनाधिपः । प्रेषयाम् आस कृष्णाय बाहुल्यम् उपवर्णयन्
taṃ mudrayitvātha ghaṭaṃ tathaiva yavanādhipaḥ / preṣayām āsa kṛṣṇāya bāhulyam upavarṇayan
Sanskrit only: no published translation is held for this verse.
वासुदेवस् तु तं दृष्ट्वा योगं विहितम् आत्मनः । उत्सृज्य मथुराम् आशु द्वारकाम् अभिजग्मिवान्
vāsudevas tu taṃ dṛṣṭvā yogaṃ vihitam ātmanaḥ / utsṛjya mathurām āśu dvārakām abhijagmivān
Sanskrit only: no published translation is held for this verse.
वैरस्यान्तं विधित्संस् तु वासुदेवो महायशाः । निवेश्य द्वारकां राजन् वृष्णीन् आश्वास्य चैव ह
vairasyāntaṃ vidhitsaṃs tu vāsudevo mahāyaśāḥ / niveśya dvārakāṃ rājan vṛṣṇīn āśvāsya caiva ha
Sanskrit only: no published translation is held for this verse.
पदातिः पुरुषव्याघ्रो बाहुप्रहरणस् तदा । आजगाम महायोगी मथुरां मधुसूदनः
padātiḥ puruṣavyāghro bāhupraharaṇas tadā / ājagāma mahāyogī mathurāṃ madhusūdanaḥ
Sanskrit only: no published translation is held for this verse.
तं दृष्ट्वा निर्ययौ हृष्टः स कालयवनो रुषा । प्रेक्षापूर्वं च कृष्णो ऽपि निश्चक्राम महाबलः
taṃ dṛṣṭvā niryayau hṛṣṭaḥ sa kālayavano ruṣā / prekṣāpūrvaṃ ca kṛṣṇo 'pi niścakrāma mahābalaḥ
Sanskrit only: no published translation is held for this verse.
अथान्वगच्छद् गोविन्दं जिघृक्षुर् यवनेश्वरः । न चैनम् अशकद् राजा ग्रहीतुं योगधर्मिणम्
athānvagacchad govindaṃ jighṛkṣur yavaneśvaraḥ / na cainam aśakad rājā grahītuṃ yogadharmiṇam
Sanskrit only: no published translation is held for this verse.
पुरा देवासुरे युद्धे कृतकर्मा महाबलः
purā devāsure yuddhe kṛtakarmā mahābalaḥ
Sanskrit only: no published translation is held for this verse.
वरेण च्छन्दितो देवैर् निद्राम् एव गृहीतवान् । श्रान्तस्य तस्य वाग् एवं तदा प्रादुर् अभूत् किल
vareṇa cchandito devair nidrām eva gṛhītavān / śrāntasya tasya vāg evaṃ tadā prādur abhūt kila
Sanskrit only: no published translation is held for this verse.
प्रसुप्तम् बोधयेद् यो मां तं दहेयम् अहं सुराः । चक्षुषा क्रोधदीप्तेन एवम् आह पुनः पुनः
prasuptam bodhayed yo māṃ taṃ daheyam ahaṃ surāḥ / cakṣuṣā krodhadīptena evam āha punaḥ punaḥ
Sanskrit only: no published translation is held for this verse.
एवम् अस्त्व् इति शक्रस् तम् उवाच त्रिदशैः सह । स सुरैर् अभ्यनुज्ञातो लोकं मानुषम् आगमत्
evam astv iti śakras tam uvāca tridaśaiḥ saha / sa surair abhyanujñāto lokaṃ mānuṣam āgamat
Sanskrit only: no published translation is held for this verse.
स पर्वतगुहां कांचित् प्रविश्य श्रमकर्शितः । सुष्वाप कालम् एतं वै यावत् कृष्णस्य दर्शनम्
sa parvataguhāṃ kāṃcit praviśya śramakarśitaḥ / suṣvāpa kālam etaṃ vai yāvat kṛṣṇasya darśanam
Sanskrit only: no published translation is held for this verse.
तत् सर्वं वासुदेवस्य नारदेन निवेदितम् । वरदानं च देवेभ्यस् तेजस् तस्य च भूपतेः
tat sarvaṃ vāsudevasya nāradena niveditam / varadānaṃ ca devebhyas tejas tasya ca bhūpateḥ
Sanskrit only: no published translation is held for this verse.
अनुगम्यमानः कृष्णश् च तेन म्लेच्छेन शत्रुणा । तां गुहां मुचुकुन्दस्य प्रविवेश विनीतवत्
anugamyamānaḥ kṛṣṇaś ca tena mlecchena śatruṇā / tāṃ guhāṃ mucukundasya praviveśa vinītavat
Sanskrit only: no published translation is held for this verse.
शिरःस्थाने तु राजर्षेर् मुचुकुन्दस्य केशवः । संदर्शनपथं त्यक्त्वा तस्थौ बुद्धिमतां वरः
śiraḥsthāne tu rājarṣer mucukundasya keśavaḥ / saṃdarśanapathaṃ tyaktvā tasthau buddhimatāṃ varaḥ
Sanskrit only: no published translation is held for this verse.
अनुप्रविश्य यवनो ददर्श पृथिवीपतिम् । प्रस्वपन्तं कृतान्ताभम् आससाद सुदुर्मतिः
anupraviśya yavano dadarśa pṛthivīpatim / prasvapantaṃ kṛtāntābham āsasāda sudurmatiḥ
Sanskrit only: no published translation is held for this verse.
वासुदेवं तु तं मत्वा घट्टयाम् आस पार्थिवम् । पादेनात्मविनाशाय शलभः पावकं यथा
vāsudevaṃ tu taṃ matvā ghaṭṭayām āsa pārthivam / pādenātmavināśāya śalabhaḥ pāvakaṃ yathā
Sanskrit only: no published translation is held for this verse.
मुचुकुन्दश् च राजर्षिः पादस्पर्शविबोधितः । चुकोप निच्राच्छेदेन पादस्पर्शेन तेन च
mucukundaś ca rājarṣiḥ pādasparśavibodhitaḥ / cukopa nicrācchedena pādasparśena tena ca
Sanskrit only: no published translation is held for this verse.
संस्मृत्य च वरं शक्राद् अवैक्षत तमग्रतः । स दृष्टमात्रः क्रुद्धेन संप्रजज्वाल सर्वतः
saṃsmṛtya ca varaṃ śakrād avaikṣata tamagrataḥ / sa dṛṣṭamātraḥ kruddhena saṃprajajvāla sarvataḥ
Sanskrit only: no published translation is held for this verse.
ददाह पावकस् तं तु शुष्कं वृक्षम् इवाशनिः । क्षणेन कालयवनं नेत्रतेजोविनिर्गतः
dadāha pāvakas taṃ tu śuṣkaṃ vṛkṣam ivāśaniḥ / kṣaṇena kālayavanaṃ netratejovinirgataḥ
Sanskrit only: no published translation is held for this verse.
तं वासुदेवः श्रीमन्तं चिरसुप्तं नराधिपम् । कृतकार्यो ऽब्रवीद् धीमान् इदं वचनम् उत्तमम्
taṃ vāsudevaḥ śrīmantaṃ cirasuptaṃ narādhipam / kṛtakāryo 'bravīd dhīmān idaṃ vacanam uttamam
Sanskrit only: no published translation is held for this verse.
राजंश् चिरप्रसुप्तो ऽसि कथितो नारदेन मे । कृतं मे सुमहत् कार्यं स्वस्ति ते ऽस्तु व्रजाम्य् अहम्
rājaṃś ciraprasupto 'si kathito nāradena me / kṛtaṃ me sumahat kāryaṃ svasti te 'stu vrajāmy aham
Sanskrit only: no published translation is held for this verse.
वासुदेवम् अथालक्श्य राजा ह्रस्वं प्रमाणतः । परिवृत्तं युगं मेने कालेन महता ततः
vāsudevam athālakśya rājā hrasvaṃ pramāṇataḥ / parivṛttaṃ yugaṃ mene kālena mahatā tataḥ
Sanskrit only: no published translation is held for this verse.
उवाच राजा गोविन्दं को भवान् किम् इहागतः । कश् च कालः प्रसुप्तस्य यदि जानासि कथ्यताम्
uvāca rājā govindaṃ ko bhavān kim ihāgataḥ / kaś ca kālaḥ prasuptasya yadi jānāsi kathyatām
Sanskrit only: no published translation is held for this verse.
वासुदेव उवाच सोमवंशोद्भवो राजा ययातिर् नाम नाहुषः । तस्य पुत्रो यदुर् ज्येष्ठश् चत्वारो ऽन्ये यवीयसः
vāsudeva uvāca somavaṃśodbhavo rājā yayātir nāma nāhuṣaḥ / tasya putro yadur jyeṣṭhaś catvāro 'nye yavīyasaḥ
Sanskrit only: no published translation is held for this verse.
यदुवंशे समुत्पन्नं वसुदेवात्मजं विभो । वासुदेवं विजानीहि नृपते माम् इहागतम्
yaduvaṃśe samutpannaṃ vasudevātmajaṃ vibho / vāsudevaṃ vijānīhi nṛpate mām ihāgatam
Sanskrit only: no published translation is held for this verse.
त्रेतायुगे समुत्पन्नो विदितो मे ऽसि नारदात् । इदं कलियुगं विद्धि किम् अन्यत् करवाणि ते
tretāyuge samutpanno vidito me 'si nāradāt / idaṃ kaliyugaṃ viddhi kim anyat karavāṇi te
Sanskrit only: no published translation is held for this verse.
मम शत्रुस् त्वया दग्धो देवदत्तवरो नृप । अवध्यो यो मया संख्ये भवेद् वर्षशतैर् अपि
mama śatrus tvayā dagdho devadattavaro nṛpa / avadhyo yo mayā saṃkhye bhaved varṣaśatair api
Sanskrit only: no published translation is held for this verse.
इत्युक्तः स तु कृष्णेन निर्जगाम गुहामुखात् । अन्वीयमानः कृष्णेन कृतकार्येण धीमता
ityuktaḥ sa tu kṛṣṇena nirjagāma guhāmukhāt / anvīyamānaḥ kṛṣṇena kṛtakāryeṇa dhīmatā
Sanskrit only: no published translation is held for this verse.
ततो ददर्श पृथिवीम् आवृतां ह्रस्वकैर् नरैः । अल्पोत्साहैर् अल्पबलैर् अल्पवीर्यपराक्रमैः । परेणाधिष्ठितं चैव राज्यं केवलम् आत्मनः
tato dadarśa pṛthivīm āvṛtāṃ hrasvakair naraiḥ / alpotsāhair alpabalair alpavīryaparākramaiḥ / pareṇādhiṣṭhitaṃ caiva rājyaṃ kevalam ātmanaḥ
Sanskrit only: no published translation is held for this verse.
विसर्जयित्वा गोविन्दं प्रविवेश महद् वनम् । हिमवन्तम् अगाद् राजा तपसे धृतमानसः
visarjayitvā govindaṃ praviveśa mahad vanam / himavantam agād rājā tapase dhṛtamānasaḥ
Sanskrit only: no published translation is held for this verse.
ततः स तप आस्थाय विनिर्मुच्य कलेवरम् । आरुरोह दिवं राजा कर्मभिः स्वैर् जितं शुभैः
tataḥ sa tapa āsthāya vinirmucya kalevaram / āruroha divaṃ rājā karmabhiḥ svair jitaṃ śubhaiḥ
Sanskrit only: no published translation is held for this verse.
वासुदेवो ऽपि धर्मात्मा उपायेन महामनाः । घातयित्वात्मनः शत्रुं तत् सैन्यं प्रत्यपद्यत
vāsudevo 'pi dharmātmā upāyena mahāmanāḥ / ghātayitvātmanaḥ śatruṃ tat sainyaṃ pratyapadyata
Sanskrit only: no published translation is held for this verse.
मुचुकुन्देन महात्मना । *ह्व् ८५।६५अब्च्*९७९:१ ।* मथुरां पुनरागत्य । *ह्व् ८५।६५अब्च्*९७९:२ ।* प्रभूतरथहस्त्यश्व+ +वर्मशस्त्रायुधध्वजम् । आदायोपययौ धीमांस् तत् सैन्यं निहतेश्वरम्
mucukundena mahātmanā | *HV 85.65abc*979:1 |* mathurāṃ punarāgatya | *HV 85.65abc*979:2 |* prabhūtarathahastyaśva+ +varmaśastrāyudhadhvajam / ādāyopayayau dhīmāṃs tat sainyaṃ nihateśvaram
Sanskrit only: no published translation is held for this verse.
निवेदयाम् आस ततो नराधिपे तद् उग्रसेने प्रतिपूर्णमानसः । जनार्दनो द्वारवतीं च तां पुरीम् अशोभयत् तेन धनेन भूरिणा
nivedayām āsa tato narādhipe tad ugrasene pratipūrṇamānasaḥ / janārdano dvāravatīṃ ca tāṃ purīm aśobhayat tena dhanena bhūriṇā
Sanskrit only: no published translation is held for this verse.