Harivaṃśa (critical edition) 87

वैशंपायन उवाच एतस्मिन्न् एव काले तु जरासंधः प्रतापवान् । नृपान् उद्योजयाम् आस चेदिराजप्रियेप्सया

vaiśaṃpāyana uvāca etasminn eva kāle tu jarāsaṃdhaḥ pratāpavān / nṛpān udyojayām āsa cedirājapriyepsayā

Sanskrit only: no published translation is held for this verse.

भीष्मकस्य सुतायां वै रुक्मिण्यां रुक्मभूषणः । शिशुपालस्य नृपतेर् विवाहो भविता किल

bhīṣmakasya sutāyāṃ vai rukmiṇyāṃ rukmabhūṣaṇaḥ / śiśupālasya nṛpater vivāho bhavitā kila

Sanskrit only: no published translation is held for this verse.

दन्तवक्त्रस्य तनयं सुवक्त्रम् अमितौजसम् । सहस्राक्षसमं युद्धे मायासु च विशारदम्

dantavaktrasya tanayaṃ suvaktram amitaujasam / sahasrākṣasamaṃ yuddhe māyāsu ca viśāradam

Sanskrit only: no published translation is held for this verse.

पौण्ड्रस्य वासुदेवस्य तथा पुत्रं महाबलम् । सुदेवं वीर्यसंपन्नं पृथग् अक्षौहिणीपतिम्

pauṇḍrasya vāsudevasya tathā putraṃ mahābalam / sudevaṃ vīryasaṃpannaṃ pṛthag akṣauhiṇīpatim

Sanskrit only: no published translation is held for this verse.

एकलव्यस्य पुत्रं च वीर्यवन्तं बलान्वितम् । पुत्रं च पाण्ड्यराजस्य कलिङ्गाधिपतिं तथा

ekalavyasya putraṃ ca vīryavantaṃ balānvitam / putraṃ ca pāṇḍyarājasya kaliṅgādhipatiṃ tathā

Sanskrit only: no published translation is held for this verse.

कृताप्रियं च कृष्णेन वेणुदारिं नराधिपम् । अंशुमन्तं तथा क्राथं श्रुतर्वाणं च भारत

kṛtāpriyaṃ ca kṛṣṇena veṇudāriṃ narādhipam / aṃśumantaṃ tathā krāthaṃ śrutarvāṇaṃ ca bhārata

Sanskrit only: no published translation is held for this verse.

निकृत्तशत्रुं कालिङ्गं गान्धाराधिपतिं तथा । पटुशं च महाबाहुं काश्याधिपतिम् एव च

nikṛttaśatruṃ kāliṅgaṃ gāndhārādhipatiṃ tathā / paṭuśaṃ ca mahābāhuṃ kāśyādhipatim eva ca

Sanskrit only: no published translation is held for this verse.

जनमेजय उवाच कस्मिन् देशे नृपो जज्ञे रुक्मी वेदविदां वर । कस्याण्ववाये द्युतिमान् संभूतो द्विजसत्तम

janamejaya uvāca kasmin deśe nṛpo jajñe rukmī vedavidāṃ vara / kasyāṇvavāye dyutimān saṃbhūto dvijasattama

Sanskrit only: no published translation is held for this verse.

वैशंपायन उवाच राजर्षेर् यादवस्यासीद् विदर्भो नाम वै सुतः । विन्ध्यस्य दक्षिणे पार्श्वे विदर्भान् यो न्यवेशयत्

vaiśaṃpāyana uvāca rājarṣer yādavasyāsīd vidarbho nāma vai sutaḥ / vindhyasya dakṣiṇe pārśve vidarbhān yo nyaveśayat

Sanskrit only: no published translation is held for this verse.

क्रथकैशिकमुख्यास् तु पुत्रास् तस्य महाबलाः । बभूवुर् वीर्यसंपन्नाः पृथग् वंशकरा नृपाः

krathakaiśikamukhyās tu putrās tasya mahābalāḥ / babhūvur vīryasaṃpannāḥ pṛthag vaṃśakarā nṛpāḥ

Sanskrit only: no published translation is held for this verse.

तस्यान्ववाये भीमस्य वृष्णयो जज्ञिरे नृप । क्रथस्य त्व् अंशुमाण् वंशे कैशिकस्य तु भीष्मकः

tasyānvavāye bhīmasya vṛṣṇayo jajñire nṛpa / krathasya tv aṃśumāṇ vaṃśe kaiśikasya tu bhīṣmakaḥ

Sanskrit only: no published translation is held for this verse.

हिरण्यलोमेत्य् आहुर् यं दाक्षिणात्येश्वरं जनाः । अगस्त्यगुप्ताम् आशां यः कुण्डिनस्थो ऽन्वशान् नृपः । रुक्मी तस्याभवत् पुत्रो रुक्मिणी च विशां पते

hiraṇyalomety āhur yaṃ dākṣiṇātyeśvaraṃ janāḥ / agastyaguptām āśāṃ yaḥ kuṇḍinastho 'nvaśān nṛpaḥ / rukmī tasyābhavat putro rukmiṇī ca viśāṃ pate

Sanskrit only: no published translation is held for this verse.

रुक्मी चास्त्राणि दिव्यानि द्रुमात् प्राप महाबलः । जामदग्न्यात् तथ रामाद् ब्राह्मम् अस्त्रम् अवाप्तवान् । प्रास्पर्धत् सह कृष्णेन नित्यम् अद्भुतकर्मणा

rukmī cāstrāṇi divyāni drumāt prāpa mahābalaḥ / jāmadagnyāt tatha rāmād brāhmam astram avāptavān / prāspardhat saha kṛṣṇena nityam adbhutakarmaṇā

Sanskrit only: no published translation is held for this verse.

रुक्मिणी त्व् अभवद् राजन् रूपेणासदृशी भुवि । चकमे वासुदेवस् तां श्रवाद् एव महाद्युतिः

rukmiṇī tv abhavad rājan rūpeṇāsadṛśī bhuvi / cakame vāsudevas tāṃ śravād eva mahādyutiḥ

Sanskrit only: no published translation is held for this verse.

स चाभिलषितस् तस्याः श्रवाद् एव जनार्दनः । तेजोवीर्यबलोपेतः स मे भर्ता भवेद् इति

sa cābhilaṣitas tasyāḥ śravād eva janārdanaḥ / tejovīryabalopetaḥ sa me bhartā bhaved iti

Sanskrit only: no published translation is held for this verse.

याचमानाय कंसस्य प्रेष्यो ऽसाव् इति चिन्तयन्

yācamānāya kaṃsasya preṣyo 'sāv iti cintayan

Sanskrit only: no published translation is held for this verse.

चैद्यस्यार्थे सुनीथस्य जरासंधस् तु भूमिपः । वरयाम् आस तां राजा भीष्मकं भीमविक्रमम्

caidyasyārthe sunīthasya jarāsaṃdhas tu bhūmipaḥ / varayām āsa tāṃ rājā bhīṣmakaṃ bhīmavikramam

Sanskrit only: no published translation is held for this verse.

चेदिराजस्य हि वसोर् आसीत् पुत्रो बृहद्रथः । मगधेषु पुरा येन निर्मितं तद् गिरिव्रजम्

cedirājasya hi vasor āsīt putro bṛhadrathaḥ / magadheṣu purā yena nirmitaṃ tad girivrajam

Sanskrit only: no published translation is held for this verse.

तस्यान्ववाये जज्ञे ऽथ जरासंधो महाबलः । वसोर् एव तदा वंशे दमघोषो ऽपि चेदिराट्

tasyānvavāye jajñe 'tha jarāsaṃdho mahābalaḥ / vasor eva tadā vaṃśe damaghoṣo 'pi cedirāṭ

Sanskrit only: no published translation is held for this verse.

दमघोषस्य पुत्रास् तु पञ्च भीमपराक्रमाः । भगिन्यां वसुदेवस्य श्रुतश्रवसि जज्ञिरे

damaghoṣasya putrās tu pañca bhīmaparākramāḥ / bhaginyāṃ vasudevasya śrutaśravasi jajñire

Sanskrit only: no published translation is held for this verse.

शिशुपालो दशग्रीवो रैभ्यो ऽथोपदिशो बली । सर्वास्त्रकुशला वीरा वीर्यवन्तो महाबलाः

śiśupālo daśagrīvo raibhyo 'thopadiśo balī / sarvāstrakuśalā vīrā vīryavanto mahābalāḥ

Sanskrit only: no published translation is held for this verse.

जरासंधः स्वसुतवद् ददर्शैनं जुगोप च

jarāsaṃdhaḥ svasutavad dadarśainaṃ jugopa ca

Sanskrit only: no published translation is held for this verse.

जरासंधं पुरस्कृत्य वृष्णिशत्रुं महाबलम् । कृतान्य् आगांसि चैद्येन वृष्णीनां तत्प्रियैषिणा

jarāsaṃdhaṃ puraskṛtya vṛṣṇiśatruṃ mahābalam / kṛtāny āgāṃsi caidyena vṛṣṇīnāṃ tatpriyaiṣiṇā

Sanskrit only: no published translation is held for this verse.

जामाता त्व् अभवत् तस्य कंसस् तस्मिन् हते युधि । कृष्णार्थं वैरमभवज् जरासंधस्य वृष्णिभिः

jāmātā tv abhavat tasya kaṃsas tasmin hate yudhi / kṛṣṇārthaṃ vairamabhavaj jarāsaṃdhasya vṛṣṇibhiḥ

Sanskrit only: no published translation is held for this verse.

भीष्मकं वरयाम् आस सुनीथार्थे ऽथ रुक्मिणीम् । तां ददौ भीष्मकश् चापि शिशुपालाय वीर्यवान्

bhīṣmakaṃ varayām āsa sunīthārthe 'tha rukmiṇīm / tāṃ dadau bhīṣmakaś cāpi śiśupālāya vīryavān

Sanskrit only: no published translation is held for this verse.

ततश् चैद्यम् उपादाय जरासंधो नराधिपः । ययौ विदर्भान् सहितो दन्तवक्त्रेण यायिना

tataś caidyam upādāya jarāsaṃdho narādhipaḥ / yayau vidarbhān sahito dantavaktreṇa yāyinā

Sanskrit only: no published translation is held for this verse.

अनुयातश् च पौण्ड्रेण वासुदेवेन धीमता । अङ्गवङ्गकलिङ्गानाम् ईश्वरः स महाबलः

anuyātaś ca pauṇḍreṇa vāsudevena dhīmatā / aṅgavaṅgakaliṅgānām īśvaraḥ sa mahābalaḥ

Sanskrit only: no published translation is held for this verse.

मानयिष्यंश् च तान् रुक्मी प्रत्युद्गम्य नराधिपान् । परया पूजयोपेतान् आनिनाय पुरीं प्रति

mānayiṣyaṃś ca tān rukmī pratyudgamya narādhipān / parayā pūjayopetān ānināya purīṃ prati

Sanskrit only: no published translation is held for this verse.

पितृष्व् असुः प्रियार्थं च रामकृष्णाव् उभाव् अपि । प्रययुर् वृष्णयश् चान्ये रथैस् तत्र बलान्विताः

pitṛṣv asuḥ priyārthaṃ ca rāmakṛṣṇāv ubhāv api / prayayur vṛṣṇayaś cānye rathais tatra balānvitāḥ

Sanskrit only: no published translation is held for this verse.

क्रथकैशिकभर्ता तान् प्रतिगृह्य यथाविधि । पूजयाम् आस पूजार्हान् न्यवसन्त बहिश् च ते

krathakaiśikabhartā tān pratigṛhya yathāvidhi / pūjayām āsa pūjārhān nyavasanta bahiś ca te

Sanskrit only: no published translation is held for this verse.

श्वोभाविनि विवाहे तु रुक्मिणी निर्ययौ बहिः । चतुर्युजा रथेनैन्द्रं देवतायतनं शुभा

śvobhāvini vivāhe tu rukmiṇī niryayau bahiḥ / caturyujā rathenaindraṃ devatāyatanaṃ śubhā

Sanskrit only: no published translation is held for this verse.

इन्द्राणीम् अर्चयिष्यन्ती कृतकौतुकमङ्गला । दीप्यमानेन वपुषा बलेन महता वृता

indrāṇīm arcayiṣyantī kṛtakautukamaṅgalā / dīpyamānena vapuṣā balena mahatā vṛtā

Sanskrit only: no published translation is held for this verse.

तां ददर्श ततः कृष्णो लक्ष्मीं साक्षाद् इव स्थिताम् । रूपेणाग्र्येण संपन्नां देवतायतनान्तिके

tāṃ dadarśa tataḥ kṛṣṇo lakṣmīṃ sākṣād iva sthitām / rūpeṇāgryeṇa saṃpannāṃ devatāyatanāntike

Sanskrit only: no published translation is held for this verse.

वह्नेर् इव शिखां दीप्तां मायां भूमिगताम् इव । पृथिवीम् इव गम्भीराम् उत्थितां पृथिवीतलात्

vahner iva śikhāṃ dīptāṃ māyāṃ bhūmigatām iva / pṛthivīm iva gambhīrām utthitāṃ pṛthivītalāt

Sanskrit only: no published translation is held for this verse.

मरीचिम् इव सोमस्य सौम्यां स्त्रीविग्रहां भुवि । श्रियम् अग्र्याम् इवापद्मां भविश्यां श्रीसहायिनीम् । कृष्णेन मनसा दृष्टां दुर्निरीक्श्यां सुरैर् अपि

marīcim iva somasya saumyāṃ strīvigrahāṃ bhuvi / śriyam agryām ivāpadmāṃ bhaviśyāṃ śrīsahāyinīm / kṛṣṇena manasā dṛṣṭāṃ durnirīkśyāṃ surair api

Sanskrit only: no published translation is held for this verse.

श्यामावदाता सा ह्य् आसीत् पृथुचार्वायतेक्षणा । ताम्रौष्ठनयनापाङ्गी पीनोरुजघनस्तनी

śyāmāvadātā sā hy āsīt pṛthucārvāyatekṣaṇā / tāmrauṣṭhanayanāpāṅgī pīnorujaghanastanī

Sanskrit only: no published translation is held for this verse.

तीक्ष्णशुक्लैः समैर् दन्तैः प्रभासद्भिर् अलंकृता

tīkṣṇaśuklaiḥ samair dantaiḥ prabhāsadbhir alaṃkṛtā

Sanskrit only: no published translation is held for this verse.

अनन्या प्रमदा लोके रूपेण यशसा श्रिया । रुक्मिणी रूपिणी देवी पाण्डुरक्षौमवासिनी

ananyā pramadā loke rūpeṇa yaśasā śriyā / rukmiṇī rūpiṇī devī pāṇḍurakṣaumavāsinī

Sanskrit only: no published translation is held for this verse.

तां दृष्ट्वा ववृधे कामः कृष्णस्य शुभदर्शनाम् । हविषेवानलस्यार्चिर् मनस् तस्यां समादधत्

tāṃ dṛṣṭvā vavṛdhe kāmaḥ kṛṣṇasya śubhadarśanām / haviṣevānalasyārcir manas tasyāṃ samādadhat

Sanskrit only: no published translation is held for this verse.

रामेण सह निश्चित्य केशवः सुमहाबलः । तत्प्रमाथे ऽकरोद् बुद्धिं वृष्णिभ्यः प्रणिधाय च

rāmeṇa saha niścitya keśavaḥ sumahābalaḥ / tatpramāthe 'karod buddhiṃ vṛṣṇibhyaḥ praṇidhāya ca

Sanskrit only: no published translation is held for this verse.

कृते तु देवताकार्ये निष्क्रामन्तीं सुरालयात् । उन्मथ्य सहसा कृष्णः स्वं निनाय रथोत्तमम्

kṛte tu devatākārye niṣkrāmantīṃ surālayāt / unmathya sahasā kṛṣṇaḥ svaṃ nināya rathottamam

Sanskrit only: no published translation is held for this verse.

वृक्षम् उत्पाट्य रामो ऽपि जघानापततः परान् । समनह्यन्त दाशार्हास् तदाज्ञाय तु सर्वशः

vṛkṣam utpāṭya rāmo 'pi jaghānāpatataḥ parān / samanahyanta dāśārhās tadājñāya tu sarvaśaḥ

Sanskrit only: no published translation is held for this verse.

ते रथैर् विविधाकारैः समुच्छ्रितमहाध्वजैः । वाजिभिर् वारणैश् चापि परिवव्रुर् हलायुधम्

te rathair vividhākāraiḥ samucchritamahādhvajaiḥ / vājibhir vāraṇaiś cāpi parivavrur halāyudham

Sanskrit only: no published translation is held for this verse.

आदाय रुक्मिणीं कृष्णो जगामाशु पुरीं प्रति । रामे चासज्य तं भारं युयुधाने च वीर्यवान्

ādāya rukmiṇīṃ kṛṣṇo jagāmāśu purīṃ prati / rāme cāsajya taṃ bhāraṃ yuyudhāne ca vīryavān

Sanskrit only: no published translation is held for this verse.

अक्रूरे विपृथौ चापि गदे च कृतवर्मणि । चक्रदेवे सुनक्षत्रे सारणे च महाबले

akrūre vipṛthau cāpi gade ca kṛtavarmaṇi / cakradeve sunakṣatre sāraṇe ca mahābale

Sanskrit only: no published translation is held for this verse.

निवृत्तशत्रौ विक्रान्ते भङ्गकारे विदूरथे । उग्रसेनात्मजे कङ्के शतद्युम्ने च केशवः

nivṛttaśatrau vikrānte bhaṅgakāre vidūrathe / ugrasenātmaje kaṅke śatadyumne ca keśavaḥ

Sanskrit only: no published translation is held for this verse.

राजाधिदेवे मृदरे प्रसेने चित्रके तथा । अतिदान्ते बृहद्दुर्गे श्वफल्के चित्रके पृथौ

rājādhideve mṛdare prasene citrake tathā / atidānte bṛhaddurge śvaphalke citrake pṛthau

Sanskrit only: no published translation is held for this verse.

वृष्ण्यन्धकेषु चान्येषु मुख्येषु मधुसूदनः । गुरुम् आसज्य तं भारं ययौ द्वारवतीं प्रति

vṛṣṇyandhakeṣu cānyeṣu mukhyeṣu madhusūdanaḥ / gurum āsajya taṃ bhāraṃ yayau dvāravatīṃ prati

Sanskrit only: no published translation is held for this verse.

दन्तवक्त्रो जरासंधः शिशुपालश् च वीर्यवान् । संनद्धा निर्ययुः क्रुद्धा जिघांसन्तो जनार्दनम्

dantavaktro jarāsaṃdhaḥ śiśupālaś ca vīryavān / saṃnaddhā niryayuḥ kruddhā jighāṃsanto janārdanam

Sanskrit only: no published translation is held for this verse.

अङ्गवङ्गकलिङ्गैश् च सार्धं पौण्ड्रैश् च वीर्यवान् । निर्ययौ चेदिराजः स भ्रातृभिः सुमहारथैः

aṅgavaṅgakaliṅgaiś ca sārdhaṃ pauṇḍraiś ca vīryavān / niryayau cedirājaḥ sa bhrātṛbhiḥ sumahārathaiḥ

Sanskrit only: no published translation is held for this verse.

तान् प्रत्यगृह्णन् संरब्धा वृष्णिवीरा महारथाः । संकर्षणं पुरस्कृत्य वासवं मरुतो यथा

tān pratyagṛhṇan saṃrabdhā vṛṣṇivīrā mahārathāḥ / saṃkarṣaṇaṃ puraskṛtya vāsavaṃ maruto yathā

Sanskrit only: no published translation is held for this verse.

आपतन्तं हि वेगेन जरासंधं महाबलम् । षड्भिर् विव्याध नाराचैर् युयुधानो महामृधे

āpatantaṃ hi vegena jarāsaṃdhaṃ mahābalam / ṣaḍbhir vivyādha nārācair yuyudhāno mahāmṛdhe

Sanskrit only: no published translation is held for this verse.

अक्रूरो दन्तवक्त्रं तु विव्याध नवभिः शरैः । तं प्रत्यविध्यत् कारूषो बाणैर् दशभिर् आशुगैः

akrūro dantavaktraṃ tu vivyādha navabhiḥ śaraiḥ / taṃ pratyavidhyat kārūṣo bāṇair daśabhir āśugaiḥ

Sanskrit only: no published translation is held for this verse.

विपृथुः शिशुपालं तु शरैर् विव्याध सप्तभिः । अष्टभिः प्रत्यविध्यत् तं शिशुपालः प्रतापवाण्

vipṛthuḥ śiśupālaṃ tu śarair vivyādha saptabhiḥ / aṣṭabhiḥ pratyavidhyat taṃ śiśupālaḥ pratāpavāṇ

Sanskrit only: no published translation is held for this verse.

गवेशणो ऽपि चैद्यं तु षड्भिर् विव्याध मार्गणैः । अनिर्दान्तस् तथाष्टाभिर् बृहद्दुर्गश् च पञ्चभिः

gaveśaṇo 'pi caidyaṃ tu ṣaḍbhir vivyādha mārgaṇaiḥ / anirdāntas tathāṣṭābhir bṛhaddurgaś ca pañcabhiḥ

Sanskrit only: no published translation is held for this verse.

प्रतिविव्याध तांश् चैद्यः पञ्चभिः पञ्चभिः शरैः । जघान चाश्वांश् चतुरश् चतुर्भिर् विपृथोः शरैः

prativivyādha tāṃś caidyaḥ pañcabhiḥ pañcabhiḥ śaraiḥ / jaghāna cāśvāṃś caturaś caturbhir vipṛthoḥ śaraiḥ

Sanskrit only: no published translation is held for this verse.

बृहद्दुर्गस्य भल्लेन शिरश् चिच्छेद चारिहा । गवेषणस्य सूतं च प्राहिणोद्यमसादनम्

bṛhaddurgasya bhallena śiraś ciccheda cārihā / gaveṣaṇasya sūtaṃ ca prāhiṇodyamasādanam

Sanskrit only: no published translation is held for this verse.

हताश्वं स रथं त्यक्वा विपृथुस् तु महाबलः । आरुरोह रथं क्षिप्रं बृहद्दुर्गस्य वीर्यवान्

hatāśvaṃ sa rathaṃ tyakvā vipṛthus tu mahābalaḥ / āruroha rathaṃ kṣipraṃ bṛhaddurgasya vīryavān

Sanskrit only: no published translation is held for this verse.

विपृथोः सारथिश् चापि गवेषणरथं द्रुतम् । आरुह्य जवनान् अश्वान् नियन्तुम् उपचक्रमे

vipṛthoḥ sārathiś cāpi gaveṣaṇarathaṃ drutam / āruhya javanān aśvān niyantum upacakrame

Sanskrit only: no published translation is held for this verse.

ते क्रुद्धाः शरवर्षेण सुनीथं समवाकिरन् । नृत्यन्तं रथमार्गेषु चापहस्ताः कलापिनः

te kruddhāḥ śaravarṣeṇa sunīthaṃ samavākiran / nṛtyantaṃ rathamārgeṣu cāpahastāḥ kalāpinaḥ

Sanskrit only: no published translation is held for this verse.

चक्रदेवो दन्तवक्त्रं बिभेदोरसि कर्णिना । पटुशं पञ्चविंशत्या विव्याध युधि मार्गणैः

cakradevo dantavaktraṃ bibhedorasi karṇinā / paṭuśaṃ pañcaviṃśatyā vivyādha yudhi mārgaṇaiḥ

Sanskrit only: no published translation is held for this verse.

ताभ्यां स विद्धो दशभिर् बाणैर् मर्मातिगैः शितैः । ततो बली चक्रदेवं बिभेद दशभिः शरैः

tābhyāṃ sa viddho daśabhir bāṇair marmātigaiḥ śitaiḥ / tato balī cakradevaṃ bibheda daśabhiḥ śaraiḥ

Sanskrit only: no published translation is held for this verse.

पञ्चभिश् चापि विव्याध सो ऽविदूराद् विदूरथम् । विदूरथो ऽपि तं षड्भिर् विव्याधाजौ शितैः शरैः

pañcabhiś cāpi vivyādha so 'vidūrād vidūratham / vidūratho 'pi taṃ ṣaḍbhir vivyādhājau śitaiḥ śaraiḥ

Sanskrit only: no published translation is held for this verse.

त्रिंशता प्रत्यविध्यत् तं बली बाणैर् महाबलम् । कृतवर्मा बिभेदाजौ राजपुत्रं त्रिभिः शरैः

triṃśatā pratyavidhyat taṃ balī bāṇair mahābalam / kṛtavarmā bibhedājau rājaputraṃ tribhiḥ śaraiḥ

Sanskrit only: no published translation is held for this verse.

न्यहनत् सारथिं चास्य ध्वजं चिच्छेद चोच्छ्रितम् । प्रतिविव्याध तं क्रुद्धः पौण्ड्रः षड्भिः शिलीमुखैः

nyahanat sārathiṃ cāsya dhvajaṃ ciccheda cocchritam / prativivyādha taṃ kruddhaḥ pauṇḍraḥ ṣaḍbhiḥ śilīmukhaiḥ

Sanskrit only: no published translation is held for this verse.

धनुश् चिच्छेद चाप्य् अस्य भल्लेनायतपर्वणा । निवृत्तशत्रुः कालिङ्गं बिभेद निशितैः शरैः । तोमरेणांसदेशे तं निर्बिभेद कलिङ्गराट्

dhanuś ciccheda cāpy asya bhallenāyataparvaṇā / nivṛttaśatruḥ kāliṅgaṃ bibheda niśitaiḥ śaraiḥ / tomareṇāṃsadeśe taṃ nirbibheda kaliṅgarāṭ

Sanskrit only: no published translation is held for this verse.

गजेनासाद्य कङ्कस् तु गजम् अङ्गस्य वीर्यवान् । तोमरेण बिभेदाङ्गं बिभेदाङ्गश् च तं शरैः

gajenāsādya kaṅkas tu gajam aṅgasya vīryavān / tomareṇa bibhedāṅgaṃ bibhedāṅgaś ca taṃ śaraiḥ

Sanskrit only: no published translation is held for this verse.

चित्रकश् च श्वफल्कश् च सत्यकश् च महारथः । कलिङ्गस्य तथानीकं नाराचैर् बिभिदुः शितैः

citrakaś ca śvaphalkaś ca satyakaś ca mahārathaḥ / kaliṅgasya tathānīkaṃ nārācair bibhiduḥ śitaiḥ

Sanskrit only: no published translation is held for this verse.

विसृष्टेन द्रुमेणाजौ वङ्गराजस्य कुञ्जरम् । जघान रामः सम्क्रुद्धो वङ्गराजं च संयुगे

visṛṣṭena drumeṇājau vaṅgarājasya kuñjaram / jaghāna rāmaḥ samkruddho vaṅgarājaṃ ca saṃyuge

Sanskrit only: no published translation is held for this verse.

तं हत्वा रथम् आरुह्य धनुर् आदाय वीर्यवान् । संकर्षणो जघानोग्रैर् नाराचैः कैशिकान् बहून्

taṃ hatvā ratham āruhya dhanur ādāya vīryavān / saṃkarṣaṇo jaghānograir nārācaiḥ kaiśikān bahūn

Sanskrit only: no published translation is held for this verse.

षड्भिर् निहत्य कारूषान् महेष्वासान् स वीर्यवान् । शतं जघान संक्रुद्धो मागधानां महारथः । निहत्य तान् महाबाहुर् जरासंधं ततो ऽभ्ययात्

ṣaḍbhir nihatya kārūṣān maheṣvāsān sa vīryavān / śataṃ jaghāna saṃkruddho māgadhānāṃ mahārathaḥ / nihatya tān mahābāhur jarāsaṃdhaṃ tato 'bhyayāt

Sanskrit only: no published translation is held for this verse.

तम् आपतन्तं विव्याध नाराचैर् मागधस् त्रिभिः । तं बिभेदाष्टभिः क्रुद्धो नाराचैर् मुसलायुधः । चिच्छेद चास्य भल्लेन ध्वजं रत्नविभूषितम्

tam āpatantaṃ vivyādha nārācair māgadhas tribhiḥ / taṃ bibhedāṣṭabhiḥ kruddho nārācair musalāyudhaḥ / ciccheda cāsya bhallena dhvajaṃ ratnavibhūṣitam

Sanskrit only: no published translation is held for this verse.

सृजतां शरवर्षाणि निघ्नताम् इतरेतरम्

sṛjatāṃ śaravarṣāṇi nighnatām itaretaram

Sanskrit only: no published translation is held for this verse.

गजैर् गजा हि संक्रुद्धाः संनिपेतुः सहस्रशः । रथै रथाश् च संरब्धाः सादिभिश् चापि सादिनः

gajair gajā hi saṃkruddhāḥ saṃnipetuḥ sahasraśaḥ / rathai rathāś ca saṃrabdhāḥ sādibhiś cāpi sādinaḥ

Sanskrit only: no published translation is held for this verse.

पदातयः पदातींश् च शक्तिचर्मासिपाणयः । छिन्दन्तश् चोत्तमाङ्गानि विचेरुर् युधि ते पृथक्

padātayaḥ padātīṃś ca śakticarmāsipāṇayaḥ / chindantaś cottamāṅgāni vicerur yudhi te pṛthak

Sanskrit only: no published translation is held for this verse.

असीनां पात्यमानानां कवचेषु महास्वनः । शराणां पततां शब्दः पक्षिणाम् इव शुश्रुवे

asīnāṃ pātyamānānāṃ kavaceṣu mahāsvanaḥ / śarāṇāṃ patatāṃ śabdaḥ pakṣiṇām iva śuśruve

Sanskrit only: no published translation is held for this verse.

भेरीशङ्खमृदङ्गानां वेणूनां च मृधे ध्वनिम् । जुगूह घोषः शस्त्राणां ज्याघोषश् च महात्मनां

bherīśaṅkhamṛdaṅgānāṃ veṇūnāṃ ca mṛdhe dhvanim / jugūha ghoṣaḥ śastrāṇāṃ jyāghoṣaś ca mahātmanāṃ

Sanskrit only: no published translation is held for this verse.