Harivaṃśa (critical edition) 90

जनमेजय उवाच भूय एव तु विप्रर्षे बलदेवस्य धीमतः । माहात्म्यं श्रोतुम् इच्छामि शेषस्य धरणीभृतः

janamejaya uvāca bhūya eva tu viprarṣe baladevasya dhīmataḥ / māhātmyaṃ śrotum icchāmi śeṣasya dharaṇībhṛtaḥ

Sanskrit only: no published translation is held for this verse.

अतीव बलवन्तं हि तेजोराशिम् अनिर्जितम् । कथयन्ति महात्मानं ये पुराणविदो जनाः

atīva balavantaṃ hi tejorāśim anirjitam / kathayanti mahātmānaṃ ye purāṇavido janāḥ

Sanskrit only: no published translation is held for this verse.

तस्य कर्माण्य् अहं विप्र श्रोतुम् इच्छामि तत्त्वतः । अनन्तं यं विदुर् नागम् आदिदेवं महौजसम्

tasya karmāṇy ahaṃ vipra śrotum icchāmi tattvataḥ / anantaṃ yaṃ vidur nāgam ādidevaṃ mahaujasam

Sanskrit only: no published translation is held for this verse.

वैशंपायन उवाच पुराणे नागराजो ऽसौ पठ्यते धरणीधरः । शेषस् तेजोनिधिः श्रीमान् अकम्प्यः पुरुषोत्तमः

vaiśaṃpāyana uvāca purāṇe nāgarājo 'sau paṭhyate dharaṇīdharaḥ / śeṣas tejonidhiḥ śrīmān akampyaḥ puruṣottamaḥ

Sanskrit only: no published translation is held for this verse.

योगाचार्यो महावीर्यः सुबलो बलवान् बली । जरासंधं गदायुद्धे जितवान् यो न चावधीत्

yogācāryo mahāvīryaḥ subalo balavān balī / jarāsaṃdhaṃ gadāyuddhe jitavān yo na cāvadhīt

Sanskrit only: no published translation is held for this verse.

बहवश् चैव राजानः पार्थिवाः पृथिवीपते । अन्वयुर् मागधं संख्ये ते चापि विजिता रणे

bahavaś caiva rājānaḥ pārthivāḥ pṛthivīpate / anvayur māgadhaṃ saṃkhye te cāpi vijitā raṇe

Sanskrit only: no published translation is held for this verse.

नागायुतसमप्राणो भीमो भीमपराक्रमः । असकृद् बलदेवेन बाहुयुद्धे पराजितः

nāgāyutasamaprāṇo bhīmo bhīmaparākramaḥ / asakṛd baladevena bāhuyuddhe parājitaḥ

Sanskrit only: no published translation is held for this verse.

दुर्योधनस्य कन्यां तु हरमाणो न्यगृह्यत । साम्बो जाम्बवतीपुत्रो नगरे नागसाह्वये

duryodhanasya kanyāṃ tu haramāṇo nyagṛhyata / sāmbo jāmbavatīputro nagare nāgasāhvaye

Sanskrit only: no published translation is held for this verse.

तम् उपश्रुत्य संक्रुद्ध आजगाम हलायुधः । रामस् तस्य विमोक्षार्थम् आगतो नालभच् च तम् । ततश् चुक्रोध बलवान् अद्भुतं चाकरोन् महत्

tam upaśrutya saṃkruddha ājagāma halāyudhaḥ / rāmas tasya vimokṣārtham āgato nālabhac ca tam / tataś cukrodha balavān adbhutaṃ cākaron mahat

Sanskrit only: no published translation is held for this verse.

अनिवार्यम् अभेद्यं च दिव्यम् अप्रतिमं बली । लाङ्गलास्त्रं समुद्यम्य ब्रह्मदण्डानुमन्त्रितम्

anivāryam abhedyaṃ ca divyam apratimaṃ balī / lāṅgalāstraṃ samudyamya brahmadaṇḍānumantritam

Sanskrit only: no published translation is held for this verse.

प्राकारवप्रे विन्यस्य पुरस्य स महाबलः । प्रक्षेप्तुम् ऐच्छद् गङ्गायां नगरं कौरवस्य तत्

prākāravapre vinyasya purasya sa mahābalaḥ / prakṣeptum aicchad gaṅgāyāṃ nagaraṃ kauravasya tat

Sanskrit only: no published translation is held for this verse.

तद् आघूर्णितम् आलक्ष्य पुरं दुर्योधनो नृपः । साम्बं निर्यातयाम् आस सभार्यं तस्य धीमतः

tad āghūrṇitam ālakṣya puraṃ duryodhano nṛpaḥ / sāmbaṃ niryātayām āsa sabhāryaṃ tasya dhīmataḥ

Sanskrit only: no published translation is held for this verse.

ददौ शिष्यं तदात्मानं रामस्य सुमहात्मनः । गदायुद्धे कुरुपतिः प्रतिजग्राह तं च सः

dadau śiṣyaṃ tadātmānaṃ rāmasya sumahātmanaḥ / gadāyuddhe kurupatiḥ pratijagrāha taṃ ca saḥ

Sanskrit only: no published translation is held for this verse.

ततः प्रभृति राजेन्द्र पुरम् एतद् विघूर्णितं । आवर्जितम् इवाभाति गङ्गाम् अभिमुखं नृप

tataḥ prabhṛti rājendra puram etad vighūrṇitaṃ / āvarjitam ivābhāti gaṅgām abhimukhaṃ nṛpa

Sanskrit only: no published translation is held for this verse.

इदम् अत्यद्भुतं कर्म रामस्य प्रथितं भुवि । भाण्डीरे कथ्यते राजन् यत् कृतं शौरिणा पुरा

idam atyadbhutaṃ karma rāmasya prathitaṃ bhuvi / bhāṇḍīre kathyate rājan yat kṛtaṃ śauriṇā purā

Sanskrit only: no published translation is held for this verse.

प्रलम्बं मुष्टिनैकेन यज् जघान हलायुधः । धेनुकं च महाकायं चिक्षेप नगमूर्धनि

pralambaṃ muṣṭinaikena yaj jaghāna halāyudhaḥ / dhenukaṃ ca mahākāyaṃ cikṣepa nagamūrdhani

Sanskrit only: no published translation is held for this verse.

लवणजलगमा महानदी द्रुतजलवेगतरंगमालिनी । नगरम् अभिमुखा यद् आहृता हलविधृता यमुना यमस्वसा

lavaṇajalagamā mahānadī drutajalavegataraṃgamālinī / nagaram abhimukhā yad āhṛtā halavidhṛtā yamunā yamasvasā

Sanskrit only: no published translation is held for this verse.

बलदेवस्य माहात्म्यम् एतत् ते कथितं मया । अनन्तस्याप्रमेयस्य शेष्यस्य सुमहात्मनः

baladevasya māhātmyam etat te kathitaṃ mayā / anantasyāprameyasya śeṣyasya sumahātmanaḥ

Sanskrit only: no published translation is held for this verse.

इति पुरुषवरस्य लाङ्गलेर् बहुविधम् उत्तमम् अन्यद् एव च । यद् अकथितम् इहाद्य कर्म ते तद् उपलभस्व पुराणविस्तरात्

iti puruṣavarasya lāṅgaler bahuvidham uttamam anyad eva ca / yad akathitam ihādya karma te tad upalabhasva purāṇavistarāt

Sanskrit only: no published translation is held for this verse.