Harivaṃśa (critical edition) 93

वैशंपायन उवाच ददर्शाथ पुरीं कृष्णो द्वारकां गरुडे स्थितः । देवसद्मप्रतीकाशां समन्तात् प्रतिनादिताम्

vaiśaṃpāyana uvāca dadarśātha purīṃ kṛṣṇo dvārakāṃ garuḍe sthitaḥ / devasadmapratīkāśāṃ samantāt pratināditām

Sanskrit only: no published translation is held for this verse.

संप्राप्ते तु तदा कृष्णे । *ह्व् ९३।२अ*१०७५ ।* विश्वकर्माणम् आहूय देवराजो ऽब्रवीद् इदम्

saṃprāpte tu tadā kṛṣṇe | *HV 93.2a*1075 |* viśvakarmāṇam āhūya devarājo 'bravīd idam

Sanskrit only: no published translation is held for this verse.

प्रियम् इच्छसि चेत् कर्तुं मह्यं शिल्पवतां वर । कृष्णप्रियार्थं भूयस् त्वं करिष्यसि मनोहराम्

priyam icchasi cet kartuṃ mahyaṃ śilpavatāṃ vara / kṛṣṇapriyārthaṃ bhūyas tvaṃ kariṣyasi manoharām

Sanskrit only: no published translation is held for this verse.

उद्यानवनसंबाधां द्वारकां स्वर्गसंनिभाम् । कुरुष्व विबुधश्रेष्ठ यथा मम पुरी तथा

udyānavanasaṃbādhāṃ dvārakāṃ svargasaṃnibhām / kuruṣva vibudhaśreṣṭha yathā mama purī tathā

Sanskrit only: no published translation is held for this verse.

यत् किं चित् त्रिषु लोकेषु रत्नभूतं प्रपश्यसि । तेन संयुज्यतां क्षिप्रं पुरी द्वारवती त्वया

yat kiṃ cit triṣu lokeṣu ratnabhūtaṃ prapaśyasi / tena saṃyujyatāṃ kṣipraṃ purī dvāravatī tvayā

Sanskrit only: no published translation is held for this verse.

कृष्णो हि सुरकार्येषु सर्वेषु सततोत्थितः । संग्रामान् घोररूपांश् च विगाहति महाबलः

kṛṣṇo hi surakāryeṣu sarveṣu satatotthitaḥ / saṃgrāmān ghorarūpāṃś ca vigāhati mahābalaḥ

Sanskrit only: no published translation is held for this verse.

ताम् इन्द्रवचनाद् गत्वा विश्वकर्मा पुरीं ततः । अलंचक्रे समन्ताद् वै यथेन्द्रस्यामरावती

tām indravacanād gatvā viśvakarmā purīṃ tataḥ / alaṃcakre samantād vai yathendrasyāmarāvatī

Sanskrit only: no published translation is held for this verse.

तां ददर्श दशार्हाणाम् ईश्वरः पक्षिवाहनः । विश्वकर्मकृतैर् दिव्यैर् अभिप्रायैर् अलंकृताम्

tāṃ dadarśa daśārhāṇām īśvaraḥ pakṣivāhanaḥ / viśvakarmakṛtair divyair abhiprāyair alaṃkṛtām

Sanskrit only: no published translation is held for this verse.

तां पुरीं द्वारकां दृष्ट्वा विभुनारायणो हरिः । हृष्टः सर्वार्थसंपन्नः प्रवेष्टुम् उपचक्रमे

tāṃ purīṃ dvārakāṃ dṛṣṭvā vibhunārāyaṇo hariḥ / hṛṣṭaḥ sarvārthasaṃpannaḥ praveṣṭum upacakrame

Sanskrit only: no published translation is held for this verse.

सो ऽपश्यद् वृक्षषण्डांश् च रम्यान् दृष्टिमनोहरान् । द्वारकां प्रति दाशार्हश् चित्रितां विश्वकर्मणा

so 'paśyad vṛkṣaṣaṇḍāṃś ca ramyān dṛṣṭimanoharān / dvārakāṃ prati dāśārhaś citritāṃ viśvakarmaṇā

Sanskrit only: no published translation is held for this verse.

पद्मषण्डाकुलाभिश् च हंससेवितवारिभिः । गङ्गासिन्धुप्रकाशाभिः परिखाभिर् वृतां पुरीम्

padmaṣaṇḍākulābhiś ca haṃsasevitavāribhiḥ / gaṅgāsindhuprakāśābhiḥ parikhābhir vṛtāṃ purīm

Sanskrit only: no published translation is held for this verse.

प्राकारेणार्कवर्णेन शातकौम्भेन राजता । चयमूर्ध्नि निविष्टेन द्यां यथैवाभ्रमालया

prākāreṇārkavarṇena śātakaumbhena rājatā / cayamūrdhni niviṣṭena dyāṃ yathaivābhramālayā

Sanskrit only: no published translation is held for this verse.

काननैर् नन्दनप्रख्यैस् तथा चैत्ररथोपमैः । बभौ चारुपरिक्षिप्ता द्वारका द्यौर् इवाम्बुभिः

kānanair nandanaprakhyais tathā caitrarathopamaiḥ / babhau cāruparikṣiptā dvārakā dyaur ivāmbubhiḥ

Sanskrit only: no published translation is held for this verse.

भाति रैवतकः शैलो रम्यसानुगुहाजिरः । पूर्वस्यां दिशि लक्ष्मीवान् मणिकाञ्चनतोरणः

bhāti raivatakaḥ śailo ramyasānuguhājiraḥ / pūrvasyāṃ diśi lakṣmīvān maṇikāñcanatoraṇaḥ

Sanskrit only: no published translation is held for this verse.

दक्षिणस्यां लतावेष्टः पञ्चवर्णो विराजते । इन्द्रकेतुप्रतीकाशः पश्चिमस्यां तथाक्षयः

dakṣiṇasyāṃ latāveṣṭaḥ pañcavarṇo virājate / indraketupratīkāśaḥ paścimasyāṃ tathākṣayaḥ

Sanskrit only: no published translation is held for this verse.

उत्तरां दिशम् अत्यर्थं विभूषयति वेणुमान् । मन्दराद्रिप्रतीकाशः पाण्डुरः पार्थिवर्षभ

uttarāṃ diśam atyarthaṃ vibhūṣayati veṇumān / mandarādripratīkāśaḥ pāṇḍuraḥ pārthivarṣabha

Sanskrit only: no published translation is held for this verse.

चित्रकम्बलवर्णं च पाञ्चजन्यवनं महत् । सर्वर्तुकवनं चैव भाति रैवतकं प्रति

citrakambalavarṇaṃ ca pāñcajanyavanaṃ mahat / sarvartukavanaṃ caiva bhāti raivatakaṃ prati

Sanskrit only: no published translation is held for this verse.

लतावेष्टं समन्तात् तु मेरुप्रभवनं महत् । भाति भार्गवनं चैव पुष्पकं च महद् वनम्

latāveṣṭaṃ samantāt tu meruprabhavanaṃ mahat / bhāti bhārgavanaṃ caiva puṣpakaṃ ca mahad vanam

Sanskrit only: no published translation is held for this verse.

अक्षकैर् बीजकैश् चैव मन्दारैश् चोपशोभितम् । शतावर्तवनं चैव करवीरकरम्भि च

akṣakair bījakaiś caiva mandāraiś copaśobhitam / śatāvartavanaṃ caiva karavīrakarambhi ca

Sanskrit only: no published translation is held for this verse.

भाति चैत्ररथं चैव नन्दनं च महद् वनम् । रमणं भावनं चैव वेणुमद् वै समन्ततः

bhāti caitrarathaṃ caiva nandanaṃ ca mahad vanam / ramaṇaṃ bhāvanaṃ caiva veṇumad vai samantataḥ

Sanskrit only: no published translation is held for this verse.

वैदूर्यपत्रैर् जलजैस् तथा मन्दाकिनी नदी । भाति पुष्करिणी रम्या पूर्वस्यां दिशि भारत

vaidūryapatrair jalajais tathā mandākinī nadī / bhāti puṣkariṇī ramyā pūrvasyāṃ diśi bhārata

Sanskrit only: no published translation is held for this verse.

सानवो भूषितास् तत्र केशवस्य प्रियैषिभिः । बहुभिर् देवगन्धर्वैश् चोदितैर् विश्वकर्मणा

sānavo bhūṣitās tatra keśavasya priyaiṣibhiḥ / bahubhir devagandharvaiś coditair viśvakarmaṇā

Sanskrit only: no published translation is held for this verse.

महानदी द्वारवतीं पञ्चाशद्भिर् महामुखैः । प्रविष्टा पुण्यसलिला भावयन्ती समन्ततः

mahānadī dvāravatīṃ pañcāśadbhir mahāmukhaiḥ / praviṣṭā puṇyasalilā bhāvayantī samantataḥ

Sanskrit only: no published translation is held for this verse.

अप्रमेयां महोत्सेधाम् अगाधपरिखायुताम् । प्राकारवरसंपन्नां सुधापाण्डुरलेपनाम्

aprameyāṃ mahotsedhām agādhaparikhāyutām / prākāravarasaṃpannāṃ sudhāpāṇḍuralepanām

Sanskrit only: no published translation is held for this verse.

तीक्ष्णयन्त्रशतघ्नीभिर् यन्त्रजालैश् च भूषिताम् । आयसैश् च महाचक्रैर् ददृशे द्वारकां पुरीम्

tīkṣṇayantraśataghnībhir yantrajālaiś ca bhūṣitām / āyasaiś ca mahācakrair dadṛśe dvārakāṃ purīm

Sanskrit only: no published translation is held for this verse.

अष्टौ रथसहस्राणि नगरे किंकिणीकिनाम् । समुच्छ्रितपताकानि यथा देवपुरे तथा

aṣṭau rathasahasrāṇi nagare kiṃkiṇīkinām / samucchritapatākāni yathā devapure tathā

Sanskrit only: no published translation is held for this verse.

अष्टयोजनविस्तीर्णाम् अचलां द्वादशायताम् । द्विगुणोपनिवेशां च ददृशे द्वारकां पुरीम्

aṣṭayojanavistīrṇām acalāṃ dvādaśāyatām / dviguṇopaniveśāṃ ca dadṛśe dvārakāṃ purīm

Sanskrit only: no published translation is held for this verse.

अष्टमार्गमहाकक्ष्यां महाषोडशचत्वराम् । एकमार्गपरिक्षिप्तां साक्षाद् उशनसा कृताम् । स्त्रियो ऽपि यस्यां युध्येरन् किम् उ वृष्णिमहारथाः

aṣṭamārgamahākakṣyāṃ mahāṣoḍaśacatvarām / ekamārgaparikṣiptāṃ sākṣād uśanasā kṛtām / striyo 'pi yasyāṃ yudhyeran kim u vṛṣṇimahārathāḥ

Sanskrit only: no published translation is held for this verse.

व्यूहानाम् उत्तमा मार्गाः सप्त चैव महापथाः । तत्र वै विहिताः साक्षाद् विविधा विश्वकर्मणा । तस्मिन् पुरवरश्रेष्ठे दाशार्हाणां यशस्विनाम्

vyūhānām uttamā mārgāḥ sapta caiva mahāpathāḥ / tatra vai vihitāḥ sākṣād vividhā viśvakarmaṇā / tasmin puravaraśreṣṭhe dāśārhāṇāṃ yaśasvinām

Sanskrit only: no published translation is held for this verse.

वेश्मानि जहृषे दृष्ट्वा ततो देवकिनन्दनः । काञ्चनैर् मणिसोपानैर् उपेतानि नृहर्षणैः

veśmāni jahṛṣe dṛṣṭvā tato devakinandanaḥ / kāñcanair maṇisopānair upetāni nṛharṣaṇaiḥ

Sanskrit only: no published translation is held for this verse.

भीमघोषमहाघोषैः प्रासादवरचत्वरैः । समुच्छ्रितपताकानि पारिप्लवनिभानि च

bhīmaghoṣamahāghoṣaiḥ prāsādavaracatvaraiḥ / samucchritapatākāni pāriplavanibhāni ca

Sanskrit only: no published translation is held for this verse.

काञ्चनाग्राणि भास्वन्ति मेरुकूटनिभानि च । पाण्डुपाण्डुरशृङ्गैश् च शातकुम्भपरिच्छदैः । रम्यसानुगुहाशृङ्गैर् विचित्रैर् इव पर्वतैः

kāñcanāgrāṇi bhāsvanti merukūṭanibhāni ca / pāṇḍupāṇḍuraśṛṅgaiś ca śātakumbhaparicchadaiḥ / ramyasānuguhāśṛṅgair vicitrair iva parvataiḥ

Sanskrit only: no published translation is held for this verse.

प्रासादशिखराणि च । *ह्व् ९३।३२अ*१०७७:१ ।* गृहाणि रमणीयानि । *ह्व् ९३।३२अ*१०७७:२ ।* पञ्चवर्णसवर्णैश् च पुष्पवृष्टिसमप्रभैः । पर्जन्यतुल्यनिर्घोषैर् नानारूपैर् इवाद्रिभिः

prāsādaśikharāṇi ca | *HV 93.32a*1077:1 |* gṛhāṇi ramaṇīyāni | *HV 93.32a*1077:2 |* pañcavarṇasavarṇaiś ca puṣpavṛṣṭisamaprabhaiḥ / parjanyatulyanirghoṣair nānārūpair ivādribhiḥ

Sanskrit only: no published translation is held for this verse.

दावाग्निज्वलितप्रख्यैर् निर्मितैर् विश्वकर्मणा । आलिखद्भिर् इवाकाशम् अतिचन्द्रार्कभास्वरैः

dāvāgnijvalitaprakhyair nirmitair viśvakarmaṇā / ālikhadbhir ivākāśam aticandrārkabhāsvaraiḥ

Sanskrit only: no published translation is held for this verse.

तैर् दाशार्हैर् महाभागैर् बभासे भवनह्रदैः । वासुदेवेन्द्रपर्जन्यैर् गृहमेघैर् अलंकृता

tair dāśārhair mahābhāgair babhāse bhavanahradaiḥ / vāsudevendraparjanyair gṛhameghair alaṃkṛtā

Sanskrit only: no published translation is held for this verse.

ददृशे द्वारका चारु मेघैर् द्यौर् इव संवृता । साक्षाद् भगवतो वेश्म विहितं विश्वकर्मणा

dadṛśe dvārakā cāru meghair dyaur iva saṃvṛtā / sākṣād bhagavato veśma vihitaṃ viśvakarmaṇā

Sanskrit only: no published translation is held for this verse.

ददृशे वासुदेवस्य चतुर्योजनम् आयतम् । तावद् एव च विस्तीर्णम् अप्रमेयं महाधनैः

dadṛśe vāsudevasya caturyojanam āyatam / tāvad eva ca vistīrṇam aprameyaṃ mahādhanaiḥ

Sanskrit only: no published translation is held for this verse.

प्रासादवरसंपन्नैर् युक्तं जगति पर्वतैः । यश् चकार महाभागस् त्वष्टा वासवचोदितः

prāsādavarasaṃpannair yuktaṃ jagati parvataiḥ / yaś cakāra mahābhāgas tvaṣṭā vāsavacoditaḥ

Sanskrit only: no published translation is held for this verse.

प्रासादं चैव हेमाभं सर्वभूतमनोहरम् । मेरोर् इव गिरेः शृङ्गम् उच्छ्रितं काञ्चनं महत् । रुक्मिण्याः प्रवरं वासं विहितं विश्वकर्मणा

prāsādaṃ caiva hemābhaṃ sarvabhūtamanoharam / meror iva gireḥ śṛṅgam ucchritaṃ kāñcanaṃ mahat / rukmiṇyāḥ pravaraṃ vāsaṃ vihitaṃ viśvakarmaṇā

Sanskrit only: no published translation is held for this verse.

सत्यभामा पुनर् वेश्म यदावसत पाण्डुरम् । विचित्रमणिसोपानं तद् विदुर् भोगवान् इति । विमलादित्यवर्णाभिः पताकाभिर् अलंकृतम्

satyabhāmā punar veśma yadāvasata pāṇḍuram / vicitramaṇisopānaṃ tad vidur bhogavān iti / vimalādityavarṇābhiḥ patākābhir alaṃkṛtam

Sanskrit only: no published translation is held for this verse.

व्यक्तसंजवनोद्देशो यश् चतुर्दिङ्महाध्वजः । स च प्रासादमुख्यो यो जाम्बवत्या विभूषितः । प्रभयाभ्यभवत् सर्वांस् तान् अन्यान् भास्करो यथा

vyaktasaṃjavanoddeśo yaś caturdiṅmahādhvajaḥ / sa ca prāsādamukhyo yo jāmbavatyā vibhūṣitaḥ / prabhayābhyabhavat sarvāṃs tān anyān bhāskaro yathā

Sanskrit only: no published translation is held for this verse.

उद्यद्भास्करवर्णाभस् तयोर् अन्तरमाश्रितः । विश्वकर्मकृतो दिव्यः कैलासशिखरोपमः

udyadbhāskaravarṇābhas tayor antaramāśritaḥ / viśvakarmakṛto divyaḥ kailāsaśikharopamaḥ

Sanskrit only: no published translation is held for this verse.

जाम्बूनद इवादीप्तः प्रदीप्तज्वलनोपमः । सागरप्रतिमस् तिष्ठन् मेरुर् इत्य् अभिविश्रुतः

jāmbūnada ivādīptaḥ pradīptajvalanopamaḥ / sāgarapratimas tiṣṭhan merur ity abhiviśrutaḥ

Sanskrit only: no published translation is held for this verse.

तस्मिन् गान्धारराजस्य दुहिता कुलशालिनी । गान्धारी भरतश्रेष्ठ केशवेन निवेशिता

tasmin gāndhārarājasya duhitā kulaśālinī / gāndhārī bharataśreṣṭha keśavena niveśitā

Sanskrit only: no published translation is held for this verse.

पद्मकूटम् इति ख्यातं पद्म्वर्णं महाप्रभम् । सुभीमाया महाकूटं वासं सुपरमार्चितम्

padmakūṭam iti khyātaṃ padmvarṇaṃ mahāprabham / subhīmāyā mahākūṭaṃ vāsaṃ suparamārcitam

Sanskrit only: no published translation is held for this verse.

सूर्यप्रभस् तु प्रासादः सर्वकामगुणैर् युतः । लक्ष्मणायाः कुरुश्रेष्ठ निर्दिष्टः शार्ङ्गधन्वना

sūryaprabhas tu prāsādaḥ sarvakāmaguṇair yutaḥ / lakṣmaṇāyāḥ kuruśreṣṭha nirdiṣṭaḥ śārṅgadhanvanā

Sanskrit only: no published translation is held for this verse.

वैदूर्यमणिवर्णाभः प्रासादो हरितप्रभः । यं विदुः सर्वभूतानि परम् इत्य् एव भारत

vaidūryamaṇivarṇābhaḥ prāsādo haritaprabhaḥ / yaṃ viduḥ sarvabhūtāni param ity eva bhārata

Sanskrit only: no published translation is held for this verse.

वासं तं मित्रविन्दाया देवर्षिगणपूजितम् । महिष्या वासुदेवस्य भूषणं तेषु वेश्मसु

vāsaṃ taṃ mitravindāyā devarṣigaṇapūjitam / mahiṣyā vāsudevasya bhūṣaṇaṃ teṣu veśmasu

Sanskrit only: no published translation is held for this verse.

यस् तु प्रासादमुख्यो ऽत्र विहितो विश्वकर्मणा । अतीव सौम्यः सो ऽप्य् आसीद् विष्ठितः पर्वतो यथा

yas tu prāsādamukhyo 'tra vihito viśvakarmaṇā / atīva saumyaḥ so 'py āsīd viṣṭhitaḥ parvato yathā

Sanskrit only: no published translation is held for this verse.

सुदत्ताया निवासं तं प्रशस्तं सर्वदैवतैः । महिष्या वासुदेवस्य केतुमान् इति विश्रुतः

sudattāyā nivāsaṃ taṃ praśastaṃ sarvadaivataiḥ / mahiṣyā vāsudevasya ketumān iti viśrutaḥ

Sanskrit only: no published translation is held for this verse.

तत्र प्रासादमुख्यो वै यं त्वष्टा विदधे स्वयम् । योजनायतविष्कम्भः सर्वरत्नमयः शुभः

tatra prāsādamukhyo vai yaṃ tvaṣṭā vidadhe svayam / yojanāyataviṣkambhaḥ sarvaratnamayaḥ śubhaḥ

Sanskrit only: no published translation is held for this verse.

स श्रीमान् विरजो नाम व्यराजत् तत्र सुप्रभः । उपस्थानगृहं यत्र केशवस्य महात्मनः

sa śrīmān virajo nāma vyarājat tatra suprabhaḥ / upasthānagṛhaṃ yatra keśavasya mahātmanaḥ

Sanskrit only: no published translation is held for this verse.

तस्मिन् सुविहिताः सर्वे रुक्मदण्डाः पताकिनः । सदने वासुदेवस्य मार्गसंजवनध्वजाः । रत्नजालानि तत्रैव तत्र तत्र निवेशिताः

tasmin suvihitāḥ sarve rukmadaṇḍāḥ patākinaḥ / sadane vāsudevasya mārgasaṃjavanadhvajāḥ / ratnajālāni tatraiva tatra tatra niveśitāḥ

Sanskrit only: no published translation is held for this verse.

आहृत्य यदुसिंहेन वैजयन्तो ऽचलो महान् । हंसकूटस्य यच्छृङ्गम् इन्द्रद्युम्नसरः प्रति । षष्टितालसमुत्सेधम् अर्धयोजनम् आयतम्

āhṛtya yadusiṃhena vaijayanto 'calo mahān / haṃsakūṭasya yacchṛṅgam indradyumnasaraḥ prati / ṣaṣṭitālasamutsedham ardhayojanam āyatam

Sanskrit only: no published translation is held for this verse.

सकिंनरमहानागं तद् अप्य् अमिततेजसा । पश्यतां सर्वभूतानाम् आनीतं लोकविश्रुतम्

sakiṃnaramahānāgaṃ tad apy amitatejasā / paśyatāṃ sarvabhūtānām ānītaṃ lokaviśrutam

Sanskrit only: no published translation is held for this verse.

आदित्यपथगं यत् तु मेरोः शिखरम् उत्तमम् । जाम्बूनदमयं दिव्यं त्रिषु लोकेषु विश्रुतम् । तद् अप्य् उत्पाट्य कृष्णार्थम् आनीतं विश्वकर्मणा

ādityapathagaṃ yat tu meroḥ śikharam uttamam / jāmbūnadamayaṃ divyaṃ triṣu lokeṣu viśrutam / tad apy utpāṭya kṛṣṇārtham ānītaṃ viśvakarmaṇā

Sanskrit only: no published translation is held for this verse.

भ्राजमानम् अतीवोग्रं सर्वौषधिविभूषितम् । तद् इन्द्रवचनात् त्वष्टा आनयत् कार्यहेतुना । पारिजातस् तु तत्रैव केशवेनाहृतः स्वयम्

bhrājamānam atīvograṃ sarvauṣadhivibhūṣitam / tad indravacanāt tvaṣṭā ānayat kāryahetunā / pārijātas tu tatraiva keśavenāhṛtaḥ svayam

Sanskrit only: no published translation is held for this verse.

नीयमाने हि तत्रासीद् युद्धम् अद्भुतकर्मणः । कृष्णस्य यो ऽभ्यरक्षंस् तं देवाः पादपम् उत्तमम् । पुण्डरीकशतैर् जुष्टं विमानैश् च हिरण्मयैः

nīyamāne hi tatrāsīd yuddham adbhutakarmaṇaḥ / kṛṣṇasya yo 'bhyarakṣaṃs taṃ devāḥ pādapam uttamam / puṇḍarīkaśatair juṣṭaṃ vimānaiś ca hiraṇmayaiḥ

Sanskrit only: no published translation is held for this verse.

विहिता वासुदेवार्थं ब्रह्मस्थलमहाद्रुमाः । पद्माकुलजलोपेता रत्नसौगन्धिकोत्पलाः । मणिहेमप्लवाकीर्णाः पुष्करिण्यः सरांसि च

vihitā vāsudevārthaṃ brahmasthalamahādrumāḥ / padmākulajalopetā ratnasaugandhikotpalāḥ / maṇihemaplavākīrṇāḥ puṣkariṇyaḥ sarāṃsi ca

Sanskrit only: no published translation is held for this verse.

तासां परमकूलानि शोभयन्ति महाद्रुमाः । सालास् तालाः कदम्बाश् च शतशाखाश् च रोहिणाः

tāsāṃ paramakūlāni śobhayanti mahādrumāḥ / sālās tālāḥ kadambāś ca śataśākhāś ca rohiṇāḥ

Sanskrit only: no published translation is held for this verse.

ये च हैमवता वृक्षा ये च मेरुरुहास् तथा । आहृत्य यदुसिंहार्थं विहिता विश्वकर्मणा

ye ca haimavatā vṛkṣā ye ca meruruhās tathā / āhṛtya yadusiṃhārthaṃ vihitā viśvakarmaṇā

Sanskrit only: no published translation is held for this verse.

रक्तपीतारुणप्रख्याः श्वेतपुष्पाश् च पादपाः । सर्वर्तुफलसंपन्नास् तेषु काननसंधिषु

raktapītāruṇaprakhyāḥ śvetapuṣpāś ca pādapāḥ / sarvartuphalasaṃpannās teṣu kānanasaṃdhiṣu

Sanskrit only: no published translation is held for this verse.

समाकुलजलोपेताः पीतशर्करवालुकाः । तस्मिन् पुरवरे नद्यः प्रसन्नसलिला ह्रदाः

samākulajalopetāḥ pītaśarkaravālukāḥ / tasmin puravare nadyaḥ prasannasalilā hradāḥ

Sanskrit only: no published translation is held for this verse.

पुष्पाकुलजलोपेता नानाद्रुमलताकुलाः । अपराश् चाभवन् नद्यो हेमशर्करवालुकाः

puṣpākulajalopetā nānādrumalatākulāḥ / aparāś cābhavan nadyo hemaśarkaravālukāḥ

Sanskrit only: no published translation is held for this verse.

मत्तबर्हिणसंघैश् च कोकिलैश् च सदामदैः । बहूवुः परमोपेतास् तस्यां पुर्यां तु पादपाः

mattabarhiṇasaṃghaiś ca kokilaiś ca sadāmadaiḥ / bahūvuḥ paramopetās tasyāṃ puryāṃ tu pādapāḥ

Sanskrit only: no published translation is held for this verse.

तत्रैव गजयूथानि पुरे गोमहिषास् तथा । निवासश् च कृतस् तत्र वराहमृगपक्षिणाम्

tatraiva gajayūthāni pure gomahiṣās tathā / nivāsaś ca kṛtas tatra varāhamṛgapakṣiṇām

Sanskrit only: no published translation is held for this verse.

पुर्यां तस्यां तु रम्यायां प्राकारो वै हिरण्मयः । व्यक्तं किष्कुशतोत्सेधो विहितो विश्वकर्मणा

puryāṃ tasyāṃ tu ramyāyāṃ prākāro vai hiraṇmayaḥ / vyaktaṃ kiṣkuśatotsedho vihito viśvakarmaṇā

Sanskrit only: no published translation is held for this verse.

तेन ते च महाशैलाः सरितश् च सरांसि च । परिक्षिप्तानि भौमेन वनान्य् उपवनानि च

tena te ca mahāśailāḥ saritaś ca sarāṃsi ca / parikṣiptāni bhaumena vanāny upavanāni ca

Sanskrit only: no published translation is held for this verse.