Harivaṃśa (critical edition) 96

वासुदेव उवाच भवतां पुण्यकीर्तीनां तपोबलसमाधिभिः । अपध्यानाच् च पापात्मा भौमः स नरको हतः

vāsudeva uvāca bhavatāṃ puṇyakīrtīnāṃ tapobalasamādhibhiḥ / apadhyānāc ca pāpātmā bhaumaḥ sa narako hataḥ

Sanskrit only: no published translation is held for this verse.

मोक्षितं बन्धनाद् गुप्तं कन्यापुरवरं महत् । मणिपर्वतम् उत्पाट्य शिखरं चैतद् आहृतम्

mokṣitaṃ bandhanād guptaṃ kanyāpuravaraṃ mahat / maṇiparvatam utpāṭya śikharaṃ caitad āhṛtam

Sanskrit only: no published translation is held for this verse.

अयं धनौघः सुमहान् किंकरैर् आहृतो मया । ईशा भवन्तस् तस्येति तान् उक्त्वा विरराम ह

ayaṃ dhanaughaḥ sumahān kiṃkarair āhṛto mayā / īśā bhavantas tasyeti tān uktvā virarāma ha

Sanskrit only: no published translation is held for this verse.

तच् छ्रुत्वा वासुदेवस्य भोजवृष्ण्यन्धका वचः । जहृषुर् हृष्टलोमानः पूजयन्तो जनार्दनम्

tac chrutvā vāsudevasya bhojavṛṣṇyandhakā vacaḥ / jahṛṣur hṛṣṭalomānaḥ pūjayanto janārdanam

Sanskrit only: no published translation is held for this verse.

ऊचुश् चैनं नृवीरास् ते कृताञ्जलिपुटास् ततः । नैतच् चित्रं महाबाहो त्वयि देवकिनन्दन

ūcuś cainaṃ nṛvīrās te kṛtāñjalipuṭās tataḥ / naitac citraṃ mahābāho tvayi devakinandana

Sanskrit only: no published translation is held for this verse.

यत् कृत्वा दुष्करं कर्म देवैर् अपि सुदुष्करम् । लालयेः स्वजनं भोगै रत्नैश् च स्वयम् अर्जितैः

yat kṛtvā duṣkaraṃ karma devair api suduṣkaram / lālayeḥ svajanaṃ bhogai ratnaiś ca svayam arjitaiḥ

Sanskrit only: no published translation is held for this verse.

ततः सर्वदशार्हाणाम् आहुकस्य च याः स्त्रियः । प्रीयमाणाः सभां जग्मुर् वासुदेवदिदृक्षया

tataḥ sarvadaśārhāṇām āhukasya ca yāḥ striyaḥ / prīyamāṇāḥ sabhāṃ jagmur vāsudevadidṛkṣayā

Sanskrit only: no published translation is held for this verse.

देवकीसप्तमा देव्यो रोहिणी च शुभानना । ददृशुः कृष्णम् आसीनं रामं चैव महाभुजम्

devakīsaptamā devyo rohiṇī ca śubhānanā / dadṛśuḥ kṛṣṇam āsīnaṃ rāmaṃ caiva mahābhujam

Sanskrit only: no published translation is held for this verse.

तौ तु पूर्वम् अतिक्रम्य रोहिणीम् अभिवाद्य च । अभ्यवादयतां देवौ देवकीं रामकेशवौ

tau tu pūrvam atikramya rohiṇīm abhivādya ca / abhyavādayatāṃ devau devakīṃ rāmakeśavau

Sanskrit only: no published translation is held for this verse.

सा ताभ्याम् ऋषभाक्षाभ्यां पुत्राभ्यां शुशुभे ऽधिकम् । अदितिर् देवमातेव मित्रेण वरुणेन च

sā tābhyām ṛṣabhākṣābhyāṃ putrābhyāṃ śuśubhe 'dhikam / aditir devamāteva mitreṇa varuṇena ca

Sanskrit only: no published translation is held for this verse.

ततः प्राप्तौ नराग्र्यौ तु तस्या दुहितरं तदा । एकानंशेति याम् आहुर् नरा वै कामरूपिणीम्

tataḥ prāptau narāgryau tu tasyā duhitaraṃ tadā / ekānaṃśeti yām āhur narā vai kāmarūpiṇīm

Sanskrit only: no published translation is held for this verse.

तथा क्षणमुहूर्ताभ्यां यया जज्ञे सहेश्वरः । यत्कृते सगणं कंसं जघान पुरुषोत्तमः

tathā kṣaṇamuhūrtābhyāṃ yayā jajñe saheśvaraḥ / yatkṛte sagaṇaṃ kaṃsaṃ jaghāna puruṣottamaḥ

Sanskrit only: no published translation is held for this verse.

सा कन्या ववृधे तत्र वृष्णिसद्मनि पूजिता । पुत्रवत् पाल्यमाना वै वासुदेवाज्ञया तदा

sā kanyā vavṛdhe tatra vṛṣṇisadmani pūjitā / putravat pālyamānā vai vāsudevājñayā tadā

Sanskrit only: no published translation is held for this verse.

योगकन्यां दुराधर्षां रक्षार्थं केशवस्य च

yogakanyāṃ durādharṣāṃ rakṣārthaṃ keśavasya ca

Sanskrit only: no published translation is held for this verse.

तां वै सर्वे सुमनसः पूजयन्ति स्म यादवाः । देववद् दिव्यवपुषा क्र्ष्णः संरक्षितो यया

tāṃ vai sarve sumanasaḥ pūjayanti sma yādavāḥ / devavad divyavapuṣā krṣṇaḥ saṃrakṣito yayā

Sanskrit only: no published translation is held for this verse.

तां च तत्रोपसंगम्य प्रियाम् इव सखीं सखा । दक्षिणेन कराग्रेण परिजग्राह माधवः

tāṃ ca tatropasaṃgamya priyām iva sakhīṃ sakhā / dakṣiṇena karāgreṇa parijagrāha mādhavaḥ

Sanskrit only: no published translation is held for this verse.

तथैव सामो ऽतिबलस् तां परिष्वज्य भाविनीम् । मूर्ध्न्य् उपाघ्राय सव्येन परिजग्राह पाणिना

tathaiva sāmo 'tibalas tāṃ pariṣvajya bhāvinīm / mūrdhny upāghrāya savyena parijagrāha pāṇinā

Sanskrit only: no published translation is held for this verse.

ददृशुस् तां प्रियां मध्ये भगिनीं रामकृष्णयोः । रुक्मपद्मकरव्यग्रां श्रियं पद्मालयाम् इव

dadṛśus tāṃ priyāṃ madhye bhaginīṃ rāmakṛṣṇayoḥ / rukmapadmakaravyagrāṃ śriyaṃ padmālayām iva

Sanskrit only: no published translation is held for this verse.

अथाक्षतमहावृष्ट्या पुष्पैश् च विविधैः शुभैः । अवकीर्य च लाजैस् तां स्त्रियो जग्मुर् यथागतम्

athākṣatamahāvṛṣṭyā puṣpaiś ca vividhaiḥ śubhaiḥ / avakīrya ca lājais tāṃ striyo jagmur yathāgatam

Sanskrit only: no published translation is held for this verse.

ततस् ते यादवाः सर्वे पूजयन्तो जनार्दनम् । उपोपविविशुः प्रीताः प्रशंसन्तो ऽद्भुतं कृतम्

tatas te yādavāḥ sarve pūjayanto janārdanam / upopaviviśuḥ prītāḥ praśaṃsanto 'dbhutaṃ kṛtam

Sanskrit only: no published translation is held for this verse.

पूज्यमानो महाबाहुः पौराणां रतिवर्धनः । विजहार महाकीर्तिर् देवैर् इव स तैः सह

pūjyamāno mahābāhuḥ paurāṇāṃ rativardhanaḥ / vijahāra mahākīrtir devair iva sa taiḥ saha

Sanskrit only: no published translation is held for this verse.

समासीनेषु सर्वेषु यादवेषु जनार्दनम् । नियोगात् त्रिदशेन्द्रस्य नारदो ऽभ्यागमत् सभाम्

samāsīneṣu sarveṣu yādaveṣu janārdanam / niyogāt tridaśendrasya nārado 'bhyāgamat sabhām

Sanskrit only: no published translation is held for this verse.

सो ऽथ संपूजितः पूज्यः शूरैस् तैर् यदुपुंगवैः । करे संस्पृश्य गोविन्दं विवेश महद् आसनम्

so 'tha saṃpūjitaḥ pūjyaḥ śūrais tair yadupuṃgavaiḥ / kare saṃspṛśya govindaṃ viveśa mahad āsanam

Sanskrit only: no published translation is held for this verse.

सुखोपविष्टस् तान् वृष्णीन् उपविष्टान् उवाच ह । आगतं शक्रवचनाज् जानीध्वं मां नरर्षभाः

sukhopaviṣṭas tān vṛṣṇīn upaviṣṭān uvāca ha / āgataṃ śakravacanāj jānīdhvaṃ māṃ nararṣabhāḥ

Sanskrit only: no published translation is held for this verse.

शृणुध्वं राजशार्दूलाः कृष्णस्यास्य पराक्रमम् । यानि कर्माणि कृतवान् बाल्यात् प्रभृति केशवः

śṛṇudhvaṃ rājaśārdūlāḥ kṛṣṇasyāsya parākramam / yāni karmāṇi kṛtavān bālyāt prabhṛti keśavaḥ

Sanskrit only: no published translation is held for this verse.

उग्रसेनसुतः कंसः सर्वान् निर्मथ्य बान्धवान् । राज्यं जग्राह दुर्बुद्धिर् बध्वा पितरम् आहुकम्

ugrasenasutaḥ kaṃsaḥ sarvān nirmathya bāndhavān / rājyaṃ jagrāha durbuddhir badhvā pitaram āhukam

Sanskrit only: no published translation is held for this verse.

समाश्रित्य जरासंधं श्वशुरं कुलपांसनः । भोजवृष्ण्यन्धकान् सर्वान् अवमन्यत दुर्मतिः

samāśritya jarāsaṃdhaṃ śvaśuraṃ kulapāṃsanaḥ / bhojavṛṣṇyandhakān sarvān avamanyata durmatiḥ

Sanskrit only: no published translation is held for this verse.

ज्ञातिकार्यं चिकीर्षंस् तु वसुदेवः प्रतापवान् । उग्रसेनस्य रक्षार्थं स्वपुत्रं पर्यरक्षत

jñātikāryaṃ cikīrṣaṃs tu vasudevaḥ pratāpavān / ugrasenasya rakṣārthaṃ svaputraṃ paryarakṣata

Sanskrit only: no published translation is held for this verse.

स गोपैः सह धर्मात्मा मथुरोपवने वसन् । अत्यद्भुतानि कर्माणि कृतवान् मधुसूदनः

sa gopaiḥ saha dharmātmā mathuropavane vasan / atyadbhutāni karmāṇi kṛtavān madhusūdanaḥ

Sanskrit only: no published translation is held for this verse.

प्रत्यक्षं शूरसेनानां श्रूयते महद् अद्भुतम् । यथानेन शयानेन शकटान्तरचारिणा

pratyakṣaṃ śūrasenānāṃ śrūyate mahad adbhutam / yathānena śayānena śakaṭāntaracāriṇā

Sanskrit only: no published translation is held for this verse.

राक्षसी निहता रौद्रा शकुनीवेषधारिणी । पूतना नाम घोरा सा महाकाया महाबला । विषदिग्धं स्तनं क्षुद्रा प्रयच्छन्ती महात्मने

rākṣasī nihatā raudrā śakunīveṣadhāriṇī / pūtanā nāma ghorā sā mahākāyā mahābalā / viṣadigdhaṃ stanaṃ kṣudrā prayacchantī mahātmane

Sanskrit only: no published translation is held for this verse.

पुनर्जातो ऽयम् इत्य् आहुर् उक्तस् तस्माद् अधोक्षजः

punarjāto 'yam ity āhur uktas tasmād adhokṣajaḥ

Sanskrit only: no published translation is held for this verse.

अत्यद्भुतम् इदं चासीद् यच् छिशुः पुरुषोत्तमः । पादाङ्गुष्ठेन शकटं क्रीडमानो व्यलोडयत्

atyadbhutam idaṃ cāsīd yac chiśuḥ puruṣottamaḥ / pādāṅguṣṭhena śakaṭaṃ krīḍamāno vyaloḍayat

Sanskrit only: no published translation is held for this verse.

दामोदर इति ख्यातो वसुदेवसुतस् ततः

dāmodara iti khyāto vasudevasutas tataḥ

Sanskrit only: no published translation is held for this verse.

कालियश् च महानागो दुराधर्षो महाबलः । क्रीडता वासुदेवेन निर्जितो यमुनाह्रदे

kāliyaś ca mahānāgo durādharṣo mahābalaḥ / krīḍatā vāsudevena nirjito yamunāhrade

Sanskrit only: no published translation is held for this verse.

अक्रूरस्य च प्रत्यक्षं यन् नागभवने प्रभुः । पूज्यमानस् तदा नागैर् दिव्यं वपुर् अधारयत्

akrūrasya ca pratyakṣaṃ yan nāgabhavane prabhuḥ / pūjyamānas tadā nāgair divyaṃ vapur adhārayat

Sanskrit only: no published translation is held for this verse.

शीतवातार्दिता गाश् च दृष्ट्वा कृष्णेन धीमता । धृतो गोवर्धनः शैलः सप्तरात्रं महात्मना । शिशुना वासुदेवेन गवां त्राणार्थम् इच्छता

śītavātārditā gāś ca dṛṣṭvā kṛṣṇena dhīmatā / dhṛto govardhanaḥ śailaḥ saptarātraṃ mahātmanā / śiśunā vāsudevena gavāṃ trāṇārtham icchatā

Sanskrit only: no published translation is held for this verse.

तथा सुदुष्टो ऽतिबलो महाकायो नरान्तकृत् । गोपतिर् वासुदेवेन निहतो ऽरिष्टकः क्षितौ

tathā suduṣṭo 'tibalo mahākāyo narāntakṛt / gopatir vāsudevena nihato 'riṣṭakaḥ kṣitau

Sanskrit only: no published translation is held for this verse.

धेनुकः स महाकायो दानवः सुमहाबलः । निहतो वासुदेवेन गवां त्राणाय दुर्मतिः

dhenukaḥ sa mahākāyo dānavaḥ sumahābalaḥ / nihato vāsudevena gavāṃ trāṇāya durmatiḥ

Sanskrit only: no published translation is held for this verse.

सुनामानम् अमित्रघ्नं सर्वसैन्यपुरस्कृतम् । वृकैर् विद्रावयाम् आस ग्रहीतुं समुपागतम्

sunāmānam amitraghnaṃ sarvasainyapuraskṛtam / vṛkair vidrāvayām āsa grahītuṃ samupāgatam

Sanskrit only: no published translation is held for this verse.

रौहिणेयेन संगम्य वने विचरता पुनः । गोपवेषधरेणैव कंसस्य भयम् आहृतम्

rauhiṇeyena saṃgamya vane vicaratā punaḥ / gopaveṣadhareṇaiva kaṃsasya bhayam āhṛtam

Sanskrit only: no published translation is held for this verse.

तथा वनगतः शौरिर् दंष्ट्रायुधबलं हयम् । प्रग्रहं भोजराजस्य जघान पुरुषोत्तमः

tathā vanagataḥ śaurir daṃṣṭrāyudhabalaṃ hayam / pragrahaṃ bhojarājasya jaghāna puruṣottamaḥ

Sanskrit only: no published translation is held for this verse.

प्रलम्बश् च महाकायो रौहिणेयेन धीमता । दानवो मुष्टिनैकेन कंसामात्यो निपातितः

pralambaś ca mahākāyo rauhiṇeyena dhīmatā / dānavo muṣṭinaikena kaṃsāmātyo nipātitaḥ

Sanskrit only: no published translation is held for this verse.

एतौ हि वसुदेवस्य पुत्रौ सुरसुतोपमौ । ववृधाते महात्मानौ ब्रह्मगार्ग्येण संस्कृतौ

etau hi vasudevasya putrau surasutopamau / vavṛdhāte mahātmānau brahmagārgyeṇa saṃskṛtau

Sanskrit only: no published translation is held for this verse.

जन्मप्रभृति चाप्य् एतौ गार्ग्येण परमर्षिणा । याथातथ्येन विज्ञाय संस्कारं प्रतिपादितौ

janmaprabhṛti cāpy etau gārgyeṇa paramarṣiṇā / yāthātathyena vijñāya saṃskāraṃ pratipāditau

Sanskrit only: no published translation is held for this verse.

यदा त्व् इमौ नरश्रेष्ठौ स्थितौ यौवनगौ मुखे । सिंहशावाव् इवोदीर्णौ मत्तौ हैमवतौ यथा

yadā tv imau naraśreṣṭhau sthitau yauvanagau mukhe / siṃhaśāvāv ivodīrṇau mattau haimavatau yathā

Sanskrit only: no published translation is held for this verse.

ततो मनांसि गोपीनां हरमाणौ महाबलौ । आस्तां गोष्ठचरौ वीरौ देवपुत्रसमद्युती

tato manāṃsi gopīnāṃ haramāṇau mahābalau / āstāṃ goṣṭhacarau vīrau devaputrasamadyutī

Sanskrit only: no published translation is held for this verse.

नैतौ जवे वा युद्धे वा क्रीडासु विविधासु वा । नन्दगोपस्य गोपालाः शेकुः प्रतिसमीक्षितुम्

naitau jave vā yuddhe vā krīḍāsu vividhāsu vā / nandagopasya gopālāḥ śekuḥ pratisamīkṣitum

Sanskrit only: no published translation is held for this verse.

व्यूढोरस्कौ महाबाहू सालस्कन्धाव् इवोद्गतौ । श्रुत्वेमौ व्यथितः कंसो मन्त्रिभिः सहितो ऽभवत्

vyūḍhoraskau mahābāhū sālaskandhāv ivodgatau / śrutvemau vyathitaḥ kaṃso mantribhiḥ sahito 'bhavat

Sanskrit only: no published translation is held for this verse.

नाशकच् च यदा कंसो ग्रहीतुं बलकेशवौ । निजग्राह ततः क्रोधाद् वसुदेवं सबान्धवम्

nāśakac ca yadā kaṃso grahītuṃ balakeśavau / nijagrāha tataḥ krodhād vasudevaṃ sabāndhavam

Sanskrit only: no published translation is held for this verse.

सहोग्रसेनेन तदा चोरवद् गाढबन्धनम् । कालं महान्तम् अवसत् कृच्छ्रम् आनकदुंदुभिः

sahograsenena tadā coravad gāḍhabandhanam / kālaṃ mahāntam avasat kṛcchram ānakaduṃdubhiḥ

Sanskrit only: no published translation is held for this verse.

कंसस् तु पितरं बध्वा शूरसेना? शशास ह । जरासंधं समाश्रित्य तथैवाह्वृतिभीष्मकौ

kaṃsas tu pitaraṃ badhvā śūrasenā? śaśāsa ha / jarāsaṃdhaṃ samāśritya tathaivāhvṛtibhīṣmakau

Sanskrit only: no published translation is held for this verse.

कस्यचित् त्व् अथ कालस्य मथुरायां महोत्सवम् । पिनाकिनं समुद्दिश्य कंसश् चक्रे नराधिपः

kasyacit tv atha kālasya mathurāyāṃ mahotsavam / pinākinaṃ samuddiśya kaṃsaś cakre narādhipaḥ

Sanskrit only: no published translation is held for this verse.

तत्र मल्लाः समापेतुर् नानादेश्या विशां पते । नर्तका गायकाश् चैव कुशला नृत्तसामसु

tatra mallāḥ samāpetur nānādeśyā viśāṃ pate / nartakā gāyakāś caiva kuśalā nṛttasāmasu

Sanskrit only: no published translation is held for this verse.

ततः कंसो महातेजा रङ्गवाटं महाधनम् । कुशलैः कारयाम् आस शिल्पिभिः साधुनिष्ठितैः

tataḥ kaṃso mahātejā raṅgavāṭaṃ mahādhanam / kuśalaiḥ kārayām āsa śilpibhiḥ sādhuniṣṭhitaiḥ

Sanskrit only: no published translation is held for this verse.

तत्र मञ्चसहस्राणि पौरजानपदैर् जनैः । समाकीर्णान्य् अदृश्यन्त ज्योतिर्भिर् गगनं यथा

tatra mañcasahasrāṇi paurajānapadair janaiḥ / samākīrṇāny adṛśyanta jyotirbhir gaganaṃ yathā

Sanskrit only: no published translation is held for this verse.

भोजराजः श्रिया जुष्टं राजमञ्चं महर्द्धिमत् । अरुरोह ततः कंसो विमानं सुकृती यथा

bhojarājaḥ śriyā juṣṭaṃ rājamañcaṃ maharddhimat / aruroha tataḥ kaṃso vimānaṃ sukṛtī yathā

Sanskrit only: no published translation is held for this verse.

रङ्गद्वारे गजं मत्तं प्रभूतायुधकल्पितम् । शूरैर् अधिष्ठितं कंसः स्थापयाम् आस वीर्यवान्

raṅgadvāre gajaṃ mattaṃ prabhūtāyudhakalpitam / śūrair adhiṣṭhitaṃ kaṃsaḥ sthāpayām āsa vīryavān

Sanskrit only: no published translation is held for this verse.

यदा हि स महाभोजो रामकृष्णौ समागतौ । शुश्राव पुरुषव्याघ्रौ सूर्याचन्द्रमसाव् इव

yadā hi sa mahābhojo rāmakṛṣṇau samāgatau / śuśrāva puruṣavyāghrau sūryācandramasāv iva

Sanskrit only: no published translation is held for this verse.

तदाप्रभृति यत्तो ऽभूद् रक्षां प्रति नराधिपः । न च शेते सुखं रात्रौ रामकृष्णौ विचिन्तयन्

tadāprabhṛti yatto 'bhūd rakṣāṃ prati narādhipaḥ / na ca śete sukhaṃ rātrau rāmakṛṣṇau vicintayan

Sanskrit only: no published translation is held for this verse.

श्रुत्वा तु रामकृष्णौ च तं समाजम् अनुत्तमम् । उभौ विविशतुर् वीरौ शार्दूलौ गोव्रजं यथा

śrutvā tu rāmakṛṣṇau ca taṃ samājam anuttamam / ubhau viviśatur vīrau śārdūlau govrajaṃ yathā

Sanskrit only: no published translation is held for this verse.

ततः प्रवेशे संरुद्धौ रक्षिभिः पुरुषर्षभौ । हत्वा कुवलयापीडं ससादिनम् अरिंदमौ । अवमृद्य दुराधर्षौ रङ्गं विविशतुस् तदा

tataḥ praveśe saṃruddhau rakṣibhiḥ puruṣarṣabhau / hatvā kuvalayāpīḍaṃ sasādinam ariṃdamau / avamṛdya durādharṣau raṅgaṃ viviśatus tadā

Sanskrit only: no published translation is held for this verse.

चाणूरान्ध्रौ विनिष्पिष्य केशवेन बलेन च । औग्रसेनिः स दुष्टात्मा सानुजो विनिपातितः

cāṇūrāndhrau viniṣpiṣya keśavena balena ca / augraseniḥ sa duṣṭātmā sānujo vinipātitaḥ

Sanskrit only: no published translation is held for this verse.

यत् कृतं यदुसिंहेन देवैर् अपि सुदुःसहम् । कर्म तत् केशवाद् अन्यः कर्तुम् अर्हति कः पुमान्

yat kṛtaṃ yadusiṃhena devair api suduḥsaham / karma tat keśavād anyaḥ kartum arhati kaḥ pumān

Sanskrit only: no published translation is held for this verse.

यद् धि नाधिगतं पूर्वैः प्रह्रादबलिशम्बरैः । तद् इदं शौरिणा चित्तं प्रापितं भवताम् इह

yad dhi nādhigataṃ pūrvaiḥ prahrādabaliśambaraiḥ / tad idaṃ śauriṇā cittaṃ prāpitaṃ bhavatām iha

Sanskrit only: no published translation is held for this verse.

एतेन मुरम् आक्रम्य दैत्यं पञ्चजनं तथा । शैलसंघान् अतिक्रम्य निसुन्दः सगणो हतः

etena muram ākramya daityaṃ pañcajanaṃ tathā / śailasaṃghān atikramya nisundaḥ sagaṇo hataḥ

Sanskrit only: no published translation is held for this verse.

नरकश् च हतो भौमः कुण्डले चाहृते शुभे । प्राप्तं च दिवि देवेषु केशवेन महद् यशः

narakaś ca hato bhaumaḥ kuṇḍale cāhṛte śubhe / prāptaṃ ca divi deveṣu keśavena mahad yaśaḥ

Sanskrit only: no published translation is held for this verse.

वीतशोकभयाबाधाः कृष्णबाहुबलाश्रयाः । यजन्तु बहुभिर् यज्ञैर् यादवा वीतमत्सराः

vītaśokabhayābādhāḥ kṛṣṇabāhubalāśrayāḥ / yajantu bahubhir yajñair yādavā vītamatsarāḥ

Sanskrit only: no published translation is held for this verse.

देवानां सुमहत् कार्यं कृतं कृष्णेन धीमता । क्षिप्रम् आवेदये चेदं भवतां भद्रम् अस्तु वः

devānāṃ sumahat kāryaṃ kṛtaṃ kṛṣṇena dhīmatā / kṣipram āvedaye cedaṃ bhavatāṃ bhadram astu vaḥ

Sanskrit only: no published translation is held for this verse.

यद् इष्टं वो यदुश्रेष्ठाः कर्तास्मि तद् अतन्द्रितः । भवताम् अस्मि यूयं च मम युष्मास्व् अहं स्थितः

yad iṣṭaṃ vo yaduśreṣṭhāḥ kartāsmi tad atandritaḥ / bhavatām asmi yūyaṃ ca mama yuṣmāsv ahaṃ sthitaḥ

Sanskrit only: no published translation is held for this verse.

इति संबोधयन् कृष्णम् अब्रवीत् पाकशासनः । माम् अप्रैषीत् सुरश्रेष्ठः प्रीतास् तुष्टास् तथा वयम्

iti saṃbodhayan kṛṣṇam abravīt pākaśāsanaḥ / mām apraiṣīt suraśreṣṭhaḥ prītās tuṣṭās tathā vayam

Sanskrit only: no published translation is held for this verse.

यत्र ह्रीः श्रीः स्थिता तत्र यत्र श्रीस् तत्र संनतिः । संनतिर् ह्रीस् तथा श्रीश् च नित्यं कृष्णे महात्मनि

yatra hrīḥ śrīḥ sthitā tatra yatra śrīs tatra saṃnatiḥ / saṃnatir hrīs tathā śrīś ca nityaṃ kṛṣṇe mahātmani

Sanskrit only: no published translation is held for this verse.