Harivaṃśa (critical edition) 98

जनमेजय उवाच बहूनां स्त्रीसहस्राणाम् अष्टौ भार्याः प्रकीर्तिताः । तासाम् अपत्यान् यष्टानां भगवान् प्रब्रवीतु मे

janamejaya uvāca bahūnāṃ strīsahasrāṇām aṣṭau bhāryāḥ prakīrtitāḥ / tāsām apatyān yaṣṭānāṃ bhagavān prabravītu me

Sanskrit only: no published translation is held for this verse.

वैशंपायन उवाच अष्टौ महिष्यः पुत्रिण्य इति प्राधान्यतः स्मृताः । सर्वा वीरप्रजायिन्यस् तास्व् अपत्यानि मे शृणु

vaiśaṃpāyana uvāca aṣṭau mahiṣyaḥ putriṇya iti prādhānyataḥ smṛtāḥ / sarvā vīraprajāyinyas tāsv apatyāni me śṛṇu

Sanskrit only: no published translation is held for this verse.

रुक्मिणी सत्यभामा च देवी नग्नजिती तथा । सुदत्ता च तथा शैब्या लक्ष्मणा चारुहासिनी

rukmiṇī satyabhāmā ca devī nagnajitī tathā / sudattā ca tathā śaibyā lakṣmaṇā cāruhāsinī

Sanskrit only: no published translation is held for this verse.

मित्रविन्दा च कालिन्दी जाम्बवत्य् अथ पौरवी । सुभीमा च तथा माद्री रौक्मिणेयान् इमाञ् शृणु

mitravindā ca kālindī jāmbavaty atha pauravī / subhīmā ca tathā mādrī raukmiṇeyān imāñ śṛṇu

Sanskrit only: no published translation is held for this verse.

प्रद्युम्नः प्रथमो यज्ञे शम्बरान्तकरः सुतः । द्वितीयश् चारुदेष्णश् च वृष्णिसिंहो महारथः

pradyumnaḥ prathamo yajñe śambarāntakaraḥ sutaḥ / dvitīyaś cārudeṣṇaś ca vṛṣṇisiṃho mahārathaḥ

Sanskrit only: no published translation is held for this verse.

चारुभद्रो भद्रचारुः सुदंष्ट्रो द्रुम एव च । सुषेणश् चारुगुप्तश् च चारुविन्दश् च चारुमान् । चारुबाहुः कनिष्ठश् च कन्या चारुमती तथा

cārubhadro bhadracāruḥ sudaṃṣṭro druma eva ca / suṣeṇaś cāruguptaś ca cāruvindaś ca cārumān / cārubāhuḥ kaniṣṭhaś ca kanyā cārumatī tathā

Sanskrit only: no published translation is held for this verse.

जज्ञिरे सत्यभामायां भानुर् भिमरथः क्षुपः । रोहितो दीप्तिमांश् चैव ताम्रजाक्षो जलान्तकः । चतस्रो जज्ञिरे तेषां स्वसारो गरुडध्वजात्

jajñire satyabhāmāyāṃ bhānur bhimarathaḥ kṣupaḥ / rohito dīptimāṃś caiva tāmrajākṣo jalāntakaḥ / catasro jajñire teṣāṃ svasāro garuḍadhvajāt

Sanskrit only: no published translation is held for this verse.

मित्रवान् मित्रविन्दश् च मित्रवत्य् अपि चाङ्गना

mitravān mitravindaś ca mitravaty api cāṅganā

Sanskrit only: no published translation is held for this verse.

मित्रवाहः सुनीथश् च नग्नजित्याः प्रजाः शृणु । भद्रकारो भद्रविन्दः कन्या भद्रवती तथा

mitravāhaḥ sunīthaś ca nagnajityāḥ prajāḥ śṛṇu / bhadrakāro bhadravindaḥ kanyā bhadravatī tathā

Sanskrit only: no published translation is held for this verse.

सुदत्तायास् तु शैब्यायाः संग्रामजिद् अजायत । सत्यजित् सेनजिच् चैव तथा शूरः सपत्नजित्

sudattāyās tu śaibyāyāḥ saṃgrāmajid ajāyata / satyajit senajic caiva tathā śūraḥ sapatnajit

Sanskrit only: no published translation is held for this verse.

सुभीमायाः सुतो माद्र्या वृकाश्वो वृकनिर्वृतिः । कुमारो वृकदीप्तिश् च लक्ष्मणायाः प्रजाः शृणु

subhīmāyāḥ suto mādryā vṛkāśvo vṛkanirvṛtiḥ / kumāro vṛkadīptiś ca lakṣmaṇāyāḥ prajāḥ śṛṇu

Sanskrit only: no published translation is held for this verse.

गात्रवान् गात्रगुप्तश् च गात्रविन्दश् च वीर्यवान् । जज्ञिरे गात्रवन्त्य् एते भगिन्यानुजया सह

gātravān gātraguptaś ca gātravindaś ca vīryavān / jajñire gātravanty ete bhaginyānujayā saha

Sanskrit only: no published translation is held for this verse.

अश्रुतश् च सुतो जज्ञे कालिन्द्याः श्रुतसत्तमः । अश्रुतं श्रुतसेनायै प्रददौ मधुसूदनः

aśrutaś ca suto jajñe kālindyāḥ śrutasattamaḥ / aśrutaṃ śrutasenāyai pradadau madhusūdanaḥ

Sanskrit only: no published translation is held for this verse.

तं प्रदाय हृषीकेशस् तां भार्यां मुदितो ऽब्रवीत् । एष वाम् उभयोर् अस्तु दायादः शाश्वतीः समाः

taṃ pradāya hṛṣīkeśas tāṃ bhāryāṃ mudito 'bravīt / eṣa vām ubhayor astu dāyādaḥ śāśvatīḥ samāḥ

Sanskrit only: no published translation is held for this verse.

बृहत्यां तु गदस्याहुः शैब्यायाम् अङ्गदं सुतम् । उत्पन्नं कुमुदं चैव श्वेतं श्वेतां तथाङ्गनाम्

bṛhatyāṃ tu gadasyāhuḥ śaibyāyām aṅgadaṃ sutam / utpannaṃ kumudaṃ caiva śvetaṃ śvetāṃ tathāṅganām

Sanskrit only: no published translation is held for this verse.

अगावहः सुमित्रश् च शुचिश् चित्ररथस् तथा । चित्रसेनः सुते चास्य चित्रा चित्रवती तथा

agāvahaḥ sumitraś ca śuciś citrarathas tathā / citrasenaḥ sute cāsya citrā citravatī tathā

Sanskrit only: no published translation is held for this verse.

उपासङ्गस्य तु सुतौ वज्रः सुक्षिप्र एव च

upāsaṅgasya tu sutau vajraḥ sukṣipra eva ca

Sanskrit only: no published translation is held for this verse.

कौशिक्यां सुतसोमायां यौधिष्ठिर्यां युधिष्ठिरौ । कापाली गरुडश् चैव जज्ञाते चित्रयोधिनौ

kauśikyāṃ sutasomāyāṃ yaudhiṣṭhiryāṃ yudhiṣṭhirau / kāpālī garuḍaś caiva jajñāte citrayodhinau

Sanskrit only: no published translation is held for this verse.

प्रद्युम्नस्य सुतो यस् तु वैदर्भ्यां राजसत्तमः । अनिरुद्धो रणे योद्धा जज्ञे स मृगकेतनः

pradyumnasya suto yas tu vaidarbhyāṃ rājasattamaḥ / aniruddho raṇe yoddhā jajñe sa mṛgaketanaḥ

Sanskrit only: no published translation is held for this verse.

रेवत्यां बलदेवस्य जज्ञाते निशठोल्मुकौ । भ्रातरौ देवसंकाशाव् उभौ पुरुषसत्तमौ

revatyāṃ baladevasya jajñāte niśaṭholmukau / bhrātarau devasaṃkāśāv ubhau puruṣasattamau

Sanskrit only: no published translation is held for this verse.

सुतनुश् च नराची च शौरेर् आस्तां परिग्रहः । पौण्ड्रश् च कपिलश् चैव वासुदेवस्य तौ सुतौ

sutanuś ca narācī ca śaurer āstāṃ parigrahaḥ / pauṇḍraś ca kapilaś caiva vāsudevasya tau sutau

Sanskrit only: no published translation is held for this verse.

नराच्यां कपिलो जज्ञे पौण्ड्रश् च सुतनोः सुतः । तयोर् नृपो ऽभवत् पौण्ड्रः कपिलश् च वनं ययौ

narācyāṃ kapilo jajñe pauṇḍraś ca sutanoḥ sutaḥ / tayor nṛpo 'bhavat pauṇḍraḥ kapilaś ca vanaṃ yayau

Sanskrit only: no published translation is held for this verse.

तुर्यां समभवद् वीरो वसुदेवान् महाबलः । जरा नाम निषादानां प्रभुः सर्वधनुष्मताम्

turyāṃ samabhavad vīro vasudevān mahābalaḥ / jarā nāma niṣādānāṃ prabhuḥ sarvadhanuṣmatām

Sanskrit only: no published translation is held for this verse.

सानोर् वज्रो ऽनिरुद्धस्य वज्रस् त्व् आदाव् अजायत

sānor vajro 'niruddhasya vajras tv ādāv ajāyata

Sanskrit only: no published translation is held for this verse.

वज्राज् जज्ञे प्रतिवहः सुचारुस् तस्य चात्मजः । अनमित्राच् छिनिर् जज्ञे कनिष्ठाद् वृष्णिनन्दनात्

vajrāj jajñe prativahaḥ sucārus tasya cātmajaḥ / anamitrāc chinir jajñe kaniṣṭhād vṛṣṇinandanāt

Sanskrit only: no published translation is held for this verse.

शिनेस् तु सत्यवाग् जज्ञे सत्यकश् च महारथः । सत्यकस्यात्मजः शूरो युयुधानस् त्व् अजायत

śines tu satyavāg jajñe satyakaś ca mahārathaḥ / satyakasyātmajaḥ śūro yuyudhānas tv ajāyata

Sanskrit only: no published translation is held for this verse.

असङ्गो युयुधानस्य भूमिस् तस्याभवत् सुतः । भूमेर् युगंधरः पुत्र इति वंशः समाप्यते

asaṅgo yuyudhānasya bhūmis tasyābhavat sutaḥ / bhūmer yugaṃdharaḥ putra iti vaṃśaḥ samāpyate

Sanskrit only: no published translation is held for this verse.