Svatmarama: Hathayogapradipika 3

ब्रह्मचर्य-रतस्यैव नित्यं हित-मिताशिनः । मण्डलाद् दृश्यते सिद्धिः कुण्डल्य्-अभ्यास-योगिनः

brahmacarya-ratasyaiva nityaṃ hita-mitāśinaḥ / maṇḍalād dṛśyate siddhiḥ kuṇḍaly-abhyāsa-yoginaḥ

Sanskrit only: no published translation is held for this verse.

कुण्डलीं चालयित्वा तु भस्त्रां कुर्याद् विशेषतः । एवम् अभ्यस्यतो नित्यं यमिनो यम-भीः कुतः

kuṇḍalīṃ cālayitvā tu bhastrāṃ kuryād viśeṣataḥ / evam abhyasyato nityaṃ yamino yama-bhīḥ kutaḥ

Sanskrit only: no published translation is held for this verse.

द्वा-सप्तति-सहस्राणां नाडीनां मल-शोधने । कुतः प्रक्षालनोपायः कुण्डल्य्-अभ्यसनाद् ऋते

dvā-saptati-sahasrāṇāṃ nāḍīnāṃ mala-śodhane / kutaḥ prakṣālanopāyaḥ kuṇḍaly-abhyasanād ṛte

Sanskrit only: no published translation is held for this verse.

इयं तु मध्यमा नाडी दृढाभ्यासेन योगिनाम् । आसन-प्राण-संयाम-मुद्राभिः सरला भवेत्

iyaṃ tu madhyamā nāḍī dṛḍhābhyāsena yoginām / āsana-prāṇa-saṃyāma-mudrābhiḥ saralā bhavet

Sanskrit only: no published translation is held for this verse.

अभ्यासे तु विनिद्राणां मनो धृत्वा समाधिना । रुद्राणी वा परा मुद्रा भद्रां सिद्धिं प्रयच्छति

abhyāse tu vinidrāṇāṃ mano dhṛtvā samādhinā / rudrāṇī vā parā mudrā bhadrāṃ siddhiṃ prayacchati

Sanskrit only: no published translation is held for this verse.

राज-योगं विना पृथ्वी राज-योगं विना निशा । राज-योगं विना मुद्रा विचित्रापि न शोभते

rāja-yogaṃ vinā pṛthvī rāja-yogaṃ vinā niśā / rāja-yogaṃ vinā mudrā vicitrāpi na śobhate

Sanskrit only: no published translation is held for this verse.

मारुतस्य विधिं सर्वं मनो-युक्तं समभ्यसेत् । इतरत्र न कर्तव्या मनो-वृत्तिर् मनीषिणा

mārutasya vidhiṃ sarvaṃ mano-yuktaṃ samabhyaset / itaratra na kartavyā mano-vṛttir manīṣiṇā

Sanskrit only: no published translation is held for this verse.

इति मुद्रा दश प्रोक्ता आदिनाथेन शम्भुना । एकैका तासु यमिनां महा-सिद्धि-प्रदायिनी

iti mudrā daśa proktā ādināthena śambhunā / ekaikā tāsu yamināṃ mahā-siddhi-pradāyinī

Sanskrit only: no published translation is held for this verse.

उपदेशं हि मुद्राणां यो दत्ते साम्प्रदायिकम् । स एव श्री-गुरुः स्वामी साक्षाद् ईश्वर एव सः

upadeśaṃ hi mudrāṇāṃ yo datte sāmpradāyikam / sa eva śrī-guruḥ svāmī sākṣād īśvara eva saḥ

Sanskrit only: no published translation is held for this verse.

तस्य वाक्य-परो भूत्वा मुद्राभ्यासे समाहितः । अणिमादि-गुणैः सार्धं लभते काल-वञ्चनम्

tasya vākya-paro bhūtvā mudrābhyāse samāhitaḥ / aṇimādi-guṇaiḥ sārdhaṃ labhate kāla-vañcanam

Sanskrit only: no published translation is held for this verse.