Utpaladeva: Isvarpratyabhijnakarika with vrtti 4

स्वात्मैव सर्वजन्तूनाम् एक एव महेश्वरः । विश्वरूपो ऽहम् इदम् इत्य् अखण्डामर्शबृंहितः

svātmaiva sarvajantūnām eka eva maheśvaraḥ / viśvarūpo 'ham idam ity akhaṇḍāmarśabṛṃhitaḥ

Sanskrit only: no published translation is held for this verse.

तत्र स्वसृष्टेदंभागे बुद्ध्यादिग्राहकात्मना । अहंकारपरामर्श- पदम् नीतम् अनेन तत्

tatra svasṛṣṭedaṃbhāge buddhyādigrāhakātmanā / ahaṃkāraparāmarśa- padam nītam anena tat

Sanskrit only: no published translation is held for this verse.

स्वस्वरूपापरिज्ञान- मयो ऽनेकः पुमान् मतः । तत्र सृष्टौ क्रियानन्दौ भोगो दुःखसुखात्मकः

svasvarūpāparijñāna- mayo 'nekaḥ pumān mataḥ / tatra sṛṣṭau kriyānandau bhogo duḥkhasukhātmakaḥ

Sanskrit only: no published translation is held for this verse.

स्वाङ्गरूपेषु भावेषु पत्युर् ज्ञानं क्रिया च या । मायातृतीये ते एव पशोः सत्त्वं रजस् तमः

svāṅgarūpeṣu bhāveṣu patyur jñānaṃ kriyā ca yā / māyātṛtīye te eva paśoḥ sattvaṃ rajas tamaḥ

Sanskrit only: no published translation is held for this verse.

भेदस्थितः शाक्तिमतः शक्तित्वं नापदिश्यते । एषां गुणानां करण- कार्यत्वपरिणामिनाम्

bhedasthitaḥ śāktimataḥ śaktitvaṃ nāpadiśyate / eṣāṃ guṇānāṃ karaṇa- kāryatvapariṇāminām

Sanskrit only: no published translation is held for this verse.

सत्तानन्दः क्रिया पत्युस् तदभावो ऽपि सा पशोह् । द्वयात्मा तद् रजो दुःखं श्लेषि सत्त्वतमोमयम्

sattānandaḥ kriyā patyus tadabhāvo 'pi sā paśoh / dvayātmā tad rajo duḥkhaṃ śleṣi sattvatamomayam

Sanskrit only: no published translation is held for this verse.

ये ऽप्य् असामयिकेदन्तापरामर्शभुवः प्रभोः । ते विमिश्रा विभिन्नाश् च तथा चित्रावभासिनः

ye 'py asāmayikedantāparāmarśabhuvaḥ prabhoḥ / te vimiśrā vibhinnāś ca tathā citrāvabhāsinaḥ

Sanskrit only: no published translation is held for this verse.

ते तु भिन्नावभासार्थाः प्रकल्प्याः प्रत्यगात्मनः । तत्तद्विभिन्नसंज्ञाभिः स्मृत्युत्प्रेक्षादिगोचरे

te tu bhinnāvabhāsārthāḥ prakalpyāḥ pratyagātmanaḥ / tattadvibhinnasaṃjñābhiḥ smṛtyutprekṣādigocare

Sanskrit only: no published translation is held for this verse.

तस्यासाधारणी सृष्टिर् ईशसृष्ट्युपजीविनी । सैषाप्य् अज्ञतया सत्यैवेशशाक्त्या तदात्मनः

tasyāsādhāraṇī sṛṣṭir īśasṛṣṭyupajīvinī / saiṣāpy ajñatayā satyaiveśaśāktyā tadātmanaḥ

Sanskrit only: no published translation is held for this verse.

स्वविश्रान्त्युपरोधायाचलया प्राणरूपया । विकल्पक्रियया तत्तद्- वर्णवैचित्र्यरूपया

svaviśrāntyuparodhāyācalayā prāṇarūpayā / vikalpakriyayā tattad- varṇavaicitryarūpayā

Sanskrit only: no published translation is held for this verse.

साधारणो ऽन्यथा चैशः सर्गः स्पष्टावभासनात् । विकल्पहानैकाग्र्यात् क्रमेणेश्वरतापदम्

sādhāraṇo 'nyathā caiśaḥ sargaḥ spaṣṭāvabhāsanāt / vikalpahānaikāgryāt krameṇeśvaratāpadam

Sanskrit only: no published translation is held for this verse.

सर्वो ममायं विभव इत्येवं परिजानतः । विश्वात्मनो विकल्पानां प्रसरे ऽपि महेशता

sarvo mamāyaṃ vibhava ityevaṃ parijānataḥ / viśvātmano vikalpānāṃ prasare 'pi maheśatā

Sanskrit only: no published translation is held for this verse.

मेयं साधारणं मुक्तः स्वात्माभेदेन मन्यते । महेश्वरो यथा बद्धः पुन अत्यन्तभेदवत्

meyaṃ sādhāraṇaṃ muktaḥ svātmābhedena manyate / maheśvaro yathā baddhaḥ puna atyantabhedavat

Sanskrit only: no published translation is held for this verse.

सर्वथा त्व् अन्तरालीनानन्ततत्त्वौघनिर्भरः । शिवः चिदानन्दघनः परमाक्षरविग्रहः

sarvathā tv antarālīnānantatattvaughanirbharaḥ / śivaḥ cidānandaghanaḥ paramākṣaravigrahaḥ

Sanskrit only: no published translation is held for this verse.

एवम् आत्मानम् एतस्य सम्यग्ज्ञानक्रिये तथा । जानन् यथेप्सितान् पश्यञ् जानाति च करोति च

evam ātmānam etasya samyagjñānakriye tathā / jānan yathepsitān paśyañ jānāti ca karoti ca

Sanskrit only: no published translation is held for this verse.

इति प्रकटितो मया सुघट एष मार्गो नवो महागुरुभिर् उच्यते स्म शिवदृष्टिशास्त्रे यथा । तद् अत्र निदधत् पदं भुवनकर्तृताम् आत्मनो विभाव्य शिवतामयीम् अनिशम् आविशन् सिद्ध्यति

iti prakaṭito mayā sughaṭa eṣa mārgo navo mahāgurubhir ucyate sma śivadṛṣṭiśāstre yathā / tad atra nidadhat padaṃ bhuvanakartṛtām ātmano vibhāvya śivatāmayīm aniśam āviśan siddhyati

Sanskrit only: no published translation is held for this verse.

तैस् तैर् अप्य् उपयाचितैर् उपनतस् तन्व्याः स्थितो ऽप्य् अन्तिके कान्तो लोकसमान एवम् अपरिज्ञातो न रन्तुं यथा । लोकस्यैष तथानवेक्षितगुणः स्वात्मापि विश्वेश्वरो नैवालं निजवैभवाय तद् इयं तत्प्रत्यभिज्ञोदिता

tais tair apy upayācitair upanatas tanvyāḥ sthito 'py antike kānto lokasamāna evam aparijñāto na rantuṃ yathā / lokasyaiṣa tathānavekṣitaguṇaḥ svātmāpi viśveśvaro naivālaṃ nijavaibhavāya tad iyaṃ tatpratyabhijñoditā

Sanskrit only: no published translation is held for this verse.

जनस्यायत्नसिद्ध्यर्थम् उदयाकरसूनुना । ईश्वरप्रत्यभिज्ञेयम् उत्पलेनोपपादिता

janasyāyatnasiddhyartham udayākarasūnunā / īśvarapratyabhijñeyam utpalenopapāditā

Sanskrit only: no published translation is held for this verse.