Jaiminīya Brāhmaṇa of the Sāmaveda (in part) 1.101

तद् आहुर् हिंकारेण वै प्रजापतिः प्रजाभ्यो ऽन्नाद्यम् असृजत

tad āhur hiṃkāreṇa vai prajāpatiḥ prajābhyo 'nnādyam asṛjata

Sanskrit only: no published translation is held for this verse.

यन् न हिंकुर्याद् अशनायुकाः प्रजाः स्युः

yan na hiṃkuryād aśanāyukāḥ prajāḥ syuḥ

Sanskrit only: no published translation is held for this verse.

हिंकुर्याद् एवेत्य् अभायि दायिवं ओ या हिं क्षते भूर् इति

hiṃkuryād evety abhāyi dāyivaṃ o yā hiṃ kṣate bhūr iti

Sanskrit only: no published translation is held for this verse.

यन् न हिंकारं विसृजति तेन न रेतो विच्छिनत्ति न हिंकारम् अन्तरेतीति

yan na hiṃkāraṃ visṛjati tena na reto vicchinatti na hiṃkāram antaretīti

Sanskrit only: no published translation is held for this verse.

तद् उ वा आहुर् म्रदीय इव वा अतो रेतो दारुणतर इव हिंकारः

tad u vā āhur mradīya iva vā ato reto dāruṇatara iva hiṃkāraḥ

Sanskrit only: no published translation is held for this verse.

अपि वैनद् वालेन विच्छिन्द्यात्

api vainad vālena vicchindyāt

Sanskrit only: no published translation is held for this verse.

हिंकारस्यैव काले हिंकारं मनसा ध्यायेत्

hiṃkārasyaiva kāle hiṃkāraṃ manasā dhyāyet

Sanskrit only: no published translation is held for this verse.

तन् न रेतो विच्छिनत्ति न हिंकारम् अन्तरेतीति

tan na reto vicchinatti na hiṃkāram antaretīti

Sanskrit only: no published translation is held for this verse.

भूर् इति निधनं करोति

bhūr iti nidhanaṃ karoti

Sanskrit only: no published translation is held for this verse.

प्रजापतिर् यद् अग्रे व्याहरत् स भूर् इत्य् एव व्याहरत्

prajāpatir yad agre vyāharat sa bhūr ity eva vyāharat

Sanskrit only: no published translation is held for this verse.

स इमाम् असृजत

sa imām asṛjata

Sanskrit only: no published translation is held for this verse.

स यद् भूर् इति निधनं करोत्य् अस्याम् एवैतद् रेतः प्रतिष्ठापयति

sa yad bhūr iti nidhanaṃ karoty asyām evaitad retaḥ pratiṣṭhāpayati

Sanskrit only: no published translation is held for this verse.

अथो एनत् तद् भूतिम् एव गमयति

atho enat tad bhūtim eva gamayati

Sanskrit only: no published translation is held for this verse.