Jaiminīya Brāhmaṇa of the Sāmaveda (in part) 1.103

तद् आहुः समदम् इव वा एतच् छन्दोभ्यः कुर्वन्ति यद् गायत्रे सति प्रातस्सवने सर्वाणि छन्दांस्य् अभिगीयन्ते योधुकाः प्रजा भवन्तीति

tad āhuḥ samadam iva vā etac chandobhyaḥ kurvanti yad gāyatre sati prātassavane sarvāṇi chandāṃsy abhigīyante yodhukāḥ prajā bhavantīti

Sanskrit only: no published translation is held for this verse.

स यः कामयेत शान्ताः प्रजा एधेरन्न् इति न धुरो विगायेत्

sa yaḥ kāmayeta śāntāḥ prajā edherann iti na dhuro vigāyet

Sanskrit only: no published translation is held for this verse.

अपशीर्षाणं तु यज्ञं यजमानस्य कुर्याद् अनृतेन दक्षिणाः प्रतिगृह्णीयात्

apaśīrṣāṇaṃ tu yajñaṃ yajamānasya kuryād anṛtena dakṣiṇāḥ pratigṛhṇīyāt

Sanskrit only: no published translation is held for this verse.

ब्रह्म मैव करद् इति वै यजमानो दक्षिणा ददाति

brahma maiva karad iti vai yajamāno dakṣiṇā dadāti

Sanskrit only: no published translation is held for this verse.

स तथैव चिकीर्षेद् यथा नापशीर्षाणं यज्ञं यजमानस्य कुर्यान् नानृतेन दक्षिणाः प्रतिगृह्णीयात्

sa tathaiva cikīrṣed yathā nāpaśīrṣāṇaṃ yajñaṃ yajamānasya kuryān nānṛtena dakṣiṇāḥ pratigṛhṇīyāt

Sanskrit only: no published translation is held for this verse.

व्य् एव गायेत्

vy eva gāyet

Sanskrit only: no published translation is held for this verse.

यस् त्वा एना विजिगासन् न शक्नोति विगातुम् आर्तिम् आर्च्छति

yas tvā enā vijigāsan na śaknoti vigātum ārtim ārcchati

Sanskrit only: no published translation is held for this verse.

यदि रेतस्यां न शक्नोति विगातुम् अरेतस्क आत्मना भवत्य् अरेतस्का गर्भा जायन्ते

yadi retasyāṃ na śaknoti vigātum aretaska ātmanā bhavaty aretaskā garbhā jāyante

Sanskrit only: no published translation is held for this verse.

यदि गायत्रीं न शक्नोति विगातुं प्रमायुक आत्मना भवति मृता गर्भा जायन्ते

yadi gāyatrīṃ na śaknoti vigātuṃ pramāyuka ātmanā bhavati mṛtā garbhā jāyante

Sanskrit only: no published translation is held for this verse.

यदि त्रिष्टुभं न शक्नोति विगातुम् अन्ध आत्मना भवत्य् अन्धा गर्भा जायन्ते

yadi triṣṭubhaṃ na śaknoti vigātum andha ātmanā bhavaty andhā garbhā jāyante

Sanskrit only: no published translation is held for this verse.

यदि जगतीं न शक्नोति विगातुं बधिर आत्मना भवति बधिरा गर्भा जायन्ते

yadi jagatīṃ na śaknoti vigātuṃ badhira ātmanā bhavati badhirā garbhā jāyante

Sanskrit only: no published translation is held for this verse.

यद्य् अनुष्टुभं न शक्नोति विगातुम् अजिह्व आत्मना भवत्य् अजिह्वा गर्भा जायन्ते

yady anuṣṭubhaṃ na śaknoti vigātum ajihva ātmanā bhavaty ajihvā garbhā jāyante

Sanskrit only: no published translation is held for this verse.

यदि पङ्क्तिं न शक्नोति विगातुम् ऋतवो लुभ्यन्ति

yadi paṅktiṃ na śaknoti vigātum ṛtavo lubhyanti

Sanskrit only: no published translation is held for this verse.

स य एना नाशंसेत विगातुं परोक्षेणैवैनाः स रूपेण गायेत्

sa ya enā nāśaṃseta vigātuṃ parokṣeṇaivaināḥ sa rūpeṇa gāyet

Sanskrit only: no published translation is held for this verse.

उभयेन त्वाव रेतस्या गीयते

ubhayena tvāva retasyā gīyate

Sanskrit only: no published translation is held for this verse.