Jaiminīya Brāhmaṇa of the Sāmaveda (in part) 1.108

तेषां सकृद् एव सर्वेषाम् असृज्यन्त

teṣāṃ sakṛd eva sarveṣām asṛjyanta

Sanskrit only: no published translation is held for this verse.

तेषाम् अग्निर् एवोदजयत्

teṣām agnir evodajayat

Sanskrit only: no published translation is held for this verse.

तस्यापगमनम् अगतस्याक्षो ऽच्छिद्यत

tasyāpagamanam agatasyākṣo 'cchidyata

Sanskrit only: no published translation is held for this verse.

तस्य रथचक्रं पतित्वा कृष्णाडिकां कोशान्तेन पर्यवर्तत

tasya rathacakraṃ patitvā kṛṣṇāḍikāṃ kośāntena paryavartata

Sanskrit only: no published translation is held for this verse.

तम् अब्रुवन्न् ईक्षित्वान्नादो वा अयं श्रेष्ठो भविष्यति पाप्मा वा अस्य पर्यवर्तीति

tam abruvann īkṣitvānnādo vā ayaṃ śreṣṭho bhaviṣyati pāpmā vā asya paryavartīti

Sanskrit only: no published translation is held for this verse.

स यो हैवं विद्वान् परिवर्तयते ऽन्नाद एव श्रेष्ठः स्वानां भवति

sa yo haivaṃ vidvān parivartayate 'nnāda eva śreṣṭhaḥ svānāṃ bhavati

Sanskrit only: no published translation is held for this verse.

अथो हास्य तं पाप्मानम् एव परिवर्तयन्ति

atho hāsya taṃ pāpmānam eva parivartayanti

Sanskrit only: no published translation is held for this verse.

सो ऽग्निर् उज्जित्य प्राद्रवत्

so 'gnir ujjitya prādravat

Sanskrit only: no published translation is held for this verse.

तम् इन्द्रो ऽब्रवीत् सह नाव् अस्त्व् इति

tam indro 'bravīt saha nāv astv iti

Sanskrit only: no published translation is held for this verse.

नेत्य् अब्रवीत्

nety abravīt

Sanskrit only: no published translation is held for this verse.

यद् वा एको गृह्याणां विन्दते सर्वेषां वै तत् सह भवति सहैव नाव् अस्त्व् इति

yad vā eko gṛhyāṇāṃ vindate sarveṣāṃ vai tat saha bhavati sahaiva nāv astv iti

Sanskrit only: no published translation is held for this verse.

नेत्य् एवाब्रवीत्

nety evābravīt

Sanskrit only: no published translation is held for this verse.

स वै माभि चिद् अवेक्षस्वेति

sa vai mābhi cid avekṣasveti

Sanskrit only: no published translation is held for this verse.

तम् अभ्यवैक्षत

tam abhyavaikṣata

Sanskrit only: no published translation is held for this verse.

सो ऽब्रवीत् सान्त्वाय माभ्यवैक्षिष्ठाः सह नाव् अभूद् इति

so 'bravīt sāntvāya mābhyavaikṣiṣṭhāḥ saha nāv abhūd iti

Sanskrit only: no published translation is held for this verse.

यं यं न्व् एवाहम् अभ्यवेक्षिष्य इत्य् अब्रवीत् तेन तेनैव मे सह भविष्यतीति

yaṃ yaṃ nv evāham abhyavekṣiṣya ity abravīt tena tenaiva me saha bhaviṣyatīti

Sanskrit only: no published translation is held for this verse.

नेत्य् एवाब्रवीत् सान्त्वाय वै मां त्वम् एतद् अभ्यवैक्षिष्ठाः सहैव नाव् अभूद् इति

nety evābravīt sāntvāya vai māṃ tvam etad abhyavaikṣiṣṭhāḥ sahaiva nāv abhūd iti

Sanskrit only: no published translation is held for this verse.