Jaiminīya Brāhmaṇa of the Sāmaveda (in part) 1.128

प्रजापतिर् यद् बृहद्रथन्तरे असृजत स मन एवाग्रे बृहद् अपश्यत्

prajāpatir yad bṛhadrathantare asṛjata sa mana evāgre bṛhad apaśyat

Sanskrit only: no published translation is held for this verse.

वाचं रथन्तरम् अभिव्याहरत्

vācaṃ rathantaram abhivyāharat

Sanskrit only: no published translation is held for this verse.

तद् यद् वाचं रथन्तरम् अभिव्याहरत् तस्माद् उ रथन्तरं पूर्वं योगम् आनशे

tad yad vācaṃ rathantaram abhivyāharat tasmād u rathantaraṃ pūrvaṃ yogam ānaśe

Sanskrit only: no published translation is held for this verse.

अथ यन् मनो ऽग्रे बृहद् अपश्यत् तस्माद् उ बृहद्रथन्तरे इत्य् आख्यायेते

atha yan mano 'gre bṛhad apaśyat tasmād u bṛhadrathantare ity ākhyāyete

Sanskrit only: no published translation is held for this verse.

मनो वै पूर्वम् अथ वाक्

mano vai pūrvam atha vāk

Sanskrit only: no published translation is held for this verse.

मनो वै बृहद् वाग् रथन्तरम्

mano vai bṛhad vāg rathantaram

Sanskrit only: no published translation is held for this verse.

ऋग् वै रथन्तरं साम बृहत्

ṛg vai rathantaraṃ sāma bṛhat

Sanskrit only: no published translation is held for this verse.

ब्रह्म वै रथन्तरं क्षत्रं बृहत्

brahma vai rathantaraṃ kṣatraṃ bṛhat

Sanskrit only: no published translation is held for this verse.

इदं वै रथन्तरम् अदो बृहत्

idaṃ vai rathantaram ado bṛhat

Sanskrit only: no published translation is held for this verse.

यद् वा एजत इव तद् राथन्तरम्

yad vā ejata iva tad rāthantaram

Sanskrit only: no published translation is held for this verse.

यद् उपस्थितं तद् बार्हतम्

yad upasthitaṃ tad bārhatam

Sanskrit only: no published translation is held for this verse.

ये वा अन्यतोदन्ताः पशवस् ते राथन्तराः

ye vā anyatodantāḥ paśavas te rāthantarāḥ

Sanskrit only: no published translation is held for this verse.

य उभयतोदन्तास् ते बार्हताः

ya ubhayatodantās te bārhatāḥ

Sanskrit only: no published translation is held for this verse.

या वै तिरश्ची विद्युत् सा राथन्तरी

yā vai tiraścī vidyut sā rāthantarī

Sanskrit only: no published translation is held for this verse.

योर्ध्वा सा बार्हती

yordhvā sā bārhatī

Sanskrit only: no published translation is held for this verse.

रथन्तरस्य महिम्नः संभृत्य रथन्तरेणोद्गायेद् यस् ते अग्नौ महिमा यस् ते अप्सु रथे यस् ते महिमा स्तनयित्नौ य उ ते वाते यस् ते महिमा तेन संभव रथन्तर द्रविणस्वन् न एधीति

rathantarasya mahimnaḥ saṃbhṛtya rathantareṇodgāyed yas te agnau mahimā yas te apsu rathe yas te mahimā stanayitnau ya u te vāte yas te mahimā tena saṃbhava rathantara draviṇasvan na edhīti

Sanskrit only: no published translation is held for this verse.

द्रविणस्वद् एवोद्गात्रे भवति द्रविणस्वद् यजमानाय द्रविणस्वत् प्रजाभ्यः

draviṇasvad evodgātre bhavati draviṇasvad yajamānāya draviṇasvat prajābhyaḥ

Sanskrit only: no published translation is held for this verse.