Library·Jaiminīya Brāhmaṇa of the Sāmaveda (in part)·1·1.141
अविता जरायितॄणाम् आ औ हो हा यि शतां भवस्य् औ हो हिं मा ता या हिं मेत्य् उत्तमाया उत्तरार्धे कुर्यात्
avitā jarāyitṝṇām ā au ho hā yi śatāṃ bhavasy au ho hiṃ mā tā yā hiṃ mety uttamāyā uttarārdhe kuryāt
Sanskrit only: no published translation is held for this verse.
स यथा व्रजे गा अनुपाद्य अर्गडेनापिहन्यात् तादृक् तत्
sa yathā vraje gā anupādya argaḍenāpihanyāt tādṛk tat
Sanskrit only: no published translation is held for this verse.
तद् आहुः स्वयोनाव् एव तत् स्वारं कार्यम्
tad āhuḥ svayonāv eva tat svāraṃ kāryam
Sanskrit only: no published translation is held for this verse.
य एनम् एवं चकृवांसम् उपमीमांसेत स्वरेण यजमानस्य पशून् निरस्वारीर् इति तं ब्रूयान् निधनवत् पुरस्ताद् रथन्तरं निधनवद् उपरिष्टान् नौधसं ताभ्यां म एतद् उभयतः प्रजाः पशवः परिगृहीताः प्राणम् एवैतद् अधां मध्यतः पशूनाम् इति
ya enam evaṃ cakṛvāṃsam upamīmāṃseta svareṇa yajamānasya paśūn nirasvārīr iti taṃ brūyān nidhanavat purastād rathantaraṃ nidhanavad upariṣṭān naudhasaṃ tābhyāṃ ma etad ubhayataḥ prajāḥ paśavaḥ parigṛhītāḥ prāṇam evaitad adhāṃ madhyataḥ paśūnām iti
Sanskrit only: no published translation is held for this verse.
य एवैनम् एवं चकृवांसम् उपमीमांसते स आर्तिम् आर्च्छति
ya evainam evaṃ cakṛvāṃsam upamīmāṃsate sa ārtim ārcchati
Sanskrit only: no published translation is held for this verse.
अष्टाक्षरा गायत्री
aṣṭākṣarā gāyatrī
Sanskrit only: no published translation is held for this verse.
अष्टौ वसवः
aṣṭau vasavaḥ
Sanskrit only: no published translation is held for this verse.
गायत्रं प्रातस्सवनम्
gāyatraṃ prātassavanam
Sanskrit only: no published translation is held for this verse.
अक्षरे ऽक्षरे देवतान्वायत्ता
akṣare 'kṣare devatānvāyattā
Sanskrit only: no published translation is held for this verse.
एकादशाक्षरा त्रिष्टुप्
ekādaśākṣarā triṣṭup
Sanskrit only: no published translation is held for this verse.
एकादश रुद्राः
ekādaśa rudrāḥ
Sanskrit only: no published translation is held for this verse.
त्रैष्टुभं माध्यंदिनं सवनम्
traiṣṭubhaṃ mādhyaṃdinaṃ savanam
Sanskrit only: no published translation is held for this verse.
अक्षरे ऽक्षरे देवतान्वायत्ता
akṣare 'kṣare devatānvāyattā
Sanskrit only: no published translation is held for this verse.
द्वादशाक्षरा जगती
dvādaśākṣarā jagatī
Sanskrit only: no published translation is held for this verse.
द्वादशादित्याः
dvādaśādityāḥ
Sanskrit only: no published translation is held for this verse.
जागतं तृतीयसवनम्
jāgataṃ tṛtīyasavanam
Sanskrit only: no published translation is held for this verse.
अक्षरे ऽक्षरे देवतान्वायत्ता
akṣare 'kṣare devatānvāyattā
Sanskrit only: no published translation is held for this verse.
अथ किं प्रतियज्ञं यजमानम् अपिनयन्तीति
atha kiṃ pratiyajñaṃ yajamānam apinayantīti
Sanskrit only: no published translation is held for this verse.
स ब्रूयात् प्रजापतिर् यद् वामदेव्यम् असृजत तस्य त्रीण्य् अक्षराण्य् उदखिदत् स एव त्र्यक्षरः पुरुषो ऽभवद् वामदेव्यस्य स्तोत्रे पुरुष इति ब्रूयात् तत् प्रतियज्ञं यजमानम् अपिनयन्तीति
sa brūyāt prajāpatir yad vāmadevyam asṛjata tasya trīṇy akṣarāṇy udakhidat sa eva tryakṣaraḥ puruṣo 'bhavad vāmadevyasya stotre puruṣa iti brūyāt tat pratiyajñaṃ yajamānam apinayantīti
Sanskrit only: no published translation is held for this verse.
तद् आहुर् न पुरुष इति ब्रूयात् परोक्षम् एव ध्यायेन् मनसैव नियच्छेद् इति
tad āhur na puruṣa iti brūyāt parokṣam eva dhyāyen manasaiva niyacched iti
Sanskrit only: no published translation is held for this verse.
तद् उ वा आहुर् नैव परोक्षं ध्यायेन् न मनसा नियच्छेद् यद् वाव वेद तेनैवाप्तम् इति
tad u vā āhur naiva parokṣaṃ dhyāyen na manasā niyacched yad vāva veda tenaivāptam iti
Sanskrit only: no published translation is held for this verse.