Jaiminīya Brāhmaṇa of the Sāmaveda (in part) 1.142

देवा वा असुरान् युधम् उपप्रयन्तो ऽब्रुवन् यन् नो वामं वसु तद् अपनिधाय युध्यामहै यद् अद्य कस्मिंश्चिद् भूते ऽभ्यवधावामेति

devā vā asurān yudham upaprayanto 'bruvan yan no vāmaṃ vasu tad apanidhāya yudhyāmahai yad adya kasmiṃścid bhūte 'bhyavadhāvāmeti

Sanskrit only: no published translation is held for this verse.

प्राणा वाव तेषां वामं वस्व् आसीत्

prāṇā vāva teṣāṃ vāmaṃ vasv āsīt

Sanskrit only: no published translation is held for this verse.

तद् अपनिधाय युधम् उपपरायन्

tad apanidhāya yudham upaparāyan

Sanskrit only: no published translation is held for this verse.

तद् एकधा भूत्वासृजमानम् अतिष्ठद् ऋचः सामानि यजूंषि गाम् अश्वम् अजाम् अविं व्रीहिं यवं ब्राह्मणं राजन्यं वैश्यं शूद्रं यद् इदं किंचित् तत् सर्वम्

tad ekadhā bhūtvāsṛjamānam atiṣṭhad ṛcaḥ sāmāni yajūṃṣi gām aśvam ajām aviṃ vrīhiṃ yavaṃ brāhmaṇaṃ rājanyaṃ vaiśyaṃ śūdraṃ yad idaṃ kiṃcit tat sarvam

Sanskrit only: no published translation is held for this verse.

तद् एभ्य आचक्षतेदं वै वस् तद् वामं वस्व् एकधा भूत्वासृजमानं तिष्ठतीति

tad ebhya ācakṣatedaṃ vai vas tad vāmaṃ vasv ekadhā bhūtvāsṛjamānaṃ tiṣṭhatīti

Sanskrit only: no published translation is held for this verse.

ते देवा असुरान् अजयन्

te devā asurān ajayan

Sanskrit only: no published translation is held for this verse.

ते विजिग्यानाः पुनर् आयन्त एकं भूतम् अभ्यवायन्

te vijigyānāḥ punar āyanta ekaṃ bhūtam abhyavāyan

Sanskrit only: no published translation is held for this verse.

तन् न व्यजानतेदं मम वामम् इदं ममेति

tan na vyajānatedaṃ mama vāmam idaṃ mameti

Sanskrit only: no published translation is held for this verse.

ते ऽब्रुवन् वीदं भजामहा इति

te 'bruvan vīdaṃ bhajāmahā iti

Sanskrit only: no published translation is held for this verse.

तस्य विभागे न समपादयन्

tasya vibhāge na samapādayan

Sanskrit only: no published translation is held for this verse.

तद् एवैनान् अब्रवीत् सर्वान् एव वो मया स्तोष्यन्ति सर्वान् वो ऽहम् अवैष्यामि मा मा विभग्ध्वम् इति

tad evainān abravīt sarvān eva vo mayā stoṣyanti sarvān vo 'ham avaiṣyāmi mā mā vibhagdhvam iti

Sanskrit only: no published translation is held for this verse.

तद् यद् गायत्रीषु स्तुवन्ति तेनाग्नेयम्

tad yad gāyatrīṣu stuvanti tenāgneyam

Sanskrit only: no published translation is held for this verse.

गायत्रो ह्य् अग्निः

gāyatro hy agniḥ

Sanskrit only: no published translation is held for this verse.

यत् पृष्ठं माध्यंदिनं तेनैन्द्रम्

yat pṛṣṭhaṃ mādhyaṃdinaṃ tenaindram

Sanskrit only: no published translation is held for this verse.

यत् कवतीषु स्तुवन्ति तेन प्राजापत्यम्

yat kavatīṣu stuvanti tena prājāpatyam

Sanskrit only: no published translation is held for this verse.

यद् अनिरुक्तं तेन वैश्वदेवम्

yad aniruktaṃ tena vaiśvadevam

Sanskrit only: no published translation is held for this verse.

यन् मैत्रावरुणाय स्तुवन्ति तेन मैत्रावरुणम्

yan maitrāvaruṇāya stuvanti tena maitrāvaruṇam

Sanskrit only: no published translation is held for this verse.

तद् एनान् अब्रवीत् सृजध्वं मद् इति

tad enān abravīt sṛjadhvaṃ mad iti

Sanskrit only: no published translation is held for this verse.

तथेति

tatheti

Sanskrit only: no published translation is held for this verse.

तद् अभ्यस्वरन्

tad abhyasvaran

Sanskrit only: no published translation is held for this verse.

तद् अब्रुवन् सृजस्वेति

tad abruvan sṛjasveti

Sanskrit only: no published translation is held for this verse.