Jaiminīya Brāhmaṇa of the Sāmaveda (in part) 1.147

अथ नौधसम्

atha naudhasam

Sanskrit only: no published translation is held for this verse.

नोधा वै काक्षीवतो ज्योग् अप्रतिष्ठितश् चरन् सो ऽकामयत प्रतितिष्ठेयम् इति

nodhā vai kākṣīvato jyog apratiṣṭhitaś caran so 'kāmayata pratitiṣṭheyam iti

Sanskrit only: no published translation is held for this verse.

स ह देवान् ब्रह्म विभजमानान् उपावपपात

sa ha devān brahma vibhajamānān upāvapapāta

Sanskrit only: no published translation is held for this verse.

स होवाचर्षिर् अस्मि मन्त्रकृत् स ज्योग् अप्रतिष्ठितो ऽचार्षं तस्मै म एनद् दत्त येन प्रतितिष्ठेयम् इति

sa hovācarṣir asmi mantrakṛt sa jyog apratiṣṭhito 'cārṣaṃ tasmai ma enad datta yena pratitiṣṭheyam iti

Sanskrit only: no published translation is held for this verse.

तस्मै ह ब्रह्मणो रसस्य ददुः

tasmai ha brahmaṇo rasasya daduḥ

Sanskrit only: no published translation is held for this verse.

तद् एव नौधसम् अभवत्

tad eva naudhasam abhavat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

ततो वै स प्रत्यतिष्ठत्

tato vai sa pratyatiṣṭhat

Sanskrit only: no published translation is held for this verse.

तद् एतत् प्रतिष्ठा साम

tad etat pratiṣṭhā sāma

Sanskrit only: no published translation is held for this verse.

प्रतितिष्ठति य एवं वेद

pratitiṣṭhati ya evaṃ veda

Sanskrit only: no published translation is held for this verse.

ब्रह्मणो ह वा एष रसो यन् नौधसम्

brahmaṇo ha vā eṣa raso yan naudhasam

Sanskrit only: no published translation is held for this verse.

ब्रह्मणा हास्य रसेन स्तुतं भवति य एवं विद्वान् नौधसेन स्तुते

brahmaṇā hāsya rasena stutaṃ bhavati ya evaṃ vidvān naudhasena stute

Sanskrit only: no published translation is held for this verse.

तद् द्व्यक्षरणिधनं भवति प्रतिष्ठायै

tad dvyakṣaraṇidhanaṃ bhavati pratiṣṭhāyai

Sanskrit only: no published translation is held for this verse.

द्विपाद् वै यजमानः प्रतिष्ठित्यै

dvipād vai yajamānaḥ pratiṣṭhityai

Sanskrit only: no published translation is held for this verse.

यद् उ नोधाः काक्षीवतो ऽपश्यत् तस्मान् नौधसम् इत्य् आख्यायते

yad u nodhāḥ kākṣīvato 'paśyat tasmān naudhasam ity ākhyāyate

Sanskrit only: no published translation is held for this verse.