Jaiminīya Brāhmaṇa of the Sāmaveda (in part) 1.148

श्यैतं पशुकामः कुर्वीत

śyaitaṃ paśukāmaḥ kurvīta

Sanskrit only: no published translation is held for this verse.

प्रजापतिः पशून् असृजत

prajāpatiḥ paśūn asṛjata

Sanskrit only: no published translation is held for this verse.

ते ऽस्मात् सृष्टा अपाक्रामन्

te 'smāt sṛṣṭā apākrāman

Sanskrit only: no published translation is held for this verse.

सो ऽकामयत न मत् पशवो ऽपक्रामेयुर् अभि मावर्तेरन्न् इति

so 'kāmayata na mat paśavo 'pakrāmeyur abhi māvarterann iti

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

स वसु इत्य् एव निधनम् उपैत्

sa vasu ity eva nidhanam upait

Sanskrit only: no published translation is held for this verse.

तत् पशवो वै वसु

tat paśavo vai vasu

Sanskrit only: no published translation is held for this verse.

ततो वै तं पशवो ऽभ्यावर्तन्त

tato vai taṃ paśavo 'bhyāvartanta

Sanskrit only: no published translation is held for this verse.

ततो ऽस्माद् अनपक्रमिणो ऽभवन्

tato 'smād anapakramiṇo 'bhavan

Sanskrit only: no published translation is held for this verse.

सो ऽब्रवीच्छ्येती वा इमान् पशून् अकृषीति

so 'bravīcchyetī vā imān paśūn akṛṣīti

Sanskrit only: no published translation is held for this verse.

तद् एव श्यैतस्य श्यैतत्वम्

tad eva śyaitasya śyaitatvam

Sanskrit only: no published translation is held for this verse.

तद् एतत् पशव्यं साम

tad etat paśavyaṃ sāma

Sanskrit only: no published translation is held for this verse.

श्येतीकृता एनं पशव उपतिष्ठन्ते ऽभ्य् एनं पशव आवर्तन्ते नास्मात् पशवो ऽपक्रामन्ति य एवं वेद

śyetīkṛtā enaṃ paśava upatiṣṭhante 'bhy enaṃ paśava āvartante nāsmāt paśavo 'pakrāmanti ya evaṃ veda

Sanskrit only: no published translation is held for this verse.

तद् द्व्यक्षरणिधनं भवति प्रतिष्ठायै

tad dvyakṣaraṇidhanaṃ bhavati pratiṣṭhāyai

Sanskrit only: no published translation is held for this verse.

द्विपाद् वै यजमानः प्रतिष्ठित्यै

dvipād vai yajamānaḥ pratiṣṭhityai

Sanskrit only: no published translation is held for this verse.