ऋचा वा असुरा आयन् साम्ना देवाः
ṛcā vā asurā āyan sāmnā devāḥ
Sanskrit only: no published translation is held for this verse.
Library·Jaiminīya Brāhmaṇa of the Sāmaveda (in part)·1·1.154
Jaiminīya Brāhmaṇa of the Sāmaveda (in part) 1.154
ते देवा असुरान् ऋच्य् एव निगृह्य साम्नापीडयन्
te devā asurān ṛcy eva nigṛhya sāmnāpīḍayan
Sanskrit only: no published translation is held for this verse.
ऐव पीडयेद् द्विषतो भ्रातृव्यस्य व्यधाय
aiva pīḍayed dviṣato bhrātṛvyasya vyadhāya
Sanskrit only: no published translation is held for this verse.
इन्द्रां सबाध ऊतो या इति बृहद् गायन्तः सुतसोमे धोरो इति रथन्तरसाम्नः
indrāṃ sabādha ūto yā iti bṛhad gāyantaḥ sutasome dhoro iti rathantarasāmnaḥ
Sanskrit only: no published translation is held for this verse.
धोरो इति बृहत्साम्नः
dhoro iti bṛhatsāmnaḥ
Sanskrit only: no published translation is held for this verse.
उभे ह वा एते एतद् अनु
ubhe ha vā ete etad anu
Sanskrit only: no published translation is held for this verse.
तस्माद् उभे रूपे गायेद् यच् च राथन्तरं यच् च बार्हतम्
tasmād ubhe rūpe gāyed yac ca rāthantaraṃ yac ca bārhatam
Sanskrit only: no published translation is held for this verse.
नाना वा एनयोर् ब्रह्मसामनी भवतः
nānā vā enayor brahmasāmanī bhavataḥ
Sanskrit only: no published translation is held for this verse.
अथैतद् उभे अनु
athaitad ubhe anu
Sanskrit only: no published translation is held for this verse.
तस्माद् उभे एव रूपे गायेत्
tasmād ubhe eva rūpe gāyet
Sanskrit only: no published translation is held for this verse.
तद् ऐडं भवति
tad aiḍaṃ bhavati
Sanskrit only: no published translation is held for this verse.
पशवो वा इडा
paśavo vā iḍā
Sanskrit only: no published translation is held for this verse.
पशुभिर् वाव ते तान् अकालयन्त
paśubhir vāva te tān akālayanta
Sanskrit only: no published translation is held for this verse.
तस्माद् यत् पशुमांश् चापशुश् च भ्रातृव्यौ स्पर्धेते य एव पशुमान् भवति स एव तयोर् अभिभवति
tasmād yat paśumāṃś cāpaśuś ca bhrātṛvyau spardhete ya eva paśumān bhavati sa eva tayor abhibhavati
Sanskrit only: no published translation is held for this verse.
एतद्ध वै साम प्रजा इमा अनुव्यास
etaddha vai sāma prajā imā anuvyāsa
Sanskrit only: no published translation is held for this verse.
ते तस्यैतां नितताम् इडाम् अन्तत उपयन्ति प्रजानां यथायतनाद् अनुद्घाताय
te tasyaitāṃ nitatām iḍām antata upayanti prajānāṃ yathāyatanād anudghātāya
Sanskrit only: no published translation is held for this verse.
तस्मात् प्रजा यथायतनाद् अनुद्धताः
tasmāt prajā yathāyatanād anuddhatāḥ
Sanskrit only: no published translation is held for this verse.
देवाः पितरो मनुष्यास् ते ऽन्यत आसन्न् असुरा रक्षांसि पिशाचा अन्यतः
devāḥ pitaro manuṣyās te 'nyata āsann asurā rakṣāṃsi piśācā anyataḥ
Sanskrit only: no published translation is held for this verse.
त एषु लोकेष्व् अस्पर्धन्त
ta eṣu lokeṣv aspardhanta
Sanskrit only: no published translation is held for this verse.
अथ ह कलयो गन्धर्वा अन्तःस्थां चेरुर् नेतरान् नेतरान् आद्रियमाणाः
atha ha kalayo gandharvā antaḥsthāṃ cerur netarān netarān ādriyamāṇāḥ
Sanskrit only: no published translation is held for this verse.
ते देवाः पितरो मनुष्या असुरान् रक्षांसि पिशाचान् अभ्यभवन्
te devāḥ pitaro manuṣyā asurān rakṣāṃsi piśācān abhyabhavan
Sanskrit only: no published translation is held for this verse.
त इमान् लोकान् व्यभजन्त देवलोकम् एव देवा अभजन्त पितृलोकं पितरो मनुष्यलोकं मनुष्याः
ta imān lokān vyabhajanta devalokam eva devā abhajanta pitṛlokaṃ pitaro manuṣyalokaṃ manuṣyāḥ
Sanskrit only: no published translation is held for this verse.
तान् कलयो गन्धर्वा एत्याब्रुवन्न् अनु न एषु लोकेष्व् आभजतेति
tān kalayo gandharvā etyābruvann anu na eṣu lokeṣv ābhajateti
Sanskrit only: no published translation is held for this verse.
ते ऽब्रुवन्न् अनाद्रियमाणा वै यूयम् अचारिष्ट नेतरान् नेतरान् आद्रियमाणा इति
te 'bruvann anādriyamāṇā vai yūyam acāriṣṭa netarān netarān ādriyamāṇā iti
Sanskrit only: no published translation is held for this verse.
अथ वै वो मनसान्वासिष्महीत्य् अब्रुवन्न् अन्व् एव न आभजतेति
atha vai vo manasānvāsiṣmahīty abruvann anv eva na ābhajateti
Sanskrit only: no published translation is held for this verse.