नेत्य् अब्रुवन् साधुविभक्ता नो लोकास् तान् न शक्ष्यामः संलोभयितुम् इति
nety abruvan sādhuvibhaktā no lokās tān na śakṣyāmaḥ saṃlobhayitum iti
Sanskrit only: no published translation is held for this verse.
Library·Jaiminīya Brāhmaṇa of the Sāmaveda (in part)·1·1.155
Jaiminīya Brāhmaṇa of the Sāmaveda (in part) 1.155
ते ऽब्रुवन् यद् वयम् इह स्वयं पश्यामस् तद् अस्माकम् अस्त्व् इति
te 'bruvan yad vayam iha svayaṃ paśyāmas tad asmākam astv iti
Sanskrit only: no published translation is held for this verse.
तेभ्य एताः कलिन्दाः प्रायच्छन्न् एतासु श्राम्यतेति
tebhya etāḥ kalindāḥ prāyacchann etāsu śrāmyateti
Sanskrit only: no published translation is held for this verse.
तद् यत् कलिभ्यः कलिन्दाः प्रायच्छंस् तत् कलिन्दानां कलिन्दत्वम्
tad yat kalibhyaḥ kalindāḥ prāyacchaṃs tat kalindānāṃ kalindatvam
Sanskrit only: no published translation is held for this verse.
स एतत् कलिर् वैतदन्यः सामापश्यत्
sa etat kalir vaitadanyaḥ sāmāpaśyat
Sanskrit only: no published translation is held for this verse.
तेनास्तुत
tenāstuta
Sanskrit only: no published translation is held for this verse.
तेनेमम् अवान्तरदेशं दुर्यन्तं लोकम् अपश्यत्
tenemam avāntaradeśaṃ duryantaṃ lokam apaśyat
Sanskrit only: no published translation is held for this verse.
तम् अजयत्
tam ajayat
Sanskrit only: no published translation is held for this verse.
तद् एतल् लोकवित् साम
tad etal lokavit sāma
Sanskrit only: no published translation is held for this verse.
विन्दते लोकम् एतेन तुष्टुवानः
vindate lokam etena tuṣṭuvānaḥ
Sanskrit only: no published translation is held for this verse.
गन्धर्वलोकतां ह त्वाव नातिजयति
gandharvalokatāṃ ha tvāva nātijayati
Sanskrit only: no published translation is held for this verse.
गन्धर्वलोकान्तम् इवैव जयति
gandharvalokāntam ivaiva jayati
Sanskrit only: no published translation is held for this verse.
यद् उ कलिर् वैतदन्यो ऽपश्यत् तस्मात् कालेयम् इत्य् आख्यायते
yad u kalir vaitadanyo 'paśyat tasmāt kāleyam ity ākhyāyate
Sanskrit only: no published translation is held for this verse.
देवा वै पूर्वाभ्यां सवनाभ्यां तृतीयसवनं प्रवृह्य स्वर्गं लोकम् आयन्
devā vai pūrvābhyāṃ savanābhyāṃ tṛtīyasavanaṃ pravṛhya svargaṃ lokam āyan
Sanskrit only: no published translation is held for this verse.
त इमे लोका व्यवृह्यन्त वि यज्ञो ऽवृह्यत
ta ime lokā vyavṛhyanta vi yajño 'vṛhyata
Sanskrit only: no published translation is held for this verse.
ते देवा अकामयन्त सम् इमान् लोकान् दध्याम सं यज्ञं दध्यामेति
te devā akāmayanta sam imān lokān dadhyāma saṃ yajñaṃ dadhyāmeti
Sanskrit only: no published translation is held for this verse.
त एतत् सामापश्यन्
ta etat sāmāpaśyan
Sanskrit only: no published translation is held for this verse.
तेनास्तुवत
tenāstuvata
Sanskrit only: no published translation is held for this verse.
तेनेमान् लोकान् समदधुः सं यज्ञम् अदधुः
tenemān lokān samadadhuḥ saṃ yajñam adadhuḥ
Sanskrit only: no published translation is held for this verse.
तद् यद् इमान् लोकान् समदधुस् तद् वा अस्य स्वर्ग्यम्
tad yad imān lokān samadadhus tad vā asya svargyam
Sanskrit only: no published translation is held for this verse.
तेन गन्धर्वलोकताम् अतिजयति
tena gandharvalokatām atijayati
Sanskrit only: no published translation is held for this verse.
तरो वै यज्ञः स्तोमो विदद्वसुः
taro vai yajñaḥ stomo vidadvasuḥ
Sanskrit only: no published translation is held for this verse.
यज्ञेन च वाव ते तत् स्तोमेन चेमान् लोकान् समदधुः सं यज्ञम् अदधुः
yajñena ca vāva te tat stomena cemān lokān samadadhuḥ saṃ yajñam adadhuḥ
Sanskrit only: no published translation is held for this verse.
यज्ञेन चैवास्य स्तोमेन च यज्ञः संहितो भवतीमे च लोका य एवं वेद
yajñena caivāsya stomena ca yajñaḥ saṃhito bhavatīme ca lokā ya evaṃ veda
Sanskrit only: no published translation is held for this verse.
सोमो ह खलु वै राजा कालेयम्
somo ha khalu vai rājā kāleyam
Sanskrit only: no published translation is held for this verse.
सदेवो हास्य यज्ञो भवति
sadevo hāsya yajño bhavati
Sanskrit only: no published translation is held for this verse.
यथा ह वा इदं बद्धवत्सा हिंकरकृती धावत्य् एवं ह वाव तम् इन्द्रः सोमम् आगच्छति यस्मिन् कालेयेन स्तुवन्ति
yathā ha vā idaṃ baddhavatsā hiṃkarakṛtī dhāvaty evaṃ ha vāva tam indraḥ somam āgacchati yasmin kāleyena stuvanti
Sanskrit only: no published translation is held for this verse.
तस्माद् उ हैतस्मात् साम्नो नैव कदाचनेयात् सेन्द्रो मे सदेवो यज्ञो ऽसद् इति
tasmād u haitasmāt sāmno naiva kadācaneyāt sendro me sadevo yajño 'sad iti
Sanskrit only: no published translation is held for this verse.
सेन्द्रम् एवैतेन सदेवं यज्ञं कुरुते
sendram evaitena sadevaṃ yajñaṃ kurute
Sanskrit only: no published translation is held for this verse.
तद् ऐडम् अच्छावाकसाम भवति
tad aiḍam acchāvākasāma bhavati
Sanskrit only: no published translation is held for this verse.
पशवो वा इडा
paśavo vā iḍā
Sanskrit only: no published translation is held for this verse.
पशुष्व् एव तत् प्रतितिष्ठति
paśuṣv eva tat pratitiṣṭhati
Sanskrit only: no published translation is held for this verse.