Jaiminīya Brāhmaṇa of the Sāmaveda (in part) 1.156

द्वे वावेदम् अग्रे सवने आस्ताम्

dve vāvedam agre savane āstām

Sanskrit only: no published translation is held for this verse.

द्वाभ्यां वावेदं सवनाभ्यां देवा अग्रे व्यजयन्त

dvābhyāṃ vāvedaṃ savanābhyāṃ devā agre vyajayanta

Sanskrit only: no published translation is held for this verse.

तान् विजित्य यथालोकम् आसीनान् इन्द्र एत्याब्रवीत् त्रीणि छन्दांसि त्रयः प्राणापानव्यानास् त्रय इमे लोकास् त्रिर् देवेष्व् इत्य् आहुर् एत इमानि त्रीणि सवनानि करवामेति

tān vijitya yathālokam āsīnān indra etyābravīt trīṇi chandāṃsi trayaḥ prāṇāpānavyānās traya ime lokās trir deveṣv ity āhur eta imāni trīṇi savanāni karavāmeti

Sanskrit only: no published translation is held for this verse.

ते ऽब्रुवन् न शक्ष्यामो ऽनेन न्वाव वयं पूर्वेण कर्मणा परिश्रान्ताः स्म इति

te 'bruvan na śakṣyāmo 'nena nvāva vayaṃ pūrveṇa karmaṇā pariśrāntāḥ sma iti

Sanskrit only: no published translation is held for this verse.

स इन्द्रो ऽब्रवीत् स वा अहं मद् एवाधि तृतीयसवनं निर्मिमा इति

sa indro 'bravīt sa vā ahaṃ mad evādhi tṛtīyasavanaṃ nirmimā iti

Sanskrit only: no published translation is held for this verse.

स आत्मन एवाधि तृतीयसवनं निरमिमीत

sa ātmana evādhi tṛtīyasavanaṃ niramimīta

Sanskrit only: no published translation is held for this verse.

तद् इन्द्रो ह वा एतद् देवतानां यत् तृतीयसवनम्

tad indro ha vā etad devatānāṃ yat tṛtīyasavanam

Sanskrit only: no published translation is held for this verse.

इन्द्रेण हास्य देवतानां स्तुतं भवति य एवं विद्वांस् तृतीयसवनेन स्तुते

indreṇa hāsya devatānāṃ stutaṃ bhavati ya evaṃ vidvāṃs tṛtīyasavanena stute

Sanskrit only: no published translation is held for this verse.

धीतम् इव वै तृतीयसवनम्

dhītam iva vai tṛtīyasavanam

Sanskrit only: no published translation is held for this verse.

जागतं सुपर्ण आहरन्न् अधयत्

jāgataṃ suparṇa āharann adhayat

Sanskrit only: no published translation is held for this verse.

तद् एतत् पीडितम् इव

tad etat pīḍitam iva

Sanskrit only: no published translation is held for this verse.

स्वादिष्ठयेति स्वदयन्त्य् एवैनत् तेन

svādiṣṭhayeti svadayanty evainat tena

Sanskrit only: no published translation is held for this verse.

मदिष्ठयेति रसम् एवास्मिंस् तन् मदं दधति

madiṣṭhayeti rasam evāsmiṃs tan madaṃ dadhati

Sanskrit only: no published translation is held for this verse.

आशिरम् अवनयन्ति पशुना चरन्त्य् ऐवैनत् तेन प्याययन्ति

āśiram avanayanti paśunā caranty aivainat tena pyāyayanti

Sanskrit only: no published translation is held for this verse.

रक्षोहा विश्वचर्षणिर् अभि योनिम् अयोहत इति पूर्वयोर् एवैष सवनयोर् अभिसंक्रमः

rakṣohā viśvacarṣaṇir abhi yonim ayohata iti pūrvayor evaiṣa savanayor abhisaṃkramaḥ

Sanskrit only: no published translation is held for this verse.

तासु गायत्रम् उक्तब्राह्मणम्

tāsu gāyatram uktabrāhmaṇam

Sanskrit only: no published translation is held for this verse.