अथो हैतद् अवच्छिन्नम् इवैव माध्यंदिनात् सवनात् तृतीयसवनम्
atho haitad avacchinnam ivaiva mādhyaṃdināt savanāt tṛtīyasavanam
Sanskrit only: no published translation is held for this verse.
Library·Jaiminīya Brāhmaṇa of the Sāmaveda (in part)·1·1.158
Jaiminīya Brāhmaṇa of the Sāmaveda (in part) 1.158
ते देवा एतद् व्यवेक्ष्याविदुर् अवच्छिन्नम् इव वा इदं माध्यंदिनात् सवनात् तृतीयसवनम् इति
te devā etad vyavekṣyāvidur avacchinnam iva vā idaṃ mādhyaṃdināt savanāt tṛtīyasavanam iti
Sanskrit only: no published translation is held for this verse.
त एतत् सामापश्यन्
ta etat sāmāpaśyan
Sanskrit only: no published translation is held for this verse.
तेनैतत् समदधुः
tenaitat samadadhuḥ
Sanskrit only: no published translation is held for this verse.
यत् समदधुस् तद् व् एव संहितस्य संहितत्वम्
yat samadadhus tad v eva saṃhitasya saṃhitatvam
Sanskrit only: no published translation is held for this verse.
संहितं हास्यैतत् तृतीयसवनम् अनवच्छिन्नं भवति य एवं वेद
saṃhitaṃ hāsyaitat tṛtīyasavanam anavacchinnaṃ bhavati ya evaṃ veda
Sanskrit only: no published translation is held for this verse.
अथोष्णिक्ककुभौ
athoṣṇikkakubhau
Sanskrit only: no published translation is held for this verse.
उष्णिक्ककुब्भ्यां वा इन्द्रो वृत्राय वज्रम् उदयच्छद् गायत्र्योस् तिष्ठन् ते एनं नोदयच्छताम्
uṣṇikkakubbhyāṃ vā indro vṛtrāya vajram udayacchad gāyatryos tiṣṭhan te enaṃ nodayacchatām
Sanskrit only: no published translation is held for this verse.
तयोश् चतुष्पदः पशून् उपादधाद् गां चाश्वं चाजां चाविं च
tayoś catuṣpadaḥ paśūn upādadhād gāṃ cāśvaṃ cājāṃ cāviṃ ca
Sanskrit only: no published translation is held for this verse.
ते एनम् उदयच्छताम्
te enam udayacchatām
Sanskrit only: no published translation is held for this verse.
स उष्णिक्ककुभोस् तिष्ठन् सभपौष्कले बाहू कृत्वा प्राहरत्
sa uṣṇikkakubhos tiṣṭhan sabhapauṣkale bāhū kṛtvā prāharat
Sanskrit only: no published translation is held for this verse.
तम् अहन्
tam ahan
Sanskrit only: no published translation is held for this verse.
हन्ति द्विषन्तं भ्रातृव्यं य एवं वेद
hanti dviṣantaṃ bhrātṛvyaṃ ya evaṃ veda
Sanskrit only: no published translation is held for this verse.