Jaiminīya Brāhmaṇa of the Sāmaveda (in part) 1.160

तासु सभं यज्ञस्यैव सभतायै

tāsu sabhaṃ yajñasyaiva sabhatāyai

Sanskrit only: no published translation is held for this verse.

यद्ध वै किं च यज्ञस्य दुःष्टुतं दुश्शस्तं विधुरं तस्य ह वा एतत् सभतायै

yaddha vai kiṃ ca yajñasya duḥṣṭutaṃ duśśastaṃ vidhuraṃ tasya ha vā etat sabhatāyai

Sanskrit only: no published translation is held for this verse.

सभम् अविभम् असद् इति ह वा एतेन स्तुवन्ति

sabham avibham asad iti ha vā etena stuvanti

Sanskrit only: no published translation is held for this verse.

साभं ह वा एतन् नाम

sābhaṃ ha vā etan nāma

Sanskrit only: no published translation is held for this verse.

सभेन वै देवा असुराणां तेजो बलम् इन्द्रियं वीर्यं पशून् अन्नाद्यं सभेन सभम् आत्मानम् अध्यकुर्वत

sabhena vai devā asurāṇāṃ tejo balam indriyaṃ vīryaṃ paśūn annādyaṃ sabhena sabham ātmānam adhyakurvata

Sanskrit only: no published translation is held for this verse.

तत् सभस्य सभत्वम्

tat sabhasya sabhatvam

Sanskrit only: no published translation is held for this verse.

सभेनैव द्विषतो भ्रातृव्यस्य तेजो बलम् इन्द्रियं वीर्यं पशून् अन्नाद्यं सभेन सभम् आत्मानम् अधिकुरुते य एवं वेद

sabhenaiva dviṣato bhrātṛvyasya tejo balam indriyaṃ vīryaṃ paśūn annādyaṃ sabhena sabham ātmānam adhikurute ya evaṃ veda

Sanskrit only: no published translation is held for this verse.

प्रजापतिः पशून् असृजत

prajāpatiḥ paśūn asṛjata

Sanskrit only: no published translation is held for this verse.

ते ऽस्मात् सृष्टा अपाक्रामन्

te 'smāt sṛṣṭā apākrāman

Sanskrit only: no published translation is held for this verse.

सो ऽकामयत न मत् पशवो ऽपक्रामेयुर् अभि मावर्तेरन्न् इति

so 'kāmayata na mat paśavo 'pakrāmeyur abhi māvarterann iti

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

ततो वै तं पशवो ऽभ्यावर्तन्त ततो ऽस्माद् अनपक्रामिणो ऽभवन्

tato vai taṃ paśavo 'bhyāvartanta tato 'smād anapakrāmiṇo 'bhavan

Sanskrit only: no published translation is held for this verse.

सो ऽब्रवीत् सभो वै पशुभिर् अभूवम् इति

so 'bravīt sabho vai paśubhir abhūvam iti

Sanskrit only: no published translation is held for this verse.

तद् व् एव सभस्य सभत्वम्

tad v eva sabhasya sabhatvam

Sanskrit only: no published translation is held for this verse.

सभो हाविभः पशुभिर् भवति य एवं वेद

sabho hāvibhaḥ paśubhir bhavati ya evaṃ veda

Sanskrit only: no published translation is held for this verse.

तद् उ काकुभं स्वारं भवति

tad u kākubhaṃ svāraṃ bhavati

Sanskrit only: no published translation is held for this verse.

प्राणो वै स्वरः पुरुषच्छन्दसं ककुप्

prāṇo vai svaraḥ puruṣacchandasaṃ kakup

Sanskrit only: no published translation is held for this verse.

ज्यैष्ठ्यं वै प्राणो ज्यैष्ठ्यं पुरुषः

jyaiṣṭhyaṃ vai prāṇo jyaiṣṭhyaṃ puruṣaḥ

Sanskrit only: no published translation is held for this verse.

ज्यैष्ठ्येनैव तज् ज्यैष्ठ्यं संदधति ज्यैष्ठ्येन ज्यैष्ठ्ये प्रतितिष्ठन्ति

jyaiṣṭhyenaiva taj jyaiṣṭhyaṃ saṃdadhati jyaiṣṭhyena jyaiṣṭhye pratitiṣṭhanti

Sanskrit only: no published translation is held for this verse.

अथो यजमानम् एव तत् प्राणेन समर्धयन्ति

atho yajamānam eva tat prāṇena samardhayanti

Sanskrit only: no published translation is held for this verse.

सम् अस्मा ऋध्यते य एवं वेद

sam asmā ṛdhyate ya evaṃ veda

Sanskrit only: no published translation is held for this verse.

तान् एकरूपान् न व्यजानात्

tān ekarūpān na vyajānāt

Sanskrit only: no published translation is held for this verse.

स एतत् पौष्कलं सामापश्यत्

sa etat pauṣkalaṃ sāmāpaśyat

Sanskrit only: no published translation is held for this verse.

तेनैषां रूपाणि व्याकरोत्

tenaiṣāṃ rūpāṇi vyākarot

Sanskrit only: no published translation is held for this verse.

ते नानारूपा अभवञ्छ्वेतो रोहितः कृष्णः

te nānārūpā abhavañchveto rohitaḥ kṛṣṇaḥ

Sanskrit only: no published translation is held for this verse.

एकरूपा ह वाव ते ततः पुरासू रोहिता एव

ekarūpā ha vāva te tataḥ purāsū rohitā eva

Sanskrit only: no published translation is held for this verse.

बहुरूपान् नानारूपान् पशून् अवरुन्द्धे बहुपशुर् भवति य एवं वेद

bahurūpān nānārūpān paśūn avarunddhe bahupaśur bhavati ya evaṃ veda

Sanskrit only: no published translation is held for this verse.

अथ पौष्कलम्

atha pauṣkalam

Sanskrit only: no published translation is held for this verse.

पुष्कल आङ्गिरसः पशुकामस् तपो ऽतप्यत

puṣkala āṅgirasaḥ paśukāmas tapo 'tapyata

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

ततो वै स पशून् अवारुन्द्ध

tato vai sa paśūn avārunddha

Sanskrit only: no published translation is held for this verse.

तद् एतत् पशव्यं साम

tad etat paśavyaṃ sāma

Sanskrit only: no published translation is held for this verse.

अव पशून् रुन्द्धे बहुपशुर् भवति य एवं वेद

ava paśūn runddhe bahupaśur bhavati ya evaṃ veda

Sanskrit only: no published translation is held for this verse.

यद् उ पुष्कल आङ्गिरसो ऽपश्यत् तस्मात् पौष्कलम् इत्य् आख्यायते

yad u puṣkala āṅgiraso 'paśyat tasmāt pauṣkalam ity ākhyāyate

Sanskrit only: no published translation is held for this verse.

तच् चतुरक्षरणिधनं भवति

tac caturakṣaraṇidhanaṃ bhavati

Sanskrit only: no published translation is held for this verse.

चतुष्पदा वै पशवः

catuṣpadā vai paśavaḥ

Sanskrit only: no published translation is held for this verse.

पशव उष्णिक्

paśava uṣṇik

Sanskrit only: no published translation is held for this verse.

अभि पूर्वाणाम् एव पशूनाम् अवरुद्ध्यै

abhi pūrvāṇām eva paśūnām avaruddhyai

Sanskrit only: no published translation is held for this verse.