Jaiminīya Brāhmaṇa of the Sāmaveda (in part) 1.164

पुरोजिती वो अन्धस एह्य् आ सूताय मादयित्नवा एह्य् आ आप श्वानं श्नाथिष्टाना

purojitī vo andhasa ehy ā sūtāya mādayitnavā ehy ā āpa śvānaṃ śnāthiṣṭānā

Sanskrit only: no published translation is held for this verse.

तम् ऐ हो वा एह्य् आ इत्य् एव मरुतः स्वर्गे लोक उपाह्वयन्त

tam ai ho vā ehy ā ity eva marutaḥ svarge loka upāhvayanta

Sanskrit only: no published translation is held for this verse.

ततो वै स प्रतिसत्त्रिभिः समगच्छत

tato vai sa pratisattribhiḥ samagacchata

Sanskrit only: no published translation is held for this verse.

स हैष मरुद्भिर् एव सह श्यावाश्वः

sa haiṣa marudbhir eva saha śyāvāśvaḥ

Sanskrit only: no published translation is held for this verse.

तद् एतत् स्वर्ग्यं साम

tad etat svargyaṃ sāma

Sanskrit only: no published translation is held for this verse.

अश्नुते स्वर्गं लोकं य एवं वेद

aśnute svargaṃ lokaṃ ya evaṃ veda

Sanskrit only: no published translation is held for this verse.

यद् उ श्यावाश्व आर्चनानसो ऽपश्यत् तस्माच् छ्यावाश्वम् इत्य् आख्यायत

yad u śyāvāśva ārcanānaso 'paśyat tasmāc chyāvāśvam ity ākhyāyata

Sanskrit only: no published translation is held for this verse.

इन्द्रो वै तृतीयसवनाद् बीभत्समान उदक्रामत्

indro vai tṛtīyasavanād bībhatsamāna udakrāmat

Sanskrit only: no published translation is held for this verse.

धीतम् इव ह्य् आसीत्

dhītam iva hy āsīt

Sanskrit only: no published translation is held for this verse.

तम् एतेन विश्वे देवाः साम्नाह्वयन्त ओ हो इ या इति

tam etena viśve devāḥ sāmnāhvayanta o ho i yā iti

Sanskrit only: no published translation is held for this verse.

ततो वा इन्द्रस् तृतीयसवनम् उपावर्तत

tato vā indras tṛtīyasavanam upāvartata

Sanskrit only: no published translation is held for this verse.

ततो ऽस्माद् अनपक्रम्य् अभवत्

tato 'smād anapakramy abhavat

Sanskrit only: no published translation is held for this verse.

तद् एतत् सेन्द्रं साम

tad etat sendraṃ sāma

Sanskrit only: no published translation is held for this verse.

सेन्द्रो हास्य सदेवो यज्ञो भवत्य् अभ्य् अस्येन्द्रो यज्ञम् आवर्तते नास्येन्द्रो यज्ञाद् अपक्रामति य एवं वेद

sendro hāsya sadevo yajño bhavaty abhy asyendro yajñam āvartate nāsyendro yajñād apakrāmati ya evaṃ veda

Sanskrit only: no published translation is held for this verse.

तत् स्वारं भवति

tat svāraṃ bhavati

Sanskrit only: no published translation is held for this verse.

प्राणो वै स्वरः

prāṇo vai svaraḥ

Sanskrit only: no published translation is held for this verse.

वीव वा एते प्राणैर् ऋध्यन्ते ये यज्ञियस्य कर्मणो ऽतिपादयन्ति यदि वा नातिपादयन्ति

vīva vā ete prāṇair ṛdhyante ye yajñiyasya karmaṇo 'tipādayanti yadi vā nātipādayanti

Sanskrit only: no published translation is held for this verse.

को हि तद् वेद यदि ते ऽति वा पादयन्ति न वा

ko hi tad veda yadi te 'ti vā pādayanti na vā

Sanskrit only: no published translation is held for this verse.

तद् यत् स्वारं भवति प्राणैर् एव तत् समृध्यन्ते

tad yat svāraṃ bhavati prāṇair eva tat samṛdhyante

Sanskrit only: no published translation is held for this verse.