Jaiminīya Brāhmaṇa of the Sāmaveda (in part) 1.165

अथान्धीगवम्

athāndhīgavam

Sanskrit only: no published translation is held for this verse.

मध्येनिधनं भवति प्रतिष्ठायै

madhyenidhanaṃ bhavati pratiṣṭhāyai

Sanskrit only: no published translation is held for this verse.

समुद्रं वा एते ऽनारम्भणं प्रप्लवन्ते य आर्भवं पवमानम् उपयन्ति

samudraṃ vā ete 'nārambhaṇaṃ praplavante ya ārbhavaṃ pavamānam upayanti

Sanskrit only: no published translation is held for this verse.

तद् यन् मध्येनिधनं भवति प्रतिष्ठित्या एव

tad yan madhyenidhanaṃ bhavati pratiṣṭhityā eva

Sanskrit only: no published translation is held for this verse.

तद् यथा वा अदः समुद्रं प्रस्नाय द्वीपं वित्त्वोपोत्स्नाय विश्राम्यन्न् आस्त एवं ह वा एतन् निधनम् उपेत्य कामं विश्राम्यन्त आसीरन्न् अस्तुवानाः

tad yathā vā adaḥ samudraṃ prasnāya dvīpaṃ vittvopotsnāya viśrāmyann āsta evaṃ ha vā etan nidhanam upetya kāmaṃ viśrāmyanta āsīrann astuvānāḥ

Sanskrit only: no published translation is held for this verse.

तद् ऐडं भवति

tad aiḍaṃ bhavati

Sanskrit only: no published translation is held for this verse.

पशवो वा इडा

paśavo vā iḍā

Sanskrit only: no published translation is held for this verse.

पशवः कृत्स्नम् अन्नाद्यम्

paśavaḥ kṛtsnam annādyam

Sanskrit only: no published translation is held for this verse.

यो वा अनवसो ऽध्वानं प्रैति नैनं स समश्नुते

yo vā anavaso 'dhvānaṃ praiti nainaṃ sa samaśnute

Sanskrit only: no published translation is held for this verse.

अथ यः सावसः प्रैति स एवैनं समश्नुते

atha yaḥ sāvasaḥ praiti sa evainaṃ samaśnute

Sanskrit only: no published translation is held for this verse.

अयं वाव समुद्रो ऽनारम्भणो यद् इदम् अन्तरिक्षम्

ayaṃ vāva samudro 'nārambhaṇo yad idam antarikṣam

Sanskrit only: no published translation is held for this verse.

तस्य नानवसेनेत्थं गतिर् अस्ति नेत्थम्

tasya nānavasenetthaṃ gatir asti nettham

Sanskrit only: no published translation is held for this verse.

तद् एतत् पशून् एव कृत्स्नम् अन्नाद्यम् अवसं कृत्वा यन्ति

tad etat paśūn eva kṛtsnam annādyam avasaṃ kṛtvā yanti

Sanskrit only: no published translation is held for this verse.

शाक्त्या अन्नाद्यकामा अदीक्षन्त

śāktyā annādyakāmā adīkṣanta

Sanskrit only: no published translation is held for this verse.

स एतद् अन्धीगुः शाक्त्यः सामापश्यत्

sa etad andhīguḥ śāktyaḥ sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

तस्यैतां दशाक्षरां विराजं मध्यत उपयन्ति

tasyaitāṃ daśākṣarāṃ virājaṃ madhyata upayanti

Sanskrit only: no published translation is held for this verse.

दशाक्षरा विराट्

daśākṣarā virāṭ

Sanskrit only: no published translation is held for this verse.

अन्नं विराट्

annaṃ virāṭ

Sanskrit only: no published translation is held for this verse.

ततो वै ते विराजम् अन्नाद्यम् अवारुन्धत

tato vai te virājam annādyam avārundhata

Sanskrit only: no published translation is held for this verse.

तद् एतद् विराजो ऽन्नाद्यस्यावरुद्धिः साम

tad etad virājo 'nnādyasyāvaruddhiḥ sāma

Sanskrit only: no published translation is held for this verse.

अव विराजम् अन्नाद्यं रुन्द्धे ऽन्नादः श्रेष्ठः स्वानां भवति य एवं वेद

ava virājam annādyaṃ runddhe 'nnādaḥ śreṣṭhaḥ svānāṃ bhavati ya evaṃ veda

Sanskrit only: no published translation is held for this verse.

यद् व् अन्धीगुः शाक्त्यो ऽपश्यत् तस्माद् आन्धीगवम् इत्य् आख्यायते

yad v andhīguḥ śāktyo 'paśyat tasmād āndhīgavam ity ākhyāyate

Sanskrit only: no published translation is held for this verse.