Jaiminīya Brāhmaṇa of the Sāmaveda (in part) 1.166

अथैता भवन्ति अभि प्रियाणि पवते चनोहित इति

athaitā bhavanti abhi priyāṇi pavate canohita iti

Sanskrit only: no published translation is held for this verse.

प्रजापतिः प्रजा असृजत

prajāpatiḥ prajā asṛjata

Sanskrit only: no published translation is held for this verse.

ता अप्राणा असृजत

tā aprāṇā asṛjata

Sanskrit only: no published translation is held for this verse.

ताभ्य एताभिर् एवर्ग्भिः प्राणान् अदधाद् अभि प्रियाणि पवते चनोहित इति

tābhya etābhir evargbhiḥ prāṇān adadhād abhi priyāṇi pavate canohita iti

Sanskrit only: no published translation is held for this verse.

प्रजा वै प्रियम्

prajā vai priyam

Sanskrit only: no published translation is held for this verse.

ता अभीत्य् एव प्राणेनाभ्यपवत

tā abhīty eva prāṇenābhyapavata

Sanskrit only: no published translation is held for this verse.

नामानि यह्वो अधि येषु वर्धत इति

nāmāni yahvo adhi yeṣu vardhata iti

Sanskrit only: no published translation is held for this verse.

महा वै प्रजानामानि

mahā vai prajānāmāni

Sanskrit only: no published translation is held for this verse.

आ सूर्यस्य बृहतो बृहन्न् अधि रथं विष्वञ्चम् अरुहद् विचक्षण इति

ā sūryasya bṛhato bṛhann adhi rathaṃ viṣvañcam aruhad vicakṣaṇa iti

Sanskrit only: no published translation is held for this verse.

प्राणो वै विष्वङ्

prāṇo vai viṣvaṅ

Sanskrit only: no published translation is held for this verse.

सो ऽयं विष्व् अञ्चति

so 'yaṃ viṣv añcati

Sanskrit only: no published translation is held for this verse.

ता एता आयुष्या ऋचः

tā etā āyuṣyā ṛcaḥ

Sanskrit only: no published translation is held for this verse.

सर्वम् आयुर् एत्य् एताभिर् ऋग्भिस् तुष्टुवानः

sarvam āyur ety etābhir ṛgbhis tuṣṭuvānaḥ

Sanskrit only: no published translation is held for this verse.

तासु कावम्

tāsu kāvam

Sanskrit only: no published translation is held for this verse.

कविर् वै भार्गवो देवेष्व् अमर्त्यं गन्धर्वलोकम् ऐच्छत

kavir vai bhārgavo deveṣv amartyaṃ gandharvalokam aicchata

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

ततो वै स देवेष्व् अमर्त्यं गन्धर्वलोकम् आश्नुत

tato vai sa deveṣv amartyaṃ gandharvalokam āśnuta

Sanskrit only: no published translation is held for this verse.

तद् एतल् लोकवित् साम

tad etal lokavit sāma

Sanskrit only: no published translation is held for this verse.

अश्नुते देवेष्व् अमर्त्यं गन्धर्वलोकम् एतेन तुष्टुवानः

aśnute deveṣv amartyaṃ gandharvalokam etena tuṣṭuvānaḥ

Sanskrit only: no published translation is held for this verse.

यद् उ कविर् भार्गवो ऽपश्यत् तस्मात् कावम् इत्य् आख्यायते

yad u kavir bhārgavo 'paśyat tasmāt kāvam ity ākhyāyate

Sanskrit only: no published translation is held for this verse.

तत् स्वारं भवति

tat svāraṃ bhavati

Sanskrit only: no published translation is held for this verse.

स्वरेण वै देवेभ्यो ऽन्ततो ऽन्नाद्यं प्रदीयते

svareṇa vai devebhyo 'ntato 'nnādyaṃ pradīyate

Sanskrit only: no published translation is held for this verse.

ऋक्समं पवमानान्ते भवति

ṛksamaṃ pavamānānte bhavati

Sanskrit only: no published translation is held for this verse.

नर्चा सामातिरेचयन्ति नर्चं साम्ना

narcā sāmātirecayanti narcaṃ sāmnā

Sanskrit only: no published translation is held for this verse.

तद् यद् इहेव चेहेव च पवमाने न स्तुवत एतस्यैव समतायै समं क्ﾱप्त्यै

tad yad iheva ceheva ca pavamāne na stuvata etasyaiva samatāyai samaṃ kﾱptyai

Sanskrit only: no published translation is held for this verse.

पदानुस्वारं पुरस्ताद् गायत्रं भवति पदानुस्वारम् उपरिष्टात् पवमानान्ते

padānusvāraṃ purastād gāyatraṃ bhavati padānusvāram upariṣṭāt pavamānānte

Sanskrit only: no published translation is held for this verse.

तस्माद् उभयतःप्राणाः प्रजा ऊर्ध्वाश् चावाचीश् च

tasmād ubhayataḥprāṇāḥ prajā ūrdhvāś cāvācīś ca

Sanskrit only: no published translation is held for this verse.

यां ह खलु वै पितापुत्रौ नावम् अजतो न सा रिष्यति

yāṃ ha khalu vai pitāputrau nāvam ajato na sā riṣyati

Sanskrit only: no published translation is held for this verse.

दैव्य् एषा नौर् यद् यज्ञः

daivy eṣā naur yad yajñaḥ

Sanskrit only: no published translation is held for this verse.

ताव् एतत् पितापुत्राव् एवाजतः

tāv etat pitāputrāv evājataḥ

Sanskrit only: no published translation is held for this verse.

औशनं पुरस्ताद् भवति कावम् उपरिष्टाद् यज्ञस्यैवारिष्ट्यै

auśanaṃ purastād bhavati kāvam upariṣṭād yajñasyaivāriṣṭyai

Sanskrit only: no published translation is held for this verse.

तस्माद् यद् दाशा नावम् अधिरोहन्ति पितापुत्रौ हैवाग्रे ऽधिरोहतः

tasmād yad dāśā nāvam adhirohanti pitāputrau haivāgre 'dhirohataḥ

Sanskrit only: no published translation is held for this verse.

पञ्चैतानि छन्दांस्य् आर्भवे पवमाने भवन्ति सप्त सामानि

pañcaitāni chandāṃsy ārbhave pavamāne bhavanti sapta sāmāni

Sanskrit only: no published translation is held for this verse.

तद् द्वादश सम्पद्यन्ते

tad dvādaśa sampadyante

Sanskrit only: no published translation is held for this verse.

द्वादश मासाः संवत्सरः

dvādaśa māsāḥ saṃvatsaraḥ

Sanskrit only: no published translation is held for this verse.

पञ्चो एवामूनि सामानि माध्यंदिने पवमाने भवन्त्य् ऋतव एव

pañco evāmūni sāmāni mādhyaṃdine pavamāne bhavanty ṛtava eva

Sanskrit only: no published translation is held for this verse.

मासा एवार्भवे पवमाने कल्पन्त ऋतवो माध्यंदिने

māsā evārbhave pavamāne kalpanta ṛtavo mādhyaṃdine

Sanskrit only: no published translation is held for this verse.

स हैष संवत्सर एव व्यूढो यद् यज्ञः

sa haiṣa saṃvatsara eva vyūḍho yad yajñaḥ

Sanskrit only: no published translation is held for this verse.