Jaiminīya Brāhmaṇa of the Sāmaveda (in part) 1.167

प्रजापतिर् ह खलु वा एष यः संवत्सरः

prajāpatir ha khalu vā eṣa yaḥ saṃvatsaraḥ

Sanskrit only: no published translation is held for this verse.

स ह स षण् मासो ऽन्यतरम् अन्यतरं पादम् उद्ग्राहं तिष्ठति

sa ha sa ṣaṇ māso 'nyataram anyataraṃ pādam udgrāhaṃ tiṣṭhati

Sanskrit only: no published translation is held for this verse.

स यदोष्णम् उद्गृह्णात्य् अथ हेदम् उपर्य् उष्णो भवत्य् अध उ ह तदा शीतो भवति

sa yadoṣṇam udgṛhṇāty atha hedam upary uṣṇo bhavaty adha u ha tadā śīto bhavati

Sanskrit only: no published translation is held for this verse.

तस्माद् ग्रीष्म उपर्य् उष्णो ऽधः शीतम् अधिगम्यते

tasmād grīṣma upary uṣṇo 'dhaḥ śītam adhigamyate

Sanskrit only: no published translation is held for this verse.

तस्माद् उ ग्रीष्मे शीताः कूप्या अप उदाहरन्ति

tasmād u grīṣme śītāḥ kūpyā apa udāharanti

Sanskrit only: no published translation is held for this verse.

अथ यदा शीतम् उद्गृह्णात्य् अथ हेदम् उपरि शीतो भवत्य् अध उ ह तदोष्णो भवति

atha yadā śītam udgṛhṇāty atha hedam upari śīto bhavaty adha u ha tadoṣṇo bhavati

Sanskrit only: no published translation is held for this verse.

तस्माद्धेमन्न् उपरि शीतो ऽध उष्णम् अधिगम्यते

tasmāddhemann upari śīto 'dha uṣṇam adhigamyate

Sanskrit only: no published translation is held for this verse.

तस्माद् उ हेमन्न् उष्णाः कूप्या अप उदाहरन्ति

tasmād u hemann uṣṇāḥ kūpyā apa udāharanti

Sanskrit only: no published translation is held for this verse.

एवं ह वा एष प्रजापतिः संवत्सरः प्रजा बिभर्ति

evaṃ ha vā eṣa prajāpatiḥ saṃvatsaraḥ prajā bibharti

Sanskrit only: no published translation is held for this verse.

अथ ह वा एतं सौम्यं चरुम् आहरन्ति

atha ha vā etaṃ saumyaṃ carum āharanti

Sanskrit only: no published translation is held for this verse.

यद्ध वा उद्गातुर् यज्ञ ऊनं वातिरिक्तं वा कुर्वतो मीयते यमलोकं ह वा अस्य तद् गच्छति

yaddha vā udgātur yajña ūnaṃ vātiriktaṃ vā kurvato mīyate yamalokaṃ ha vā asya tad gacchati

Sanskrit only: no published translation is held for this verse.

तद्धापि मृतोदीरिण आहुर् यमस्यैतत् सभायाम् अपश्याम इति

taddhāpi mṛtodīriṇa āhur yamasyaitat sabhāyām apaśyāma iti

Sanskrit only: no published translation is held for this verse.

तद् एतेन पुनर् आह्रियते यद् एतं सौम्यं चरुम् आहरन्ति

tad etena punar āhriyate yad etaṃ saumyaṃ carum āharanti

Sanskrit only: no published translation is held for this verse.

तं हावेक्षेत यन् मे मनो यमं गतं यद् वा मे अपरागतं राज्ञा सोमेन तद् वयं पुनर् अस्मासु दध्मसि मनसि मे चक्षुर् अधाश् चक्षुषि मे मन आयुष्मत्या ऋचो मा छैत्सि मा साम्नो भागधेयाद् वि योषम् इति

taṃ hāvekṣeta yan me mano yamaṃ gataṃ yad vā me aparāgataṃ rājñā somena tad vayaṃ punar asmāsu dadhmasi manasi me cakṣur adhāś cakṣuṣi me mana āyuṣmatyā ṛco mā chaitsi mā sāmno bhāgadheyād vi yoṣam iti

Sanskrit only: no published translation is held for this verse.

तद्धापि छायां पर्यवेक्षेतात्मनो ऽप्रणाशाय

taddhāpi chāyāṃ paryavekṣetātmano 'praṇāśāya

Sanskrit only: no published translation is held for this verse.

अथो सर्पिषो ऽक्ष्योर् आदधीत चक्षुष आप्यायनाय

atho sarpiṣo 'kṣyor ādadhīta cakṣuṣa āpyāyanāya

Sanskrit only: no published translation is held for this verse.

तद् अपि विज्ञानम् असत्

tad api vijñānam asat

Sanskrit only: no published translation is held for this verse.

य आत्मानं न परिपश्येद् अपेतासुः स स्यात्

ya ātmānaṃ na paripaśyed apetāsuḥ sa syāt

Sanskrit only: no published translation is held for this verse.

तस्मात् सत्याद् अप्य् आज्यं भूय आनीय पर्य् एवात्मानं दिदृक्षेत सर्वस्यायुषो ऽवरुद्ध्यै

tasmāt satyād apy ājyaṃ bhūya ānīya pary evātmānaṃ didṛkṣeta sarvasyāyuṣo 'varuddhyai

Sanskrit only: no published translation is held for this verse.