Jaiminīya Brāhmaṇa of the Sāmaveda (in part) 1.168

अङ्गिरसां वै सत्त्रम् आसीनानां शर्करा अक्षिष्व् अजायन्त

aṅgirasāṃ vai sattram āsīnānāṃ śarkarā akṣiṣv ajāyanta

Sanskrit only: no published translation is held for this verse.

ते ऽकामयन्तानन्धाः स्याम प्रपश्येमेति

te 'kāmayantānandhāḥ syāma prapaśyemeti

Sanskrit only: no published translation is held for this verse.

त एतं सौम्यं श्यामं चरुम् अक्षिष्व् आदधत

ta etaṃ saumyaṃ śyāmaṃ carum akṣiṣv ādadhata

Sanskrit only: no published translation is held for this verse.

तम् एतेन मन्त्रेणादधत येन ह्य् आजिम् अजयन् नृचक्षा येन श्येनं शकुनं सुपर्णं यद् आहुश् चक्षुर् अदिताव् अनन्तं सोमो नृचक्षा मयि तद् दधात्व् इति

tam etena mantreṇādadhata yena hy ājim ajayan nṛcakṣā yena śyenaṃ śakunaṃ suparṇaṃ yad āhuś cakṣur aditāv anantaṃ somo nṛcakṣā mayi tad dadhātv iti

Sanskrit only: no published translation is held for this verse.

ततो वै ते ऽनन्धा अभवन् प्रापश्यन्

tato vai te 'nandhā abhavan prāpaśyan

Sanskrit only: no published translation is held for this verse.

अनन्धो हैव भवति प्रपश्यति य एवं वेद

anandho haiva bhavati prapaśyati ya evaṃ veda

Sanskrit only: no published translation is held for this verse.

तद् आहुः प्राश्या३ न प्राश्या३ इति

tad āhuḥ prāśyā3 na prāśyā3 iti

Sanskrit only: no published translation is held for this verse.

स यो ऽनूचानः सन्न् अयश ऋतः स्यात् स हि तं प्राश्नीयात्

sa yo 'nūcānaḥ sann ayaśa ṛtaḥ syāt sa hi taṃ prāśnīyāt

Sanskrit only: no published translation is held for this verse.

अनूचान इह वा अलं यशसे

anūcāna iha vā alaṃ yaśase

Sanskrit only: no published translation is held for this verse.

स यो ऽनूचानः सन्न् अयश ऋतो भवत्य् अमुं ह वै तस्य लोकं यशो गतं भवति

sa yo 'nūcānaḥ sann ayaśa ṛto bhavaty amuṃ ha vai tasya lokaṃ yaśo gataṃ bhavati

Sanskrit only: no published translation is held for this verse.

तद् एतेन पुनर् आह्रियते यद् एतं सौम्यं श्यामं चरुं प्राश्नाति

tad etena punar āhriyate yad etaṃ saumyaṃ śyāmaṃ caruṃ prāśnāti

Sanskrit only: no published translation is held for this verse.

तद् उ होवाच शाट्यायनिर् नैवैष प्राश्यः कस् ततो यश आहरेद् यत्र भूयसी रात्रीर् वत्स्यन् स्याद् इति

tad u hovāca śāṭyāyanir naivaiṣa prāśyaḥ kas tato yaśa āhared yatra bhūyasī rātrīr vatsyan syād iti

Sanskrit only: no published translation is held for this verse.

तस्माद् उ हैतं नैव प्राश्नीयात्

tasmād u haitaṃ naiva prāśnīyāt

Sanskrit only: no published translation is held for this verse.