Jaiminīya Brāhmaṇa of the Sāmaveda (in part) 1.171

नार्मेधं नाथकामः कुर्वीत

nārmedhaṃ nāthakāmaḥ kurvīta

Sanskrit only: no published translation is held for this verse.

नृमेधश् च वै सुव्रतश् च भ्रातरौ

nṛmedhaś ca vai suvrataś ca bhrātarau

Sanskrit only: no published translation is held for this verse.

तौ ह निकान्वियादधाते

tau ha nikānviyādadhāte

Sanskrit only: no published translation is held for this verse.

स ह नृमेधः सुव्रतस्योज्जगौ

sa ha nṛmedhaḥ suvratasyojjagau

Sanskrit only: no published translation is held for this verse.

तद्ध यज्ञायज्ञीयेनैवास्तुतम् आस

taddha yajñāyajñīyenaivāstutam āsa

Sanskrit only: no published translation is held for this verse.

अथ हैनम् आसस्रुर् यजमानस्य वै त उद्गातुः पुत्रौ पुत्रम् अमीमरताम् अन्तकधृतिं सौव्रतिं नकिरश् च शकपूतश् चेति

atha hainam āsasrur yajamānasya vai ta udgātuḥ putrau putram amīmaratām antakadhṛtiṃ sauvratiṃ nakiraś ca śakapūtaś ceti

Sanskrit only: no published translation is held for this verse.

तं ह बाहू परामृशन्न् उवाच ब्राह्मणा एष वो यज्ञस् तेन यं कामयध्वे तं याजयत अनेन न्वा अहं तं शातयिष्य इति

taṃ ha bāhū parāmṛśann uvāca brāhmaṇā eṣa vo yajñas tena yaṃ kāmayadhve taṃ yājayata anena nvā ahaṃ taṃ śātayiṣya iti

Sanskrit only: no published translation is held for this verse.

तं हौदुम्बर्याम् अनुवेष्ट्य शणशलाकाभिर् उपादीपयांचकार

taṃ haudumbaryām anuveṣṭya śaṇaśalākābhir upādīpayāṃcakāra

Sanskrit only: no published translation is held for this verse.

सो ऽकामयतोद् इत इयां गातुं नाथं विन्देय न मायम् अग्निर् दहेद् इति

so 'kāmayatod ita iyāṃ gātuṃ nāthaṃ vindeya na māyam agnir dahed iti

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

ततो वै स गातुं नाथम् अविन्दत

tato vai sa gātuṃ nātham avindata

Sanskrit only: no published translation is held for this verse.

नैनम् अग्निर् अदहत्

nainam agnir adahat

Sanskrit only: no published translation is held for this verse.

अपि ह तच् छुल्बकं प्रददाह येनानुवेष्टित आस

api ha tac chulbakaṃ pradadāha yenānuveṣṭita āsa

Sanskrit only: no published translation is held for this verse.

तद् एतद् गातुविन् नाथवित् साम

tad etad gātuvin nāthavit sāma

Sanskrit only: no published translation is held for this verse.

गातुं वै स तन् नाथम् अविन्दत

gātuṃ vai sa tan nātham avindata

Sanskrit only: no published translation is held for this verse.

विन्दते गातुं नाथं य एवं वेद

vindate gātuṃ nāthaṃ ya evaṃ veda

Sanskrit only: no published translation is held for this verse.

यद् उ नृमेधो ऽपश्यत् तस्मान् नार्मेधम् इत्य् आख्यायते

yad u nṛmedho 'paśyat tasmān nārmedham ity ākhyāyate

Sanskrit only: no published translation is held for this verse.