Library·Jaiminīya Brāhmaṇa of the Sāmaveda (in part)·1·1.181
तानि वा एतानि त्रीणि सन्ति द्विदेवत्यान्य् ऐन्द्रावरुणम् ऐन्द्राबार्हस्पत्यम् ऐन्द्रावैष्णवम् इति
tāni vā etāni trīṇi santi dvidevatyāny aindrāvaruṇam aindrābārhaspatyam aindrāvaiṣṇavam iti
Sanskrit only: no published translation is held for this verse.
एता वाव ते ऽतः षट् कामदुघा उदाहरन् गां चाश्वं चाजां चाविं च व्रीहिं च यवं च
etā vāva te 'taḥ ṣaṭ kāmadughā udāharan gāṃ cāśvaṃ cājāṃ cāviṃ ca vrīhiṃ ca yavaṃ ca
Sanskrit only: no published translation is held for this verse.
उपैनम् एताः षट् कामदुघास् तिष्ठन्ते य एवं वेद
upainam etāḥ ṣaṭ kāmadughās tiṣṭhante ya evaṃ veda
Sanskrit only: no published translation is held for this verse.
एतावान् वाव यज्ञो यावान् अग्निष्टोमः
etāvān vāva yajño yāvān agniṣṭomaḥ
Sanskrit only: no published translation is held for this verse.
तद् आहुर् यद् एतावान् एव यज्ञो यावान् अग्निष्टोमस् तस्मिन्न् अन्तगते किम् अभ्य् उक्थानि प्रणयन्तीति
tad āhur yad etāvān eva yajño yāvān agniṣṭomas tasminn antagate kim abhy ukthāni praṇayantīti
Sanskrit only: no published translation is held for this verse.
स ब्रूयाद् यज्ञायज्ञीयस्यैकाद् अक्षराद् ऊना ऋचः
sa brūyād yajñāyajñīyasyaikād akṣarād ūnā ṛcaḥ
Sanskrit only: no published translation is held for this verse.
तद् यज्ञस्य छिद्रम्
tad yajñasya chidram
Sanskrit only: no published translation is held for this verse.
तद् अभि प्रणयन्तीति
tad abhi praṇayantīti
Sanskrit only: no published translation is held for this verse.
प्रवतीभ्यः प्रणयन्त्य् एहिवतीषु
pravatībhyaḥ praṇayanty ehivatīṣu
Sanskrit only: no published translation is held for this verse.
प्रेति च वा इदं सर्वम् एति च
preti ca vā idaṃ sarvam eti ca
Sanskrit only: no published translation is held for this verse.
यज्ञम् एवास्मिंस् तत् सम्यञ्चं दधति
yajñam evāsmiṃs tat samyañcaṃ dadhati
Sanskrit only: no published translation is held for this verse.
आग्नेयीषु प्रणयन्त्य् आग्नेयीभ्यः
āgneyīṣu praṇayanty āgneyībhyaḥ
Sanskrit only: no published translation is held for this verse.
यथाग्नाव् अग्नीन् अभिसमादध्यात् तादृक् तत्
yathāgnāv agnīn abhisamādadhyāt tādṛk tat
Sanskrit only: no published translation is held for this verse.
यो वा एकम् अग्निं सन्तं बहुधा विहरेद् बहव एव स्युः
yo vā ekam agniṃ santaṃ bahudhā vihared bahava eva syuḥ
Sanskrit only: no published translation is held for this verse.
य उ एनान् बहून् सतः सार्धं संहरेद् एक एव स्यात्
ya u enān bahūn sataḥ sārdhaṃ saṃhared eka eva syāt
Sanskrit only: no published translation is held for this verse.
स यथाग्नाव् अग्नीन् अभिसमादध्यात् तादृक् तत्
sa yathāgnāv agnīn abhisamādadhyāt tādṛk tat
Sanskrit only: no published translation is held for this verse.