Jaiminīya Brāhmaṇa of the Sāmaveda (in part) 1.185

त्रैककुभम् अन्नाद्यकामः कुर्वीत

traikakubham annādyakāmaḥ kurvīta

Sanskrit only: no published translation is held for this verse.

इन्द्रो यतीन् सालावृकेभ्यः प्रायच्छत्

indro yatīn sālāvṛkebhyaḥ prāyacchat

Sanskrit only: no published translation is held for this verse.

तेषाम् अद्यमानानां त्रयः कुमाराः पर्यशिष्यन्त रायोवाजः पृथुरश्मिर् बृहद्गिरिः

teṣām adyamānānāṃ trayaḥ kumārāḥ paryaśiṣyanta rāyovājaḥ pṛthuraśmir bṛhadgiriḥ

Sanskrit only: no published translation is held for this verse.

त इन्द्रम् अस्तुवन्

ta indram astuvan

Sanskrit only: no published translation is held for this verse.

तान् अब्रवीत् किंकामा मा कुमाराः स्तुथेति

tān abravīt kiṃkāmā mā kumārāḥ stutheti

Sanskrit only: no published translation is held for this verse.

बिभृह्य् एव नो मघवन्न् इत्य् अब्रुवन्

bibhṛhy eva no maghavann ity abruvan

Sanskrit only: no published translation is held for this verse.

तान् अन्तरांसयोर् अध्यास्यत

tān antarāṃsayor adhyāsyata

Sanskrit only: no published translation is held for this verse.

ता अस्य तिस्रः ककुभो ऽलम्बन्त

tā asya tisraḥ kakubho 'lambanta

Sanskrit only: no published translation is held for this verse.

इमे वै लोकाः सह सन्तस् त्रेधा व्यायन्

ime vai lokāḥ saha santas tredhā vyāyan

Sanskrit only: no published translation is held for this verse.

तांस् त्रेधान्नाद्यम् अनुव्यैत्

tāṃs tredhānnādyam anuvyait

Sanskrit only: no published translation is held for this verse.

ता उ एषां त्रयाणां लोकानां तिस्रः ककुभो ऽन्नाद्यम् अन्व् अलम्बन्त

tā u eṣāṃ trayāṇāṃ lokānāṃ tisraḥ kakubho 'nnādyam anv alambanta

Sanskrit only: no published translation is held for this verse.

स ऐक्षतैषां चेद् वै त्रयाणां लोकानां तिस्रः ककुभो ऽन्नाद्यम् अवरुन्धीय इमास् तिस्रः ककुभो ऽवहरेयेति

sa aikṣataiṣāṃ ced vai trayāṇāṃ lokānāṃ tisraḥ kakubho 'nnādyam avarundhīya imās tisraḥ kakubho 'vahareyeti

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

तेनैषां त्रयाणां लोकानां तिस्रः ककुभो ऽन्नाद्यम् अवारुन्द्ध

tenaiṣāṃ trayāṇāṃ lokānāṃ tisraḥ kakubho 'nnādyam avārunddha

Sanskrit only: no published translation is held for this verse.

तेनेमास् तिस्रः ककुभो ऽवाहरत

tenemās tisraḥ kakubho 'vāharata

Sanskrit only: no published translation is held for this verse.

तद् यद् एषां त्रयाणां लोकानां तिस्रः ककुभो ऽन्नाद्यम् अवारुन्द्ध तत् त्रैककुभस्य त्रैककुभत्वम्

tad yad eṣāṃ trayāṇāṃ lokānāṃ tisraḥ kakubho 'nnādyam avārunddha tat traikakubhasya traikakubhatvam

Sanskrit only: no published translation is held for this verse.

तद् एतद् अन्नाद्यस्यावरुद्धिः साम

tad etad annādyasyāvaruddhiḥ sāma

Sanskrit only: no published translation is held for this verse.

अवान्नाद्यं रुन्द्धे ऽन्नादः श्रेष्ठः स्वानां भवति य एवं वेद

avānnādyaṃ runddhe 'nnādaḥ śreṣṭhaḥ svānāṃ bhavati ya evaṃ veda

Sanskrit only: no published translation is held for this verse.