Jaiminīya Brāhmaṇa of the Sāmaveda (in part) 1.192

प्रजापतिर् यद् देवेभ्यस् तन्वो व्यभजत् ततो या हरिवत्य् आसीत् ताम् आत्मने ऽशिंषत्

prajāpatir yad devebhyas tanvo vyabhajat tato yā harivaty āsīt tām ātmane 'śiṃṣat

Sanskrit only: no published translation is held for this verse.

ताम् इन्द्राय प्रायच्छत्

tām indrāya prāyacchat

Sanskrit only: no published translation is held for this verse.

तयेन्द्रो ज्यैष्ठ्यम् अगच्छत्

tayendro jyaiṣṭhyam agacchat

Sanskrit only: no published translation is held for this verse.

तद् यद्धरिवतीषु स्तुवन्ति तद्ध्य् एव ज्यैष्ठ्यम्

tad yaddharivatīṣu stuvanti taddhy eva jyaiṣṭhyam

Sanskrit only: no published translation is held for this verse.

हरिवतीः परोक्षम् अनुष्टुभः सम्पद्यन्ते

harivatīḥ parokṣam anuṣṭubhaḥ sampadyante

Sanskrit only: no published translation is held for this verse.

ताः संस्तुताश् चतुस्त्रिंशदक्षरा भवन्ति

tāḥ saṃstutāś catustriṃśadakṣarā bhavanti

Sanskrit only: no published translation is held for this verse.

ततो ये चतुस्त्रिंशे अक्षरे साम्नस् ताभ्यां लोको विधीयत इत्य् आहुः

tato ye catustriṃśe akṣare sāmnas tābhyāṃ loko vidhīyata ity āhuḥ

Sanskrit only: no published translation is held for this verse.

यत् पञ्चत्रिंशदक्षरासु स्तुयुः परं रूपम् उपपद्येरन् बार्हतम्

yat pañcatriṃśadakṣarāsu stuyuḥ paraṃ rūpam upapadyeran bārhatam

Sanskrit only: no published translation is held for this verse.

यत् त्रयस्त्रिंशदक्षरासु स्तुयुर् अपरं रूपम् उपपद्येरन्न् आनुष्टुभम्

yat trayastriṃśadakṣarāsu stuyur aparaṃ rūpam upapadyerann ānuṣṭubham

Sanskrit only: no published translation is held for this verse.

यत् सप्तदशः स्तोमः स्यात् परमं रूपम् उपपद्येरन्

yat saptadaśaḥ stomaḥ syāt paramaṃ rūpam upapadyeran

Sanskrit only: no published translation is held for this verse.

यत् पञ्चदशः स्तोमः स्याद् अवमं रूपम् उपपद्येरन्

yat pañcadaśaḥ stomaḥ syād avamaṃ rūpam upapadyeran

Sanskrit only: no published translation is held for this verse.

यत् षोडशिना षोडशस्तोमेन चतुस्त्रिंशदक्षरासु स्तुवन्ति स्वेनैवैनं तद् आयतनेन समर्धयन्ति

yat ṣoḍaśinā ṣoḍaśastomena catustriṃśadakṣarāsu stuvanti svenaivainaṃ tad āyatanena samardhayanti

Sanskrit only: no published translation is held for this verse.

तेनैभ्यः समृद्धेन स्वायां जनतायाम् अर्धुकं भवति

tenaibhyaḥ samṛddhena svāyāṃ janatāyām ardhukaṃ bhavati

Sanskrit only: no published translation is held for this verse.

षोडश स्तोत्राणि षोडश शस्त्राणि

ṣoḍaśa stotrāṇi ṣoḍaśa śastrāṇi

Sanskrit only: no published translation is held for this verse.

तद् द्वात्रिंशत्

tad dvātriṃśat

Sanskrit only: no published translation is held for this verse.

द्वात्रिंशदक्षरानुष्टुप्

dvātriṃśadakṣarānuṣṭup

Sanskrit only: no published translation is held for this verse.

आनुष्टुभः षोडश्य् अनुष्टुभं सम्पन्नः

ānuṣṭubhaḥ ṣoḍaśy anuṣṭubhaṃ sampannaḥ

Sanskrit only: no published translation is held for this verse.

देवछन्दसानि वा अन्यान्य् आसन्न् असुरछन्दसान्य् अन्यानि

devachandasāni vā anyāny āsann asurachandasāny anyāni

Sanskrit only: no published translation is held for this verse.