Library·Jaiminīya Brāhmaṇa of the Sāmaveda (in part)·1·1.193

Jaiminīya Brāhmaṇa of the Sāmaveda (in part) 1.193

JB 1.193.1

एकाक्षरं देवानाम् अवमम् आसीत् सप्ताक्षरं परमम्

ekākṣaraṃ devānām avamam āsīt saptākṣaraṃ paramam

Sanskrit only: no published translation is held for this verse.

JB 1.193.2

नवाक्षरम् असुराणाम् अवमम् आसीत् पञ्चदशाक्षरं परमम्

navākṣaram asurāṇām avamam āsīt pañcadaśākṣaraṃ paramam

Sanskrit only: no published translation is held for this verse.

JB 1.193.3

ते देवा अकामयन्त कनीयसा भूयो ऽसुराणां वृञ्जीमहीति

te devā akāmayanta kanīyasā bhūyo 'surāṇāṃ vṛñjīmahīti

Sanskrit only: no published translation is held for this verse.

JB 1.193.4

त एकाक्षरेण पञ्चदशाक्षरम् अवृञ्जत द्व्यक्षरेण चतुर्दशाक्षरं त्र्यक्षरेण त्रयोदशाक्षरं चतुरक्षरेण द्वादशाक्षरं पञ्चाक्षरेणैकादशाक्षरं षडक्षरेण दशाक्षरं सप्ताक्षरेण नवाक्षरम् अष्टाक्षरेणाष्टौ

ta ekākṣareṇa pañcadaśākṣaram avṛñjata dvyakṣareṇa caturdaśākṣaraṃ tryakṣareṇa trayodaśākṣaraṃ caturakṣareṇa dvādaśākṣaraṃ pañcākṣareṇaikādaśākṣaraṃ ṣaḍakṣareṇa daśākṣaraṃ saptākṣareṇa navākṣaram aṣṭākṣareṇāṣṭau

Sanskrit only: no published translation is held for this verse.

JB 1.193.5

तानि यत् षोडश षोडश समपद्यन्त तत् षोडशिनः षोडशित्वम्

tāni yat ṣoḍaśa ṣoḍaśa samapadyanta tat ṣoḍaśinaḥ ṣoḍaśitvam

Sanskrit only: no published translation is held for this verse.

JB 1.193.6

तद् गायत्र्य् एव सप्तदश्य् उपसमपद्यत

tad gāyatry eva saptadaśy upasamapadyata

Sanskrit only: no published translation is held for this verse.

JB 1.193.7

तस्माद् आहुः सप्तदशः प्रजापतिर् इति

tasmād āhuḥ saptadaśaḥ prajāpatir iti