Jaiminīya Brāhmaṇa of the Sāmaveda (in part) 1.201

प्रष्टिर् इव ह खलु वा एतत् स्तोत्राणां यत् षोडशी

praṣṭir iva ha khalu vā etat stotrāṇāṃ yat ṣoḍaśī

Sanskrit only: no published translation is held for this verse.

यद् वै प्रष्टिर् अनियुक्तो वहत्य् अप वा वै स छिनत्ति निर् वा मार्ष्टि

yad vai praṣṭir aniyukto vahaty apa vā vai sa chinatti nir vā mārṣṭi

Sanskrit only: no published translation is held for this verse.

अन्त्येन स्तोत्रेण समस्तोमो भवति

antyena stotreṇa samastomo bhavati

Sanskrit only: no published translation is held for this verse.

स यथा प्रष्टिं प्रष्टियुगाय नियुञ्ज्याद् एवम् एवैतत् पूर्वेषु स्तोत्रेषु षोडशिनम् अनुनियुनक्त्य् अनिर्मार्गाय

sa yathā praṣṭiṃ praṣṭiyugāya niyuñjyād evam evaitat pūrveṣu stotreṣu ṣoḍaśinam anuniyunakty anirmārgāya

Sanskrit only: no published translation is held for this verse.

अनाक्षिद् इव ह खलु वा एतत् स्तोत्राणां यत् षोडशी

anākṣid iva ha khalu vā etat stotrāṇāṃ yat ṣoḍaśī

Sanskrit only: no published translation is held for this verse.

अन्त्येन स्तोत्रेण समस्तोमो भवत्य् अनाक्षित्तायै

antyena stotreṇa samastomo bhavaty anākṣittāyai

Sanskrit only: no published translation is held for this verse.

जामीव ह खलु वा एतत् स्तोत्राणां यत् षोडशी

jāmīva ha khalu vā etat stotrāṇāṃ yat ṣoḍaśī

Sanskrit only: no published translation is held for this verse.

अन्त्येन स्तोत्रेण समस्तोमो भवत्य् अजामितायै

antyena stotreṇa samastomo bhavaty ajāmitāyai

Sanskrit only: no published translation is held for this verse.

पशवो वा उक्थानि

paśavo vā ukthāni

Sanskrit only: no published translation is held for this verse.

वज्रः षोडशी

vajraḥ ṣoḍaśī

Sanskrit only: no published translation is held for this verse.

यद् उक्थानाम् अन्ततः षोडशिना स्तुवन्ति वज्रेणैव तत् पशून् परिगृह्णन्त्य् अपरावापाय

yad ukthānām antataḥ ṣoḍaśinā stuvanti vajreṇaiva tat paśūn parigṛhṇanty aparāvāpāya

Sanskrit only: no published translation is held for this verse.

नास्य वित्तं परोप्यते य एवं वेद

nāsya vittaṃ paropyate ya evaṃ veda

Sanskrit only: no published translation is held for this verse.