Jaiminīya Brāhmaṇa of the Sāmaveda (in part) 1.207

एष वाव सर्वगायत्रो यद् अतिरात्रः

eṣa vāva sarvagāyatro yad atirātraḥ

Sanskrit only: no published translation is held for this verse.

न वै रात्र्या ऋते ऽहर् न रात्रिर् ऋते ऽह्नः

na vai rātryā ṛte 'har na rātrir ṛte 'hnaḥ

Sanskrit only: no published translation is held for this verse.

नैषां लोकानाम् एक एकः

naiṣāṃ lokānām eka ekaḥ

Sanskrit only: no published translation is held for this verse.

अहोरात्रे वा इदं सर्वम् इमे लोका भूतं भव्यं प्रजनयतः

ahorātre vā idaṃ sarvam ime lokā bhūtaṃ bhavyaṃ prajanayataḥ

Sanskrit only: no published translation is held for this verse.

तद् आहुर् न प्रथमं यजमानो ऽतिरात्रेण यजेतेति

tad āhur na prathamaṃ yajamāno 'tirātreṇa yajeteti

Sanskrit only: no published translation is held for this verse.

स्वं च ह्य् अतिमन्यते द्वौ च यज्ञक्रतू

svaṃ ca hy atimanyate dvau ca yajñakratū

Sanskrit only: no published translation is held for this verse.

ब्रह्म वा अग्निष्टोमः

brahma vā agniṣṭomaḥ

Sanskrit only: no published translation is held for this verse.

ब्रह्म वै ब्राह्मणस्य स्वम्

brahma vai brāhmaṇasya svam

Sanskrit only: no published translation is held for this verse.

अग्निष्टोमं च ह्य् अतिमन्यत उक्थ्यं च षोडशिनं च

agniṣṭomaṃ ca hy atimanyata ukthyaṃ ca ṣoḍaśinaṃ ca

Sanskrit only: no published translation is held for this verse.

तद् उ वा आहुर् अग्निष्टोममात्रं वावाग्निष्टोमेनाभिजयत्य् उक्थ्यमात्रम् उक्थ्येन षोडशिमात्रं षोडशिना

tad u vā āhur agniṣṭomamātraṃ vāvāgniṣṭomenābhijayaty ukthyamātram ukthyena ṣoḍaśimātraṃ ṣoḍaśinā

Sanskrit only: no published translation is held for this verse.

रात्र्या त्वाव सर्वम् अवरुन्द्ध इति

rātryā tvāva sarvam avarunddha iti

Sanskrit only: no published translation is held for this verse.

स यो हैवं विद्वान् एकेन यज्ञक्रतुना चतुरो यज्ञक्रतून् संतनोत्य् आस्य चत्वारो वीरा जायन्ते सर्वेषु पशुषु प्रतितिष्ठति

sa yo haivaṃ vidvān ekena yajñakratunā caturo yajñakratūn saṃtanoty āsya catvāro vīrā jāyante sarveṣu paśuṣu pratitiṣṭhati

Sanskrit only: no published translation is held for this verse.