Jaiminīya Brāhmaṇa of the Sāmaveda (in part) 1.209

शर्वरी वै नाम रात्रिः

śarvarī vai nāma rātriḥ

Sanskrit only: no published translation is held for this verse.

ते देवा अब्रुवन्न् अपि वै नश् शर्वर्याम् अभूद् इति

te devā abruvann api vai naś śarvaryām abhūd iti

Sanskrit only: no published translation is held for this verse.

तद् एवापिशर्वराणाम् अपिशर्वरत्वम्

tad evāpiśarvarāṇām apiśarvaratvam

Sanskrit only: no published translation is held for this verse.

अपि ह वा अस्य शर्वर्यां भवति य एवं वेद

api ha vā asya śarvaryāṃ bhavati ya evaṃ veda

Sanskrit only: no published translation is held for this verse.

असुरेषु वा इदम् अग्र आसीत्

asureṣu vā idam agra āsīt

Sanskrit only: no published translation is held for this verse.

तद् देवा अभिजित्याब्रुवन् केन न्व् अहोरात्रे उपरिष्टात् संदध्यामेति

tad devā abhijityābruvan kena nv ahorātre upariṣṭāt saṃdadhyāmeti

Sanskrit only: no published translation is held for this verse.

त एतद् राथन्तरं संधिम् अपश्यन्

ta etad rāthantaraṃ saṃdhim apaśyan

Sanskrit only: no published translation is held for this verse.

तेनाहोरात्रे उपरिष्टात् समदधुः

tenāhorātre upariṣṭāt samadadhuḥ

Sanskrit only: no published translation is held for this verse.

यत् समदधुस् तत् संधेः संधित्वम्

yat samadadhus tat saṃdheḥ saṃdhitvam

Sanskrit only: no published translation is held for this verse.

आश्विनं ह खलु वै संधेर् उक्थम्

āśvinaṃ ha khalu vai saṃdher uktham

Sanskrit only: no published translation is held for this verse.

महति रात्रे संधिना स्तुवन्ति

mahati rātre saṃdhinā stuvanti

Sanskrit only: no published translation is held for this verse.

आ सूर्यस्योदेतोर् आश्विनम् अनुशस्यते

ā sūryasyodetor āśvinam anuśasyate

Sanskrit only: no published translation is held for this verse.

अहोरात्रयोर् एव संतत्या अहोरात्रयोः समारम्भाय

ahorātrayor eva saṃtatyā ahorātrayoḥ samārambhāya

Sanskrit only: no published translation is held for this verse.

अहोरात्रे देवा अभिजित्य ते वज्रम् एव परिधिम् अकुर्वत पशूनां गुप्त्या असुराणाम् अनभ्यवचाराय

ahorātre devā abhijitya te vajram eva paridhim akurvata paśūnāṃ guptyā asurāṇām anabhyavacārāya

Sanskrit only: no published translation is held for this verse.

तद् यद् एता उष्णिहो ऽन्ततः क्रियन्ते वज्रो वा उष्णिहो वज्रेणैव तत् पशून् परिगृह्णन्त्य् अपरावापाय

tad yad etā uṣṇiho 'ntataḥ kriyante vajro vā uṣṇiho vajreṇaiva tat paśūn parigṛhṇanty aparāvāpāya

Sanskrit only: no published translation is held for this verse.

नास्य वित्तं परोप्यते य एवं वेद

nāsya vittaṃ paropyate ya evaṃ veda

Sanskrit only: no published translation is held for this verse.