Jaiminīya Brāhmaṇa of the Sāmaveda (in part) 1.212

अहोरात्राभ्यां वै देवा असुरान् निर्हृत्य तांस् त्रिवृतैव वज्रेणाभिन्यदधुः

ahorātrābhyāṃ vai devā asurān nirhṛtya tāṃs trivṛtaiva vajreṇābhinyadadhuḥ

Sanskrit only: no published translation is held for this verse.

इमे वै लोकास् त्रिवृतः

ime vai lokās trivṛtaḥ

Sanskrit only: no published translation is held for this verse.

एभिर् एवैनांस् तल् लोकैर् अभिन्यदधुः

ebhir evaināṃs tal lokair abhinyadadhuḥ

Sanskrit only: no published translation is held for this verse.

तस्माद् आहुर् नैव तावद् असुरा अन्वाभवितारो यावद् इमे लोका भवितार इति

tasmād āhur naiva tāvad asurā anvābhavitāro yāvad ime lokā bhavitāra iti

Sanskrit only: no published translation is held for this verse.

एभिर् हि लोकैर् अभिनिहिताः

ebhir hi lokair abhinihitāḥ

Sanskrit only: no published translation is held for this verse.

एषा वा अग्निष्टोमस्य च संवत्सरस्य च सम्मा यद् रात्रिः

eṣā vā agniṣṭomasya ca saṃvatsarasya ca sammā yad rātriḥ

Sanskrit only: no published translation is held for this verse.

चतुर्विंशत्यर्धमासः संवत्सरश् चतुर्विंशती रात्र्या उक्थामदानि

caturviṃśatyardhamāsaḥ saṃvatsaraś caturviṃśatī rātryā ukthāmadāni

Sanskrit only: no published translation is held for this verse.

त्रीणि सवनानि त्रयः पर्यायाः

trīṇi savanāni trayaḥ paryāyāḥ

Sanskrit only: no published translation is held for this verse.

रात्रिम् एव तत् त्रिषवणां कुर्वन्ति

rātrim eva tat triṣavaṇāṃ kurvanti

Sanskrit only: no published translation is held for this verse.

अथो एनां तद् अह्न इव समुत्कल्पयन्ति

atho enāṃ tad ahna iva samutkalpayanti

Sanskrit only: no published translation is held for this verse.

अहोरात्रे देवा अभिजित्य ते ऽमुम् आदित्यं सवनैर् एव प्रत्यञ्चम् अनयन्

ahorātre devā abhijitya te 'mum ādityaṃ savanair eva pratyañcam anayan

Sanskrit only: no published translation is held for this verse.

तं पर्यायैः पुनः प्राञ्चम्

taṃ paryāyaiḥ punaḥ prāñcam

Sanskrit only: no published translation is held for this verse.

तम् आश्विनेन पुरस्ताद् उदस्तभ्नुवन्

tam āśvinena purastād udastabhnuvan

Sanskrit only: no published translation is held for this verse.

तस्माद् आहुर् नोदिते सूर्य आश्विनम् अनुशस्यम् इति

tasmād āhur nodite sūrya āśvinam anuśasyam iti

Sanskrit only: no published translation is held for this verse.

वि हैनम् इङ्गयति

vi hainam iṅgayati

Sanskrit only: no published translation is held for this verse.

स य एतद् एवं वेद नीतो ऽस्य सवनैर् असाव् आदित्यः प्रत्यङ् भवत्य् आनीतः पुनः पर्यायैः प्राङ् उत्तब्धः पुरस्ताद् आश्विनेन

sa ya etad evaṃ veda nīto 'sya savanair asāv ādityaḥ pratyaṅ bhavaty ānītaḥ punaḥ paryāyaiḥ prāṅ uttabdhaḥ purastād āśvinena

Sanskrit only: no published translation is held for this verse.

उभे अस्याहोरात्रे स्पृते अवरुद्धे भवतो भोगायास्मा आदित्यः केतूंश् चरति

ubhe asyāhorātre spṛte avaruddhe bhavato bhogāyāsmā ādityaḥ ketūṃś carati

Sanskrit only: no published translation is held for this verse.