Jaiminīya Brāhmaṇa of the Sāmaveda (in part) 1.217

तासु श्रौतकक्षम्

tāsu śrautakakṣam

Sanskrit only: no published translation is held for this verse.

श्रुतकक्षः काक्षीवतः पशुकामस् तपो ऽतप्यत

śrutakakṣaḥ kākṣīvataḥ paśukāmas tapo 'tapyata

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

स एताम् इडाम् उपैत्

sa etām iḍām upait

Sanskrit only: no published translation is held for this verse.

पशवो वा इडा

paśavo vā iḍā

Sanskrit only: no published translation is held for this verse.

ततो वै स पशून् अवारुन्द्ध

tato vai sa paśūn avārunddha

Sanskrit only: no published translation is held for this verse.

तद् एतत् पशव्यं साम

tad etat paśavyaṃ sāma

Sanskrit only: no published translation is held for this verse.

अव पशून् रुन्द्धे बहुपशुर् भवति य एवं वेद

ava paśūn runddhe bahupaśur bhavati ya evaṃ veda

Sanskrit only: no published translation is held for this verse.

तत् पुनर्नितुन्नं छन्दो भवति

tat punarnitunnaṃ chando bhavati

Sanskrit only: no published translation is held for this verse.

यत्र यत्र वै देवाश् छन्दसां रसम् अन्वविन्दंस् तत् पुनर्नितुन्नम् अकुर्वंस् तत् पुनर् अभ्याघ्नन्

yatra yatra vai devāś chandasāṃ rasam anvavindaṃs tat punarnitunnam akurvaṃs tat punar abhyāghnan

Sanskrit only: no published translation is held for this verse.

धीतेवैषा यद् रात्रिः

dhītevaiṣā yad rātriḥ

Sanskrit only: no published translation is held for this verse.

तद् यत् पुनर्नितुन्नं छन्दो भवति रसम् एवास्याम् एतद् दधति रसस्यैवैषानुवृत्तिः

tad yat punarnitunnaṃ chando bhavati rasam evāsyām etad dadhati rasasyaivaiṣānuvṛttiḥ

Sanskrit only: no published translation is held for this verse.

यद् उ श्रुतकक्षः काक्षीवतो ऽपश्यत् तस्माच् छ्रौतकक्षम् इत्य् आख्यायते

yad u śrutakakṣaḥ kākṣīvato 'paśyat tasmāc chrautakakṣam ity ākhyāyate

Sanskrit only: no published translation is held for this verse.

तद् ऐडम् अच्छावाकसाम भवति

tad aiḍam acchāvākasāma bhavati

Sanskrit only: no published translation is held for this verse.

पशवो वा इडा

paśavo vā iḍā

Sanskrit only: no published translation is held for this verse.

पशुष्व् एवैतत् प्रतितिष्ठति

paśuṣv evaitat pratitiṣṭhati

Sanskrit only: no published translation is held for this verse.