Jaiminīya Brāhmaṇa of the Sāmaveda (in part) 1.220

आ तू न इन्द्र क्षुमन्तम् इति वैणवम्

ā tū na indra kṣumantam iti vaiṇavam

Sanskrit only: no published translation is held for this verse.

वेणुर् वै वैश्वामित्रो ऽकामयताग्र्यो मुख्यो ब्रह्मवर्चसी स्याम् इति

veṇur vai vaiśvāmitro 'kāmayatāgryo mukhyo brahmavarcasī syām iti

Sanskrit only: no published translation is held for this verse.

स एतत् सामापश्यत्

sa etat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

ततो वै सो ऽग्र्यो मुख्यो ब्रह्मवर्चस्य् अभवत्

tato vai so 'gryo mukhyo brahmavarcasy abhavat

Sanskrit only: no published translation is held for this verse.

अग्र्यो मुख्यो ब्रह्मवर्चसी भवति य एवं वेद

agryo mukhyo brahmavarcasī bhavati ya evaṃ veda

Sanskrit only: no published translation is held for this verse.

यद् उ वेणुर् वैश्वामित्रो ऽपश्यत् तस्माद् वैणवम् इत्य् आख्यायते

yad u veṇur vaiśvāmitro 'paśyat tasmād vaiṇavam ity ākhyāyate

Sanskrit only: no published translation is held for this verse.

तद् व् एवाचक्षत आपालम् इति

tad v evācakṣata āpālam iti

Sanskrit only: no published translation is held for this verse.

अपाला ह वा आत्रेयी तिलकावारुच्छ्वासा पाप्य् आस

apālā ha vā ātreyī tilakāvārucchvāsā pāpy āsa

Sanskrit only: no published translation is held for this verse.

साकामयताप पापं वर्णं हनीयेति

sākāmayatāpa pāpaṃ varṇaṃ hanīyeti

Sanskrit only: no published translation is held for this verse.

सैतत् सामापश्यत्

saitat sāmāpaśyat

Sanskrit only: no published translation is held for this verse.

तेनास्तुत

tenāstuta

Sanskrit only: no published translation is held for this verse.

सा तीर्थम् अभ्यवयती सोमांशुम् अविन्दत्

sā tīrtham abhyavayatī somāṃśum avindat

Sanskrit only: no published translation is held for this verse.

तं समखादत्

taṃ samakhādat

Sanskrit only: no published translation is held for this verse.

तस्यै ह ग्रावाण इव दन्ता ऊदुः

tasyai ha grāvāṇa iva dantā ūduḥ

Sanskrit only: no published translation is held for this verse.

स इन्द्र आद्रवद् ग्रावाणो वै वदन्तीति

sa indra ādravad grāvāṇo vai vadantīti

Sanskrit only: no published translation is held for this verse.

साभिव्याहरत्

sābhivyāharat

Sanskrit only: no published translation is held for this verse.

कन्या वार् अवायती सोमम् अपि स्रुताविदद् अस्तं भरन्त्य् अब्रवीद् इन्द्राय सुनवै त्वा शक्राय सुनवै त्वेति

kanyā vār avāyatī somam api srutāvidad astaṃ bharanty abravīd indrāya sunavai tvā śakrāya sunavai tveti

Sanskrit only: no published translation is held for this verse.

अस्यै वा इदं ग्रावाण इव दन्ता वदन्तीति विदित्वेन्द्रः पराङ् आवर्तत

asyai vā idaṃ grāvāṇa iva dantā vadantīti viditvendraḥ parāṅ āvartata

Sanskrit only: no published translation is held for this verse.

तम् अब्रवीत्

tam abravīt

Sanskrit only: no published translation is held for this verse.

असौ य एषि वीरको गृहं गृहं विचाकशद् इमं जम्भसुतं पिब धानावन्तं करम्भिणम् अपूपवन्तम् उक्थिनम् इति

asau ya eṣi vīrako gṛhaṃ gṛhaṃ vicākaśad imaṃ jambhasutaṃ piba dhānāvantaṃ karambhiṇam apūpavantam ukthinam iti

Sanskrit only: no published translation is held for this verse.

अनाद्रियमाण एवैत्

anādriyamāṇa evait

Sanskrit only: no published translation is held for this verse.

तम् अब्रवीत्

tam abravīt

Sanskrit only: no published translation is held for this verse.

आ चन त्वा चिकित्सामो ऽधि चन त्वा नेमसीति

ā cana tvā cikitsāmo 'dhi cana tvā nemasīti

Sanskrit only: no published translation is held for this verse.

पुरा मा सर्वयर्चा परास्तौतीत्य् अपपर्यावर्तत

purā mā sarvayarcā parāstautīty apaparyāvartata

Sanskrit only: no published translation is held for this verse.

शनैर् इव शनकैर् इवेन्द्रायेन्दो परि स्रवेत्य् एवास्यै मुखात् सोमं निरधयत्

śanair iva śanakair ivendrāyendo pari sravety evāsyai mukhāt somaṃ niradhayat

Sanskrit only: no published translation is held for this verse.

सोमपीथ इव ह वा अस्य स भवति य एवं विद्वान् स्त्रियै मुखम् उपजिघ्रति

somapītha iva ha vā asya sa bhavati ya evaṃ vidvān striyai mukham upajighrati

Sanskrit only: no published translation is held for this verse.