Jaiminīya Brāhmaṇa of the Sāmaveda (in part) 1.226

अथ मैधातिथम्

atha maidhātitham

Sanskrit only: no published translation is held for this verse.

काण्वायनाः सत्त्राद् उत्थायायन्त आयुञ्जानास् ते होद्गथा इति किमुद्वत्यैतद्धन्वाम् उर्वारुबहुप्रवृत्तं शयानम् उपेयुः

kāṇvāyanāḥ sattrād utthāyāyanta āyuñjānās te hodgathā iti kimudvatyaitaddhanvām urvārubahupravṛttaṃ śayānam upeyuḥ

Sanskrit only: no published translation is held for this verse.

ते ऽकामयन्तेमान् एव पशून् भूतान् उत्सृजेमहीति

te 'kāmayantemān eva paśūn bhūtān utsṛjemahīti

Sanskrit only: no published translation is held for this verse.

स एतन् मेधातिथिः काण्वः सामापश्यत्

sa etan medhātithiḥ kāṇvaḥ sāmāpaśyat

Sanskrit only: no published translation is held for this verse.

तेनोपन्यषीदन्

tenopanyaṣīdan

Sanskrit only: no published translation is held for this verse.

आ त्व् एता नि षीदतेन्द्रम् अभि प्र गायत सखायः स्तोमवाहसः पुरूतमं पुरूणाम् ईशानं वार्याणाम् इन्द्रं सोमे सचा सुते स घा नो योग आ भुवत् स राये स पुरन्ध्याम् इति

ā tv etā ni ṣīdatendram abhi pra gāyata sakhāyaḥ stomavāhasaḥ purūtamaṃ purūṇām īśānaṃ vāryāṇām indraṃ some sacā sute sa ghā no yoga ā bhuvat sa rāye sa purandhyām iti

Sanskrit only: no published translation is held for this verse.

पशवो वै रयिः

paśavo vai rayiḥ

Sanskrit only: no published translation is held for this verse.

ततो वै ते तान् पशून् भूतान् उदसृजन्त

tato vai te tān paśūn bhūtān udasṛjanta

Sanskrit only: no published translation is held for this verse.

हिंकारेण हैवैनान् उत्ससृजिरे

hiṃkāreṇa haivainān utsasṛjire

Sanskrit only: no published translation is held for this verse.

ते हैते ऽत्र पश्चाद् उर्वारुपृश्नय इति पशवः

te haite 'tra paścād urvārupṛśnaya iti paśavaḥ

Sanskrit only: no published translation is held for this verse.

तद् एतत् पशूनाम् उत्सृष्टिः साम

tad etat paśūnām utsṛṣṭiḥ sāma

Sanskrit only: no published translation is held for this verse.

अव पशून् रुन्द्धे बहुपशुर् भवति य एवं वेद

ava paśūn runddhe bahupaśur bhavati ya evaṃ veda

Sanskrit only: no published translation is held for this verse.

यद् उ मेधातिथिः काण्वो ऽपश्यत् तस्मान् मैधातिथम् इत्य् आख्यायते

yad u medhātithiḥ kāṇvo 'paśyat tasmān maidhātitham ity ākhyāyate

Sanskrit only: no published translation is held for this verse.