Library·Jaiminīya Brāhmaṇa of the Sāmaveda (in part)·1·1.229
तद् आहू रथन्तरम् एव प्रथमे तृचे स्याद् वामदेव्यं द्वितीये बृहत् तृतीय एषां लोकानां समारोहायेति
tad āhū rathantaram eva prathame tṛce syād vāmadevyaṃ dvitīye bṛhat tṛtīya eṣāṃ lokānāṃ samārohāyeti
Sanskrit only: no published translation is held for this verse.
इमे वै लोका एतानि सामानि
ime vai lokā etāni sāmāni
Sanskrit only: no published translation is held for this verse.
अयम् एव लोको रथन्तरम् अन्तरिक्षं वामदेव्यम् असाव् एव बृहत्
ayam eva loko rathantaram antarikṣaṃ vāmadevyam asāv eva bṛhat
Sanskrit only: no published translation is held for this verse.
तस्माद् एवम् एव कार्यम् एषां लोकाणां समारोहायेति
tasmād evam eva kāryam eṣāṃ lokāṇāṃ samārohāyeti
Sanskrit only: no published translation is held for this verse.
प्राणव्यानोदाना ह खलु वा एतानि सामानि
prāṇavyānodānā ha khalu vā etāni sāmāni
Sanskrit only: no published translation is held for this verse.
प्राण एव रथन्तरं व्यानो वामदेव्यम् उदानो बृहत्
prāṇa eva rathantaraṃ vyāno vāmadevyam udāno bṛhat
Sanskrit only: no published translation is held for this verse.
तस्माद् एवम् एव कार्यं प्राणव्यानोदानानां संतत्या अव्यवच्छेदायेति
tasmād evam eva kāryaṃ prāṇavyānodānānāṃ saṃtatyā avyavacchedāyeti
Sanskrit only: no published translation is held for this verse.
अथ यः कामयेत प्रजा मच्छ्रेयसी स्याद् इति रथन्तरम् एव प्रथमे तृचे कुर्याद् वामदेव्यम् उत्तरयोः
atha yaḥ kāmayeta prajā macchreyasī syād iti rathantaram eva prathame tṛce kuryād vāmadevyam uttarayoḥ
Sanskrit only: no published translation is held for this verse.
प्रजापतिर् वै वामदेव्यम्
prajāpatir vai vāmadevyam
Sanskrit only: no published translation is held for this verse.
प्रजापतिम् एव तत् स्वरम् अन्तत उपयन्ति प्रजननाय
prajāpatim eva tat svaram antata upayanti prajananāya
Sanskrit only: no published translation is held for this verse.
बृहता श्रीकामः स्वर्गकामः स्तुवीत
bṛhatā śrīkāmaḥ svargakāmaḥ stuvīta
Sanskrit only: no published translation is held for this verse.
श्रीर् वै स्वर्गो लोकः
śrīr vai svargo lokaḥ
Sanskrit only: no published translation is held for this verse.
बृहद् अश्नुते श्रियं गच्छति स्वर्गं लोकं य एवं वेद
bṛhad aśnute śriyaṃ gacchati svargaṃ lokaṃ ya evaṃ veda
Sanskrit only: no published translation is held for this verse.
अथो ह भ्रातृव्यलोकम् एव नावजहाति
atho ha bhrātṛvyalokam eva nāvajahāti
Sanskrit only: no published translation is held for this verse.
भ्रातृव्यभाजनम् इव ह्य् एषा यद् रात्री
bhrātṛvyabhājanam iva hy eṣā yad rātrī
Sanskrit only: no published translation is held for this verse.
रथन्तरेण प्रतिष्ठाकामः स्तुवीत
rathantareṇa pratiṣṭhākāmaḥ stuvīta
Sanskrit only: no published translation is held for this verse.
प्रतिष्ठा वै रथन्तरम्
pratiṣṭhā vai rathantaram
Sanskrit only: no published translation is held for this verse.
प्रत्य् एव तिष्ठति
praty eva tiṣṭhati
Sanskrit only: no published translation is held for this verse.
गायत्रीषु संधिना ब्रह्मवर्चसकामः स्तुवीत
gāyatrīṣu saṃdhinā brahmavarcasakāmaḥ stuvīta
Sanskrit only: no published translation is held for this verse.
ब्रह्म वै गायत्री
brahma vai gāyatrī
Sanskrit only: no published translation is held for this verse.
ब्रह्मवर्चस्य् एव भवति
brahmavarcasy eva bhavati
Sanskrit only: no published translation is held for this verse.
ककुप्सु पुरुषकामः
kakupsu puruṣakāmaḥ
Sanskrit only: no published translation is held for this verse.
पुरुषो वै ककुप्
puruṣo vai kakup
Sanskrit only: no published translation is held for this verse.
पुरुषवान् एव भवति
puruṣavān eva bhavati
Sanskrit only: no published translation is held for this verse.
उष्णिक्षु पशुकामः
uṣṇikṣu paśukāmaḥ
Sanskrit only: no published translation is held for this verse.
पशवो वा उष्णिक्
paśavo vā uṣṇik
Sanskrit only: no published translation is held for this verse.
पशुमान् एव भवति
paśumān eva bhavati
Sanskrit only: no published translation is held for this verse.
विराट्स्व् अन्नाद्यकामः
virāṭsv annādyakāmaḥ
Sanskrit only: no published translation is held for this verse.
अन्नं वै विराट्
annaṃ vai virāṭ
Sanskrit only: no published translation is held for this verse.
अन्नाद एव भवति
annāda eva bhavati
Sanskrit only: no published translation is held for this verse.
अनुष्टुप्सु प्रतिष्ठाकामः
anuṣṭupsu pratiṣṭhākāmaḥ
Sanskrit only: no published translation is held for this verse.
प्रतिष्ठा वा अनुष्टुप्
pratiṣṭhā vā anuṣṭup
Sanskrit only: no published translation is held for this verse.
प्रत्य् एव तिष्ठति
praty eva tiṣṭhati
Sanskrit only: no published translation is held for this verse.
पङ्क्तिषु यज्ञकामो यः कामयेत पुनर् मा यज्ञ उपनमेद् इति
paṅktiṣu yajñakāmo yaḥ kāmayeta punar mā yajña upanamed iti
Sanskrit only: no published translation is held for this verse.
यज्ञो वै पङ्क्तिः
yajño vai paṅktiḥ
Sanskrit only: no published translation is held for this verse.
पुनर् एवैनं यज्ञ उपनमति
punar evainaṃ yajña upanamati
Sanskrit only: no published translation is held for this verse.
त्रिष्टुप्स्व् ओजस्कामो वीर्यकामः
triṣṭupsv ojaskāmo vīryakāmaḥ
Sanskrit only: no published translation is held for this verse.
ओजो वै वीर्यं त्रिष्टुप्
ojo vai vīryaṃ triṣṭup
Sanskrit only: no published translation is held for this verse.
ओजस्व्य् एव वीर्यवान् भवति
ojasvy eva vīryavān bhavati
Sanskrit only: no published translation is held for this verse.
जगतीषु पशुकामः
jagatīṣu paśukāmaḥ
Sanskrit only: no published translation is held for this verse.
पशवो वै जगती
paśavo vai jagatī
Sanskrit only: no published translation is held for this verse.
पशुमान् एव भवति
paśumān eva bhavati
Sanskrit only: no published translation is held for this verse.
तद् आहुर् एकस्मिन् वावैतस्य छन्दस्य् एकस्मिन् कामे स्तुतं भवति य एवं स्तुते
tad āhur ekasmin vāvaitasya chandasy ekasmin kāme stutaṃ bhavati ya evaṃ stute
Sanskrit only: no published translation is held for this verse.
अथैतस्य सर्वेषु छन्दस्सु सर्वेषु कामेषु स्तुतं भवति यो बृहतीषु स्तुते
athaitasya sarveṣu chandassu sarveṣu kāmeṣu stutaṃ bhavati yo bṛhatīṣu stute
Sanskrit only: no published translation is held for this verse.
बृहतीं ह्य् एवैतानि सर्वाणि छन्दांस्य् अभिसंपद्यन्त इति
bṛhatīṃ hy evaitāni sarvāṇi chandāṃsy abhisaṃpadyanta iti
Sanskrit only: no published translation is held for this verse.
गायत्री च जगती च ते द्वे बृहत्यौ
gāyatrī ca jagatī ca te dve bṛhatyau
Sanskrit only: no published translation is held for this verse.
उष्णिक् च त्रिष्टुप् च ते द्वे बृहत्यौ
uṣṇik ca triṣṭup ca te dve bṛhatyau
Sanskrit only: no published translation is held for this verse.
अनुष्टुप् च पङ्क्तिश् च ते द्वे बृहत्यौ
anuṣṭup ca paṅktiś ca te dve bṛhatyau
Sanskrit only: no published translation is held for this verse.
बृहत्य् एव बृहती
bṛhaty eva bṛhatī
Sanskrit only: no published translation is held for this verse.
तस्माद् बृहतीष्व् एव स्तोतव्यम् एतेषां सर्वेषां छन्दसां सर्वेषां कामानाम् उपाप्त्यै
tasmād bṛhatīṣv eva stotavyam eteṣāṃ sarveṣāṃ chandasāṃ sarveṣāṃ kāmānām upāptyai
Sanskrit only: no published translation is held for this verse.